Lajmet

​Zelensky: Dështimet e Putinit janë siguria jonë

Sipas tij, i njëjti po bën përpjekje që të përdor diktakte të vjetra për shtetet të veprojnë siç dëshiron ai.

Published

on

Presidenti i Ukrainës, Volodymyr Zelensky deklaroi se dështimet e udhëheqësit rus, Vladimir Putin janë siguria e tyre. Sipas tij, i njëjti po bën përpjekje që të përdor diktakte të vjetra për shtetet të veprojnë siç dëshiron ai. Kështu u shpreh ai në fjalën hapëse, në kuadër të samitit “Ukrainë – Evropa Juglindore”, që po mbahet në kryeqytetin e Shqipërisë.

Ai tha se nuk duhet të ketë Evropë me dinjitete të ndryshme në të, ku dikush meriton më shumë siguri, ndërkohë që ka vende të cilat nuk po jetojnë në paqe.

“Putini dëshiron të bëjë pikërisht këtë gjë. E gjithë armiqësia e tij, gjithçka që bën dhe gjithçka që ai dëshiron që të bëjë duke detyruar kombet tjera që edhe ato të bëjnë ashtu siç thotë ai, është një përpjekje që diktatet e vjetra të vendosin se çfarë duhet të bëjnë kombet, me çfarë bien dakord ato. Është shumë e rëndësishme për gjithë kombet tona, për shtetet e lira që Putini, regjimi i tij të humbas. Sepse dështimet e tij janë siguria jonë”,deklaroi ai.

Zelensky u shpreh mirënjohës të gjithë kombeve që kanë përkrahur Ukrainën dhe siç u shpreh ai, formulën e paqes.

“Ne besojmë që respekti për çdo komb dhe e drejta e barabartë e kombeve për të pasur siguri, si dhe edhe zgjedhjen e pavarur për fatin e tyre duhet të jenë parime universale. Dhe gjitha këto nëpërmjet bashkëpunimit tonë dhe ne duhet ta bëjmë këtë të qartë. Së pari ne besojmë çdo shtet, çdo komb në Evropë që i ruan parimet e komunitetit evropian dhe atë euroatlantik dhe dëshiron të bëhet anëtare e këtyre komuniteteve meriton integrimin e plot. Ukraina mbështet vendet tuaja për integrimin evropian dhe ju është shumë mirënjohëse për mbështetjen që po na jepni për integrimin tonë”, shtoi ai.

Presidenti i Ukrainës theksoi se gjatë kësaj lufte kanë treguar se është e mundur që të fitosh mbi armikun më të fuqishmin në botë.

“Ne kemi treguar, kemi vërtetuar që është e mundur t’i bësh ballë dhe të fitosh mbi një armik që duket se është një nga më të fuqishmit në botë, më të fortit në botë. Çdo komb mund t’ia dal mbanë me mbrojtje dhe të fitojë, kur kombet e ndryshme bashkëpunojnë dhe njerëzit e tyre janë të motivuar për rezistencë. Ne propozojmë që të gërshetojmë pikërisht këto lloj përpjekjesh tona dhe të fuqizojmë ato. Jemi krenarë që kemi rreth 500 kompani në fushën e mbrojtjes që operojnë, funksionojnë në Ukrainë në fusha të ndryshme dhe secila prej tyre shton fuqinë tonë. Por nuk mjafton kjo të fitojmë mbi Putinin, ne shikojmë probleme edhe në ofertën sa i përket municioneve, të cilat ndikojnë në situatën tonë në fushën e betejës”, përfundoi ai.

Në hapje të këtij samiti, ai propozoi që të organizohet një forum i posaçëm për industrinë e mbrojtjes mes Ukrainës dhe Ballkanit. Liderët do të diskutojnë për çështje të sigurisë dhe për mbështetjen e Kievit në luftën e tij kundër pushtimit rus.

Ky samit po mbahet me ftesë të kryeministrit të Shqipërisë, Edi Rama, ku po merr pjesë edhe presidenti i Ukrainës, Volodymyr Zelensky. Po ashtu, edhe udhëheqës të Ballkanit Perëndimor, ku Kosova po përfaqësohet nga presidentja, Vjosa Osmani.

Lajmet

​Yildiz: Nuk më pëlqen të krahasohem me Del Pieron

Published

on

Sulmuesi turk, Kenan Yildiz është gati për përballjen e madhe të Ligës së Kampionëve mes Real Madridit dhe Juventusit.

