Lajmet

Zjarrfikësit në Prizren, mbi 360 intervenime për vetëm shtatë muaj

Sipas tyre, më sfiduese kanë qenë zjarret malore.

Published

3 years ago

on

Brigada e Zjarrfikësve në Komunën e Prizrenit për shtatë muajt e parë të këtij viti ka intervenuar në 357 raste të ndryshme. Prej tyre, më sfiduese kanë qenë zjarret malore, ndërsa intervenimet më të shpeshta kanë ndodhur në aksidentet e trafikut rrugor. E problemi më i madh gjatë intervenimeve mbeten rrugët e ngushta të qytetit.

Udhëheqësi i ndërrimit në Brigadën e Zjarrfikësve në Komunën e Prizrenit, Fejzullah Berisha thotë se problemin më të madh gjatë realizimit të detyrës e kanë në hyrje të qytetit, nga ana e Suharekës si dhe në dalje të Prizrenit nga Hasi.

“E mbulojmë pjesën e Zhupës, Vrrinit, Hasit dhe Anadrininë. Deri më tani më së shumti që kemi pas intervenime, sidomos në muajt e fundit kanë qenë aksidentet e trafikut rrugor. Prizreni, me karakteristikat e veta që dallohet prej qyteteve janë rrugët e ngushta. Shpeshherë po kemi pengesa gjatë lëvizjes dhe përkundër asaj se qytetarët po bëjnë të pamundurën për me na hap rrugët, prapë po hasim në probleme, sidomos në hyrje të qytetit nga ana e Suharekës, në dalje të Prizrenit nga ana për Has dhe pak po kemi probleme tek rruga në drejtim të Zhurit”, thotë ai.

Më tej, Berisha thotë se disa nga stacionet e kësaj komune që janë të gatshme për intervenime, mirëpo nevojitet staf për t’i mbuluar këto të fundit.

“Një shkresë zyrtare na është ardh nga ana e Agjencionit të menaxhimit të emergjencave se do të rritet niveli i gatishmërisë për shkak të situatës dhe temperaturave të larta. Normalisht janë ndërprerë disa pushime vjetore. Afati kohor i pushimeve vjetore është i kufizuar, d.m.th. brenda dhjetë ditëve çdo punëtor duhet të jetë ose të paraqitet në njësinë e zjarrfikësve për shkak të kushteve të cilat janë kërkuar në kohën e fundit… Dhe mendojmë se duhet ende staf, sidomos për stacionet që i kemi në Zhup, pastaj në stacionin Zhur që duhet, dhe një stacion e kemi në Has, Asan Gjonaj e Epërme. Stacionet janë të gatshme, janë të përgatitura, mirëpo vetëm mungon stafi i cili duhet t’i mbulojë ato stacione”, thekson ai.

Sipas tij, shërbimi i zjarrfikësve kërkon pajisje të reja, derisa shton se iu është premtuar një automjet me platformë, për të cilin thotë se është më se i nevojshëm.

Drejtoresha e Emergjencës në këtë Komunë, Ramize Sinanaj-Shala në një përgjigje me shkrim për KP ka thënë se krahasuar me periudhën e njëjtë të vitit të kaluar, këtë vit janë gjashtë intervenime më shumë.

“Kemi zjarre të natyrave të ndryshme mirëpo aktualisht janë të menaxhueshme. Sigurisht që çdo zjarr i shkaktuar i ka vështirësitë e veta. Nëse e bëjmë krahasimin e intervenimeve të zjarreve për 7 mujorin e parë të vitit 2021 kanë intervenuar në 357 zjarre, ndërsa në 7 mujorin e parë të vitit 2022 kane intervenuar në 363 zjarre, ku gjate vitit 2022 janë shënuar 6 intervenime më shume se ne vitin 2021. Do të veçoja si sfidë zjarret malore në terrene të papërshtatshme”, thuhet në përgjigjen e saj.

Related Topics:
Continue Reading

Lajmet

Rama nga Londra: Kosova s’duhet të merret me Serbinë, por të përmbushë detyrimet ndaj BE-së

Published

8 hours ago

on

October 21, 2025

By

Në Londër po zhvillohet një tryezë me temën “Ballkani Perëndimor dhe Bashkimi Europian”, ku ndër folësit kryesorë është edhe kryeministri i Shqipërisë, Edi Rama.

I pyetur për pozicionin e Kosovës në rajon dhe për ecurinë e saj drejt anëtarësimit në Bashkimin Europian, Rama u shpreh se Prishtina duhet të fokusohet tek përmbushja e detyrimeve që burojnë nga dialogu me Serbinë dhe jo tek vetë raportet dypalëshe.

