Lajmet

Zelensky i dorëzon Ramës çmimin “Yaroslav i Urti’’

Ky çmim iu është ndarë me vendimin e presidentit të Ukrainës për kontributin e jashtëzakonshëm personal, gjithashtu edhe për mbështetje.

Published

2 years ago

on

Presidenti i Ukrainës, Volodymyr Zelensky i ka dorëzuar kryeministrit të Shqipërisë, Edi Rama çmimin “Yaroslav i Urti’.

Ky çmim i është ndarë me vendimin e presidentit të Ukrainës për kontributin e jashtëzakonshëm personal, gjithashtu edhe për mbështetje.

Shqipëria dhe Ukraina kanë nënshkruar marrëveshjen e bashkëpunimit që përforcon dhe promovon miqësinë mes të dy vendeve.

Ujdinë e firmosën kryeministri Edi Rama dhe presidenti i Ukrainës, Volodymyr Zelensky.

Pas takimeve bilaterale, dy liderët do të marrin pjesë në Samitin “Ukrainë – Europa Juglindore”, që po mbahet në Tiranë.

Në dy vjetorin e fillimit të luftës së paprovokuar të Rusisë në Ukrainë, Samiti synon të riafirmojë angazhimin e përbashkët të shteteve të Evropës Juglindore për mbështetje ndaj sovranitetit dhe integritetit territorial të Ukrainës brenda kufijve të saj të njohur ndërkombëtarisht.

Pjesë e këtij samiti do të jetë edhe presidentja e Kosovës, Vjosa Osmani.

Related Topics:
Continue Reading

Aktualitet

Pezullimi i Dialogut Strategjik, SHBA sigurojnë që do jenë mik i popullit të Kosovës

Published

3 minutes ago

on

September 16, 2025

By

Shtetet e Bashkuara të Amerikës javën e kaluar kanë pezulluar Dialogun Strategjik me Kosovën pas ngritjes së shqetësimeve të SHBA lidhur me veprimet e Qeverisë në detyrë të Kosovës.

“Shtetet e Bashkuara kanë pezulluar pa afat Dialogun Strategjik të planifikuar me Kosovën për shkak të shqetësimeve për veprimet e qeverisë kujdestare që kanë rritur tensionet dhe paqëndrueshmërinë, duke kufizuar aftësinë e Shteteve të Bashkuara për të punuar produktivisht me Kosovën në prioritetet e përbashkëta”, shkruhet në njoftimin e Ambasadës së Shteteve të Bashkuara të Amerikës në Kosovë.

Ambasada e Shteteve të Bashkuara të Amerikës tha se e Ngarkuara me Punë, Anu Prattipati ka zhvilluar paraprakisht takime të rregullta me kryeministrin në detyrë, Albin Kurti.

Sipas Ambasadës së SHBA-së, ata kanë shprehur shqetësimet e tyre drejt kryeministrit në takimet e zhvilluara.

“E Ngarkuara me Punë ka takime të rregullta me Kryeministrin në detyrë Kurti.Ne i kemi shprehur shqetësimet tona drejtpërdrejt Kryeministrit në këto takime dhe e kemi bërë qëndrimin e qeverisë së Shteteve të Bashkuara shumë të qartë”, thuhet në përgjigjjen e Ambasadës së SHBA.

Shtetet e Bashkuara të Amerikës sigurojnë që do të jenë mik i ngushtë i popullit të Kosovës, megjithatë potencon se nxisin partnerët të punojnë në mënyrë konstruktive për të siguruar stabilitetin dhe sigurinë në rajon.”Shtetet e Bashkuara do të jenë gjithmonë një mik i ngushtë i popullit të Kosovës dhe ne jemi plotësisht të përkushtuar ndaj partneritetit tonë.Megjithatë, Shtetet e Bashkuara i nxisin partnerët tanë të punojnë në mënyrë konstruktive për të siguruar stabilitetin dhe sigurinë”, thuhet tutje në përgjigjjen e tyre.

Po ashtu, Ambasada e SHBA-ve në Kosovë thotë se ka nevojë për një partner që kupton nevojën për të shmangur veprimet destabiluzuese për të çuar përpara stabilitetin rajonal.

“Ne duam të ecim përpara me qeverinë në detyrë, por na duhet një partner që e kupton nevojën për të shmangur veprimet destabilizuese dhe është i përkushtuar për të çuar përpara stabilitetin rajonal dhe për të mbrojtur të drejtat e të gjithë qytetarëve të Kosovës.Ne do të vazhdojmë të vlerësojmë veprimet e qeverisë në detyrë. Nuk kemi asgjë tjetër për të njoftuar në këtë pikë”.

Lidhur me vendimin e pezullimit të Dialogut Strategjik me Kosovën nga ana e SHBA-ve kanë reaguar liderë të ndryshëm opozitarë në vend.
Sipas tyre ky është një dëm i madh politik dhe diplomatik i Qeverisë në detyrë./S.K/KP/

Continue Reading

Aktualitet

​Kryesuesja e OSBE-së sot në Kosovë

Published

12 minutes ago

on

September 16, 2025

By

Ministrja e Punëve të Jashtme të Finlandës, Elina Valtonen, në cilësinë e kryesueses së radhës së OSBE-së, do të qëndrojë sot në Kosovë.

Sipas njoftimit të Presidencës së Kosovës, Valtonen do të takohet me presidenten Vjosa Osmani dhe takimi do të mbahet në ora 9:20.

Ndërkaq, në ora 11:45, Valtonen pritet të mbajë konferencë për media./S.K/KP/

 

Continue Reading

Aktualitet

Parashikimi i motit

Published

25 minutes ago

on

September 16, 2025

By

Sot në nivel vendi pritet të mbajë mot me diell dhe vranësira të pjesshme.

Sipas Institutit Hidrometeorologjik të Kosovës, temperaturat minimale do të sillen mes 6 dhe 9 gradë Celsius, ndërsa ato maksimale mes 24 dhe 29 gradë Celsius.

Do të fryjë erë nga veriperëndimi, 1-3m/s. /S.K/KP/

Continue Reading

Lajmet

​FIFA ndryshon kalendarin e pushimeve për ekipet kombëtare

Published

14 hours ago

on

September 15, 2025

By

FIFA ka vendosur të bëjë një ndryshim historik në kalendarin ndërkombëtar të futbollit. Pas përfundimit të Kupës së Botës 2026, periudhat e pushimit për ekipet kombëtare do të riformatohen, me synimin për të ulur udhëtimet e shumta të lojtarëve dhe për t’i dhënë trajnerëve më shumë kohë pune me skuadrat.

Nga sezoni i ardhshëm dhe deri të paktën në vitin 2030, pushimet e shtatorit dhe tetorit do të bashkohen në një dritare të vetme trejavore. Konkretisht, kampionatet kombëtare do të ndalojnë nga 21 shtatori deri më 6 tetor, me rikthimin e ndeshjeve të klubeve që pritet pas datës 10 tetor.

Në këtë periudhë, kombëtaret do të zhvillojnë katër ndeshje, të cilat deri më tani ishin të shpërndara në dy pushime të ndara.

Ky eksperiment, sipas FIFA-s, do të zgjasë së paku deri në Kupën e Botës 2030 dhe ka për qëllim lehtësimin e ngarkesës së futbollistëve që shpesh përballen me udhëtime transatlantike dhe ndryshime të mëdha të zonave kohore.

Ky vendim shihet si një pikë kthese për mënyrën se si do të organizohen kalendarët e futbollit ndërkombëtar në vitet e ardhshme./S.K/KP/

Continue Reading

Të kërkuara