

Lajmet nga UBT
Zhvilloni ekspertizën dentare me Fakultetin Teknik Dentar në UBT
Published
2 months agoon
By
EAd SulFakulteti Teknik Dentar në UBT ka qëllim të kontribuojë në arsimin e lartë dhe zhvillimin e profesionistëve të kualifikuar në fushën e teknikës dentare. Programi ofron një kurrikulë bashkëkohore, e cila është në përputhje me praktikat më të mira dhe standardet evropiane. Ai është i orientuar në zhvillimin e njohurive dhe aftësive të studentëve në përdorimin e teknologjisë dentare, duke ofruar mundësi për hulumtime dhe shërbime të dobishme për komunitetin.
Qëllimi i programit
Qëllimi i këtij programi është të përgatisë studentët për t’u bërë profesionistë të kualifikuar në fushën e teknikës dentare, duke u fokusuar në ofrimin e shërbimeve dentare të nivelit të lartë. Programi thekson zhvillimin e aftësive shkencore, teknike dhe inovative që janë të nevojshme për punën laboratorike dentare. Po ashtu, Fakulteti Teknik Dentar ofron mundësi për bashkëpunim ndërkombëtar dhe mbështetje të kërkimit shkencor dhe inovacionit në fushën e teknikës dentare.
Struktura e programit dhe metodat e mësimdhënies
Programi përfshin një gamë të gjerë lëndësh që ndahen në kategori si: lëndë themelore, lëndë të mjekësisë së përgjithshme, lëndë stomatologjike dhe lëndë të formimit të përgjithshëm. Metodat e mësimdhënies janë të dizajnuara për të inkurajuar studimin aktiv dhe angazhimin e studentëve përmes ligjëratave, punës individuale dhe ekipore, si dhe simulimeve të situatave reale.
Aktivitetet laboratorike dhe simulimet e drejtpërdrejta ofrojnë mundësi për zhvillimin e aftësive praktike dhe për bashkëveprim me profesionistë të industrisë. Programi gjithashtu përfshin mësim elektronik (e-Learning), i cili mundëson studentëve qasje në burime dhe udhëzime të bazuara në prova, duke i mundësuar atyre të zhvillojnë njohuri të thelluara dhe të përditësuara.
Shërbimet dhe mundësitë e karrierës pas përfundimit të programit
Pas përfundimit të programit, studentët do të jenë të kualifikuar për të punuar si teknikë dentarë në laboratorët dentarë dhe për të marrë pjesë në bashkëpunime multidisiplinare. Ata do të kenë njohuri dhe aftësi për të punuar me pajisje dentare të avancuara dhe për të ofruar shërbime dentare të nivelit të lartë për popullatën.
Studentët do të jenë të aftë të kontribuojnë në zhvillimin e politikave shëndetësore dhe mbështetje për shëndetin e dhëmbëve në institucionet publike dhe private, si dhe të jenë liderë në avancimin e shërbimeve dentare.
Infrastruktura dhe mbështetja për studentët
Fakulteti është i pajisur me hapësira moderne dhe laboratorë të avancuar, përfshirë një laborator biomjekësor, dhe auditorë të pajisur me teknologji mësimore të fundit. Programi mbështetet nga një bibliotekë e avancuar, e cila ofron mundësi për përdorimin e burimeve elektronike për kërkime shkencore dhe zhvillimin e projekteve kërkimore.
Studentët do të kenë mundësinë të zhvillojnë projekte kërkimore dhe të marrin pjesë në forume ndërkombëtare, duke kontribuar në avancimin e kërkimit shkencor dhe inovacionit në fushën e teknikës dentare.
Shërbimi komunitar i fakultetit
Fakulteti ofron shërbime teknike dentare në Klinikën Laboratorike të UBT-së për Programin Stomatologjik dhe për komunitetin. Ky shërbim ofron gjithashtu asistencë për institucionet publike dhe private, duke kontribuar në zhvillimin e politikave dhe përmirësimin e shërbimeve dentare në laboratorët e UBT-së. Fakulteti ka një rol të rëndësishëm në bashkëpunimin me Ministrinë e Shëndetësisë dhe ofron mundësi partneriteti për avancimin e shëndetit dentar.
