Lajmet

ZPS për dëshmitarin e 91-të: U keqtrajtua nga pjesëtarët e UÇK-së dhe pa keqtrajtimin e një viktime të vrasjes

Published

2 years ago

on

Në Dhomat e Specializuara të Kosovës (DhSK) në Hagë, të enjten ka filluar dëshminë dëshmitari i 91-të i Zyrës së Prokurorit të Specializuar (ZPS), i cili mban kodin W04669 në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit.

Ky dëshmitar është me masa mbrojtëse dhe pyetjet për atë në seancë private i ka filluar prokurori Cezary Mihailzcuk. Sipas përmbledhjes së lexuar nga prokurori, ky dëshmitar më 1999 ishte arrestuar nga pjesëtarët UÇK-së, ku edhe ishte keqtrajtuar. Po ashtu, theksoi se kishte parë keqtrajtimin e një viktime të vrasjes.

“Në vitin 1999 dëshmitari 04669 është arrestuar na disa pjesëtarë të UÇK-së dhe është dërguar në një kompleks të UÇK-së. Atje, dëshmitari 04669 është keqtrajtuar, është marrë në pyetje dhe është mbajtur në kushte çnjerëzore. Ai, gjithashtu ka parë me sytë e vet keqtrajtimin e një viktime vrasjeje dhe ka dëgjuar rrahjet e disa personave të tjerë të mbajtur të ndaluar bashkë me atë”, tha prokurori, duke kërkuar më pas seancë private për pyetjet e radhës.

Sipas kryetarit të trupit gjykues, Charles Smith III, dëshmia e këtij dëshmitari pritet të zgjasë rreth një ditë. Nga kjo kohë, një orë janë paraparë për pyetjet e ZPS-së, ndërsa mesatarisht rreth dy orë për ekipet mbrojtëse.

Gjithashtu, Smith III tha se pyetje për dëshmitarin do të ketë edhe mbrojtësi i viktimave. Pas ZPS-së dhe mbrojtësit të viktimave, mbrojtja e Jakup Krasniqit përmes avokates, Shyamala Alagendra tha se ata do të jenë të parët që të do të fillojnë me pyetje.

Në këtë seancë, të gjithë të akuzuarit janë prezent në sallën e gjyqit, përveç Hashim Thaçit, i cili po e përcjellë përmes video-lidhjes. Gjithashtu, virtualisht është prezent edhe gjyqtari Fergal Gaynor.

Smith gjithashtu tregoi se ka ndryshime edhe në orarin e sotëm të seancës. Ai tha se pushimin e drekës do ta bëjnë në orën 13:00 deri në orën 14:00 për të vazhduar më pas me seancën e dytë deri në ora 15:00, gjithnjë me 45 minuta vonesë në transmetim.

Ndryshe, Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.

Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.

Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor

Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020./BetimipërDrejtësi

Related Topics:
Continue Reading

Lajmet

Sulm me thikë ndaj xhandarit të Ambasadës së Izraelit në Beograd, Daçiq e cilëson akt terrorist

Published

13 minutes ago

on

October 28, 2026

By

Një pjesëtar i Xhandarmërisë serbe që ruante Ambasadën e Izraelit në Beograd është sulmuar me dy thika gjatë mesnatës. Sulmuesi u qëllua për mort nga polici në vetëmbrojtje, ndërsa Ministri i Brendshëm i Serbisë, Ivica Daçiq, e ka cilësuar ngjarjen si sulm terrorist.

Ngjarja ndodhi rreth orës 00:15 në lagjen Dedinje. Sipas Daçiqit, i dyshuari — që dyshohet të jetë një 15-vjeçar nga Shabaci — ka bërtitur “Allahu Akbar” gjatë sulmit. Polici ka pësuar lëndime të lehta në fytyrë dhe ndodhet jashtë rrezikut për jetën.

Autoritetet serbe dyshojnë se sulmuesi ishte mbështetës i organizatës terroriste ISIS, duke u bazuar në simbolet e gjetura në rrjetet e tij sociale. Pas këtij incidenti, Serbia ka ngritur nivelin e kërcënimit terrorist në “të kuq”, me prani të shtuar policore në vendet publike dhe objektet strategjike.

Ky është incidenti i dytë i këtij lloji pranë kësaj ambasade, pas sulmit me hark ndaj një tjetër pjesëtari të Xhandarmërisë në qershor të vitit 2024. /E.A/

Continue Reading

Lajmet

Kurti kritikon sistemin e drejtësisë pas vrasjes në Pejë: Kërkon raport urgjent për lëshimet institucionale

Published

26 minutes ago

on

October 28, 2026

By

Kryeministri i Kosovës, Albin Kurti, ka reaguar ashpër ndaj sistemit të drejtësisë në vend pas vrasjes së Arlinda Zekajt në Vitomiricë të Pejës, duke e cilësuar ngjarjen si rrjedhojë të një zinxhiri lëshimesh institucionale.

