Lajmet

Zogiani: Po krijojmë mundësi për reduktimin e përdorimit të qymyrit

Më pak se një muaj ka mbetur prej kur fillon ngrohja termike në kryeqytet.

Published

3 years ago

September 21, 2023

UBT news

Më pak se një muaj ka mbetur prej kur fillon ngrohja termike në kryeqytet, me ç’rast krijohet një kaos sa i përket ndotjes së madhe të ajrit nga termocentralet, për çkazëvendësministri i Ministrisë së Mjedisit, Planifikimit Hapësinor dhe Infrastrukturës, Avni Zogiani, tha se po punojnë në krijimin e një mundësie për reduktimin e përdorimit të qymyrit.

Zogiani tha se do të krijohet një mundësi për reduktimin e përdorimit të qymyrit.

“Qeveria e Kosovës ka hapur pa fund thirrje dhe ankande për instalimin e plantazheve të solarëve dhe atyre me erë. Pak a shumë kjo është në atë drejtim duke çuar zëvendësimin e prodhimit të energjisë me fosile me energjinë e ripërtëritshme, e cila po ndodhë përditë, nuk ndodhë përnjëherë, është shumë e vështirë. Në vazhdojmë të kemi një varshmëri shumë të madhe nga qymyri, me politikat e tilla çfarë po krijon qeveria, eventualisht do të krijohet një mundësi për reduktimin e përdorimit të qymyrit”, tha Zogiani.

Përveç kësaj, i pyetur se çfarë masash ka marrë kjo ministri sa i përket hidrocentraleve, Zogiani tha se kanë plane se si do të përdoren ujërat derisa shtoi se nuk duhet përdorur ujërat me qëllim primar për krijimin e energjisë elektrike, por për ujë të pijshëm.

“Shumica e tyre “hidrocentraleve” kanë kaluar nëpër procedura të lejeve, pëlqimeve etj. Ju e dini, ne kemi qenë të zëshëm që hidrocentralet, përkatësisht përdorim i ujërave të mos bëhet në mënyrë të tillë kaotike siç është bërë. duhet të bëhet me një plan për ujërat. Qeveria do të ketë plan për ujërat në mënyrë që pastaj të krijon idenë se si të përdoret ato ujëra. Kosova nuk duhet t’i përdor ujërat, me qëllim primar prodhimin e energjisë, por ashtu siç e ka edhe ligji, qëllimi primar i përdorimit të ujërave do të jetë uji i pijshëm. Pastaj vjen agrikultura, e tek në fund përdorimi komercial i ujërave. Fatkeqësisht kjo nuk ka qenë kështu. Por, ne prej se kemi nuk kemi lejuar të tilla projekte të cilat nuk kanë qenë me plan”, tha Zogiani.

Ndërkaq, lidhur me atë se sa janë përgatitur komunat me hartat zonale, zëvendësministri Zogiani potencoi se në Istog është duke u përgatitur vendi për një plantazh të madh të solarëve, derisa shtoi se në disa vende është bërë edhe hapja e energjisë me erë.

“Në vazhdimësi ka aplikime, ka verifikime nga komisionet përgjegjëse të ministrisë. Aktualisht, është duke u përgatitur situata për një plantazh të madh të solarëve në Istog. Është hapur tashmë një ankand për hapësirat e KEK-ut, kudo të instalohet mbase 100 megavat, kështu disa vetëm janë në funksion tashmë. E keni parë që ka pasur edhe vende ku është bërë edhe hapja e energjisë me erë. Ka plot masa, dhe veprime të qeverisë që qojnë nga reduktim i varësisë nga qymyri”, tha Zogiani.

Kosova A dhe Kosova B prodhojnë mbi 90% të energjisë elektrike në Kosovë dhe zakonisht vlerësohen si termocentralet më ndotëse në Evropë, sipas raportit në uebfaqen e CEE Bankwatch Network.

Vendi

Pas zgjedhjeve, Kurti udhëton në Austri: Do të takojë kancelarin Stocker

Published

4 hours ago

June 8, 2026

UBTNews

Kryeministri në detyrë i Republikës së Kosovës, Albin Kurti, sot ka udhëtuar për një vizitë zyrtare në Austri, vetëm një ditë pas përfundimit të procesit zgjedhor në Kosovë.

Sipas njoftimit zyrtar nga Zyra e Kryeministrit, gjatë kësaj vizite dyditore, kreu i qeverisë në detyrë do të zhvillojë takime të rëndësishme të nivelit të lartë shtetëror dhe ekonomik. Ndër të tjera, ai do të pritet në takim nga Kancelari i Republikës Federale të Austrisë, Christian Stocker, si dhe do të marrë pjesë në punimet e Forumit Ekonomik të Vjenës (Vienna Economic Forum).

Ky udhëtim zyrtar i Kurtit zhvillohet pikërisht në kohën kur në Kosovë sapo është përmbyllur procesi i numërimit të votave.

Komisioni Qendror i Zgjedhjeve (KQZ) tashmë ka përfunduar 100% numërimin e kutive të votimit (2,498 nga 2,498 vendvotime), duke nxjerrë rezultatet preliminare të zgjedhjeve të parakohshme parlamentare.