Programi i studimit fokusohet në zhvillimin e aftësive teknike dhe shkencore të studentëve, duke i përgatitur ata për të punuar si profesionistë kompetentë në laboratorët dentarë. Ky program përfshin studime teorike dhe praktike mbi pajisjet dentare, si dhe zhvillimin e aftësive në përdorimin e teknologjisë dentare dhe shërbimeve për popullatën.
“Fakulteti Teknik Dentar në UBT ka për qëllim të formojë profesionistë të kualifikuar dhe të përgatitur për sfidat e fushës së teknikës dentare, duke ofruar njohuri të thelluara teorike dhe praktike. Ne synojmë që studentët tanë të jenë të aftë të kontribuojnë në përmirësimin e shërbimeve dentare, si dhe të jenë liderë në industrinë dentare, duke ndihmuar në zhvillimin e politikave dhe praktikave që mbështesin shëndetin e dhëmbëve, si në nivelin kombëtar ashtu edhe ndërkombëtar”, tha Prof. Dr. Agim Prokshaj, Dekan i Fakultetit Teknik Dentar. /UBTNews/D.E.
Lajmet nga UBT
UBT organizon diskutim të nivelit të lartë mbi sundimin e ligjit dhe reformat në sistemin gjyqësor shqiptar
Published
3 days agoon
April 25, 2025By
UBTnews
Në ambientet e UBT-së u mbajt një diskutim akademik me rëndësi të veçantë mbi temën “Sundimi i ligjit dhe reformat në sistemin gjyqësor të Shqipërisë”, një ngjarje që mbërtheu vëmendjen e studentëve, profesorëve dhe ekspertëve të fushës së drejtësisë.
Aktiviteti, përfaqëson një përkushtim të qartë për të sjellë praktikat më të mira ndërkombëtare dhe për të ndihmuar në formimin e një gjenerate të re juristësh të përgatitur, etikë dhe të aftë të kontribuojnë në ndërtimin e shtetit të së drejtës.
Në hapje të aktivitetit, Rektori i UBT-së, Prof. Dr. Edmond Hajrizi, theksoi rëndësinë që ka ky debat për përgatitjen e studentëve të drejtësisë dhe rolin e UBT-së si një institucion lider në ofrimin e arsimit cilësor dhe të orientuar drejt praktikës.
Ai vuri theksin në domosdoshmërinë që universitetet të jenë jo vetëm bartëse të dijes, por edhe nxitëse të ndryshimeve pozitive në shoqëri, përmes edukimit të profesionistëve të aftë të mendojnë në mënyrë kritike dhe të veprojnë në mënyrë të përgjegjshme.
Mr. Roland Ilia, ish-kryetar i Komisionit të Pavarur të Kualifikimit në Shqipëri dhe profesor i së Drejtës Kushtetuese dhe Administrative, solli një analizë të thelluar mbi sfidat që ka kaluar sistemi gjyqësor shqiptar në kuadër të reformës në drejtësi. Ai ndau përvojat e tij personale në procesin e vettingut, duke shpjeguar ndikimin e këtij procesi në rikthimin e besimit të publikut në institucionet gjyqësore.
Mr. James Lofton, me përvojë mbi 30-vjeçare në Departamentin Amerikan të Drejtësisë dhe aktualisht ligjërues në SHBA, solli një perspektivë të gjerë mbi konsolidimin e shtetit të së drejtës në vendet në zhvillim dhe rëndësinë që ka mbështetja ndërkombëtare dhe profesionalizmi i brezave të rinj në këto procese. Ai përmendi edhe rolin e studentëve të drejtësisë si “agjentë ndryshimi” në vendet e tyre, veçanërisht në kontekste ku sundimi i ligjit është në zhvillim.
Studentët e Juridikut në UBT morën pjesë aktive në debat, duke ngritur pyetje dhe duke shkëmbyer ide për sfidat që përballen në praktikën juridike në Kosovë dhe më gjerë. Përmes kësaj ngjarjeje, ata patën mundësinë të kuptojnë nga afër se si konceptet teorike që mësojnë në auditor marrin jetë në praktikat ligjore ndërkombëtare dhe se sa e rëndësishme është ndërtimi i një karriere që bazohet në integritet dhe përkushtim ndaj drejtësisë.
Departamenti i Juridikut në UBT vazhdon të jetë një prej shtyllave më të forta të universitetit, duke ofruar programe moderne studimi, staf të kualifikuar ndërkombëtarisht dhe një qasje të orientuar drejt praktikës, inovacionit dhe etikës profesionale. Përmes aktiviteteve të tilla, ky departament jo vetëm që ndihmon në ngritjen profesionale të studentëve, por kontribuon edhe në zhvillimin e përgjithshëm të sistemit të drejtësisë në Kosovë dhe rajon.
Lajmet nga UBT
