Shëndeti

Zbuloni cilat janë ushqimet e duhura që djegin yndyrnat në trup

Më poshtë do të gjeni listën me ushqimet e duhura që do t’ju ndihmojnë për një trup në formë.

Published

4 years ago

June 9, 2021

Betim Gashi

Rënia në peshë është një mision i vështirë por jo i pamundur. Ajo arrihet jo nëpërmjet regjimeve drastike por nëpërmjet ushqimeve të shëndetshme që djegin yndyrnat.

Më poshtë do të gjeni listën me ushqimet e duhura që do t’ju ndihmojnë për një trup në formë.

Kosi
Kosi është i pasur me proteina dhe ju mban të ngopur për shumë gjatë. Për më tepër, ju vihet në dukje se trupi djeg më shumë kalori duke tretur proteina se karbohidrate.

Kanella
Kanella ka rol stabilizues të sheqernave në gjak. Ajo frenon oreksin veçanërisht tek diabetikët.

Specat Djegës
Specat djegës ndihmojnë të frenojnë oreksin dhe të përshpejtojnë metabolizmin. Kjo aftësi i atribuohet kapsaicinës që gjendet tek specat.

Çaji Jeshil
Çaji jeshil e nxit organizmin të tresë më shumë yndyrna. Për të marrë këtë përfitim, ju duhet të pini çaj jeshil disa herë në ditë.

Qitro
Qitro ju mban të ngopur për shumë gjatë dhe ka pak kalori. Nëse konsumoni gjysëm qitroje ose një gotë me lëng qitroje përpara vaktit, do të konsumoni më pak ushqim.

Shalqini
Shalqini është plot me lëng dhe ushqyes. Ju kujtojmë se shalqini është një burim i shkëlqyer i antioksidantëve dhe vitaminave A dhe C. Ushqime të tilla zënë shumë vend në stomak duke ju lënë të ngopur.

Dardhët Dhe Mollët
Këto fruta janë të pasura me ujë, fibër dhe vitamina. Duke ngrënë mollët dhe dardhat do të ndiheni të ngipur dhe do të digjni kalori vetëm duke u përtypur.

Frutat E Pyllit
Frutat e pyllit janë të pasura me ujë dhe fibër që garantojnë një ngopje afatgjatë. Boronicat janë një frut i shkëlqyer për rënien në peshë sespe janë të pasur me antioksidantë.

Perimet E Freskëta
Selinoja, karrotat e perime të tjera të freskëta e të pagatuara janë ideale për të djegur kaloritë, humbur në peshë dhe për tu ndierë të ngopur.

Patatja E Ëmbël
Patatja e ëmbël është e pasur me kalium, beta karoten, vitaminë C dhe fibër. Ajo mund të shihet dhe gatuhet veçmas dhe të plotësojë nevojat tuaja ushqimore.

Veza
Një vezë ka 75 kalori dhe 7 gramë fibër. Sipas të dhënave, trupi djeg më shumë kalori duke tretur një vezë se sa një vakt të pasur me karbohidrate.

Kafeja
Kafeja stimulon metabolizmin dhe mund t’ju ndihmojë të humbisni në peshë. Por ajo nuk bën punë nëse ju shtoni elementë të tjerë shtesë që rrisin numrin e kalorive.

Sallata
Sallata, sidomos ajo jeshile ka plot ujë dhe zë shumë hapësirë në stomak. Ajo ju mban të ngopur dhe ju ndihmon të digjni më shumë kalori.

Uthulla E Mollës
Uthulla e mollës i jep shije sallatave por ka pak kalori dhe për më tepër ju ndihmon të digjni shumë prej tyre.

Arrorët
Arrorët janë një mënyrë e shkëlqyer për të frenuar urinë mes vakteve. Ato ndihmojnë në rënien në peshë dhe përmirësojnë nivelin e kolesterolit. Megjithatë, duke qenë se kanë shumë kalori, rekomandohet që të mos e teproni.
Mishi I Pulës

Në vijim të listës, ju kujtojmë se edhe mishi i pulës është një burim i shkëlqyer proteinik dhe përmban pak yndyrë. Ai ju ndihmon të digjni kalori nëse e shoqëroni me barishte, zarzavate dhe perime.

Peshku
Peshku përmban acide yndyrore që mbrojnë zemrën dhe shmangin sëmundje kronike. Zgjidhni salmonin, skumbrinë dhe peshq të tjerë të shëndetshëm./AgroWeb

Shëndeti

Ushqimet më të mira kundër fryrjes së stomakut

Published

1 day ago

May 8, 2025

Albina Zeneli

Dhimbjet e barkut, gazrat dhe fryrja e stomakut janë simptoma të një tretjeje problematike por edhe pasoja të ushqyerjes së keqe.

Ka ushqime të caktuara që shkaktojnë fryrje artificiale të stomakut por edhe gazra të vazhdueshme dhe një ndjesi parehatie të madhe.

Në shumë raste, fryrja e stomakut mund të eliminohet falë konsumit të ushqimeve dhe pijeve të caktuara të shëndetshme për tretjen.

Cilat janë ushqimet që eliminojnë fryrjen e stomakut?