Sipas të dhënave përfundimtare të kësaj faze nga KQZ, Lëvizja Vetëvendosje (LVV) ka dalë forca e parë politike në vend duke siguruar 42,91% të votave (299,152 vota). Pas saj renditet Partia Demokratike e Kosovës (PDK) me 21,12% (147,220 vota), e ndjekur nga Lidhja Demokratike e Kosovës (LDK) me 17,58% (122,575 vota). Aleanca për Ardhmërinë e Kosovës (AAK) ka grumbulluar 7,16% të votave, ndërsa Lista Serbe ka marrë 6,18%. Në këto zgjedhje, pjesëmarrja e përgjithshme e qytetarëve me të drejtë vote arriti në 37,05%, teksa rezultatet pritet të certifikohen pasi të përmbyllen procedurat e numërimit të votave të diasporës dhe ato me postë.

Lajmet

Liqeni i Shkodrës përfshihet në UNESCO

Published

4 hours ago

June 8, 2026

UBTNews

Një lajm i rëndësishëm ka ardhur për trashëgiminë natyrore të Shqipërisë, me përfshirjen zyrtare të Liqenit të Shkodrës nga UNESCO në Rrjetin Botëror të Rezervave të Biosferës. Ky vendim shënon një hap të rëndësishëm për mbrojtjen dhe promovimin ndërkombëtar të kësaj pasurie të jashtëzakonshme natyrore.

Këtë arritje e ka ndarë me publikun edhe kryeministri i Shqipërisë, Edi Rama, i cili përmes një mesazhi u shpreh se ky është një sukses i angazhimit institucional dhe diplomatik të vendit.

“Me kënaqesinë e një tjetër lajmi të bukur për Shqipërinë e Gjelbër dhe trashëgiminë tonë natyrore, futjen e Liqenit të Shkodrës nga UNESCO në Rrjetin Botëror të Rezervave të Biosferës, rezultat i punës sonë diplomatike po edhe i kujdesit me përgjegjësi për këtë pasuri shqiptare që i shtohet thesareve të botës së mbrojtur nga UNESCO, ju uroj një javë të mbarë”, ka njoftuar Rama.

Vendi

Përzgjidhet projekti fitues për Memorialin e Adem Jasharit në Prishtinë, “Zâni i Lirisë” merr vendin e parë

Published

5 hours ago

June 8, 2026

UBT News

Kryetari i Komunës së Prishtinës, Përparim Rama, ka njoftuar se është përzgjedhur projekti fitues për “Memorialin Përkujtimor Adem Jashari”, ku vendin e parë e ka zënë koncepti “Zâni i Lirisë”.

Sipas Ramës, projekti fitues është përzgjedhur nga komisioni profesional vlerësues dhe do të realizohet në kryeqytet, duke bartur peshën historike, kombëtare dhe emocionale që përfaqëson figura e Adem Jasharit dhe familjes Jashari.

“Zâni i Lirisë” synon të jetë më shumë se një monument përkujtimor. Koncepti është menduar si simbol i sakrificës së familjes Jashari dhe të gjithë dëshmorëve që dhanë jetën për lirinë e Kosovës.

I frymëzuar nga fjalët e njohura të Adem Jasharit, memoriali do ta shndërrojë zërin e tij në një simbol të përhershëm të lirisë, duke ruajtur kujtesën historike dhe duke përcjellë mesazhin e sakrificës ndër breza.

Sipas Komunës së Prishtinës, memoriali do të jetë një hapësirë që do të nderojë figurën e Komandantit Legjendar dhe do të shërbejë si pikë referimi për kujtesën kolektive të qytetarëve.

Lajmet

Kaja Kallas: Kosova ka nevojë urgjente për qeveri funksionale

Published

5 hours ago

June 8, 2026

UBTNews

Përfaqësuesja e Lartë e Bashkimit Evropian për Politikë të Jashtme dhe Siguri, Kaja Kallas, u ka bërë thirrje liderëve politikë në Kosovë që të angazhohen për formimin sa më të shpejtë të institucioneve të reja pas zgjedhjeve parlamentare.

Kallas theksoi se vendi ka nevojë për institucione funksionale që mund të çojnë përpara reformat e nevojshme dhe procesin e integrimit evropian. Ajo nënvizoi se tejkalimi i ngërçit politik është i domosdoshëm për stabilitetin institucional dhe përfitimin e Kosovës nga mbështetja e Bashkimit Evropian.

Deklarata e saj vjen në një periudhë kur skena politike në Kosovë po përballet me sfidën e krijimit të shumicës parlamentare dhe formimit të qeverisë së re. Bashkimi Evropian ka përsëritur vazhdimisht se funksionalizimi i institucioneve është kusht kyç për avancimin e reformave dhe afrimin e vendit me strukturat evropiane.

Sipas Kallas, përgjegjësia për tejkalimin e dallimeve politike bie mbi partitë dhe liderët e vendit, të cilët duhet të gjejnë gjuhë të përbashkët në interes të qytetarëve dhe të ardhmes evropiane të Kosovës. Ajo vlerësoi se krijimi i shpejtë i institucioneve do të dërgonte një sinjal pozitiv për partnerët ndërkombëtarë dhe do të ndihmonte në zhbllokimin e proceseve të rëndësishme zhvillimore.

BE-ja ka shprehur gatishmërinë për të vazhduar mbështetjen ndaj Kosovës, por ka theksuar se përfitimi i plotë nga kjo mbështetje kërkon institucione të qëndrueshme dhe efektive që mund të zbatojnë reformat e kërkuara.