Sport

Zbulohet kostoja totale e Lojërave Olimpike “Parisi 2024”

Published

2 years ago

September 13, 2024

Betim Gashi

Lojërat Olimpike Verore 2024 kanë përfunduar zyrtarisht, pasi atletë nga më shumë se 200 vende morën pjesë në ceremoninë e mbylljes në Paris të dielën. Kostoja e organizimit të Lojërave Olimpike 2024 u vlerësua të ishte rreth 8.2 miliardë dollarë, gjë që do t’i bënte Lojërat Olimpike të Parisit të gjashtat më të shtrenjta të të gjitha kohërave, verë apo dimër, sipas një analize të re të WalletHub.

Lojërat Olimpike Dimërore 2014 në Soçi, Rusi, ishin më të shtrenjtat ndonjëherë, duke kushtuar afro 25 miliardë dollarë, sipas një dokumenti të Universitetit të Oksfordit, e ndjekur nga Lojërat Olimpike Verore në Tokio, fillimisht të planifikuara për vitin 2020, por të vonuara një vit për shkak të pandemisë COVID-19.

Shpenzimet e përfshira në atë vlerësim janë rindërtimi i stadiumit, ceremonitë e hapjes dhe mbylljes dhe kostot operative si shërbimi i ushqimit dhe pagat e fuqisë punëtore, përcjellë KosovaPress.

Rreth 3.2 miliardë dollarë të kostos së Francës u shpenzuan për investime në infrastrukturë në zonat urbane të Parisit përpara ndeshjeve, sipas ËalletHub. Përmirësimet në autostrada, hekurudha, aeroporte dhe hotele dhe shpenzime të ngjashme konsiderohen si jo-sportive nga Komiteti Organizativ Olimpik dhe nuk përfshihen në disa buxhete të Lojërave Olimpike.

Kostot e lidhura me organizimin e disa Lojërave Olimpike të kohëve të fundit kanë qenë aq të larta saqë vendet pritëse humbën para. Brazili humbi rreth 2 miliardë dollarë kur priti Lojërat Verore në Rio de Zhaneiro në 2016. Lojërat Verore në Tokio panë kosto në rritje dhe humbën afërsisht 800 milionë dollarë, sipas një raporti të ESPN.

Related Topics:Franca Lojerat Olimpike Dimerore Lojërat Olimpike Verore 2024

Up Next

Një buqetë lulesh dhe 3 milionë euro: Mario Mitaj fillon aventurën e re në Al Ittihad

Don't Miss

Isco operohet, mungon deri më 2025

Sport

Volejbollistja e Kosovës: Jemi përgatitur maksimalisht dhe do të japim maksimumin ndaj Turqisë

Published

8 hours ago

July 22, 2026

UBTNews

Përfaqësuesja e Kosovës U17 në konkurrencën e femrave u përball sot me një nga skuadrat favorite të Kampionatit Ballkanik, Turqinë. Para fillimit të ndeshjes, njëra nga volejbollistet e Kosovës Medina Bajrami u shpreh optimiste për sfidën, duke theksuar përgatitjet dhe motivimin e ekipit.

“E dimë që Turqia është një kundërshtar shumë i fortë dhe me cilësi, por jemi përgatitur maksimalisht për këtë sfidë. Do të hyjmë në fushë me besim, disiplinë dhe do të japim maksimumin në çdo pikë. Respektojmë kundërshtarin, por fokusi ynë është te loja jonë dhe te arritja e rezultatit pozitiv,” deklaroi ajo.

Megjithëse ndeshja përfundoi me fitoren 3:0 të Turqisë, përfaqësuesja e Kosovës tregoi karakter, veçanërisht në setin e dytë, ku ofroi rezistencë më të madhe ndaj një prej skuadrave më të forta të turneut.

