Lexoni pesë kuriozitete. Mund të mos i keni ditur:

1. Polet e Tokës po lëvizin. Ky përmbysje magnetike e Polit të Veriut dhe të Jugut ka ndodhur 171 herë në 71 milion vitet e fundit. Na është vonuar një përmbysje. Mund të ndodhë së shpejti, pasi Poli i Veriut po lëviz me rreth 55 kilometra në vit, një rritje krahasuar me 15 km në vit deri në vitin 1990.

2. Në të vërtetë mund të vdesësh duke qeshur. Dhe një numër njerëzish e kanë bërë këtë, zakonisht për shkak të të qeshurave intensive që shkaktojnë atak në zemër ose mbytje. Shfaqjet komike duhet të vijnë me një paralajmërim.

3. Sharra me zinxhir u shpik për herë të parë për lindjen e fëmijëve. U zhvillua në Skoci në fund të shekullit të 18-të për të ndihmuar dhe përshpejtuar procesin e simfiziotomisë (zgjerimi i kërcit pubik) dhe heqjen e kockave të ngarkuara me sëmundje gjatë lindjes. Vetëm në fillim të shekullit të 20-të filluam të përdorim sharra me zinxhir për prerjen e druve.

4.Milingonat nuk kanë mushkëri. Në vend të kësaj, ato marrin frymë përmes spirakulave, nëntë ose dhjetë hapjeve të vogla, varësisht nga speciet.

5.Në fakt, nuk e humbni pjesën më të madhe të nxehtësisë përmes kokës. Fytyra, koka dhe gjoksi juaj janë më të ndjeshëm ndaj ndryshimeve të temperaturës,        por ky mit nuk është plotësisht i vërtetë. Në realitet, mbulimi i çdo pjese të trupit ndihmon në parandalimin e humbjes së nxehtësisë në të njëjtën mënyrë.

Tre raste të armëmbajtjes pa leje janë raportuar më 16 gusht në Gllogoc, Podujevë dhe Ferizaj.

Në fshatin Gllobar të Gllogocit, një person është arrestuar pasi dyshohet se gjatë një ahengu ka shtënë me armë zjarri. Policia ka sekuestruar një pistoletë me gaz dhe tetë gëzhoja. Me vendim të prokurorit, i dyshuari është liruar dhe rasti do të procedohet në procedurë të rregullt.

Një rast i ngjashëm është raportuar edhe në fshatin Bradash të Podujevës. Një person është shoqëruar në stacionin policor pasi dyshohet se ka shtënë me armë gjatë një ahengu. Në këtë rast janë sekuestruar një pistoletë me gaz, pesë fishekë dhe shtatë gëzhoja. Edhe ky person është liruar me vendim të prokurorit, ndërsa rasti vazhdon në procedurë të rregullt.

Ndërkaq, në fshatin Nerodime e Poshtme të Ferizajt, një person është arrestuar pasi dyshohet se kishte kanosur një person tjetër. Gjatë kontrollit në shtëpi është gjetur dhe sekuestruar një armë zjarri gjysmëautomatike, e cila dyshohet se i përket babait të të dyshuarit./A.K/

Një aksident i rëndë trafiku ka ndodhur mbrëmjen e 16 gushtit në rrugën “Ibrahim Mazreku” në Malishevë, ku një vozitës ka goditur katër vetura dhe më pas një zyrtar policor.

Sipas Policisë së Kosovës, aksidenti ka ndodhur rreth orës 20:20, ndërsa dyshohet se shkak ka qenë shpejtësia e madhe.

Si pasojë e aksidentit, zyrtari policor, i cili në atë moment ishte duke rregulluar komunikacionin, ka pësuar lëndime të rënda trupore. Ndërkohë, edhe pesë persona të tjerë kanë pranuar tretman mjekësor.

Vozitësi i dyshuar është arrestuar dhe, me vendim të prokurorit, është dërguar në mbajtje./A.K/

Dy persona kanë humbur jetën në një aksident të rëndë trafiku që ka ndodhur mbrëmë në fshatin Surkish të Podujevës.

Sipas Policisë së Kosovës, aksidenti ka ndodhur rreth orës 22:30, kur një veturë me targa të huaja, e drejtuar nga një shtetas kosovar, ka goditur një veturë tjetër.

Si pasojë e aksidentit, drejtuesi dhe pasagjeri që ndodheshin në veturën me targa të huaja kanë humbur jetën.

Vozitësi i veturës tjetër ka marrë tretman mjekësor, ndërsa me vendim të prokurorit është dërguar në mbajtje.

Trupat e pajetë të dy viktimave janë dërguar në Institutin e Mjekësisë Ligjore (IML) për obduksion. Rasti po hetohet nga autoritetet./A.K/