Sport
Zhvillimi dhe sfidat e infrastrukturës së sportit në Kosovë
Viteve të fundit janë bërë një numër i konsiderueshëm investimesh në sport.
Infrastruktura sportive është ndër kushtet themelore për përmirësimin dhe zhvillimin e aktiviteteve sportive si dhe ngritjen e sportit në nivelin e standardeve të pranueshme ndërkombëtare. Viteve të fundit janë bërë një numër i konsiderueshëm investimesh në sport. Mirëpo pavarësisht këtyre investimeve gjendja e infrastrukturës në vendin tonë ende lë për të dëshiruar.
Krejt në fillim, infrastruktura sportive ishte në një gjendje të mjerueshme. Investimet ishin minimale dhe objektet ekzistuese ishin në gjendje jo të përshtatshme për përdorim. Megjithatë nëpërmjet angazhimit të qeverive dhe ndihmës ndërkombëtare, Kosova ka përparuar në këtë aspekt.
Ndër zhvillimet më të rëndësishme është ndërtimi i stadiumeve të reja të futbollit. Ku përmes këtyre investimeve kanë përmirësuar infrastrukturën për sportet kolektive, duke krijuar hapësira më të përshtatshme për zhvillimin e sportit në nivele të ndryshme.
Megjithatë edhe pse ka pasur progres në ndërtimin e objekteve të reja sportive, vendi ynë ende po ballafaqohet me sfida të mëdha në këtë drejtim. Një nga problemet kryesore është mungesa e investimeve të vazhdueshme në mirëmbajtjen e objekteve të cilat janë në shfrytëzim, të cilat shumë prej tyre janë në gjendje jo të mirë dhe kanë nevojë për rindërtim ose rikonstruktim të mëtejshëm.
Një tjetër sfidë është edhe përputhshmëria e këtyre objekteve sportive me standardet ndërkombëtare. Edhe pse disa prej tyre janë ndërtuar në përputhshmëri me këto standarde, ende ka mungesë të infrastrukturës së nevojshme për trajnim dhe zhvillim të sportistëve në nivele më të larta.
Për të adresuar këto sfida dhe për të vazhduar zhvillimin e infrastrukturës së sportit, është e nevojshme që qeveria e Kosovës të vazhdojë të investojë në këtë sektor, tërheqjen e investimeve dhe bashkëpunimin me organizatat ndërkombëtare për të siguruar mbështetje në ndërtimin dhe mirëmbajtjen e objekteve të tilla.
Në përfundim, infrastruktura sportive në Kosovë ka shënuar përparim të rëndësishëm në dekadat e fundit, por ende ka sfida për të përmbushur në vazhdim. Shpresojmë që me vullnet dhe investime të vazhdueshme, vendi ynë mund të ndërtojë një infrastrukturë sportive të përballueshme dhe të përshtatshme për të gjithë sportdashësit e saj./UBTNews/
Shkroi: Arti Haziraj
Ministri në detyrë i Ministrisë për Kulturë, Rini dhe Sport, Hajrulla Çeku ka thënë se në infrastrukturën e futbollit po punohet dhe investohet si asnjëherë më parë deri më tani.
Në një postim në ‘Facebook’, Çeku ka shkruar se me këto investime, po ndërtohet një infrastrtukturë moderne e cila u shërben brezave të rinj, klubeve vendore, përfaqësueses sonë dhe ngjarjeve të mëdha ndërkombëtare, si Lojërat Mesdhetare Prishtina 2030.
“Asnjëherë më parë nuk është investuar kaq shumë dhe kaq seriozisht në infrastrukturën e futbollit në vendin tonë. Po ndërtojmë infrastrukturë moderne që u shërben brezave të rinj, klubeve vendore, përfaqësueses sonë dhe ngjarjeve të mëdha ndërkombëtare, si Lojërat Mesdhetare Prishtina 2030”, ka shkruar Çeku, duke renditur pastaj stadiumet në të cilat është duke u punuar.
Të përfunduar dhe në realizim:
Stadiumi “Fadil Vokrri”, Prishtinë
Stadiumi “Liman Gegaj”, Malishevë
Stadiumi “Adem Jashari”, Mitrovicë
Stadiumi i qytetit, Shtime
Stadiumi i qytetit, Gjakovë
Stadiumi i Gjilanit
Stadiumi i Hogoshtit, Kamenicë
Stadiumet ndihmëse në Komoran, Bërnicë, Gjilan, Raushiq, Studençan
Në procedurë:
Stadiumi “Shahin Haxhiislami”, Pejë
Stadiumi i qytetit, Ferizaj
Stadiumi “Përparim Thaçi”, Prizren
Stadiumi i qytetit, Rahovec
Stadiumi “Ferki Aliu”, Vushtrri
Stadiumi “Rexhep Rexhepi”, Drenas
Stadiumi i qytetit, Suharekë
Stadiumi i qytetit, Han i Elezit
Stadiumi “Zahir Pajaziti”, Podujevë
KosovaPress
Lajm i mirë për pronarët e automjeteve elektrike
“Ëndrra pa kufi, Opera pa mure” – publikohen datat e Ramë Lahaj International Opera Festival
Këto zakone po ju pengojnë të jeni më inteligjent, ja cilat duhen shmangur
UBT International Smart Schools diplomon nxënësit e brezit të ri teknologjik – Ceremonia mbahet këtë të shtunë në Parkun Shkencor
Vitamina D mund të ngadalësojë plakjen
Von der Leyen: Evropa duhet të forcojë mbrojtjen, të pranojë Ukrainën në BE
Profesorët e UBT-së prezantuan projektin COWEB në takimin “Cluster” të organizuar nga Erasmus Plus Kosova
Studentët e programit Inxhinieri e Ndërtimit dhe Infrastrukturë në UBT realizojnë vizitë studimore në kuadër të moduleve “Mekanika e Dherave” dhe “Siguria në Punë”
Studentët e vitit të tretë në Menaxhment, Biznes dhe Ekonomi në UBT përfundojnë me sukses trajnimin praktik “Micro Business Game”
-
Lajmet nga UBT1 month agoProfesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months agoStudentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Kulturë2 months agoShkëlqeu me rolin e tij në ‘Kontesha Arduini’, intervistë me Mirsad Ferati
-
Kulturë2 months ago27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur