Lajmet

​Zjarri në IML, Haxhiu: S’e dija që mustaqet e Jasharit dhe gishti i Boletinit kanë qenë në zyrë

Ajo theksoi se të njëjtat nuk janë pronë e Institutit të Mjekësisë Ligjore, por të njëjtat pas lufte i janë dhuruar njërit nga ekspertët.

Publikuar

6 muaj më parë

më

Ministrja e Drejtësisë, Albulena Haxhiu deklaroi se nuk ka qenë në dijeni se mustaqet e Adem Jasharit dhe gishti i Isa Boletinit kanë qenë në zyrën e një eksperti të mjekësisë ligjore. Ajo theksoi se të njëjtat nuk janë pronë e Institutit të Mjekësisë Ligjore, por të njëjtat pas lufte i janë dhuruar njërit nga ekspertët.

Ajo i është përgjigjur edhe akuzave të shefit të Grupit Parlamentar të PDK-së, Abelard Tahiri, i cili kërkoi përgjegjësi pas rastit të zjarrit në këtë institut. Haxhiu theksoi se të njëjtit duhet t’i vije turp kur të flas.

“Me qenë si ti, mua më kishte ardhur turp të flas, sepse ke qenë ministër i Drejtësisë dhe na thuaj këtu se cili ka qenë veprimi ndonjëherë i yti për të adresuar problemet të cilat i ke pasur në IML. As edhe një të vetëm, asnjëherë. Sepse nuk e ke pasur interesin me i rregullua problemet që janë në institucione, me i adresu reformat në institucione. Keq ma ke lënë IML-në, keq ma ke lënë Shërbimin Korrektues, që janë dy institucione të ndjeshme. Prandaj, nëse s’ke bërë asgjë si ministër i Drejtësisë, tashmë të paktën mundesh me hesht. Ose nëse nuk hesht mos me tentu me hedh këtu hi para deputetëve të Kuvendit, rrjedhimisht edhe qytetarëve të Kosovës”, tha ajo.

Në seancë plenare, Haxhiu shtoi se nuk ka pasur informacione se mustaqet e Adem Jasharit dhe gishti i Isa Boletinit ndodhet në zyrat e IML-së.

“Sa i përket mustaqeve dhe gishtit të Isa Boletinit, siç është përmendur në media, ato nuk kanë qenë pronë e Institutit të Mjekësisë Ligjore. Sepse Instituti i Mjekësisë Ligjore nuk ka të drejtë që të mbajë gjëra të tilla. Siç na është thënë në vitin 2000, familjet dhe Jashari ja kanë dhënë njërit prej ekspertëve të mjekësisë ligjore. Pra, familjet ja kanë dhënë atij dhe personi i ka mbajtur në zyre, po ta dija unë mendoj që do të duhej që ato t’i mbante shteti. Unë s’kam pasur informacione që kanë qenë në zyrën e njërit prej ekspertëve të mjekësisë ligjore”, u shpreh Haxhiu.

Ajo tha se nuk do ta bëjë drejtor të Institutit, dikë që ka pasur çelësin e vendit ku ruhen mostrat e Astrit Deharit.

“Nuk do ta bëjë drejtor dikë që ka pasur çelësin e vendit ku ruhen mostrat e Astrit Deharit. Pa folur drejtësia për këtë, në momentin kur flet drejtësia dhe të tregojë se kush është personi i përveçëm që i ka vjedhur mostrat e Astrit Deharit, atëherë sigurisht që do të vazhdojë me procedurën e përzgjedhjes së drejtorit të IML-së”, shtoi ajo.

Edhe më tej ka vijuar debati mes deputetit Abelard Tahiri dhe ministres Haxhiu. Kjo e fundit u shpreh se ai nuk ka integritet moral e as profesional.

“Unë nuk fyhem prej teje kurrë, mos mendo që mund të më fyesh ndonjëherë. Sepse ti nuk ke integritet as moral, as profesional dhe as politik që të më fyesh mua, që unë të ndjehem e fyer prej teje. Nuk po mundem të përmend edhe disa çështje të tjera sepse jemi në kuvend, prandaj edhe po i respektoj qytetarët e Republikës së Kosovës, por nëse mendon ose të shkon mendja që mund të fyhem prej teje, harroje se nuk do të ndodhë asnjëherë”, u shpreh ajo.

Etiketa
Vazhdo të lexosh

Lajmet

Rusia dhe Ukraina akuzojnë njëra-tjetrën për përdorimin e armëve kimike

Publikuar

16 minuta më parë

më

7 Maj, 2024

nga

Ukraina dhe Rusia kanë akuzuar njëra-tjetrën për përdorimin e toksinave të ndaluara në fushën e betejës.

Organizata për Ndalimin e Armëve Kimike (OPCW), e cila ndodhet në Hagë, tha se të gjitha akuzat janë “të pamjaftueshme” për t’u vërtetuar.

Sipas OPCW-së, situata është e paqëndrueshme dhe jashtëzakonisht shqetësuese në lidhje me rishfaqjen e mundshme të përdorimit të kimikateve toksike si armë”. Asnjëra palë nuk i ka kërkuar OPCW-së të hetojë përdorimin e supozuar të armëve kimike.

Javën e kaluar, Rusia mohoi akuzat nga SHBA se ka përdorur agjentin mbytës kloropicrin kundër trupave ukrainase dhe ka përdorur agjentë të kontrollit të trazirave “si një metodë lufte”.

