Lifestyle

Zhvillimi i këtyre aftësive është thelbësor për përmirësimin e inteligjencës tek fëmijët

Published

19 hours ago

on

Inteligjenca është tipar që një fëmijë e trashëgon pjesërisht, por kërkon punë për zhvillimin e saj, ekspertët nxjerrin në pah tre aftësi themelore që mund të ndihmojnë në zhvillimin e inteligjencës së fëmijëve: të menduarit kritik, rregullimi emocional dhe përshtatshmëria sociale.

Konkretisht, të menduarit kritik i aftëson fëmijët të analizojnë situatat, të identifikojnë opsionet, të marrin në konsideratë pasojat dhe të marrin vendime të informuara.Kjo aftësi zhvillohet duke i inkurajuar fëmijët të bëjnë pyetje dhe të mendojnë për zgjidhje të ndryshme.

Përveç kësaj, të luash lojëra që përfshijnë vendimmarrje dhe të menduar strategjik, siç është shahu ose enigmat, mund t’i ndihmojë fëmijët të praktikojnë të menduarit kritik. Përmes kësaj, fëmijët mësojnë të mendojnë “jashtë kornizave”, gjë që është e nevojshme për t’u menaxhuar në situata të paparashikueshme.

Përveç kësaj, aftësia e një fëmije për të njohur e rregulluar emocionet luan rol të madh në zhvillimin e inteligjencës. Fëmijët që dinë të njohin emocionet dhe mësojnë t’i përballojnë ato janë më të përgatitur për t’u përballur me situatat e paparashikueshme ose stresuese që janë të pashmangshme në jetë. Një fëmijë që ndihet i frustruar sepse nuk ka arritur të përfundojë një detyrë, duhet të mësojë si të qetësohet, identifikojë shkakun e frustrimit të tij dhe të ecë para.

Aktivitete të tilla si ushtrimet e frymëmarrjes mund t’i ndihmojnë fëmijët e vegjël të mësojnë të qetësohen në situata stresuese. Përmes këtyre aftësive të rregullimit emocional, fëmijët zhvillojnë forcën dhe fleksibilitetin e brendshëm, gjë që i ndihmon ata të jenë më elastikë në situata sfiduese.

Gjithashtu, përshtatshmëria sociale është aftësi që i ndihmon fëmijët të lidhen me sukses me të tjerët e të përshtaten në situata të ndryshme sociale. Fëmijët që dinë të krijojnë marrëdhënie pozitive, të negociojnë dhe të zgjidhin konfliktet me bashkëmoshatarët e tyre ia dalin mbanë më mirë në mjedise shoqërore.

Të gjitha nuk janë të dobishme në marrëdhëniet me miqtë, por edhe në shkollë dhe në jetën e mëvonshme, sepse fëmijët që janë të adaptueshëm shoqërisht kanë më shumë gjasa të përballen me sfida në situata të ndryshme shoqërore dhe profesionale.

Related Topics:
Continue Reading

Lifestyle

Çka duhet të dini para se të vendosni qerpikë false?

Published

2 days ago

on

July 2, 2025

By

Të pasurit qerpikë perfektë, të gjatë, të plotë, është ndoshta një nga arritjet më të lakmuara të grave.

Për të arritur këtë qëllim, shumë prej nesh harxhojnë kohë, duke i grimuar për t’i bërë të duken sa më bukur.

Në të vërtetë nuk është befasi, një numër në rritje i grave po zgjedhin mundësi më të përhershme për përmirësimin e qerpikëve që nuk kërkon këtë nivel të përkushtimit. Pra, bëhet fjalë për vendosjen e qerpikëve fallso.

Edhe kjo metodë nuk është aq e thjeshtë sa mendohet, duhet cilësia e profesionalizmi për të arritur rezultat të mirë dhe të shkaktojë sa më pak dëm tek personi që i mban. Stilistja profesioniste Charlotte, jep disa informacione që duhet t’i dijë çdo vajzë para se të vendosë qerpikë.

1. Duhen një deri tre orë për të aplikuar zgjatime të qerpikëve.

2. Qerpikët profesionalë mund të zgjasin gjashtë javë.

3. Qerpikët do të bien gradualisht një nga një.

4. Jo të gjitha vajzat që vënë qerpikë janë të njëjta, sytë e ndjeshëm mund të irritohen, bisedoni me stilistin për alergjitë që keni para procesit të vënies.

5. Ju mund të kërkoni provë të vogël para aplikimit.

6. Nuk mund të përdorni kremra ose produkte vajorë afër qerpikëve, sepse shkatërrojnë materialin ngjitës të tyre.

7. Qerpikët tuaj natyralë mund të trajtojnë vetëm një peshë të caktuar, kështu që më të mëdhenjtë nuk janë gjithmonë më të mirët.

8. Zgjatimet fallso nuk do të dëmtojnë qerpikët natyralë kur aplikohen në mënyrë korrekte me produktet e duhura, nga duart e një profesionisti.

9. Disa sallone përdorin flokët e kafshëve, ekzistojnë opsione të flokëve mëndafshi e sintetikë, nëse jeni vegan, pyesni sallonin se cilat janë opsionet e tyre.

10. Stilimi i duhur mund t’i bëjë sytë të duken më të mëdhenj e të kenë një efekt dramatik në pamjen tuaj të përgjithshme.

11. Mos e lani fytyrën natën e parë.

12. Sytë tuaj janë mbyllur gjatë gjithë procedurës, por mund të ndodhë që shpesh t’ju zërë gjumi!

13. Rimeli është i ndaluar në zgjatjet e qerpikëve, pasi mund t’i dëmtojë ato.

14. Ju mund të duhet të rregulloni pozicionin tuaj të gjumit pasi qerpikët fallso mund të ngatërrohen nëpër jastëk.

15. Higjiena është faktori më i rëndësishëm në një sallon për të shmangur infeksionin, sigurohuni të kontrolloni që të gjitha mjetet e sallonit janë sterile.

16. Zgjatjet e qerpikëve mund të krijojnë varësi. Sapo të zgjoheni me qerpikë të plotë, nuk do të doni kurrë të ktheheni përsëri tek rimeli.

Continue Reading

Lifestyle

Parashikimi i motit për sot

Published

2 days ago

on

July 2, 2025

By

Instituti Hidrometeorologjik bën të ditur se të mërkurën në Kosovë do të mbajë mot me diell dhe  vranësira të shpërndara.

IHK njofton se temperaturat minimale do të jenë nga 10 deri në 16 gradë Celsius, ndërsa maksimalet do të lëvizin ndërmjet 29 deri 33 gradë.

Do të fryjë erë nga veriperëndimi me shpejtësi 1-3 m/s.

Continue Reading

Lifestyle

Gabimi më i zakonshëm që bëjmë kur lajmë flokët

Published

3 days ago

on

July 1, 2025

By

Mënyra e duhur e larjes siguron që flokët të jenë më të shëndetshëm, me shkëlqim dhe të fortë.

Shumica prej nesh ndjekin këtë proces kur i lajmë flokët, aplikojmë shampo, i fërkojmë flokët dhe i shpëlajmë, duke besuar se kjo është mënyra më e mirë për t’i pastruar. Megjithatë, mund të mos jetë aq efektive sa mendojmë dhe mund të ketë efekte të kundërta në shëndetin e flokëve.

Gabimi më i zakonshëm është të aplikojmë shampon në gjithë gjatësinë e flokëve, duke filluar nga rrënjët deri te majat, pa marrë parasysh natyrën e pjesëve të ndryshme të flokëve. Sipas ekspertëve, në fund të fundit, kujdesi i duhur i flokëve fillon nga skalpi dhe jo nga majat.

Arsyeja për këtë është e thjeshtë, skalpi është vendi ku përqendrohet sebumi. Kur pastrojmë rrënjët, lëkura e kokës mbetet e shëndetshme, ndërsa flokët mbeten të freskët dhe më pak të yndyrshëm. Gjatësia dhe majat e flokëve, që janë më të thata, nuk kanë nevojë për sapun shtesë, pasi shampoja që shpëlahet nga skalpi i kokës heq natyrshëm papastërtitë dhe yndyrën e tepërt edhe nga pjesa tjetër e flokëve.

Procedura për rezultat të shëndetshëm është të aplikoni shampon në lëkurën e kokës dhe ta lini të rrjedhë përgjatë flokëve gjatë shpëlarjes. Majat e flokëve, të cilat janë më të ndjeshme dhe të thata, nuk kanë nevojë për sapun shtesë, pasi ato mund të bëhen më të thata dhe më të brishta nëse pastrohen tepër.

Sekreti numër 1 për flokë të shëndetshëm dhe me shkëlqim nuk është larja e shpeshtë me shampo gjatë gjithë gjatësisë, por fokusimi në lëkurën e kokës.

Continue Reading

Lifestyle

Ec si një ushtar, mënyra e re për të forcuar trupin

Published

3 days ago

on

July 1, 2025

By

Ecja mbetet një nga format më të lehta dhe të përhapura të aktivitetit fizik, nuk kërkon pajisje të veçanta, ndihmon në përmirësimin e shëndetit të zemrës, përmirëson gjumin dhe gjendjen emocionale, dhe është një mënyrë e thjeshtë për të marrë ajër të pastër çdo ditë.

Për ta bërë këtë aktivitet edhe më tërheqës e sfidues, së fundmi ka fituar popullaritet një trend i ri në rrjetet sociale: “rucking”.

Kjo formë ecjeje po konsiderohet si mënyrë efektive për të shtuar intensitetin dhe përfitimet fizike të një shëtitjeje të zakonshme.

”Rucking është thjesht ecje me peshë në trup – zakonisht në shpinë”, shpjegon Nichele Cihlar, drejtoreshë e trajnimeve në GORUCK, një kompani që prodhon pajisje për këtë aktivitet. Mjafton një çantë shpine me pak peshë brenda dhe jeni gati për të filluar.

Mathew Welch, fiziolog i ushtrimeve në Spitalin për Kirurgji Speciale në New York, rucking është ushtrim me ndikim të ulët, rrjedh nga trajnimet ushtarake.

”Ushtria përgatitet për qëndrueshmëri, dhe përveç vrapimeve, ata ecin me ngarkesa të rënda-prej andej vjen koncepti i rucking-ut”, shpjegon ai.

Përveç përfitimeve të zakonshme që ofron ecja, rucking ndihmon edhe në forcimin e muskujve, rrit djegien e kalorive dhe përmirëson qëndrueshmërinë fizike. Nëse po kërkoni mënyrë të thjeshtë, por më sfiduese, rucking mund të jetë zgjidhja e duhur, mund të filloni menjëherë, me atë që keni në shtëpi.

Continue Reading

Të kërkuara