Lajmet

Zhvillimet e fundit pas tërmetit në Turqi e Siri

Qeveria siriane ka bërë një kërkesë zyrtare për ndihmë nga BE-ja.

Published

on

Kanë kaluar rreth 60 orë që nga tërmeti masiv i së hënës, me përpjekje të shumta ndërkombëtare për të ndihmuar miliona të lënduar dhe të pastrehë.

Këtu gjeni një përmbledhje të ngjarjeve:

*Më shumë se 11,000 njerëz në Turqinë jugore dhe Sirinë veriore janë vrarë në tërmetin me magnitudë 7.8, me zyrtarët që citojnë 8,574 vdekje në Turqi dhe 2,660 njerëz që janë konfirmuar deri më tani të vdekur në Siri.

*Presidenti i Turqisë, Erdogan, ka vizituar qytetin e Kahramanmaras ku u tha banorëve se përpjekjet e shpëtimit të Turqisë tani janë “nën kontroll” dhe “po bëheshin më të lehta”, pas kritikave për reagimin e vonshëm.

*Presidenti Erdogan fajësoi rrugët dhe aeroportet e dëmtuara, të cilat sipas tij, ndikuan në reagimin e qeverisë duke vonuar dërgimin e ndihmës emergjente.

*Qeveria siriane ka bërë një kërkesë zyrtare për ndihmë nga BE-ja; Brukseli – i cili nuk e njeh Bashar al-Asadin si kreun e shtetit – tha se çdo ndihmë duhet të arrijë në zonat e kontrolluara nga qeveria, poashtu edhe në ato të kontrolluara nga rebelët.

*Shpëtimet dramatike të një familjeje prej gjashtë anëtarësh në Idlib të Sirisë dhe një djali tetë vjeçar në Hatay të Turqisë, kanë shtuar shpresat në një pamje të zymtë të vdekjes dhe shkatërrimit. Koha tani për tani është shumë e rëndësishme gjatë kërkim-shpëtimit, pasi temperaturat vazhdojnë të bien në rajon me mesataret -7 gjatë natës që priten në Gaziantep.

*Punonjësit e shpëtimit dhe organizatat bamirëse gjenden në rajon dhe po punojnë me ritëm për të ndihmuar shumë të lënduar dhe për të siguruar ushqim dhe strehim për miliona të pastrehë./UBTNews/

Aktualitet

Profesori i UBT-së, Hamëz Rama, ligjëroi në Hardh Talk në kuadër të Hardh Fest në Rahovec

Published

on

Në kuadër të Festivalit tradicional “Hardh Fest”, që është kthyer në një ndër ngjarjet e  rëndësishme kulturore në vend, u mbajt aktiviteti Hardh Talk, ku këtë vit ligjwroi profesori i UBT-së, Prof. Ass. Dr. Hamëz Rama.

Ligjërata e tij, me temën “A mund të jetë vera pasaporta e re për zhvillimin ekonomik dhe imazhin ndërkombëtar të Kosovës?”, ngjalli interesim të madh tek publiku i pranishëm. Rama theksoi se vera, dhe në veçanti ajo e Rahovecit, mund të shërbejë si një element identitar dhe si një instrument i fuqishëm ekonomik, duke promovuar vendin në tregjet ndërkombëtare.

Në këtë aktivitet mori pjesë edhe Rektori i UBT-së, Prof. Dr. Edmond Hajrizi. Ngjarja, e cila u zhvillua në ambientet tradicionale të Bodrumit të Vjetër në Rahovec, mblodhi së bashku ekspertë të industrisë, akademikë dhe përfaqësues institucionesh, duke hapur një debat të gjerë mbi rolin e industrisë së verës në zhvillimin ekonomik dhe turizmin në Kosovë.

Continue Reading

Lajmet

​Pjesëtarët e FSK-së realizojnë trajnimin sfidues “Mbijetesa në ujë”

Published

on

By

Pjesëtarët e Forcës së Sigurisë së Kosovës kanë realizuar trajnimin sfidues “Mbijetesa në ujë” – një trajnim i specializuar qe synon përgatitjen e pjesëtarëve të FSK-së për përballje me situata të ndërlikuara në mjedise ujore.

Qëllimi kryesor i këtij trajnimi ishte përgatitja profesionale e pjesëtarëve të FSK-së për operacione në ujë, si ne nivel individual ashtu edhe në nivel ekipor”, shkroi në Facebook ministri në detyrë i Mbrojtjes, Ejup Maqedonci.

Ai tha se gjatë këtij trajnimi, pjesëtarët u aftësuan në teknika të mbijetesës në ujë, not taktik, improvizimin e mjeteve për të mbijetuar në zona ujore, si dhe improvizimin e mjeteve për kalimin e zonave të rrezikshme ujore./D.B/KP

Continue Reading

Lajmet

Shpallet në kërkim Arbër Havolli, i dyshuar për vrasjen e Bashkim Spahiut

Published

on

By

Policia e Kosovës e ka shpallur në kërkim Arbër Havollin, i dyshuar për vrasjen që ndodhi të shtunën mbrëma në Llapashticë të Podujevës.

Viktimë në këtë rast mbeti, 44 vjeçari Bashkim Spahiu, nga fshati Gllamnik i Podujevës.

Njësiti i hetimeve të përgjitshme që operon në kuadër të Drejtorisë Rajonale të Policisë në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në arrestimin e personit të dyshuar për veprën vrasje që ka ndodhë me datën 06.09.2025 në fshatin Llapashticë e epërme -Podujevë”, thuhet në kërkesën e organeve të rendit drejtuar qytetarëve./D.B/EO

Continue Reading

Lajmet

33 zjarre në Maqedoni gjatë 24 orëve të fundit, dy ende aktive

Published

on

By

Gjatë 24 orëve të fundit, në territorin e Maqedonisë  janë regjistruar gjithsej 33 zjarre. Sipas të dhënave të Qendrës për Menaxhim me Kriza (QMK), prej tyre 29 janë shuar, dy janë nën kontroll, ndërsa dy të tjera vazhdojnë të jenë aktive.

Zjarret aktive po përballohen në fshatin Nikushtak, komuna e Likovës, si dhe në territorin e komunës së Studeniçanit, në fshatrat Varvarë dhe Draçevicë, ku flakët kanë përfshirë pyje të përziera dhe bimësi të ulët.

Në rajonin e Shkupit, zjarrfikësit kanë arritur të shuajnë disa vatranë komunën e Gjorçe Petrovit, në fshatrat Rashtak e Kamnik rë komunës së Gazi Babës, në Jabollcë, si dhe në fshatin Rashçe.

Flakët janë shuar gjithashtu edhe në komunat Manastir, Dollneni, Resnjë, Krushevë, Strumicë, Strugë, Kavadar, Çeshinovë-Obleshevë, Dellçevë, Koçan, Likovë, Kumanovë, Staro Nagoriçan, Tetovë dhe Gostivar.

Autoritete në Maqedoni apelojnë qytetarët që të tregojnë kujdes maksimal, duke mos ndezur zjarre në ambientet e hapura, me qëllim që të parandalohen përhapje të reja./D.B/UBTNews/Zhurnal.mk

Continue Reading

Të kërkuara