Autoritetet në Liban kanë zgjatur mbylljen e shkollave dhe universiteteve deri në fund të javës për shkak të sulmeve të Izraelit.

Edhe çerdhet në të gjithë vendin do të qëndrojnë të mbyllura gjatë të njëjtës periudhë./UBTNews/

Kryetari i komunës së Prishtinës, Përparim Rama, ka njoftuar se po instalojnë teknologji të re nëpër lagjet e kryeqytetit që lidhet drejtpërdrejt me sinjalistikën dixhitale të Prishtina Parking.

Sipas Ramës, së shpejti tabelat dixhitale do të tregojnë vendet e lira dhe se nuk do të ketë nevojë për xhiro për të gjetur vendparkim.

“Kjo do ta bëjë më të lehtë parkimin dhe do të zvogëlojë trafikun në qytet. Sipas vlerësimeve, 25-30% e trafikut krijohet nga kërkimi i vendparkimeve, por tani ky informacion do të jetë i disponueshëm menjëherë”, ka thënë Rama.

Arbenita, vajza e heroit Afrim Bunjaku, ka thënë se është e vështirë për një fëmije t’i imagjinoj ëndrrat kur i mungon “krahu më i fort, babai”. Në Akademinë Përkujtimore në njëvjetorin e rënies së babait të saj, ajo ka theksuar se amanet për familjen Bunjaku janë përkushtimi dhe dashuria për atdhe.

“Është e  vështirë të imagjinosh ëndrrat e fëmijës kur i mungon krahu më i fort i tij e që është babai. E vështirë që të vazhdohet jeta pa pranin e tij, por krenaria e madhe që kemi për babin, trimin tonë të pa trembur, na bënë të vazhdojmë përpara duke kujtuar që u bë hero për vendin tonë. Ku dashuria dhe përkushtimi për atdheun janë amanet i yni. Një vit pa ty babi heroi i Kosovës, një vit me plotë sfida, një mungesë që shkon e rritet e asgjë nuk e përmbush boshllëkun që ka lënë brenda nesh. Ishe dhe do të mbetsh gjithmonë krenari e familjes dhe shtetit tonë”, u shpreh ajo.

Muj Bunjaku, vëllai i heroit të Kosovës, Afrim Bunjaku, tha se bashkërisht duhet të ruhet çdo pëllëmbë e territorit të Kosovës. Kështu ka thënë dërgohet edhe amaneti i Afrimit në vend.

“Me 24 shtator 2023 grupet terroriste serbe tentuan të hynin në pjesën veriore të Kosovës, por Afrimi me shokët e tij, tha jo në territorin e Kosovës nuk ka vend për terroristë. Për ne është dhimbje e madhe humbja e të dashurit tonë, por jemi krenar që patëm kësi vëllai trim. Duhet të bashkohemi të gjithë ta ruajmë çdo pëllëmbë të Kosovës ta dërgojmë amanetin e Afrimit deri në fund, sepse ai thoshte kjo është tokë e jona dhe duhet ta mbrojmë”, u shpreh ai.

Krejt në fund, djali i vogël i Heroit, Fatlum Bunjaku, recitoi edhe një vjershë kushtuar babait të tij.

Sindikata e Bashkuar e Arsimit dhe Shkencës u ka bërë apel mësimdhënësve të Arsimit Parauniversitar që të mos nënshkruajnë kontratat e reja të punës. Sipas SBASHK-ut, versionet që ata i posedojnë janë më të pafavorshme se kontratat ekzistuese dhe se s’janë në përputhshmëri me Udhëzimin Administrativ të vitit 2015.

“Versionet që po qarkullojnë e që i posedon SBASHK-u janë më të pafavorshme se kontratat ekzistuese dhe nuk janë në përputhshmëri me UA10/2015 për kontratat e punës për mësimdhënësit e Arsimit Parauniversitar. Prandaj kërkojmë nga komunat që të ndalin presionin ndaj mësimdhënësve për nënshkrimin e këtyre farë versioneve të kontratave të punës që po qarkullojnë. Po ashtu, apelojmë te anëtarësia që kanë kontrata në kohë të pacaktuar të mos i nënshkruajnë këto farë versione të kontratave të punës edhe përkundër presioneve që mund t’i kenë nga punëdhënësit”, thuhet në apelin e SBASHK-ut.