Lajmet

​Zelensky: Kontrollojmë 100 vendbanime në Rusi, ata ikën kur na panë duke ardhur

Publikuar

1 javë më parë

më

Presidenti i Ukrainës, Volodymyr Zelensky u bëri thirrje sot aleatëve perëndimorë që të injorojnë “vijat e kuqe” të Moskës dhe të lejojnë Kievin të përdorë armë me rreze të gjatë për sulmet në territorin rus, ndërsa Uashingtoni i premtoi Kievit 250 milionë dollarë shtesë në armë.

Zelensky u shfaq për herë të parë në një tubim të rregullt të aleatëve ukrainas të organizuar nga SHBA në bazën ajrore Ramstein në Gjermani. Ai u përpoq të paraqiste opsionin e sulmeve me rreze të gjatë si një mënyrë tjetër për të bërë presion ndaj Rusisë për t’i dhënë fund pushtimit.

Ai foli në një kohë me rrezik të lartë për forcat ukrainase që kanë nisur një ofensivë të befasishme në rajonin Kursk në Rusi, ndërsa forcat ruse janë të përqendruara në kapjen e qytetit lindor të Ukrainës, Pokrovsk, një qendër kryesore logjistike për përpjekjet luftarake të Kievit.

“Ne duhet të kemi një aftësi me rreze të gjatë jo vetëm në territorin e okupuar të Ukrainës, por edhe në territorin rus, në mënyrë që Rusia të jetë e motivuar për të ndjekur paqen”, tha Zelensky.

Sekretari amerikan i Mbrojtjes Lloyd Austin vuri në dukje ofensivën e Kurskut si një shembull se si Ukraina punoi për të marrë iniciativën në fushën e betejës.

“Ushtria agresore e Kremlinit tani është në mbrojtje në terrenin e saj”, tha Austin.

Megjithatë, vërejtjet e Austin dukej se synonin përpjekjet më të gjera perëndimore për të mbajtur fushatën e Ukrainës për të zmbrapsur forcat ruse nga territori i saj, duke përfshirë njoftimin e një ndihme shtesë prej 250 milionë dollarësh për sigurinë.

Gjermania do t’i dorëzojë Ukrainës 12 obus vetëlëvizës shtesë, tha ministri gjerman i Mbrojtjes Boris Pistorius në margjinat e një takimi të të ashtuquajturit grupi Ramstein i vendeve që furnizojnë Kievin me armë.

Duke folur me gazetarët në bazën ajrore amerikane Ramstein në Gjermaninë perëndimore të premten, Pistorius tha se obusët do të vijnë nga industria, jo nga rezervat ushtarake të vendit.

“Moska vazhdon ofensivën e saj në Ukrainën lindore, veçanërisht rreth Pokrovsk. Putin po lëviz trupat e tij në Kursk dhe Kremlini vazhdon të bombardojë qytetet ukrainase dhe të synojë civilët ukrainas”, tha Austin.

Austin paraqiti statistika për të vdekurit e luftës dhe tha se vlerësohej se më shumë se 350 mijë ushtarë rusë ishin vrarë ose plagosur. Ai tha se forcat ukrainase kishin fundosur, shkatërruar ose dëmtuar 32 anije të marinës ruse dhe e shtynë flotën ruse të Detit të Zi drejt lindjes.

Zelensky tha se rreth 6 mijë ushtarë rusë u vranë ose u plagosën në ofensivën ukrainase në Kursk.

“Sot ne kontrollojmë një zonë prej më shumë se 1300 kilometra katrorë në rajonin Kursk, që përfshin 100 vendbanime”, tha Zelensky, duke shtuar se forcat ruse kishin lënë një pjesë të madhe të territorit.

“Ata ikën kur panë forcat tona që po afroheshin”, shtoi ai.

Forcat ruse, të cilat kontrollojnë 18 për qind të Ukrainës, kanë bërë përparime graduale në lindje që nga dështimi i një kundërofensive të madhe të Kievit vitin e kaluar. Kremlini tha se nuk ka kushte për negociata paqeje me Ukrainën tani.

Etiketa
Vazhdo të lexosh

Lajmet

Tërmeti i fortë godet Rumaninë, kjo është epiqendra dhe magnituda

Publikuar

5 orë më parë

më

16 Shtator, 2024

nga

Një tërmet me magnitudë 5.2 ka ndodhur vetëm 5 minuta më parë 62 km në veriperëndim të Buzaut, Rumani, njoftoi Qendra Sizmologjike Evropiane-Mesdhetare (EMSC).

Tërmeti goditi në një thellësi të ndërmjetme prej 137 km nën epiqendrën pranë Buzau, Municipiul Buzău, Rumani, pasdite të së hënës, 16 shtator 2024, në orën 17:40 me orën lokale, shkruan VizionPlus.

Në bazë të të dhënave paraprake sizmike, tërmeti nuk duhet të kishte shkaktuar dëme të konsiderueshme, por me gjasë është ndjerë nga shumë persona si dridhje e lehtë në zonën e epiqendrës.