D.L

Sport

Kosova pëson humbjen e dytë në Kampionatin Ballkanik U17, mposhtet nga Turqia

Published

8 hours ago

July 22, 2026

UBTNews

Përfaqësuesja e Kosovës U17 në konkurrencën e femrave ka pësuar humbjen e dytë në Kampionatin Ballkanik të Volejbollit (BVA U17), pasi u mposht me rezultat 3:0 nga Turqia.

Ndeshja, e zhvilluar në Pallatin e Sporteve “Bill Clinton” në Ferizaj, përfundoi me setet 10:25, 19:25 dhe 11:25 në favor të përfaqësueses turke.

Turqia konfirmoi cilësinë e saj dhe statusin si një prej favoriteve të turneut, duke dominuar pjesën më të madhe të takimit. Megjithatë, volejbollistet kosovare zhvilluan paraqitjen e tyre më të mirë në setin e dytë, ku ofruan rezistencë më të madhe dhe luftuan për çdo pikë ndaj një kundërshtari shumë cilësor.

Pas kësaj humbjeje, Kosova mbetet në kërkim të fitores së parë në Kampionatin Ballkanik U17, ndërsa synon të përmirësojë paraqitjen në ndeshjet e radhës të turneut.
D.L

Sport

Kosova U17 sfidon Turqinë në Kampionatin Ballkanik, ndeshja nis në orën 17:30

Published

13 hours ago

July 22, 2026

UBTNews

Përfaqësuesja e Kosovës U17 në konkurrencën e femrave do të zbresë sot në parket për ndeshjen e dytë në Kampionatin Ballkanik të Volejbollit, ku do të përballet me një nga rivalet më të forta të turneut, Turqinë.

Takimi do të zhvillohet në Pallatin e Sporteve “Bill Clinton” në Ferizaj, me fillim nga ora 17:30, ndërsa pritet të jetë një sfidë e vështirë për volejbollistet kosovare.

Kosova vjen në këtë ndeshje pas humbjes 3:0 ndaj Malit të Zi në xhiron e parë, ndërsa synon të tregojë një paraqitje më të mirë përballë një kundërshtari që konsiderohet ndër favoritët për trofeun e kampionatit.

Federata e Volejbollit e Kosovës ka ftuar tifozët që të jenë të pranishëm në palestër dhe të mbështesin përfaqësuesen në këtë sfidë të rëndësishme para publikut vendas.

D.L

Sport

Erblin Osmani nënshkruan kontratën e parë profesionale me Bayern Munich

Published

15 hours ago

July 22, 2026

UBTNews

Talenti shqiptar Erblin Osmani ka hedhur një hap të madh në karrierën e tij, duke nënshkruar kontratën e parë profesionale me gjigantin gjerman Bayern Munich.

Lajmin e ka bërë të ditur vetë futbollisti përmes një postimi në faqen e tij zyrtare në rrjetet sociale, ku shprehu emocionet për këtë moment të rëndësishëm dhe falënderoi të gjithë ata që e kanë mbështetur në rrugëtimin e tij.

“Mirënjohës që zyrtarisht kam nënshkruar kontratën time të parë profesionale me Bayern Munich. Një falënderim i veçantë për familjen time, e cila gjithmonë ka besuar tek unë dhe më ka mbështetur në çdo hap. Jam gjithashtu mirënjohës ndaj agjencisë sime për besimin dhe udhëzimin gjatë këtij rrugëtimi. Jam i emocionuar për gjithçka që më pret dhe gati të jap maksimumin”, ka shkruar Osmani.

Nënshkrimi i kontratës profesionale me një nga klubet më të mëdha në botë përbën një moment të rëndësishëm në karrierën e Osmanit, i cili konsiderohet një nga talentet premtues të futbollit shqiptar.

Tashmë, ai do të synojë të vazhdojë zhvillimin e tij te Bayern Munich, me shpresën për të bërë hapin e radhës drejt ekipit të parë të kampionëve të Gjermanisë.

D.L