Yildiz që mban fanellën me numrin 10 te bardhezinjtë, foli për emocionet e tij në një intervistë për faqen zyrtare të UEFA-s, ku pranoi se është i motivuar nga pritshmëritë që ka publiku, por shtoi se nuk i pëlqejnë krahasimet.

“Jam vetvetja. Nuk dua të krahasohem me askënd.”, tha Yildiz.

Lidhur me ndeshjen në stadiumin Santiago Bernabeu, ai u shpreh:

“Është fantastike. Çdo fëmijë ëndërron të luajë në atë stadium. Tani kjo ëndërr është bërë realitet. Shpresoj të zhvillojmë një ndeshje të madhe.”/S.K/KP/

 

Continue Reading

Lajmet

​Deco: Nuk sjellim lojtar të rinj në janar

Published

on

Shefi i Barcelonës, Deco, thotë se nuk ka gjasa të shtojë lojtarë në skuadrën e tyre në janar dhe këmbëngul se ata do ta blejnë vetëm nëse detyrohen të shesin një lojtar gjatë merkatos së dimrit.

“Nuk e shoh nevojën për afatin kalimtar të janarit për momentin. Asnjë lojtar nuk ka kërkuar të largohet.”, ka thënë Deco.

Deco komentoi gjithashtu edhe për figurën e Lamine Yamal.

“Shpesh kemi tendencë të përqendrohemi te individualizmi, por është skuadra që fiton. Po flasim për një lojtar shumë të pjekur, një lloj tjetër lojtari që mund të përcaktojë një epokë. Duhet ta lëmë të qetë”, tha ai.

“Konteksti i tij ishte i ndryshëm; ai iu bashkua një ekipi që tashmë ishte fitues, me lojtarë të moshës 25 dhe 26 vjeç, dhe rritja e tij ka qenë më normale dhe progresive”, shtoi ai./S.K/KP/

Continue Reading

Lajmet

Drejtori i policisë ndan 19 vetura për policët e lagjes

Published

on

By

Me synim për rritjen e efikasitetit në punën e policëve të lagjes, Drejtori i Përgjithshëm i Policisë, Gazmend Hoxha ka ndarë 19 vetura të reja Hybride, për mbulimin e zonave sektoriale, në të gjitha drejtoritë rajonale.

Lajmin e ka bërë të ditur Policia e Kosovës përmes një komunikate zyrtare.

“Përmbushja e objektivave të Strategjisë së Policimit të drejtuar nga Inteligjenca dhe Policimit në Bashkësi, si dhe forcimi i qasjes proaktive ndaj kërkesave të qytetarëve tashmë mundësohet më lehtë dhe më shpejt, falë pajisjes me automjete zyrtare”.

“Kjo edhe një herë dëshmon përkushtimin e menaxhmentit të Policisë për një qasje gjithnjë e më proaktive ndaj komunitetit, për forcimin e bashkëpunimit dhe komunikimit me qytetarët, si dhe për rritjen e mëtejme të besueshmërisë dhe transparencës institucionale”, shkruhet tutje në komunikatë./EO

Continue Reading

Lajmet

​Ish-lojtari i Real Madridit pëson goditje në tru

Published

on

Ish-futbollisti holandez, Royston Drenthe, ka pësuar një goditje në tru dhe aktualisht ndodhet nën kujdes mjekësor në spital.

“Të premten e kaluar, Royston Drenthe pësoi një goditje në tru. Ai po trajtohet dhe është në duar të sigurta. Familja e tij kërkon paqe dhe privatësi gjatë kësaj periudhe, për t’i mundësuar shërimin e plotë,” thuhet në njoftimin e klubit në Instagram.

Drenthe, i cili u konsiderua një prej talenteve më premtues të futbollit holandez, nuk arriti të përmbushte pritshmëritë pas transferimit te Real Madridi. Gjatë karrierës së tij ai ka luajtur në Spanjë, Angli, Rusi, Turqi dhe Emiratet e Bashkuara Arabe, ndërsa futbollin aktiv e përfundoi në Holandë në vitin 2019.

Lajmi është konfirmuar edhe nga FC Der Rebellen, ekipi i ish-lojtarëve profesionistë ku bën pjesë edhe 38-vjeçari.

Pas tërheqjes nga futbolli, Drenthe iu përkushtua muzikës dhe prej vitit 2023 punon si komentator në kanalin holandez Ziggo Sports./S.K/KP/

Continue Reading

Të kërkuara