UBT nënshkruan marrëveshje bashkëpunimi me Universitetin “Abdullah Gül” nga Turqia
Published
3 days agoon
April 25, 2025By
UBTnews
Në një hap të rëndësishëm për zhvillimin e arsimit dhe kërkimit shkencor, UBT ka nënshkruar një marrëveshje bashkëpunimi me Universitetin “Abdullah Gül” nga Turqia, e cila hap dyert për mundësi të reja për studentët dhe stafin akademik të dy institucioneve.
Kjo marrëveshje e nënshkruar, e cila thellon lidhjet ndërkombëtare, është një mundësi për të përforcuar nivelin edukativ dhe kërkimor dhe për të sjellë eksperienca të reja ndërkombëtare për komunitetin akademik të UBT-së.
Marrëveshja përfshin një gamë të gjerë aktivitetesh bashkëpunuese, përfshirë shkëmbimin e njohurive dhe burimeve mes dy universiteteve, duke mundësuar zhvillimin e aktiviteteve edukative dhe trajnimeve të përbashkëta. Pjesë e këtij bashkëpunimi janë edhe mundësitë për kërkime të avancuara shkencore, që do të mundësojnë forcimin e lidhjeve profesionale dhe do të rrisin njohuritë e studentëve dhe stafit akademik në fusha të ndryshme.
Një nga aspektet më të rëndësishme të kësaj marrëveshjeje është mundësia për certifikim të dyfishtë, që do t’u ofrojë studentëve të dy universiteteve mundësi për të fituar tituj të cilësuar ndërkombëtarisht, duke i mundësuar atyre të konkurrojnë në tregun global të punës me një kualifikim të njohur dhe të vlerësuar.
Po ashtu, në kuadër të marrëveshjes do të organizohen aktivitete si konferenca, simpoziume dhe seminare të ndryshme, që do të mundësojnë shkëmbimin e eksperiencave dhe përvojave mes studiuesve, profesorëve dhe studentëve. Këto aktivitete do të krijojnë një mundësi të shkëlqyer për zhvillimin e aftësive të komunikimit dhe bashkëpunimit ndërkombëtar, si dhe për avancimin e dijes dhe kërkimeve shkencore.
Lajmet nga UBT
Studentët e Medias dhe Komunikimit në UBT vizitojnë Këshillin e Mediave të Shkruara për të thelluar njohuritë mbi etikën dhe vetërregullimin në media
Published
3 days agoon
April 25, 2025
Në vazhdën e vizitave studimore, departamenti Media dhe Komunikim në UBT e ka realizuar edhe një vizitë tjetër.
Të mentoruar nga zyrtarja e UBT-së, Albina Zeneli, studentët e Vitit të Parë patën mundësi të ishin në ambientet e punës së Këshillit të Mediave të Shkruara.
Z. Qerim Hondozi i cili është zëdhënës i kësaj organizate u shpjegoi studentëve më shumë rreth rolit të KMShK si dhe rastet e shumta që kjo organizatë trajton me qëllimin e vetëm që t’i “mbrojë” gazetarët nga shkeljet etike.
Ligjerata në fjalë u shndërrua në diskutim të gjerë, ku dhe studentët kishin mundësi të parashtronin pyetjet dhe temat për të cilat patën interes t’i mësonin.
Përndryshe, Këshilli i Mediave të Shkruara të Kosovës është organizatë joqeveritare e regjistruar e mediave të shkruara të Kosovës, ku bëjnë pjesë gazetat e përditshme, portalet e lajmeve, gazetat periodike, revistat dhe agjencitë e lajmeve, që kryesisht merret me zbatimin e Kodit të Mirësjelljes së Mediave të Shkruara të Kosovës nga të gjithë anëtarët e saj dhe jo anëtarët, përcjelljen e zbatimit të standardeve për gazetarinë e shkruar në Kosovë, angazhimin për lirinë e shtypit dhe informimit të lirë, udhëheqjen e pasurisë së vet, të luajtshme dhe të paluajtshme, si dhe bashkëpunimin me organizatat e mediave në vend dhe ato ndërkombëtare.
Ky këshill ka një rol të rëndësishëm në sigurimin e etikës gazetareske, mbrojtjen e interesave të konsumatorëve dhe ndihmimin në promovimin e një informacioni të saktë, të besueshëm dhe të paanshëm.
Në disa raste, këshillat e mediave të shkruara mund të jenë të lidhura me organizata të tjera të mediave, si asociatat e gazetarëve, ose mund të jenë organe të pavarura që mbikëqyrin dhe promovojnë transparencën dhe llogaridhënien në sektorin e medias.
