Lajmet

Zigmunt Bauman, cili është sekreti i lumturisë sipas teoricienit të shoqërisë fluide

Këshillat e sociologut të madh polak.

Published

5 years ago

January 14, 2022

Betim Gashi

Reflektimet e Zigmunt Bauman, janë ende sot më të rëndësishme se kurrë më parë. Çdo njeri që ka jetuar, ka qenë i fiksuar pas një qëllimi specifik: të jetë i lumtur. Dhe rrugët që zgjedh të ndjekë secili prej nesh janë të pafundme.

Por sipas planeve tona, të gjitha ato shkojnë në të njëjtin drejtim. Problemi është se pasi udhëtoni, vini re se shumë shtigje që keni ndjekur kanë rezultuar të gabuara. Kjo çështje ka shqetësuar shpesh edhe Zigmunt Baumanin, dhe ja se cilat janë këshillat e sociologut të madh polak.

Lumturia e vërtetë

Shumica e intelektualëve i ka konsideruar çështje të tilla si lumturia si shumë të lehta për t’u trajtuar prej tyre. Përkundrazi, Bauman nuk kishte frikë të fliste për atë që është aspirata që bashkon mbarë njerëzimin. Duke shpjeguar se çfarë është lumturia në dokumentarin “Teoria suedeze e dashurisë” Transmetuar në Rai 3, teoricieni i shoqërisë fluide tha se “nuk është e vërtetë që lumturia do të thotë të kesh një jetë pa probleme”.

Sipas tij, një jetë e lumtur është produkt i tejkalimit të problemeve, i zgjidhjes së vështirësive. “Ju duhet të përballeni me sfidat, të bëni më të mirën. Lumturia arrihet kur njeriu kupton se është në gjendje të kontrollojë sfidat që i lëshon fati, pasi kur shtohet komoditeti ai ndihet si i përhumbur”.

Sa më shumë të jemi në gjendje të luftojmë, të përpiqemi, të bëjmë zgjedhje domethënëse, aq më shumë do të shkurtohet edhe distanca që na ndan ne nga lumturia. Megjithatë kjo është një luftë që nuk duhet përballuar vetëm.

Kurthi i pavarësisë

Në fakt gjatë dekadave të fundit, njerëzit kanë mësuar gjithnjë e më shumë të jenë të pavarur, të mos varen nga të tjerët, duke bërë gjithçka për t’u ndjerë mirë vetëm, për t’u ndjerë mirë me veten. Por sipas Bauman, ky është drejtimi i gabuar.

Njerëzit që dinë të jenë të pavarur po e humbasin dalëngadalë aftësinë për të jetuar me të tjerët, pasi ata kanë humbur aftësinë për t’u socializuar. “Sa më i pavarur që të jeni – thotë Bauman në dokumentarin “Teoria suedeze e dashurisë” – aq më pak jeni në gjendje të kontrolloni pavarësinë tuaj, dhe ta zëvendësoni atë me një ndërvarësi të këndshme”.

Nga ana tjetër, është e kuptueshme:të qenit i lidhur me njerëzit është diçka shumë e ndërlikuar, dhe për ta bërë këtë duhet të jesh në gjendje të pranosh jo pak kompromise, të plotësosh nevojat e të tjerëve, të kesh durim.

Natyrisht që kjo është e ndërlikuar, por lumturia lind nga marrëdhëniet, jo nga pavarësia. Sipas Baumanit “në fund pavarësia të çon drejt një jete boshe, të pakuptimtë, dhe të zhyt në një mërzi të madhe”./Libreriamo – Bota.al

Vendi

Gjenden mbetje mortore në Brod të Shtërpcës

Published

5 hours ago

November 12, 2026

UBT News

Mbetje mortore janë gjetur sot në fshatin Brod të Komunës së Shtërpcës, gjatë aktiviteteve të kërkimit për personat e zhdukur me dhunë.

Sipas njoftimit të Komisionit Qeveritar për Persona të Zhdukur, aktivitetet e kërkimit dhe gërmimet vlerësuese në këtë lokacion kishin nisur më 6 nëntor 2026, pas sigurimit të urdhrit përkatës gjyqësor.

Gjatë aktivitetit të parë nuk ishte arritur të lokalizohej varri i dyshuar, për shkak të ndryshimeve që kishte pësuar terreni ndër vite, duke vështirësuar përcaktimin e vendndodhjes së saktë.

Ndërkaq, gjatë vazhdimit të gërmimeve më 12 nëntor, janë gjetur mbetje mortore, të cilat do t’i nënshtrohen ekzaminimit mjekoligjor dhe procedurave të identifikimit përmes analizës së ADN-së.

