Kronikë e zezë

Zhdukja e 5000 pakove me kokainë në Roterdam dyshohet se u bë shkak për vrasjen e shqiptarit në Ekuador

Dashi konsiderohet nga policia kriminale në Shqipëri, si njeri i besuar i, Eldi Dizdarit.

Published

5 years ago

on

Zhdukja e një sasie prej gati 5 mijë pakove me kokainë në portin e Roterdamit në Holandë, dyshohet të jetë bërë shkaku kryesor në vrasjen e 34-vjeçarit, Ergys Dashi, në Guajakyl të Ekuadorit.

Në rrethin shoqëror mes Shqiptarëve, Dashi, njihet me nofkën “Pikja”, ndërsa ishte një person i rëndësishëm për ndjekjen e operacioneve të trafikut të kokainës nga Amerika Latinë në Evropë.

Ekzekutimi i të riut nga Durrësi por banues në Tiranë dhe që kohët e fundit qëndronte rezident në Guajakyl, besohet se është kryer nga grupet kriminale kolumbiane, të cilat bashkëpunojnë me trafikantët Shqiptarë, në dërgimin e tonelatave me kokainë drejt porteve të vendeve të Bashkimit Europian.

Sipas të dhënave, Dashi, ishte njeriu që koordinonte veprimet në Guajakil, ndërsa shefat e tij qëndrojnë ende dhe sot në Dubai dhe Tiranë.

Dashi konsiderohet nga policia kriminale në Shqipëri, si njeri i besuar i, Eldi Dizdarit, person që kërkohet nga Italianët si i implikuar në trafikun e kokainës në rastin e grupit “Los Blancos”. Dizdari, prej disa vitesh jeton në Dubai.

Ndërsa lidhjet miqësore të, Ergys Dashit, sipas burimeve të policisë, janë edhe me Ervin Matën, një personazh ky i përfshirë në masakrën e 4 Tetorit 2018 në ish-bllok.

Sipas burimeve jo zyrtare të policisë, Dashi njihet edhe si njeriu i besuar i P.D, nga Durrësi dhe aktualisht rezident në Dubai.

Në videon e siguruar nga “Ora News” shihet qartë momenti kur një person me një buqetë me lule në duar i është afruar viktimë dhe e ka qëlluar atë me një plumb në ballë, ndërkohë që ai po qëndronte në tavolinë me një person tjetër.

Ndërsa të gjithë personat që ishin në lokal janë alarmuar dhe kanë dalë me vrap nga restoranti.

Mësohet se autori përveç se ka vrarë Dashin, teksa po largohej nga lokali ka plagosur dhe një vajzë vendase me emrin, Angie Romero, 26 vjeç.

Ajo ishte ulur në një tavolinë pranë vendit ku ndodhej shtetasi i huaj. Në vendngjarje, ekspertët e kriminalistikës kanë grumbulluar mbi 20 shenja të fishekëve të markës Fame.

Hetuesit vendas, konstatuan se viktima ka marrë një plumb të vetëm në pjesën ballore të kafkës.ORANEWS

Related Topics:
Continue Reading

Lajmet

Kush është personi i arrestuar nën dyshimet për spiunazh dhe bashkëpunim me BIA-n?

Published

1 hour ago

on

August 13, 2026

By

Fehim Sali është arrestuar nën dyshimet për veprën penale të spiunazhit, në një operacion të përbashkët të Agjencisë Kosovare të Inteligjencës, Policisë së Kosovës dhe Prokurorisë Speciale.

Sali dyshohet se për një periudhë të gjatë ka bashkëpunuar me Agjencinë serbe të Inteligjencës, BIA, dhe se ka mbajtur kontakte me zyrtarin e saj, Zelimir Matoviq.

I arrestuari punon si arsimtar në shkollën serbe “9 Maji” në Rapçë të Dragashit, ndërsa më herët ka qenë i angazhuar edhe në Këshillin Konsultativ për Komunitete pranë Zyrës së Presidentes.

Sipas raportimeve, ai dyshohet se është marrë edhe me ndërmjetësimin për prona dhe dokumente serbe, ndërsa ndaj tij ka dyshime se është angazhuar në grumbullimin e votave për persona që mbështesin presidentin serb, Aleksandar Vuçiq./A.K/

Continue Reading

Lajmet

Shtetasi i Serbisë kaloi ilegalisht kufirin në Kamenicë, shoqërohet në polici

Published

3 hours ago

on

August 13, 2026

By

Një shtetas i Serbisë është shoqëruar në stacionin policor në Kamenicë, pasi dyshohet se me një veturë me targa të Serbisë ka kaluar ilegalisht kufirin.

Sipas Policisë së Kosovës, rasti ka ndodhur më 12 gusht, rreth orës 18:55, në fshatin Novosellë.

I dyshuari ishte së bashku me dy pasagjerë kur është ndaluar nga autoritetet.

Me vendim të gjykatës, të dyshuarit i janë sekuestruar dokumentet, ndërsa më pas është liruar./A.K/

Continue Reading

Lajmet

Nën ndikim të alkoolit sulmoi policët në Malishevë, dy zyrtarë pësojnë lëndime

Published

3 hours ago

on

August 13, 2026

By

Një person është arrestuar në Malishevë pasi dyshohet se, nën ndikimin e alkoolit, ka sulmuar zyrtarët policorë gjatë kryerjes së detyrës.

Sipas raportit të Policisë së Kosovës, rasti ka ndodhur më 12 gusht, rreth orës 00:20.

Si pasojë e sulmit, dy zyrtarë policorë kanë pësuar lëndime të lehta trupore.

I dyshuari është arrestuar dhe, pas intervistimit, me vendim të prokurorit është dërguar në mbajtje./A.K/

Continue Reading

Lajmet

Arrestohen dy persona në Ferizaj, sekuestrohen mbi 10 gramë marihuanë dhe mbi 1 mijë euro

Published

3 hours ago

on

August 13, 2026

By

Dy persona janë arrestuar në Ferizaj nën dyshimin për posedim dhe shitblerje të substancave narkotike.

Sipas raportit të Policisë së Kosovës, rasti ka ndodhur të mërkurën, më 12 gusht, rreth orës 21:10, në rrugën “Emin Duraku”.

Njëri nga të dyshuarit dyshohet se ishte në cilësinë e shitësit, ndërsa tjetri si blerës i substancave narkotike.

Gjatë kontrollit të banesës së njërit prej të dyshuarve, policia ka sekuestruar 10.33 gramë substancë narkotike të llojit marihuanë, 1,215 euro para të gatshme, një telefon mobil dhe një kavanoz me mbetje të substancave narkotike.

Me vendim të prokurorit, njëri nga të dyshuarit është dërguar në mbajtje, ndërsa personi tjetër është liruar dhe rasti do të vazhdojë në procedurë të rregullt./A.K/

Continue Reading

Të kërkuara