Kivi – Një frut i pasur me fibër. Ekspertët thonë se ngrënia e dy frutave në ditë për katër javë me rradhë eliminon konstipacionin dhe fryrjet e stomakut.

Çaji i nenexhikut – Ky çaj është përdorur prej shekujsh për të përmirësuar tretjen e zgjidhur problemet e stomakut. Ky çaj ose suplementët e nenexhikut mund të konsumohen rregullisht për katër javë. Në këtë mënyrë përgjysmojnë simptomat e problemeve me tretjen dhe do të shfryjnë stomakun.

Bananja – Ky frut është një burim i pasur i fibrës e cila ushqen bakteret e mira në stomak dhe përmirëson tretjen. Gratë që hanë dy banana në ditë për 2 muaj me rradhë kanë një bark më të sheshtë.

Kefiri – Përmban enzimë të rëndësishme që shpërbën laktozën, një sheqernë tek qumështi që shkakton probleme me stomakun. Pirja e kefirit zgjidh problemet me tretjen dhe eliminon fryrjen dhe gazrat me të paktën 70%.

Xhenxhefili – Xhenxheri është përdorur prej mijëra vitesh për të qetësuar stomakun e përmirësuar tretjen. Ai qetëson muskujt e lejon trupin të nxjerrë gazrat më me lehtësi. Xhinxheri, një prej përbërësve kryesorë të këtij zhardhoku, ofron përfitime të shkëlqyera për stomakun dhe tretjen.

Pjepri – Ka aftësi çliruese edhe madje ndihmon në eliminimin e ujrave të tepërt nga organizmi. Ai shfryn stomakun por edhe shërben si zëvendësues natyral i elektroliteve sepse është shumë i pasur me kalium. /UBT News/

Shëndeti

Qëndrimi ulur për periudha të gjata rrit rrezikun për sëmundje kronike

Published

1 day ago

May 8, 2025

Albina Zeneli

Qëndrimi ulur për më shumë se 6 orë në ditë lidhet me rritjen e rrezikut për diabet, obezitet dhe sëmundje të zemrës, paralajmërojnë ekspertët e shëndetit.

Rekomandohet ngritja dhe lëvizja çdo 30–60 minuta.

Kur trupi është në gjendje pasive për periudha të gjata, metabolizmi ngadalësohet, muskujt e këmbëve dobësohen dhe qarkullimi i gjakut ngadalësohet, duke rritur rrezikun për mpiksje gjaku dhe tension të lartë.

Zgjidhja praktike është përdorimi i tavolinave të ngritura, pushimet aktive ose ecjet e shkurtra gjatë ditës së punës.

Edhe lëvizje të vogla, si shtrirja apo ushtrime të lehta, bëjnë ndryshim të madh në afatgjatë.

Shëndeti

Të mirat dhe “dëmet” nga konsumimi i fasuleve

Published

2 days ago

May 8, 2025

Albina Zeneli

Fasulet konsiderohen si ushqim i shëndetshëm dhe janë të pasura më shumë vitamina. Por, ato kanë edhe disa efekte jo shumë të këndshme.

Ndër dobitë e fasuleve janë përmbajtja e lartë e hekurit, kaliumit, fibrave, proteinave dhe vitaminës B, transmeton EO.

Gjithashtu fasulet kanë veti kundër kancerit, për shkak të kimikateve që përmbajnë të cilat luftojnë qelizat kancerogjene.

Ndër të tjera parandalojnë sëmundjet e zemrës, ulin kolesterolin dhe ndihmojnë në humbje peshe, për shkak se ngopin dhe nuk shëndoshin.

Të prekurit nga diabeti nuk duhet t’i ndajnë nga tryeza, për shkak se garantojnë një burim të qëndrueshëm të glukozës.

Por krahas dobive fasulet kanë edhe efekte të pakëndshme si gazrat, rritje të presionit të gjakut dhe stimulojnë shkaktimin e migrenë.

Shëndeti

Ankthi i heshtur: Si manifestohet te gratë dhe pse nuk merret seriozisht?

Published

2 days ago

May 8, 2025

Albina Zeneli

Ajo është vajza që gjithmonë mban situatat nën kontroll. Qesh, është e organizuar, e vëmendshme me të gjithë. Por ajo që nuk shohim është lodhja që ndjen nga brenda, ndjesia e përhershme e ankthit dhe tensionit që nuk shprehet me fjalë.

Shpesh, tek gratë ankthi nuk vjen me panik apo shpërthime emocionale, por me një ndjesi konstante të “mosmjaftueshmërisë”.

Perfeksionizmi, mbingarkesa me përgjegjësi dhe pritshmëritë sociale bëjnë që shumë gra ta fshehin ankthin me një buzëqeshje, madje edhe nga vetja e tyre.

Mjekët dhe rrethi shoqëror mund të mos e kuptojnë fare – sepse gratë kanë mësuar ta mbajnë veten gjithmonë “në rregull”.

Por kjo është pikërisht ajo që e bën ankthin e tyre më të rrezikshëm: fakti që nuk merret seriozisht, as kur ka nevojë urgjente për ndihmë.

Stop ankthit të heshtur!