Aktivitetet janë realizuar në koordinim ndërmjet Komisionit Qeveritar për Persona të Zhdukur, Institutit për Mjekësi Ligjore dhe Drejtorisë së Policisë për Hetimin e Krimeve të Luftës – Sektorit për Hetimin e Personave të Zhdukur, me përkrahjen e Prokurorisë – Departamentit për Krime Lufte./A.K/

Lajmet

Leonardo da Vinci sjell frymën e Rilindjes në UBT – ekspozitë që ndërthur artin, shkencën dhe inovacionin

Published

5 hours ago

November 12, 2026

UBTNews

Kampusi Shkencor Inovativ dhe Teknologjik i UBT-së është bërë nikoqir i një ekspozite të veçantë kushtuar njërit prej mendjeve më të jashtëzakonshme në historinë njerëzore, Leonardo da Vincit.

Përmes kësaj ekspozite, studentët, stafi akademik dhe vizitorët kanë mundësi të njihen më nga afër me botën krijuese të Da Vincit, idetë e tij revolucionare dhe projektet që dëshmojnë gjenialitetin e tij në fusha të ndryshme, nga arti e anatomia, deri te inxhinieria dhe teknologjia.

E organizuar në kuadër të edicionit të XXVI të Javës së Gjuhës Italiane në Botë, me temën “Gjuhë e mirësjelljes, gjuhë gjeniale: të ideosh, të projektosh, të krijosh me italisht”, ekspozita sjell në vëmendje rëndësinë e gjuhës, kulturës dhe trashëgimisë italiane në zhvillimin e mendimit krijues dhe shkencor.

Ky aktivitet është realizuar në bashkëpunim me Ambasadën e Italisë në Prishtinë dhe përfaqëson një mundësi të rëndësishme për të nxitur kureshtjen intelektuale, kreativitetin dhe frymën inovative te gjeneratat e reja.

Përmes kësaj ekspozite, UBT sjell në kampusin e tij trashëgiminë e një figure që vazhdon të frymëzojë botën, duke dëshmuar se idetë e mëdha nuk njohin kohë dhe se arti, shkenca dhe teknologjia janë pjesë e së njëjtës gjuhë: gjuhës së inovacionit.

Aktualitet

40 sportistët më të mëdhenj (2000–2026)

Published

6 hours ago

November 12, 2026

UBTNews

Sporti është një nga veprimtaritë më tërheqëse në botën modern. Interesimi në vazhdim i publikut bën që edhe media ta ketë temë të shpeshtë.

Këtë herë, kemi zgjedhur të sjellim tek ju një listë prej 40 sportistësh më të mëdhenj, të periudhës 2000-20026:

Michael Phelps – Not
Lionel Messi – Futboll
LeBron James – Basketboll
Tom Brady – Futboll amerikan
Roger Federer – Tenis
Tiger Woods – Golf
Usain Bolt – Atletikë
Kobe Bryant – Basketboll
Rafael Nadal – Tenis
Cristiano Ronaldo – Futboll
Stephen Curry – Basketboll
Tim Duncan – Basketboll
Shaquille O’Neal – Basketboll
Patrick Mahomes – Futboll amerikan
Lewis Hamilton – Formula 1
Aaron Donald – Futboll amerikan
Sidney Crosby – Hokej në akull
Kevin Garnett – Basketboll
Albert Pujols – Bejsboll
Floyd Mayweather Jr. – Boks
Peyton Manning – Futboll amerikan
Randy Moss – Futboll amerikan
Michael Schumacher – Formula 1
Mike Trout – Bejsboll
Clayton Kershaw – Bejsboll
Miguel Cabrera – Bejsboll
Dwyane Wade – Basketboll
Ichiro Suzuki – Bejsboll
Kevin Durant – Basketboll
Justin Verlander – Bejsboll
Dirk Nowitzki – Basketboll
Giannis Antetokounmpo – Basketboll
Alex Rodriguez – Bejsboll
David Ortiz – Bejsboll
Max Scherzer – Bejsboll
Jimmie Johnson – NASCAR
Zinedine Zidane – Futboll
Steve Nash – Basketboll
Adrian Beltre – Bejsboll
Dedrek Jeter – Bejsboll

Lajmet

Mungesa e deputetëve pas pauzës shtyn seancën e Kuvendit për nesër

Published

7 hours ago

November 12, 2026

UBTNews

Kryetarja e Kuvendit të Kosovës, Albulena Haxhiu, ka marrë vendim që ta shtyjë vazhdimin e seancës së sotme plenare për ditën e nesërme, në orën 11:00, pasi deputetët u vonuan rreth gjysmë ore për t’u kthyer në sallë pas pauzës.

Duke arsyetuar vendimin, kryeparlamentarja Haxhiu theksoi se është e pamundur të zhvillohen punimet e Kuvendit kur deputetët nuk respektojnë orarin. Në momentin e ndërprerjes, në sallën plenare ndodheshin vetëm disa deputetë të PDK-së, disa të LDK-së dhe vetëm dy deputetë të Lëvizjes Vetëvendosje.

Për shkak të kësaj shtyrjeje, mbetën pa u shqyrtuar pikat e mbetura të rendit të ditës, ku përfshiheshin katër marrëveshje ndërkombëtare, interpelanca me ministrin e Shëndetësisë, Arben Vitia, mocioni lidhur me energjinë, si dhe diskutimi për Projektligjin për Gjykatën Speciale. /E.A/