Sipas Konventës për Armët Kimike, çdo kimikat toksik i përdorur me qëllim të dëmtimit ose vdekjes konsiderohet armë kimike./UBTNews/

Vazhdo të lexosh

Lajmet

Policia e Kosovës gjen kamera në një rrugë malore në kufirin lindor me Serbinë

Publikuar

1 orë më parë

më

7 Maj, 2024

nga

Policia e Kosovës tha se ka gjetur të hënën dy kamera me panele diellore në kufirin lindor me Serbinë, për të cila dyshon se ishin vendosur për vëzhgimin e rrugës nga kontrabandistë të dyshuar.

Në një njoftim për media të martën, Policia tha se kamerat ishin vendosur në një rrugë malore nga fshati Ranillug i Kosovës, në drejtim të fshatit Konçul të Serbisë.

Policia e ka ndaluar në vendin e ngjarjes një 30-vjeçar, me shtetësi të dyfishtë: kosovare dhe serbe, thuhet në njoftim.

“Në vendin e lartcekur, është ndaluar edhe automjeti me targa serbe me drejtues J. S., 30 vjeçar… I njëjti dyshohet se aty ka shkuar për t’u kujdesur për kamerën që veç e kishin marrë më herët njësitet policore”, thuhet në njoftim.

Me urdhër të prokurorit, ai është ndaluar për 48 orë, ndërsa automjeti i tij është sekuestrohet, sipas njoftimit.

Policia shtoi se i dyshuari e kishte përdorur “këtë automjet e kishte përdorur vetëm për kontrabandë të mallrave përmes rrugëve ilegale”.

Në korrik të vitit 2023, Qeveria e Kosovës mori vendim për ndalimin e importit të mallrave nga Serbia, për arsye “sigurie”, kur tre policë të Kosovës u arrestuan nga policia serbe.

Në dhjetor, Policia e Kosovës hoqi qindra kamera në komunat me shumicë serbe në veri të vendit.

Paraprakisht, ajo kishte hequr kamera edhe në Kllokot, Partesh dhe Ranillug – komuna me shumicë serbe në jug të Lumit Ibër./UBTNews/

Vazhdo të lexosh

Lajmet

Gjenden mbetje skeletore në ish-bazën e Hitlerit

Publikuar

1 orë më parë

më

7 Maj, 2024

nga

Prokurorët polakë kanë përfunduar hetimet mbi mbetjet skeletore që u gjetën në vendin ku diktatori gjerman, Adolf Hitler dhe liderë të tjerë nazistë kaluan kohën gjatë Luftës së Dytë Botërore.

Eshtrat u gjetën më 24 shkurt në Wolf’s Lair, e cila shërbeu si selia kryesore e Hitlerit për Frontin Lindor midis viteve 1941-44, kur Polonia u pushtua nga Gjermania. Ky zbulim ngjalli interes për të zbuluar identitetin e atyre të cilëve iu gjetën eshtrat, por hetimet dështuan për shkak të gjendjes së mbetjeve dhe kalimit të kohës.

Një zëdhënës i zyrës së prokurorit afër qytetit Ketrzyn, Daniel Brodowski, tha se zyrtarët policorë siguruan mbetjet pasi ato u gjetën nga një grup lokal, Latebra, i cili merret me gjurmimin e objekteve historike.

Një ekspert mjeko-ligjor i ka ekzaminuar nën mbikëqyrjen e prokurorisë, e cila po përpiqej të përcaktonte nëse kishte ndodhur vrasja nga pakujdesia. Brodowski njoftoi përmes një deklarate se hetimi u ndërpre në fund të marsit për shkak të mungesës së provave se ishte kryer një krim./UBTNews/

Vazhdo të lexosh

Lajmet

​Planifikim për atentat ndaj Zelenskyt, arrestohen dy zyrtarë ukrainas

Publikuar

2 orë më parë

më

7 Maj, 2024

nga

Dy zyrtarë ukrainas të sigurisë janë arrestuar për planifikimin e vrasjes së presidentit Volodymyr Zelensky, sipas Shërbimit të Sigurisë Shtetërore të vendit (SBU).

Dy kolonelë të njësisë së mbrojtjes së qeverisë ukrainase janë arrestuar dhe akuzohen për rrjedhje të informacionit të klasifikuar në Rusi, tha SBU të martën, pasi “ekspozoi një rrjet agjentësh” që i përkisnin shërbimit të sigurisë shtetërore të Rusisë (FSB).

SBU tha se kishte “nxjerr në pah” “planet në zhvillim aktiv” për të vrarë Zelenskyn.

“Një nga detyrat e rrjetit të agjentëve të FSB-së ishte të gjente autorë mes ushtarakëve pranë sigurimit të Presidentit, të cilët mund të merrnin peng kreun e shtetit dhe më pas ta vrisnin atë”, tha SBU.

SBU tha se planet e vrasjes synonin gjithashtu zyrtarë të tjerë të lartë ukrainas, duke përfshirë kreun e SBU, Vasyl Maliuk dhe kreun e Inteligjencës së Mbrojtjes të Ukrainës, Kyrylo Budanov.

Zelensky thuhet se është përballur me disa tentativa vrasjeje që kur Rusia filloi pushtimin në shkallë të plotë të Ukrainës në shkurt të vitit 2022.

Vazhdo të lexosh

Të kërkuara