Tetë fëmijë ukrainas, të cilët u morën me forcë nga familjet e tyre, janë kthyer në shtëpitë e tyre, njoftoi një zyrtar i lartë ukrainas. Këto fëmijë u morën nga autoritetet ruse në gadishullin e Krimesë, i cili është nën kontrollin e Moskës, dhe u vendosën në jetimoret shtetërore.

Sipas Darina Zarivna, këshilltare e shefit të kabinetit të presidentit ukrainas, Volodymyr Zelensky, fëmijët u morën ndërsa ishin në trajtim në një spital, dhe gjatë kohës që qëndruan në jetimore, ata përjetuan keqtrajtimin dhe u detyruan të marrin pjesë në trajnime pro-ruse. Për më tepër, fëmijët u detyruan të mbanin armë dhe të përgatiteshin për luftë, tha Zarivna.

Fëmijët u shpëtuan në kuadër të një programi të quajtur “Bring Kids Back”, por Zarivna nuk ofroi detaje të mëtejshme mbi mënyrën se si ata u shpëtuan dhe se ku ndodhen tani.

Zarivna e cilësoi këtë si një shembull të brutalitetit sistematik të pushtuesve rusë, duke theksuar se ky akt është pjesë e politikës së Rusisë për të shkatërruar identitetin ukrainas. Ajo shtoi se fëmijët u morën me forcë nga nënat e tyre ndërsa po merrnin trajtim mjekësor, duke theksuar që ky ishte një akt i pashembullt i dhunës.

Në vitin 2023, Gjykata Ndërkombëtare Penale lëshoi urdhër-arresti për presidentin rus Vladimir Putin për akuzat për krime lufte, duke përfshirë rrëmbimin e fëmijëve ukrainas. Nga ana tjetër, Kremlini ka hedhur poshtë këto akuzat.

Përveç këtyre tetë fëmijëve, shefi i shtabit të Zelensky, Andriy Yermakov, bëri të ditur se njëzet fëmijë të tjerë, të cilët ishin dërguar me forcë në Rusi, janë kthyer tashmë në Ukrainë. Ky është një proces që përfshin disa shkëmbime të fëmijëve, për t’u bashkuar ata me familjet e tyre.

Ukraina ka denoncuar këtë akt si një krim lufte, duke i cilësuar rrëmbimet e fëmijëve si një pjesë të gjenocidit, sipas një traktati të Kombeve të Bashkuara. Sipas autoriteteve ukrainase, më shumë se 19,500 fëmijë janë dërguar në Rusi ose në territoret e pushtuara nga Rusia pa pëlqimin e familjeve të tyre./UBTNews/

Në seancën fillestare ndaj ish-kryeshefit të Korporatës Energjetike të Kosovës (KEK), Nagip Krasniqi, Ymer Dagushës, si dhe Isuf Zejnës, të akuzuar për keqpërdorime në rastin KEK2, Krasniqi dhe Zejna u deklaruan të pafajshëm, ndërsa Ymer Dragusha ka pranuar fajësinë.

Dragusha më 4 shkurt 2025 ka nënshkruar marrëveshjen e pranimit të fajësisë me Prokurorinë Themelore të Prishtinës. Kjo marrëveshje rekomandon dënim në kohëzgjatje prej 2 vitesh, i cili nuk ekzekutohet me këto kushtet: të mos kryej vepra penale brenda dy viteve, të jetë dëshmitarë bashkëpunues.

“Dënimi në kohëzgjatjes prej 8 muajsh, dispozitave 2 me dënim 6 muaj, dispozitivi 3 për 6 muaj dhe dispozitivi 4 po ashtu 6 muaj apo në total prej 2 vitesh dhe nuk ekzekutohet nëse i pandehuri nuk i përmbush këto kushte”, tha prokurorja Zejnullahu.

Prokurorja e rastit, Fikrie Fejzullahu tha se pranimi i fajësisë nga i akuzuari Dragusha është bërë në mënyrë vullnetare.

Këtë e pohuan edhe mbrojtësi i Ymer Dragushës, si dhe veta i akuzuari.

Gjykatësi Rrahman Beqiri më pas mori aktvendim që shpallja e fajësisë për këtë çështje të bëhet deri në përfundim të çështjes penale në tërësi.

Gjatë kësaj seance fillestare është lexuar edhe aktakuza e cila për këtë rast ishte ngritur më 30 dhjetor 2024.