Vazhdo të lexosh

Lajmet

Ukraina i fton OKB-në dhe Kryqin e Kuq Ndërkombëtar në Kursk të Rusisë

Publikuar

6 orë më parë

më

16 Shtator, 2024

nga

Ukraina tha të hënën se i ka kërkuar Kombeve të Bashkuara dhe Komisionit Ndërkombëtar të Kryqit të Kuq (ICRC) t’u bashkohen përpjekjeve humanitare në rajonin Kursk të Rusisë, në të cilin forcat ukrainase e kryen një inkursion në gusht.

Ushtria ukrainase tani ka nën kontroll rreth 100 vendbanime në rajonin e Kurskit një muaj pasi e nisi inkursionin befasues, sipas presidentit të Ukrainës, Volodymyr Zelensky.Ministria e Mbrojtjes e Rusisë tha se forcat ruse i kanë rimarrë nën kontroll edhe dy fshatra të tjera në këtë rajon.

Ministri i Jashtëm i Ukrainës, Andriy Sybiha, tha se e udhëzoi të dielën Ministrinë e vet t’i ftojë OKB-në dhe ICRC-në të punojnë në rajonin e Kurskut.

“Ukraina është e gatshme ta lehtësojë punën e tyre dhe të sillet në përputhje me ligjin ndërkombëtar humanitar”, tha Sybiha në X gjatë një vizite në Sumi, nga ku forcat ukrainase e nisën sulmin matanë kufirit.

Ai tha se ushtria ukrainase po garanton ndihmë humanitare dhe kalim të sigurt për civilët në rajonin e Kurskut.

Ministria e Jashtme e Ukrainës tha se ftesat u janë dërguar OKB-së dhe ICRC-së “duke marrë parasysh gjendjen humanitare dhe nevojën për të siguruar të drejta themelore njerëzore në territorin e rajonit të Kurskut”.

Ajo tha se i ka kërkuar ICRC-së të vëzhgojë nëse Ukraina po vepron në përputhje me parimet e ligjit ndërkombëtar humanitar.

Nuk është e qartë nëse OKB-ja dhe ICRC-ja janë përgjigjur.

Agjencia shtetërore e lajmeve e Rusisë, TASS, e citoi zëdhënësin e Kremlinit, Dmitry Peskov, duke thënë se deklarata të tilla janë “provokuese”.

Ai e bëri të qartë se Moska, e cila e nisi pushtimin e plotë të Ukrainës më 2022, pret që OKB-ja dhe ICRC-ja të mos i pranojnë ftesat./REL

Vazhdo të lexosh

Lajmet

Dy vjet nga vdekja e Mahsa Aminit

Publikuar

6 orë më parë

më

16 Shtator, 2024

nga

16 shtatori shënon dyvjetorin e vdekjes së 22-vjeçares kurdo-iraniane, Mahsa Amini, e cila vdiq si pasojë e arrestimit nga policia morale e Iranit për shkak të veshjes së “pahijshme”. Vdekja e saj shkaktoi valë të mëdha të protestave në historinë e Republikës Islamike.

Disa ditë pas vdekjes së Mahsa Aminit, dhjetëra mijëra iranianë dolën në rrugë për të shprehur zemërimin e tyre, duke brohoritur, “Grua, jetë, liri”. Këto protesta, të cilat zgjatën për disa muaj, u shtypën me dhunë nga autoritetet iraniane.

“Tani e dimë se gjatë shtypjes së këtyre demonstruesve është përdorur dhunë e paprecedentë. Ishte shumë më keq nga sa mendonim”, tha Chowra Makaremi, një antropologe dhe specialiste e Iranit. “Ne vërtet jemi të vetëdijshëm për shkallën e mizorisë vetëm duke lexuar dëshmitë e mbledhura nga hetimi i OKB-së”.

Në raportin e OKB-së, i cili u publikua në muajin mars, u gjetën prova të vrasjeve jashtëgjyqësore dhe krimeve kundër njerëzimit. Hetuesit gjetën shkelje të rënda të të drejtave të njeriut, sikurse tortura, përdhunimi dhe forma të tjera të dhunës seksuale ndaj protestuesve.

Mbi 30 mijë arrestime u regjistruan dhe të paktën 551 protestues u vranë nga forcat e sigurisë, përfshirë 49 gra dhe 68 fëmijë.

“Shumica e vdekjeve u shkaktuan nga armët e zjarrit, sikurse pushkët”, thuhet në raport./UBTNews/

Vazhdo të lexosh

Lajmet

Putin me dekret për të rritur numrin e trupave ruse

Publikuar

7 orë më parë

më

16 Shtator, 2024

nga

Presidenti rus, Vladimir Putin urdhëroi të hënën ushtrinë ruse të rrisë numrin e trupave  për 180 mijë sosh, për të çuar numrin total të tyre në 1.5 milion. Dekreti presidencial i cili u publikua në faqen zyrtare të qeverisë, do të hyjë në fuqi më 1 dhjetor.

Dekreti përcakton numrin e përgjithshëm të personelit ushtarak rus në afro 2.4 milionë, përfshirë 1.5 milion trupa dhe urdhëron qeverinë të sigurojë fondet e nevojshme.

Në muajin qershor, presidenti rus Putin tha se numri i trupave të përfshirë në luftën e Rusisë në Ukrainë ishte 700 mijë ose më shumë se gjysma e të gjithë ushtarëve aktivë./UBTNews/

Vazhdo të lexosh

Të kërkuara