Komisioni Qendror i Zgjedhjeve (KQZ) ka miratuar programin për Trupat Menaxhuese të Zgjedhjeve dhe stafin zgjedhor për zgjedhjet lokale si dhe vendosi hapjen e një Qendre të Votimit në lagjen “Marigona Residence” në Graçanicë.

Vendimet e tjera të rëndësishme përfshijnë miratimin e procedurës për Votimin e Personave me Nevoja të Veçanta dhe largimin nga lista votuese të personave të vdekur.

Sipas raportit të Drejtorit të Zyrës për Regjistrim, Certifikim dhe Kontrollin Financiar të Subjekteve Politike, Besnik Buzhala, nga fillimi i periudhës për ndërrim të Qendrës së Votimit më 28 qershor e deri më 24 gusht, janë pranuar 8,107 kërkesa, prej të cilave 7,432 janë aprovuar.

Ndërkaq, për votuesit jashtë Kosovës që do të votojnë me postë, janë aprovuar 21,436 kërkesa dhe refuzuar 5,244 deri më 25 gusht 2025. Afati për të dy proceset përfundon më 29 gusht.

Programi i stafit zgjedhor sipas udhëheqsit të Këshillit për Operacione Zgjedhore, Arianit Elshani përfshin trajnerë, anëtarë të Këshillave të Vendvotimit, ekipe mobile për votimin e personave me nevoja të veçanta, numërues në Qendrat Komunale të Numërimit dhe stafin e Qendrës së Numërimit dhe Rezultateve.

Udhëzuesi për Votimin e Personave me Nevoja të Veçanta ka për qëllim lehtësimin e procesit dhe garantimin e të drejtës kushtetuese për të gjithë qytetarët.

Në kuadër të përmirësimit të listës votuese, KQZ vendosi largimin e 1,514 personave të vdekur që në ditën e zgjedhjeve do të kishin moshën 95 vjeç ose më shumë. Ndërkohë, Qendra e re e Votimit në lagjen “Marigona Residence” do t’u mundësojë votuesve lokalë të votojnë më afër banesës së tyre, duke shmangur udhëtimin rreth 3 km deri në qendrën e mëparshme në Preoc.

Në Kosovë, moti parashihet të jetë me diell dhe vranësira të shpërndara.

Sipas IHMK-së, temperaturat minimale do të lëvizin nga 9-12°C, kurse temperaturat maksimale nga 24-27°C.

Era do të fryjë kryesisht nga veriperëndimi, e lehtë deri mesatare.

Profesori i Fakultetit të Studimeve të Sigurisë në UBT, Bahri Gashi, është ftuar të kontribuojë si recensues i punimeve shkencore ndërkombëtare në një nga platformat më prestigjioze botërore të botimeve akademike, Taylor & Francis, me seli në Mbretërinë e Bashkuar.

Në këtë rol të rëndësishëm, profesori Gashi do të angazhohet në recensimin e artikujve shkencorë në fusha strategjike si:

• Inteligjenca dhe Kundërinteligjenca;
• Siguria Kombëtare;
• Mbrojtja dhe Politikat e Sigurisë.

Kontributi i tij do të jepet në kuadër të revistës akademike të specializuar “International Journal of Intelligence and CounterIntelligence”, një revistë e indeksuar në platformat më të larta ndërkombëtare të certifikimit shkencor, e cila gëzon reputacion të lartë në komunitetin akademik dhe profesional të sigurisë.

Ky angazhim i profesorit të UBT-së është një dëshmi e qartë se UBT po fuqizon gjithnjë e më shumë praninë e tij në skenën ndërkombëtare të kërkimit shkencor, duke rritur besueshmërinë e akademikëve të saj dhe duke kontribuar në zhvillimin e fushave të rëndësishme për sigurinë dhe mbrojtjen në nivel global.

Në mbledhjen e sotme të Komisionit Qendror të Zgjedhjeve anëtari i saj nga radhët e Lëvizjes Vetëvendosje, Alban Krasniqi në hyrje të mbledhjes vendosi mbishkrimin “Po pluralizmit, jo terrorizmit”. Ky veprim i Krasniqit erdhi pas vendimit të Panelit Zgjedhor për Ankesa dhe Parashtresa, i cili kërkoi nga Komisioni Qendror i Zgjedhjeve të certifikojë Listën Serbe për pjesëmarrje në zgjedhjet lokale të 12 tetorit 2025.

Gjatë kësaj mbledhje, me qëllim të përmirësimit të listave votuese, u miratua edhe largimi i 1 mijë e 514 personave të vdekur.

Arianit Elshani, udhëheqës i Këshillit i Operacioneve Zgjedhore, tha se shifra në fjalë është verifikuar bashkë me zyrtarët ekzekutiv të Komisioneve Komunale të Zgjedhjeve.

“Bëhet fjalë për 1 mijë e 514 persona të evidentuar si të vdekur të cilët në bazë të verifikimeve që janë bërë nga zyrtarët ekzekutiv të Komisioneve Komunale të Zgjedhjeve në terren, ku kanë marrë përsipër një listë të personave që janë mbi 95 vjeç dhe figurojnë në listën votuese”, tha ai.

E me kërkesë të qytetarëve të lagjes “Marigona Residence”, Komisioni Qendror i Zgjedhjeve miratoi edhe hapjen e qendrës së re të votimit në këtë lagje.

Elshani tha se kjo ka qenë kërkesë e 260 votuesve dhe se qendra e votimit do të jetë në shkollën “Internacional School of Prishtina-ISP”.

“Bëhet fjalë për shkollën ‘Internacionale School of Prishtina – ISP’ që gjendet në lagjen Marigona këta votues kanë qenë të alookuar për të votuar në një qendër tjetër të votimit në fshatin Peroc në ‘Miladin Mitiq’, mirëpo është kërkuar një numër prej 260 votuesve në këtë rast ekziston mundësia me u bartë në këtë qendër të votimit”, deklaroi ai.

Në këtë mbledhje u votua edhe udhëzimi për votimin e Personave me Nevoja të Veçanta (VPNV), i cili synon lehtësimin dhe garantimin e të drejtës kushtetuese për të votuar për të gjithë qytetarët pa përjashtim dhe ka për qëllim të përcaktojë mënyrën e regjistrimit, evidentimit dhe votimit të Peronave me Nevoja të Veçanta, të cilët nuk mund të votojnë në vendvotimin e tyre.