Lajmet

Zelanda e Re heton sëmundjen misterioze që po vret pinguinët e rrallë

Sëmundja e frymëmarrjes u shfaq për herë të parë në vitin 2019.

Published

3 years ago

on

Një sëmundje misterioze po shkatërron zogjtë e pinguinëve me sy të verdhë, të cilët janë të rrezikuar në Zelandën e Re dhe shkencëtarët thonë se mund të kenë gjetur shkakun.

Prej këtij lloji mbetur edhe rreth 2,400 zogj të rritur, sipas vlerësimeve të autoriteteve të vendit.

Statusi i tyre konsiderohet “i kërcënuar — i rrezikuar kombëtarisht”. Është niveli më i lartë i rrezikut në vend.

Sëmundja misterioze e frymëmarrjes u shfaq për herë të parë në 20 zogj të sapolindur në vitin 2019.

“Ata nuk ishin në gjendje të mbanin kokën lart”, tha për AFP, Lisa Argilla.

“Ishte zemërthyese të shihje këta zogj të vegjël në një gjendje kaq kritike”, tha ajo.

“Të gjithë zogjtë që treguan shenja të frymëmarrjes vdiqën – nuk mund të bënim asgjë për t’i shpëtuar”.

Gjatë vitit 2020, një e treta e 150 zogjve të pinguinëve me sy të verdhë të sjellë në spital vdiqën nga problemet e frymëmarrjes, tha Argilla.

Profesor Jemma Geoghegan, një virologe evolucionare, është pjesë e një ekipi specialistësh që hetojnë sëmundjen.

“Spitali i kafshëve të egra provoi gjithçka në fuqinë e tij për ta parandaluar atë, por pa e ditur shkakun është shumë e vështirë të menaxhohet”, tha ajo.

“Ka dy sëmundje që ne kemi hetuar dhe kemi gjetur dy viruse që mendojmë se janë përgjegjës”, tha Geoghegan.

Ekipi kishte identifikuar një xhirovirus të ri dhe një megrivirus të ri, tha ajo.

Midis tyre, sëmundjet mendohet se kanë vrarë rreth 25 përqind të zogjve të pinguinëve me sy të verdhë – afërsisht 50 çdo vit – në sezonet e fundit të shumimit, tha Geoghegan.

“Ne kemi identifikuar se çfarë mendojmë se mund të jetë shkaku dhe më pas nevojiten shumë kërkime për të përcaktuar nëse mund ta parandalojmë ose trajtojmë sëmundjen”, u shpreh ajo.

Për momentin, zogjtë më të vegjël se pesë ditë po merren nga foletë e tyre në spitalin Dunedin Wildlife, ku mund të rriten larg rrezikut të infeksionit./UBTNews/

Related Topics:
Continue Reading

Lajmet

Vazhdon rigjykimi ndaj Endrit Nikës, i akuzuar për vrasjen e të dashurës argjentinase

Published

3 minutes ago

on

October 15, 2026

By

Në Gjykatën Themelore në Prishtinë, këtë të enjte nga ora 13:00, do të vazhdojë seanca e rigjykimit ndaj Endrit Nikës, i akuzuar për vrasjen e të dashurës së tij, shtetase argjentinase, në Fushë-Kosovë në vitin 2023.

Në seancën e mbajtur të hënën, Nika është deklaruar sërish i pafajshëm për akuzën, duke thënë para trupit gjykues: “I pafajshëm 100 për qind”.

Më 19 shkurt 2026, Gjykata Themelore në Prishtinë e kishte dënuar Nikën me 18 vjet burgim. Megjithatë, Gjykata e Apelit e kishte aprovuar ankesën e mbrojtjes dhe e kishte kthyer rastin në rigjykim./A.K/

Continue Reading

Lajmet

Postoi foto me armë në rrjete sociale, dy persona shoqërohen në polici në Suharekë

Published

5 minutes ago

on

October 15, 2026

By

Dy persona janë shoqëruar në stacionin policor në Suharekë, pasi njëri prej tyre kishte publikuar në rrjetet sociale një fotografi me armë zjarri.

Sipas raportit të Policisë së Kosovës, rasti ka ndodhur më 7 tetor, rreth orës 10:30, në fshatin Krushic. Gjatë rastit është bërë e ditur se pistoleta me gaz i përkiste të dyshuarit tjetër.

Arma, së bashku me një karikator, është konfiskuar nga policia.

Me vendim të prokurorit, të dy të dyshuarit janë liruar, ndërsa rasti do të vazhdojë në procedurë të rregullt./A.K/

Continue Reading

Lajmet

Dy të arrestuar në Ferizaj për dyshimin për shitblerje të narkotikëve

Published

7 minutes ago

on

October 15, 2026

By

Policia e Kosovës ka arrestuar dy persona në rrugën “Ali Aliu” në Ferizaj, nën dyshimin për shitblerje të substancave narkotike.

Sipas raportit policor, rasti është regjistruar më 14 tetor, rreth orës 20:10, kur njësia policore ka kontrolluar dy automjete. Gjatë kontrollit janë gjetur dhe konfiskuar 2.93 gramë marihuanë, 65 euro para të gatshme dhe një telefon.

Me vendim të prokurorit, njëri nga të dyshuarit është dërguar në mbajtje, ndërsa tjetri është liruar në procedurë të rregullt./A.K/

Continue Reading

Lajmet

Foshnja dy muajshe ndërron jetë në Gjilan, trupi dërgohet për obduksion

Published

8 minutes ago

on

October 15, 2026

By

Një foshnjë dy muajshe ka ndërruar jetë më 14 tetor në Gjilan.

Sipas raportit të Policisë së Kosovës, rasti është raportuar në orën 12:15 nga emergjenca e spitalit, ku foshnja ishte sjellë për trajtim mjekësor. Vdekja e saj është konstatuar nga ekipi mjekësor.

Me vendim të prokurorit, trupi i pajetë i foshnjës është dërguar në Institutin e Mjekësisë Ligjore (IML) për obduksion. Rasti është cilësuar si vdekje e dyshimtë./A.K/

Continue Reading

Të kërkuara