Sport

Zvicra pa Granit Xhakën në dy miqësoret e marsit

Published

on

Kapiteni i kombëtares zvicerane, Granit Xhaka, me shumë gjasa nuk do të jetë pjesë e ekipit në miqësoret e muajit mars kundër Irlandës së Veriut dhe Luksemburgut.

Sipas mediave zvicerane, mesfushori 32-vjeçar ka marrë leje nga përzgjedhësi Murat Yakin, pasi së shpejti pritet të bëhet baba për herë të tretë. Kjo do të jetë hera e parë pas më shumë se tre vitesh që Xhaka nuk do të jetë në dispozicion të përfaqësueses së tij, përveç rasteve të detyruara nga lëndimet apo pezullimet.

Zvicra do të grumbullohet më 17 mars, ndërsa ndeshjet miqësore janë të planifikuara më 21 mars kundër Irlandës së Veriut dhe më 25 mars ndaj Luksemburgut.

Sipas gazetës zvicerane “Blick”, pushimi i akorduar për Xhakën është një vendim i kuptueshëm, pasi ai ka luajtur një numër të madh ndeshjesh këtë sezon. “Pushimi do t’i bëjë mirë lojtarit që mban rekordin për paraqitje te Zvicra, pasi ai ka luajtur 39 ndeshje që nga mesi i gushtit, shumicën e tyre për 90 minuta”, shkruan gazeta.

E vetmja ndeshje që Xhaka ka humbur gjatë kësaj periudhe ka qenë ajo kundër Spanjës në Ligën e Kombeve, për shkak të një pezullimi. Ndërkohë, hera e fundit që ai nuk ishte në listën e Zvicrës për arsye personale apo lëndimi daton në vjeshtën e vitit 2021, kur kishte pësuar një dëmtim në ligamentet e gjurit.

Deri më tani, Xhaka ka regjistruar 135 paraqitje me kombëtaren zvicerane, duke shënuar 14 gola. Ai mbetet një nga lojtarët më të rëndësishëm të ekipit dhe një figurë kyçe edhe te Bayer Leverkusen, skuadër me të cilën po kalon një sezon të shkëlqyer në Bundesligën gjermane.

Pavarësisht mungesës së tij në miqësoret e marsit, Xhaka pritet të jetë plotësisht i gatshëm për Kampionatin Evropian 2025, ku Zvicra synon të bëjë një paraqitje dinjitoze./UBTNews/

 

Lajmet

​Fitore e madhe për Suharekën

Published

on

By

Suhareka ka shënuar fitore të rëndësishme në luftën për mbijetesë në Albi Mall Superligën e Kosovës. Kjo skuadër triumfoi me rezultat 2:1 ndaj Feronikelit 74, në ndeshjen e fundit të xhiros së 24-t që u zhvillua në stadiumin e qytetit në Suharekë.

Eneid Kodra ishte ai që hapi serinë e golave, duke kaluar Suharekën në epërsi që në minutën e 15-të. Skuadra vendase e gjeti golin edhe në pjesën e dytë, kur Liridon Fetahaj shënoi në minutën e 59-të, duke i dhënë qetësi ekipit të tij.

Ndërkaq, golin e nderit për Feronikelin 74 e shënoi Lavdim Zumberi, për rezultatin përfundimtar 2:1.

Me këtë fitore, Suhareka është ngritur nga pozita e parafundit në vendin e tetë me 29 pikë, duke e rritur shpresën për mbijetesë. Llapi tashmë ka zbritur në pozitën e nëntë me 26 pikë, ndërsa Feronikeli 74 vazhdon ta mbajë vendin e fundit me 13 pikë.

Continue Reading

Sport

​Miratohet projekti i FFK-së në HatTrick, Kampi Nacional me 14,000 ulëse

Published

on

By

Në Prishtinë u mbajt mbledhja e Komitetit HatTrick të UEFA-s. Gjatë kësaj mbledhjeje janë diskutuar dhe miratuar 22 projekte.

“Në këtë mbledhje u miratua projekti i FFK-së, i cili do ta shndërrojë Kampin Nacional të FFK-së në Hajvali në një stadium të kategorisë së katërt. FFK ka siguruar mbështetje financiare për vendosjen e 14,000 ulëseve në këtë stadium, si faza e fundit e kompletimit të Shtëpisë së Kombëtares së Kosovës”, ka njoftuar Federata e Futbollit të Kosovës.

Continue Reading

Sport

​Suhareka-Feronikeli 74’, ndeshja e fundit e xhiros së 24 në Superligë

Published

on

By

Do të zhvillohet sot ndeshja e fundit e xhiros së 24 në Superligën e Kosovës në futboll ku do të ballafaqohen Suhareka me FeronikeliN 74’.

Këto dy skuadra e përmbyllin renditjen tabelare duke qenë kështu kandidatët kryesor për të rënë një rang më poshtë të garave në futbollin e Kosovës.

Feronikeli 74 ka vetëm 13 pikë në pozitën e 10-të, kurse Suhareka është në vendin e nëntë me 26 pikë.

Ndeshja do të zhvillohet nga ora 14:00.

Continue Reading

Sport

Hendboll/ Kosova zhvillon sot përballjen vendimtare me Ukrainën

Published

on

By

Kombëtarja e Kosovës në Hendboll do të zhvillojë sonte në mbrëmje ndeshjen vendimtare për kualifikim në Kampionatin Evropian ‘Euro 2026”.

“Dardanët” e presin në Prishtinë Kombëtaren e Ukrainës, sfidë e cila nis nga ora 20:15 në Pallatin e Rinisë dhe të Sporteve.

Gjatë katër ditëve të fundit, djelmoshat e Kosovës janë stërvitur intenzivisht nën urdhrat e trajneri Bujar Qerimi i cili është optimistë për sukses në ballafaqim me ukrainasit. Ai shprehet i bindur se fitorja do të mbetet në Prishtinë.

“Qëllimi ynë është fitorja. Pikën që e kemi fituar me Holandën është e vlefshme në rastin e fitores, po mendoj në bindjen e plotë që duhet ne të fitojmë sepse e meritojmë dhe kemi kualitetin, jo për diçka tjetër por kualiteti është dhe mundësitë. Rivaliteti përafërsisht jemi njëjtë, pa e nënçmuar Ukrainën sepse edhe ata kanë lojtarë jashtëzakonisht shumë të mirë por besoj që fitorja do të mbetet në Prishtinë”, ka thënë Qerimi.

Në grup me Kosovën është edhe Kombëtarja e Holandës, ndaj së cilës Kosova mori një pikë nga ballafaqimi me ta.

Continue Reading

Të kërkuara