

Published
3 years agoon
By
Betim GashiZinku është një element i rëndësishëm që ndihmon në funksionimin e trupit në disa aspekte dhe në mirëmbajtjen e shëndetshme të trupit.
Gjendet në mënyrë natyrale në ushqim por edhe shtohet si shtojcë në disa ushqime tjera.
Ushqimet që përmbajnë zink në sasi të mëdha janë bifteku, mishi i qengjit, farat susam, mishi i qurës, arrat indiane, guacat e detit, gruri, farat e kungullit, mishi i gicit, çokollata, kërpudhat e bardha, quinoa, karkalecat. Për shkak të benefiteve të pafundme të zinkut, është e rëndësishme të siguroni marrje të përshtatshme të zinkut përmes një diete mirë të formuar dhe planifikuar. Më poshtë do të lexoni për 5 benefitet shëndetësore të zinkut.
1. Pjelloria
Reprodukimi tek femrat dhe meshkujt është shumë i rëndësishëm. Femrat dhe meshkujt në shumë raste vuajnë nga problemet e reprodukimit dhe çështjet tjera të lidhura me pjellorinë. Zinku mbron spermatozoidet nga bakteret dëmtuese. Për arsye se zinku ka veti antioksiduese, mund të mbrojë spermën po ashtu nga radikalet e lira, që janë komponime që dëmtojnë qelizat. Zinku ndikon po ashtu në një numër të vetive të shëndetshme të spermës. Meshkujt që kanë nivel më të lartë të zinkut në organizëm, edhe nëse pinë duhan apo jo, kanë spermatozoide më të shëndetshme se ata që nuk kanë nivele të duhura të zinkut në organizëm.
2. Sistemi imun
Një sistem i mirë i sistemit imun ju mbron nga ftohjet e zakonshme deri tek sëmundjet me serioze. Shumë njerëz vuajnë për shkak të problemev të shumta shëndetësore që dëmtojnë sistemin imun duke qenë të ndjeshëm ndaj sëmundjeve. Zinku ndihmon në sistemin imun në trupin e njeriut. Zinku luan rol kryesor në sistemin imun, dhe personat me mungesë të zinkut kanë rritje të ndjeshmërisë ndaj shkaktarëve të ndryshëm të sëmundjeve. Mekazimat imun ku zinku rregullon ndjeshmërinë e rritur ndaj infeksioneve të ndryshme. Ai poashtu rregullon edhe gjenet perbrenda sistemit limfatik. Zinku është i rëndësishëm për një zhvillim dhe funksionim normal të qelizave duke larguar nga sistemi imun neutrofilet dhe dëmtuesit e tjerë të qelizave.
3. Lëkurë të shëndetshme
Benefitet e shkëlqyeshme të zinkut në të vërtetë rigjenerojnë qëlizat e lëkurës. Kremi i zinkut përdoret për të parandaluar pëlhurat në lëkurë nga rritja dhe zhvillimi i tyre, si dhe trajtimin e akneve. Për më shumë, zinku punon si një antiflamatorë natyral dhe mund të trajtojë edhe dëmtimet e tjera të lëkurës.
4. Shërues i plagëve
Shërimi i ngadalshëm i plagëve mund të paraqes rrezik të madh për zgjerim të plagës. Zinku ka benefite në shpejtimin e shërimit të plagëve. Zinku përmirëson shërimin e plagës. Ai ndihmon në mirëmbajtjen e integritetit të lëkurës si dhe membranave të mukozës. Pacientët me ulcere kronike kanë metabolizëm abnormal pa zink, dhe nivele të ulëta të serumit, si dhe preferohet që trajtimi i ulcerës të bëhet me suplementë të zinkut. Sulfati i zinkut mund të jetë efektiv për trajtimin e ulcerave tek shumë njerëz që kanë nivele të ulëta të zinkut. Sidoqoftë, përdorimi i përgjithshëm i sulfatit të zinkut në njerëz me ulcere kronike ose ulcere venoze është efektiv.
5. Dobësimi në të pamur
