Lajmet

Zgjedhjet e 17 Tetorit, sipas Albin Kurtit

Kurti: Kemi dëshiruar më shumë, por synojmë të fitojmë në çdo balotazh.

Published

4 years ago

October 18, 2021

Betim Gashi

Kreu i Lëvizjes Vetëvendosje njëherit edhe kryeministri i vendit, Albin Kurti, thotë se pavarësisht rezultatit të zgjedhjeve lokale të partisë të tij – kanë synuar e dëshiruar më shumë.

“Së pari, natyrisht që pavarësisht rezultatit tonë në cilado zgjedhje, ne kemi synuar e dëshiruar më shumë. Megjithatë jemi të kënaqur me atë që kemi arritur sepse edhe sa i përket zgjedhjeve lokale VV-ja u bë subjekti i parë e më i madh”.

Kurti mes tjerash ka bërë krahasimin e rritjes së partisë së tij përgjatë 10 vjetëve si pjesë e politikës, njofton Klankosova.tv.

“Para një dekade kur kemi pasur përfaqësuesit e parë të Vetëvendosjes në Kuvend, atëbotë kur garuam hymë në Kuvend dhe ishim të tretit. Brenda 10 vjetëve, jo vetëm që jemi grupi më i madh parlamentar, por jemi subjekti më i madh se sa të tri partitë e vjetra që janë në opozitë, marrë së bashku”, deklaroi Kurti.

“Në zgjedhjet e fundit lokale ishim të tretit, tash jemi të parët. Tash jemi të parët edhe në zgjedhje lokale e parlamentare. Kjo nuk mjafton, sepse duhet ta transformojmë vendin edhe në aspektin politiko-institucional edhe në atë socio-ekonomik komunë për komunë”.

Kurti mes tjerash bëri të ditur se synojnë të fitojnë kudo që janë në balotazh.

“Në balotazh synojmë të fitojmë kudo që jemi në balotazh. Unë qysh sonte e kam caktuar një takim me secilin kandidat tonin në komunat ku ata do të jenë në balotazh që do të mbahet me 14 nëntor dhe pa humbur kohë do të fillojmë të bëjmë planet tona si të ecim më tej”.

Lajmet

Kosova ballafaqohet sot me Spanjën për Euro U21

Published

2 minutes ago

September 9, 2025

UBT News

Përfaqësuesja e Kosovës U21 do të zbresë sot në fushë për ndeshjen e dytë kualifikuese të Kampionatit Evropian 2027.

Dardanët e rinj do të kenë përballë një kundërshtar të madh, Spanjën U21, në një sfidë që nis nga ora 19:00 në stadiumin “Fadil Vokrri” në Prishtinë.

Kosova U21 vjen në këtë takim pas një barazimi në ndeshjen e parë dhe aktualisht ka një pikë në Grupin A, ku renditet në mesin e gjashtë përfaqësueseve. Nga ana tjetër, Spanja ka arritur fitoren në ndeshjen hapëse dhe me tri pikë mban pozitën e dytë në grup.

Përveç Kosovës dhe Spanjës, në Grupin A bëjnë pjesë edhe Finlanda, Rumania, San Marino dhe Qipro, gjë që e bën garën për kualifikim të fortë dhe të pasigurt deri në fund.

Dardanët U21 shpresojnë të marrin mbështetje të madhe nga tifozët në “Fadil Vokrri”, në përpjekje për të befasuar një prej skuadrave më të fuqishme të futbollit evropian të kësaj moshe. Dardanët kanë mbajtur stërvitjen e fundit në Kampin Nacional në Hajvali/S.K/KP/FFK/

Bota

Bombardimet e sotme në Gaza, vriten 11 persona, 20 rezultojnë të zhdukur

Published

2 minutes ago

September 9, 2025

UBTnews

Të paktën 11 persona janë vrarë dhe mbi 20 rezultojnë të zhdukur pas sulmeve ajrore izraelite në Rripin e Gazës që nga agimi i ditës së sotme.

Sipas Al Jazeera, sulmet kanë shkaktuar shkatërrime të mëdha dhe rritje të shqetësimeve për gjendjen humanitare në rajon./D.B/EO

Lajmet

Arrestohet një shtetas serb në Kamenicë, solli mall ilegalisht nga Serbia

Published

3 minutes ago

September 9, 2025

UBTnews

Policia e Kosovës njofton se kanë parandaluar kontrabandimin me mallra nga Serbia në Kamenicë.

Sipas policisë, një traktor që drejtohej nga i dyshuari shtetas i Serbisë në të cilën kishte të ngarkuar mall (ushqim për peshq) të cilin dyshohet se e kishte futur në Republikën e Kosovës nga Serbia përmes rrugëve ilegale, në vlerë rreth 10 mijë euro.

“Kamenicë / 08.09.2025 – 20:20. Njësia policore ka ndaluar një traktor që drejtohej nga i dyshuari shtetas i Serbisë në të cilën kishte të ngarkuar mall (ushqim për peshq) të cilin dyshohet se e kishte futur në Republikën e Kosovës nga Serbia përmes rrugëve ilegale. Vlera e mallit llogaritet rreth 10.000 €”, thuhet në raportin 24 orësh të Policisë.

Policia njofton po ashtu se i dyshuari është arrestuar dhe pas inicimit të rastit me vendim të prokurorit është dërguar në mbajtje, ndërsa malli është dërguar në terminalin doganor./D.B/KP

Lajmet

Kosova mposht Suedinë në stadiumin “Fadil Vokrri”

Published

5 minutes ago

September 9, 2025

UBT News

Kombëtarja e Kosovës ka arritur një fitore të madhe mbrëmë në stadiumin “Fadil Vokrri” në Prishtinë duke mposhtur Suedinë me rezultat 2-0.

Dardanët zhvilluan një ndeshje të shkëlqyer dhe falë golave të Elvis Rexhbecajt dhe Vedat Muriqit siguruan fitoren e parë në kuadër të grupit B në kualifikimet për Kampionatin Botëror 2026.

Me këtë sukses, Kosova regjistron tri pikët e para në grup dhe rikthehet fuqishëm në garë pas humbjes në ndeshjen e parë. Dardanët do të rikthehen në fushë në muajin nëntor, kur do të zhvillojnë duelet e radhës në këtë cikël kualifikues./S.K/KP/ FFK/