“Që të jetë e suksesshme Kosova duhet të harrojë Serbinë, fjalë për fjalë dhe duhet të realizojë të gjitha pikat që kanë të bëjnë me dialogun e ndërmjetësuar nga BE-ja, pavarësisht nga Serbia, pra ata t’ia lënë topin në fushë Serbisë dhe të ecin para drejt Europës duke lënë Europën të merret me Serbinë dhe mos ta lënë çështjen e Serbisë të shndërrohet në çështje fajësimi midis të dyjave. Megjithatë, është mendimi im ky, unë respektoj atë që vendosin udhëheqësit e zgjedhur të Kosovës për vendin e tyre”, tha ai./EO

Continue Reading

Lajmet

Supremja: Pranohet ankesa e kandidatit të pavarur për kryetar të Kllokotit, rrëzohet vendimi i PZAP-së

Published

8 hours ago

on

October 21, 2025

By

Kolegji i Gjykatës Supreme e ka pranuar si të bazuar ankesën e kandidatit të pavarur për kryetar të Komunës së Kllokotit, Arber Emini, dhe ka prishur vendimin e Panelit Zgjedhor për Ankesa dhe Parashtresa (PZAP), të datës 15.10.2025.

Sipas Supremes, çështja është kthyer në rivendosje në PZAP.

“Bazuar në shkresat e lëndës, Arber Emini me datë 13.10.2025, është ankuar në PZAP, me pretendimin se “me datë 12.10.2025 në Zgjedhjet Lokale në Kllokot, Serbia ka ndërhyrë në sistemin zgjedhor në Komunën e Kllokotit, duke fabrikuar dëshmi mjekësore serbe të strukturave paralele për t’u shfrytëzuar votuesit me asistencë të përdorin këtë vërtetim mjekësor”, thuhet në komunikatë.

Më tej thuhet se Gjykata Supreme e Kosovës vlerëson se PZAP, gabimisht ka vendosur kur e ka hedhur poshtë ankesën e ankuesit, për faktin se nga pretendimet që dalin nga ankesa, i njëjti është ankuar për procesin dhe parregullsitë gjatë ditës së votimit dhe jo kundër rezultateve preliminare të tabuluara nga KQZ, ashtu siç ka pretenduar PZAP në vendimin e saj.

“Andaj, në rivendosje, PZAP, udhëzohet që t’i evitojë shkeljet e theksuara në Aktvendimin e Gjykatës Supreme, AA.nr.93/2025, dhe të vendos në mënyrë meritore lidhur me ankesën e kandidatit të pavarur për kryetar të Komunës së Kllokotit, Arber Emini”, thuhet në njoftim.

Zgjedhjet e rregullta komunale janë mbajtur më 12 tetor./KP

Continue Reading

Lajmet

Rrahje dhe gjuajtje me armë zjarri në qendër të Podujevës, policia jep detaje

Published

8 hours ago

on

October 21, 2025

By

Pak qaste më parë ka ndodhur një rrahje dhe gjuajtje me armë zjarri në Podujevë.

Lajmin e ka konfirmuar Flora Ahmeti zëdhënëse e Policisë së Kosovës për Rajonin e Prishtinës.

Sipas Ahmetit lidhur me këtë rast policia ka shoqëruar në stacion policor katër persona, prej tyre 1 dëshmitar dhe tre persona të dyshuar të cilët ishin të përfshirë në rast.

Ajo tha se sot rreth orës 14:30 është pranuar informata për një rrahje dhe shkrepje të armës në Podujevë.

“Me të marrë informatën policia, ka dalë në vendin e ngjarjes nga ku jemi njoftuar se si pasojë e rrahjes nga një mjet i fortë (shkop) është lënduar një person i cili është dërguar për trajtimin e nevojshëm mjekësor. Lidhur me këtë rast policia ka shoqëruar në stacion policor katër persona, prej tyre 1 dëshmitar dhe tre persona të dyshuar të cilët ishin të përfshirë në rast”, thuhet në përgjigjen e zëdhënëses Ahmeti.

Ajo ka shuar se aktualisht policia po vazhdon punën për zbardhjen e rrethanave dhe motiveve që karakterizojnë ngjarjen./KP

Continue Reading

Lajmet

​Vdes në moshën 29-vjeçare kampioni amerikan i shahut

Published

9 hours ago

on

October 21, 2025

By

Kampioni amerikan i shahut dhe komentatori online Daniel Naroditsky ka ndërruar jetë në moshën 29-vjeçare.

Sipas BBC, familja e tij e përshkroi vdekjen si të papritur, pa dhënë shkakun.

Naroditsky ishte një lojtar i talentuar, edukator dhe komentator, i njohur për kanalin e tij në YouTube me afro 500,000 abonentë dhe stream-et në Twitch me 340,000 ndjekës.

Ai luajti një rol kyç në popullarizimin e përmbajtjes së shahut online.

Ai filloi shahun në moshën 6 vjeç, fitoi Kampionatin Botëror të të Rinjve nën 12 vjeç në 2007, dhe në 2013 u bë Grandmaster i SHBA-së. Naroditsky u diplomua në Stanford dhe punoi si trajner shahu në Charlotte, Karolina e Veriut.

Shumë kolegë dhe fansa e përshkruan si një inspirim, historian të shahut dhe dikë që e bënte lojën argëtuese dhe të thjeshtë për të gjithë./S.K/KP/

Continue Reading

Të kërkuara