Dobësimi i të pamurit është një gjë shumë e shpeshtë tek njerëzit mbi 50 vjet dhe është vet syri që dobësohet dhe me atë rast edhe të pamurit qoftë afër apo larg dobësohet. Nëse merrni zink 40-80 mg në ditë, duke e kombinuar me beta-karotenë, vitamin E apo C, ngadalson përparimin e dobësimit të të pamurit për 25% dhe përmirëson të pamurin për 19%.
You may like
Shëndeti
Si ndikojnë patatet në tensionin e lartë të gjakut dhe shëndetin e zemrës?
Published
55 minutes agoon
July 1, 2025By
UBT News
Patatet mund të mos kenë reputacionin më të mirë kur bëhet fjalë për shëndetin, zakonisht i shoqërojmë me patate të skuqura, yndyrë dhe ushqim të shpejtë. Shkenca thotë: patatet e thjeshta, të ziera ose të pjekura në furrë ndihmojnë në luftën kundër hipertensionit.
Tensioni i lartë i gjakut prek pothuajse gjysmën e të rriturve në SHBA, situata nuk është më e mirë në Evropë.
Një nga fajtorët kryesorë? Kripa. Ose më saktë – shumë kripë.
Limiti i rekomanduar ditor është rreth 2,300 mg natrium por amerikani mesatar konsumon mbi 3,400 mg në ditë. As ne nuk jemi më mirë. Ka kuptim që ekspertët vazhdojnë të na thonë: “ulni konsumin e kripës”.
Por hulumtimet e reja tregojnë se nuk ka të bëjë vetëm me reduktimin – mund të ketë të bëjë edhe me ekuilibrin.
Patatet si një aleat kundër mbajtjes së natriumit?
Në një studim të botuar në revistën Nutrients, shkencëtarët testuan efektin e patateve në mbajtjen e natriumit dhe presionin e gjakut. Ata krahasuan marrjen e kaliumit nga suplementet me atë nga ushqimet e plota – konkretisht, patatet e zakonshme.
Rezultati?
Në grup prej 30 të rriturish me presion të lartë të gjakut, ngrënia e patateve të pjekura a të ziera ul mbajtjen e natriumit përmirëson presionin sistolik të gjakut. Patatet e pjekura nuk patën efekt pozitiv, por as negativ. Me fjalë të tjera, mund të mos jenë të shëndetshme, por nuk janë fajtore për gjithçka.
Patatet nuk janë armiku, nëse nuk i skuqni
Edhe pse shpesh injorohen padrejtësisht për shkak të imazhit të tyre “të pashëndetshëm”, patatet e zakonshme përmbajnë: kaliumi – i rëndësishëm për shëndetin e zemrës, fibra – i dobishëm për tretjen dhe ndjesinë e ngopjes vitamina C dhe B5 antioksidantë si flavonoidet dhe karotenoidet.
Shkurt: patatet nuk janë problemi, por mënyra si përgatiten është. Të skuqura në vaj të bollshëm?
Zgjedhje e keqe. Të ziera apo të pjekura, pa yndyrë? Një mundësi e shkëlqyer.
Nëse po e monitoroni tensionin e gjakut dhe shëndetin e përgjithshëm, mund të jetë koha të ndryshoni qëndrimin ndaj kësaj perimeje të thjeshtë.
Patatet, kur përgatiten në mënyrë të shëndetshme, mund të jenë shumë të dobishme.
Shëndeti
Sëmundjet që shfaqen në organizëm kur pini shumë ujë
Published
2 hours agoon
July 1, 2025By
UBT News
Duket se shumë njerëz kanë filluar të mbajnë shishe ujë me vete kudo që shkojnë dhe kjo është mënyrë e mirë për të qëndruar të hidratuar.
Uji ndihmon të transportojmë lëndët ushqyese të trupit, të krijojmë pështymë, të ruajmë temperaturën e trupit dhe shumë më shumë se kaq.
Sidoqoftë, pirja e tepërt (më shumë se një litër në orë) mund të krijojë probleme shëndetësore, shkruan “Bright Side”.
Ja efektet negative që mund të ketë ai:
Enjtje e këmbëve dhe duarve
Kur pini një sasi të madhe uji, ai së bashku me ushqimin e kripur shkakton edemën. Kjo ndodh kur nivelet e natriumit në trupin tonë janë shumë të larta dhe uji i pijshëm mund të shkaktojë ënjtje. E njëjta gjë mund të ndodhë edhe me duart.