Lajmet nga UBT
Ndërto karrierën tënde si profesionist farmaceutik me UBT-në
Published
3 days agoon
April 25, 2025By
UBTnews
Rritja e kërkesës për profesionistë të kualifikuar në fushën e shëndetësisë ka nxitur UBT-në të investojë në zhvillimin e shkencave mjekësore, duke u shndërruar në një prej institucioneve kryesore për formimin e ekspertëve të rinj në Kosovë.
Përmes ekspertëve shëndetësorë, me laboratorë të pajisur me teknologjitë më të fundit dhe me një kurrikul të përshtatur në standardet më të mira evropiane dhe amerikane. Në këtë drejtim, Fakulteti i Farmacisë në UBT po shënon hapa të mëdhenj drejt përgatitjes së farmacistëve të gjeneratës së re, të cilët janë të gatshëm të kontribuojnë si në tregun vendor, ashtu edhe në atë ndërkombëtar.
Programi Farmaci në UBT, është një program i cili ndërlidh mësimin teorik me atë praktik, duke u mundësuar studentëve të përforcojnë dhe përfitojnë njohuri të reja rreth fushës duke praktikuar lëndët përmes punëtorive, seminareve, vizitave studimore dhe aktiviteteve të tjera ekstrakurrikulare.
Studentët e këtij drejtimi përgatiten nga ekspertët më të mirë që ka vendi dhe bota, me praktikat më të njohura ndërkombëtare, që u mundësojnë studentëve të përgatiten për t’u përballur me sfida që kanë për të hasur në profesionin që kanë zgjedhur për të studiuar.
E veçanta e përgatitjes profesionale akademike në UBT është zhvillimi i Poliklinikës së UBT-së, e cila është më e madhja në vend me dhjetëra laboratorë që i dedikohen departamentit të Farmacisë.
Ndërsa, studentët pas përfundimit të studimeve do të jenë në gjendje të zbatojnë njohuritë farmakologjike, farmaceutike dhe klinike, për të interpretuar dhe vlerësuar në mënyrë të sigurtë dhe të efektshme produktet finale. Gjithashtu, UBT ofron mundësi të shumta për kërkim shkencor dhe bashkëpunim me industrinë farmaceutike, duke i hapur dyert për zhvillim të mëtejshëm profesional.
UBT ka hartuar programin e Farmacisë, program ky që është duke përgatitur farmacistë me njohuri të barasvlershme dhe të aplikueshme në secilin shtet të botës. Andaj, Fakulteti i Farmacisë në UBT mbetet destinacioni kryesor për të gjithë të rinjtë që synojnë një karrierë të suksesshme në farmaci, duke ofruar cilësi, infrastrukturë moderne dhe përgatitje të gjithanshme për tregun e punës në nivel vendor dhe ndërkombëtar.
“Programi ynë është i ndërtuar sipas standardeve më të larta ndërkombëtare, duke u mundësuar studentëve të zhvillojnë njohuri dhe aftësi që i bëjnë konkurrues dhe të dallueshëm si farmacistë dhe shkencëtarë, jo vetëm në Kosovë, por kudo në botë. Ne jemi të përkushtuar të ofrojmë cilësi të lartë të arsimit, të promovojmë profesionalizmin dhe të nxisim inovacionin në shërbim të jetës cilësore të pacientit.”, shprehet Prof. Dr. Shpend Dragusha, Dekani i Fakultetit të Farmacisë në UBT.

Trump: I zhgënjyer nga Rusia, Putin të ndalojë sulmet dhe të negociojë

Aksident me fatalitet në Gjakovë, humb jetën një person

Nis konklava për zgjedhjen e papës

Dy ndeshje të rëndësishme zhvillohen sot në Superligën e Kosovës

Kina po rrit energjinë bërthamore: Qeveria miraton ndërtimin e reaktorëve të rinj

Rubio: Java e ardhshme, vendimtare për marrëveshjen mes Rusisë dhe Ukrainës

Ndërron jetë Naser Shala, ushtar i hershëm i Brigadës 121

Koreja e Veriut mbështet Rusinë, dërgon trupa për luftën kundër Ukrainës

Lavrov dhe Rubio folën zhvillojnë bisedë telefonike, çfarë u diskutua
Të kërkuara
-
Lajmet nga UBT2 months ago
Përgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet2 weeks ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT2 months ago
Profesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim
-
Bota3 months ago
Trump thotë se Microsoft-i është në bisedime për blerjen e TikTok-ut