Kronikë e zezë

Zhdukja e 5000 pakove me kokainë në Roterdam dyshohet se u bë shkak për vrasjen e shqiptarit në Ekuador

Dashi konsiderohet nga policia kriminale në Shqipëri, si njeri i besuar i, Eldi Dizdarit.

Published

4 years ago

on

Zhdukja e një sasie prej gati 5 mijë pakove me kokainë në portin e Roterdamit në Holandë, dyshohet të jetë bërë shkaku kryesor në vrasjen e 34-vjeçarit, Ergys Dashi, në Guajakyl të Ekuadorit.

Në rrethin shoqëror mes Shqiptarëve, Dashi, njihet me nofkën “Pikja”, ndërsa ishte një person i rëndësishëm për ndjekjen e operacioneve të trafikut të kokainës nga Amerika Latinë në Evropë.

Ekzekutimi i të riut nga Durrësi por banues në Tiranë dhe që kohët e fundit qëndronte rezident në Guajakyl, besohet se është kryer nga grupet kriminale kolumbiane, të cilat bashkëpunojnë me trafikantët Shqiptarë, në dërgimin e tonelatave me kokainë drejt porteve të vendeve të Bashkimit Europian.

Sipas të dhënave, Dashi, ishte njeriu që koordinonte veprimet në Guajakil, ndërsa shefat e tij qëndrojnë ende dhe sot në Dubai dhe Tiranë.

Dashi konsiderohet nga policia kriminale në Shqipëri, si njeri i besuar i, Eldi Dizdarit, person që kërkohet nga Italianët si i implikuar në trafikun e kokainës në rastin e grupit “Los Blancos”. Dizdari, prej disa vitesh jeton në Dubai.

Ndërsa lidhjet miqësore të, Ergys Dashit, sipas burimeve të policisë, janë edhe me Ervin Matën, një personazh ky i përfshirë në masakrën e 4 Tetorit 2018 në ish-bllok.

Sipas burimeve jo zyrtare të policisë, Dashi njihet edhe si njeriu i besuar i P.D, nga Durrësi dhe aktualisht rezident në Dubai.

Në videon e siguruar nga “Ora News” shihet qartë momenti kur një person me një buqetë me lule në duar i është afruar viktimë dhe e ka qëlluar atë me një plumb në ballë, ndërkohë që ai po qëndronte në tavolinë me një person tjetër.

Ndërsa të gjithë personat që ishin në lokal janë alarmuar dhe kanë dalë me vrap nga restoranti.

Mësohet se autori përveç se ka vrarë Dashin, teksa po largohej nga lokali ka plagosur dhe një vajzë vendase me emrin, Angie Romero, 26 vjeç.

Ajo ishte ulur në një tavolinë pranë vendit ku ndodhej shtetasi i huaj. Në vendngjarje, ekspertët e kriminalistikës kanë grumbulluar mbi 20 shenja të fishekëve të markës Fame.

Hetuesit vendas, konstatuan se viktima ka marrë një plumb të vetëm në pjesën ballore të kafkës.ORANEWS

Related Topics:
Continue Reading

Lajmet

Plagoset me armë zjarri një person në Pejë

Published

4 days ago

on

December 15, 2025

By

Policia e Kosovës ka njoftuar se është plagosur me armë zjarri një person mbrëmë në Pejë.

Lajmin e ka konfirmuar zëdhënësi i policisë për rajonin e Pejës, Fadil Gashi, i cili bëri të ditur se dyshohet që kjo ka ndodhur aksidentalisht.

Ai bëri të ditur se në bazë të informacioneve, i plagosuri është jashtë rrezikut për jetë.

“Pas orës 19:00 policia është njoftuar nga Spitali i Pejës se një person ka shkuar atje i lënduar nga arma e zjarrit. Ai dyshohet se është plagosur aksidentalisht nga një person. I plagosuri është jashtë rrezikut për jetë”, thuhet në konfirmim.

Gashi gjithashtu tha se i dyshuari është shoqëruar për në stacion policor./S.K/EO/PK/

Continue Reading

Lajmet

Vetëplagoset me armë zjarri një 50-vjeçar në Lipjan

Published

4 days ago

on

December 15, 2025

By

Një burrë është vetëplagosur me armë zjarri në fshatin Mirenë të Lipjanit, ku viktima, 50-vjeçar, u dërgua fillimisht për trajtim në Qendrën e Mjekësisë Familjare në Drenas, ndërsa më pas u transferua në QKUK për kujdes të specializuar.

Drejtori i Emergjencës Naser Syla, deklaroi se gjendja e tij ishte stabile.

“Janë kryer ekzaminimet e nevojshme,pasi ishte në sallën operative të Emergjencës duke u intervenuar nga ekipët e anestezionit dhe urologjisë, pas operacionit u transferua në Klinikën e Urologjisë për trajtim të metutjeshëm”, deklaroi Syla.

Rreth ngjarjes u deklarua edhe Policia e Kosovës.

Zëdhënësja për rajonin e Prishtinës Flora Ahmeti, deklaroi se në koordinim me Prokurorin e Shtetit po hetohen të gjitha rrethanat që lidhen me rastin.

“Rreth orës 12:00,   policia është njoftuar se në fshatin Mirenë të Lipjanit, një  person (mashkull) është plagosur me armë zjarri. Njësitet  policore kanë dalë në vendngjarje dhe në koordinim me Prokurorin e shtetit,janë duke u marrë me hetimin e të gjitha rrethanave që lidhen me rastin, ndërkohë që personi i lënduar është dërguar për tretman mjekësor”, tha Ahmeti./S.K/EO/PK/

Continue Reading

Lajmet

Vdes 26 vjeçari që u aksidentua në Leposaviq

Published

1 week ago

on

December 10, 2025

By

Personi që ishte në gjendje të rëndë pas aksidentit mes dy veturave në Leposaviq ka vdekur njoftoi Policia e Kosovës.

Lajmin e ka konfirmuar zëdhënësi i policisë për rajonin e Mitrovicës së Veriut, Erduan Baliqi.

Ai bëri të ditur se viktima është nga Leposaviqi me inicialet M.Dh, i lindur në vitin 1999.

“Personi që ka qenë në gjendje kritike ka vdekur. Viktima është nga Leposaviqi me inicialet M.Dh, i lindur në vitin 1999.”, tha Baliqi.

Continue Reading

Lajmet

Policia shqipton mbi 1 mijë e 800 gjoba trafiku brenda 24 orëve të fundit

Published

2 weeks ago

on

December 8, 2025

By

Policia e Kosovës ka njoftuar se ka shqiptuar 1855 gjoba për kundërvajtësit e trafikut vetëm brenda 24 orëve të fundit.

Brenda kësaj periudhe gjithashtu janë raportuar 22 aksidente trafiku me dëme materiale, kurse 9 aksidente trafiku kanë përfunduar me të lënduar.

Policia e Kosovës po ashtu arrestuar 5 persona nga të cilët 3 janë dërguar në mbajtje./S.K/PK/

Continue Reading

Të kërkuara