Në fazat e mëvonshme, edema shkakton një mosfunksionim në sistemin nervor qendror.
Ju krijohen ngërçe në muskuj
Që muskujt dhe rrahjet e zemrës të funksionojnë normalisht na duhen elektrolite. Uji i tepërt ul numrin e elektroliteve në trupin tonë. Kur këto nivele janë të ulëta, mund të përjetojmë ngërçe të muskujve.
Dhimbje koke dhe përgjumje
Një nga shenjat më të zakonshme që mund të përjetoni nëse pini më shumë ujë seç keni nevojë, është dhimbje koke. Mund të ndiheni të hutuar dhe të çorientuar. Disa simptoma më serioze mund të jenë shikimi i dyfishtë, vështirësi në frymëmarrje, rritje e presionit të gjakut dhe përgjumje.
Shëndeti
Pse na kruhet dhe na skuqet lëkura kur qëndrojmë në diell?
Published
4 hours agoon
July 1, 2025By
UBT News
Vera, deti dhe rrezet e diellit janë një nga kënaqësitë më të mëdha të stinës së nxehtë, por për shumë njerëz, ato sjellin edhe bezdi të pakëndshme për lëkurën.
Shumëkush ka përjetuar kruarje të papritur, skuqje, puçrra ose ndjesi djegieje pas qëndrimit në plazh, pishinë apo edhe gjatë një shëtitjeje në diell.
Për disa, kjo është pasojë e djegies së zakonshme nga dielli, por për të tjerë mund të jetë shenjë e reaksionit alergjik, dehidratimi, ndjeshmërie të lartë të lëkurës ose edhe efekt anësor nga ndonjë ilaç apo produkt kozmetik.
Kruarja dhe skuqja mund të jenë të lehta por sinjalizojnë probleme që kërkojnë më shumë kujdes: si fotodermatiti urtikaria diellore a reaksionet fototoksike.
Këto shqetësime lidhen shpesh edhe me sistemin imunitar e mund të ndikojnë vlerat e IgE-së, tregues i rëndësishëm i gjendjeve alergjike.
Ja arsyet kryesore pse ndodh kjo, çfarë tregojnë këto simptoma dhe si mund ta mbroni lëkurën për të shijuar diellin pa shqetësime.
Djegia nga dielli
Më e zakonshmja është djegia, inflamacion akut i lëkurës për shkak të dëmtimit nga rrezet ultraviolet B. Kur lëkura digjet, qelizat dëmtohen e çlirojnë substanca kimike që shkaktojnë inflamacion, prandaj ndjehet skuqje, nxehtësi, kruarje dhe më vonë mund të ndodhë zhvishem i lëkurës.
Alergjia nga dielli (Fotodermatiti)
Tek disa persona, veçanërisht me lëkurë të ndjeshme, dielli shkakton fotodermatit, reagim alergjik ku lëkura kruhet, skuqet e shfaqen puçrra. Formë e zakonshme është eruptioni polimorf ndaj dritës, që prek gratë e reja. Kjo shfaqet disa orë pas qëndrimit në diell, sqaron Asthma & Immunology (ACAAI).
Fotoreaktiviteti, kombinimi me kimikatet
Disa kremra, parfumet, a ilaçe (si antibiotikë, barna kundër akneve) mund ta bëjnë lëkurën më të ndjeshme ndaj rrezeve. Ky fenomen quhet reaksion fototoksik ose fotoalergjik, që mund të japë skuqje, kruarje dhe flluska të vogla, që duken si djegie.
Dehidratimi dhe tharja e lëkurës
Qëndrimi gjatë në diell bën që lëkura të humbasë lagështinë. Lëkura e dehidratuar kruhet më lehtë, dhe djersa ose kripa irritojnë zonat e ndjeshme.
Po IgE-ja totale, a ndikohet?
Këto gjendje, sidomos fotodermatiti e urtikaria nga dielli, lidhen me rritje të IgE-së totale, pasi ky antitrup rritet në reaksione alergjike.
Nëse shkaku është reagim alergjik, IgE mund të jetë më i lartë, nëse kruarja vjen vetëm nga djegia klasike apo nga tharja, IgE nuk ndikohet.
Fotoreaktiviteti nga ilaçet nuk ka lidhje me IgE, por me reaksionet direkte në qelizat e lëkurës.