Gjatë mbledhjes së Qeverisë, Kurti bëri të ditur se ka kërkuar nga Ministria e Drejtësisë dhe ajo e Punëve të Brendshme një raport të detajuar për dështimet e mundshme të hallkave të sigurisë dhe drejtësisë. Raportet duhet të dorëzohen deri nesër në orën 18:00 dhe do të bëhen publike.

“Secila vrasje është e rëndë, por ajo rëndohet edhe më shumë kur qartazi shihet se ka pasur një zinxhir sistemor lëshimesh nga institucionet përgjegjëse. Një vrasje me të tilla paralajmërime që nuk morën përgjigje, nuk kishte se si të përfundonte ndryshe,” deklaroi kryeministri.

Kurti gjithashtu kritikoi sistemin gjyqësor, duke theksuar se reformimi dhe “drejtimi i drejtësisë” në Kosovë është bërë një urgjencë kombëtare. Sipas tij, drejtësia në vend shpesh ka anuar nga më i fuqishmi në vend që të mbrojë të dobëtin.

Ndërkohë, mbrojtja e viktimave nga dhuna në familje ka qenë pjesë e takimeve urgjente të thirrura nga Ministria e Drejtësisë me institucionet përkatëse të sigurisë, ndërsa i dyshuari për vrasjen tashmë është arrestuar nga Policia e Kosovës./E.A/

Continue Reading

Lajmet

IHMK: Mot me diell, vranësira dhe mjegull në mëngjes

Published

43 minutes ago

on

October 28, 2026

By

Sot mbi vendin tonë do të mbajë mot me diell dhe vranësira të shpërndara, ndërsa në orët e para të mëngjesit parashikohet të ketë mjegull.

Sipas Institutit Hidrometeorologjik të Kosovës (IHMK), temperaturat minimale do të lëvizin nga 0 deri në 3 gradë Celsius, ndërsa ato maksimale të ditës pritet të arrijnë nga 10 deri në 13 gradë Celsius. /E.A/

Continue Reading

Lajmet

United Hospital – Ekspertizë mjekësore, teknologji moderne dhe standarde të avancuara në gastroenterologji

Published

49 minutes ago

on

October 28, 2026

By

Në United Hospital, kujdesi për shëndetin e traktit digjestiv mbështetet në ekspertizën profesionale, diagnostikimin e saktë dhe përdorimin e teknologjisë moderne, me synim ofrimin e shërbimeve mjekësore cilësore dhe trajtimit në përputhje me protokollet bashkëkohore mjekësore.

Si një nga institucionet më të mëdha private shëndetësore në Kosovë, United Hospital investon në zhvillimin e vazhdueshëm të shërbimeve, pajisjeve moderne dhe përvojës së pacientit, duke synuar standarde të avancuara të kujdesit shëndetësor, në përputhje me praktikat e njohura evropiane.

Sipas, Dr. Valon Hamza, specialist i gastroenterologjisë në United Hospital, Departamenti i Gastroenterologjisë, ofron një gamë të gjerë shërbimesh, duke përfshirë:

Vizita specialistike gastrohepatologjike, për vlerësimin e sëmundjeve të sistemit tretës dhe të mëlçisë.

Ekografi të abdomenit, për ekzaminimin dhe vlerësimin e organeve të brendshme.

Endoskopi të traktit digjestiv, përmes gastroskopisë dhe kolonoskopisë, për diagnostikimin e ndryshimeve dhe sëmundjeve të traktit tretës.

Përtej diagnostikimit, metodat endoskopike mundësojnë edhe ndërhyrje terapeutike, sipas indikacionit mjekësor, si polipektomia për largimin e polipeve, trajtimi endoskopik i gjakderdhjeve të brendshme dhe marrja e mostrave për biopsi, të cilat ndihmojnë në përcaktimin e diagnozës.

Diagnostikimi në kohë është një hap i rëndësishëm drejt trajtimit të duhur. Simptomat e vazhdueshme të sistemit tretës nuk duhen neglizhuar, ndërsa kontrollet dhe ekzaminimet e rekomanduara nga mjeku mund të ndihmojnë në zbulimin e hershëm të shumë sëmundjeve.

Në United Hospital, ekspertiza profesionale dhe teknologjia moderne bashkohen për t’i ofruar pacientit kujdes të përgjegjshëm, vlerësim të individualizuar dhe qasje bashkëkohore në diagnostikim e trajtim.

United Hospital – kujdes i avancuar shëndetësor, me fokus te pacienti dhe mirëqenia e tij.

📞 Rezervoni konsultën tuaj: 038 60 70 70 | 046 60 70 70

📍 M2, Prishtinë–Ferizaj, km 7, Prishtinë, Kosovë

Continue Reading

Të kërkuara