Nëse kruarja e skuqja nga dielli janë të shpeshta dhe shoqërohen me simptoma tjera alergjike, mjeku mund të rekomandojë matjen e IgE-së totale ose testime të tjera për të përcaktuar shkakun.
Shëndeti
Cigaretat elektronike lëshojnë më shumë kimikate kancerogjene se sa cigaret tradicionale
Published
21 hours agoon
June 30, 2025By
UBT News
Vapingu, që prej kohësh është promovuar si alternativë më e “shëndetshme” ndaj duhanpirjes, në fakt mund të jetë më toksik se cigaret tradicionale.
Studiues nga Universiteti i Kalifornisë, Davis, testuan shtatë cigare elektronike me shije nga tre prej markave më të njohura dhe zbuluan se ato lëshojnë më shumë metale toksike që shkaktojnë kancer sesa cigaret tradicionale.
Një nga cigaret elektronike të përdorshme të studiuara lëshoi më shumë plumb gjatë një dite përdorimi sesa gati 20 pako cigaresh të zakonshme.
Autori i studimit, Mark Salazar, një kandidat për doktoraturë, tha se nivelet ishin aq të larta sa “menduam se pajisja jonë ishte prishur”.
Shkencëtarët analizuan përmbajtjen metalike të shtatë llojeve të pajisjeve të përdorshme nga ELF Bar, Flum Pebble dhe Esco. Duke përdorur një pajisje për të aktivizuar cigaret elektronike e për të ngrohur lëngun e tyre të brendshëm, ata krijuan nga 500 deri 1,500 thithje për çdo pajisje.
Pas përdorimit të pajisjeve për të simuluar përdorimin gjatë një jave, u zbulua se përmbanin metale të rënda si nikel, plumb dhe antimoni. Këto metale përdoren për të prodhuar spiralet ngrohëse të pajisjeve, që kthejnë lëngun në avull që thithet. Këto metale rrjedhin nga pajisjet në lëngun e cigareve.
Avulli nga tre prej pajisjeve të testuara përmbante nivele të plumbit dhe nikelit mbi kufijtë e sigurisë për kancer, dy prej tyre kishin nivele të larta të antimonit – një element që përdoret në bateri dhe si retardues i flakës. Esco Bars u zbuluan se lëshonin katër deri në trembëdhjetë herë më shumë plumb në 200 thithjet e para sesa një pako me 20 cigare. Kjo përbën një ekspozim ndaj plumbit sa pirja e 19 cigareve brenda një dite.
Katër pajisje përmbanin nivele të plumbit dhe nikelit që lidhen me sëmundje respiratore si astma dhe mbresat në mushkëri. Studiuesit theksuan se ndonëse testuan vetëm 3 nga 100 markat të vape-ve, rezultatet nënvizojnë rreziqet serioze për shëndetin, veçanërisht për adoleshentët e të rinjtë që i përdorin shpesh.
Të trija metalet e rënda të testuara konsiderohen si kancerogjene. Të gjitha janë lidhur me kancerin e mushkërive, ndërsa plumbi është i lidhur gjithashtu me kancerin e veshkave dhe trurit. Nikel gjithashtu është i lidhur me kancerin e hundës dhe sinuseve.
Megjithëse cigaret elektronike përmbajnë më shumë metale të rënda se cigaret tradicionale, dekada kërkimesh tregojnë se cigaret janë ende më të rrezikshme, se përmbajnë rreth 7,000 substanca kancerogjene, krahasuar me 2,000 që gjenden në vape.
Cigaret janë vërtetuar prej kohësh se shkaktojnë kancer në mushkëri, ndërsa nuk ka ende prova për një lidhje direkte mes vapingut dhe sëmundjes.
Brett Poulin, autor i lartë i studimit dhe profesor në Departamentin e Toksiologjisë Mjedisore në UC Davis, deklaroi:
“Studimi ynë nxjerr në pah rrezikun e fshehur të këtyre cigareve elektronike të reja dhe të përhapura – me nivele të rrezikshme të plumbit neurotoksik dhe nikelit e antimonit kancerogjen – çka tregon nevojën për ndërhyrje urgjente dhe rregullim ligjor.”
“Këto rreziqe nuk janë vetëm më të mëdha se te cigaret elektronike të tjera, por në disa raste janë edhe më të mëdha se te cigaret tradicionale.”
Studimi, i publikuar në ACS Central Science, analizoi metale dhe metaloide elementë që kanë karakteristika ndërmjet metaleve dhe jometaleve.
Duke përdorur pajisje për të ngrohur cigaret elektronike, prodhuan nga 500 deri në 1,500 thithje për secilën pajisje. Një përdorues mesatar bën 100 deri 200 thithje në ditë. Ekipi zbuloi se avujt nga tre pajisje. ELF Bar Flavored, ELF Bar Clear dhe Esco Bar Flavored e kaluan kufirin e rrezikut për kancer nga nikeli.
Flum Pebble Flavored dhe Esco Bar Flavored tejkaluan nivelet e sigurisë për antimonin. Gjithashtu, Esco Bar Flavored dhe Esco Bar Clear lëshuan plumb në nivele që kalojnë pragun e rrezikut për sëmundje jo-kancerogjene, siç janë astma dhe fibrozat e mushkërive.
Mark Salazar, autori i parë i studimit dhe kandidat për doktoraturë në laboratorin e Poulin, tha:
“Zbuluam se këto pajisje të përdorshme kanë toksina të pranishme që nga fillimi në lëngun elektronik, ose që rrjedhin në mënyrë të konsiderueshme nga përbërësit e tyre në lëng dhe përfundojnë në avullin që thithet.”
ELF ishte marka më e përdorur nga adoleshentët e të rinjtë në vitet 2023-24. Esco Bars ka shitur rreth 82 milionë dollarë produkte në SHBA më 2022. Asnjë cigare elektronike me shije nuk është e ligjshme për shitje dhe pse FDA ka autorizuar disa të pashije. Të dy llojet janë ende të pranishme nëpër dyqane.
Sipas të dhënave nga Reuters, në SHBA janë shitur 2.4 miliardë dollarë vape ilegale vitin e kaluar, një situatë që ekspertët e konsiderojnë veçanërisht shqetësuese, pasi këto produkte nuk kontrollohen nga asnjë agjenci. Rreth 6% e të rriturve amerikanë përdorin vape, sipas të dhënave më të fundit nga CDC. Rreth 6% e nxënësve të shkollës së mesme dhe 8% e nxënësve të shkollës së lartë raportuan se kanë përdorur vape të paktën një herë në 30 ditët e fundit.
Megjithëse cigaret elektronike janë konsideruar si një alternativë më e sigurt dhe si ndihmë për lënien e duhanit, studimet tregojnë se ato rrisin rrezikun për dëmtime në zemër dhe mushkëri. Në një rast të publikuar këtë muaj, një burrë nga New Jersey vdiq nga ajo që besohet të jetë rasti i parë i dokumentuar i kancerit të mushkërive të shkaktuar nga cigaret elektronike.

Deputetja e LVV-së i akuzon për “qasje bllokuese” partitë që ishin në opozitë

PDK me aksion simbolik, deputetët qëndrojnë në sallë pas dështimit të seancës

Si ndikojnë patatet në tensionin e lartë të gjakut dhe shëndetin e zemrës?

Kapelja që “vodhi shfaqjen”, DiCaprio komentohet pas paraqitjes në dasmën e Jeff Be-së

Polonia shqyrton rivendosjen e kontrolleve kufitare me Gjermaninë dhe Lituaninë për shkak të migracionit

Çitaku akuzon VV-në për shkelje të Kushtetutës: PDK vazhdimisht e gatshme për zgjidhje

USAID: Rënia e ndihmës së SHBA-së mund të çojë në 14 milionë vdekje deri në vitin 2030

Krasniqi: Nesër do të jem në takim te presidentja

Izraeli: Operacioni në Gazë po i afrohet fundit
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet3 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT4 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 weeks ago
UBT organizon debat rreth zgjerimit të BE-së dhe ruajtjes së vlerave evropiane