Kulturë

Zbulohet Hektori dhe Akili në një mozaik romak në Britaninë e Madhe

Fragmentet e para u zbuluan në fillim të vitit 2020.

Published

4 years ago

on

Është zbuluar në Mbretërinë e Bashkuar, mozaiku, i cili përshkruan një skenë nga Iliada. Mendohet të ketë qenë dyshemeja e një shtëpie të pasur romake nga shekulli III-IV pas Krishtit dhe sipas arkeologëve asgjë e ngjashme me të nuk është zbuluar më parë. Mozaiku romak u zbulua në një fushë në East Midlands, në Mbretërinë e Bashkuar dhe ndërthur rëndësinë arkeologjike dhe cilësinë e lartë artistike, transmeton a2news.al.

Fragmentet e para u zbuluan në fillim të vitit 2020, gjatë periudhës së bllokimit të parë për shkak të pandemisë, kur një fermer i ri gjeti aksidentalisht gjurmët e mozaikut mijëravjeçar. Më pas ai kontaktoi ekipin arkeologjik të Këshillit të Qarkut Leicestershire, autoriteti lokal që kontrollon trashëgiminë historike. Nga ky moment filluan gërmimet, të kryera në bashkëpunim me autoritetet lokale dhe Universitetin Leicester.

Mozaiku ka përmasa njëmbëdhjetë me shtatë metra. Ai përshkruan një episod të famshëm të Iliadës, duelin midis Hektorit dhe Akilit, në fund të Luftës së Trojës. Pak paraqitje të këtij episodi janë të njohura në Evropë dhe deri më tani, ky është i vetmi në tokën britanike. Sipas rindërtimit të arkeologëve, mozaiku formonte dyshemenë e asaj që ishte ndoshta një sallë e madhe e destinuar për bankete, ose një zonë e banesës e rezervuar për rekreacion dhe kohë të lirë.

Është pjesë e një vile të madhe perandorake të vonë (shek. III-IV pas Krishtit) e ndërtuar në një sërë kanalesh kufitare së bashku me ndërtesa të tjera të zbuluara nga një studim gjeofizik dhe një studim arkeologjik, duke përfshirë një kompleks me ujëra termale dhe disa magazina për grurin. Kjo tregon  se struktura i përkiste një individi të pasur dhe një njohës i letërsisë klasike. Mbi mozaikët, midis shtresave të rrënojave që i mbulonin, janë zbuluar mbetje të eshtrave të njeriut, që ndoshta do të datojnë në kohën e vonë romake ose në mesjetën e hershme.

Vendi ndodhet në tokë private dhe nuk është i aksesueshëm për publikun për momentin, por zbulimi i mozaikut dhe kompleksit të vilës do të tregohet në një dokumentar në BBC Two në vitin 2022.

Britania krenohet me shumë pasuri të së kaluarës. Në histori, mbeten të famshme gërmimet e Sutton Hoo, që u zhvilluan në vitin 1939, kur u zbulua një anije funerale anglo-saksone e shekullit të 7-të, një nga zbulimet më të mëdha në historinë britanike.

Kishte tre pushtime të mëdha që formësuan jo vetëm historinë e vendit, por edhe gjeografinë e disa vendeve në Britani. Dy të parat në duart e vikingëve dhe normanëve, kurse i treti, më i madhi, filloi në vitin 42 pas Krishtit, kur legjionet romake mbërritën në ishull. Pushtimi romak i Britanisë së Madhe zgjati deri në vitin 410 pas Krishtit, duke lënë pas rrugë, monumente dhe legjenda.

Related Topics:
Continue Reading

Rajoni

Koncert Koral në kuadër të Ditëve të Artit dhe të Dizajnit dhe 25-vjetorit të UBT-së

Published

4 hours ago

on

June 8, 2026

By

Në kuadër të Ditëve të Artit dhe të Dizajnit dhe shënimit të 25-vjetorit të themelimit të UBT-së, u mbajt një koncert koral i veçantë, i cili solli para publikut fuqinë e muzikës, artit dhe bashkëpunimit artistik.

Të pranishmit patën kënaqësinë të shijojnë performancën e Korit të Fakultetit të Muzikës Moderne, Prodhimit Digjital dhe Menaxhmentit në UBT, nën dirigjimin e profesoreshës dhe dirigjentes, Lindita Isufi. Me përkushtimin dhe profesionalizmin e saj, kori prezantoi një program të pasur artistik, rezultat i punës së vazhdueshme, disiplinës dhe dashurisë së studentëve për muzikën.

Pjesa e parë e koncertit iu kushtua krijimtarisë shqiptare, duke sjellë interpretime të veprave:

  • Dashnor tu bana – Shime Deshpali
  • Ishin dy kunata – Rafet Rudi
  • Po vijnë krushqit – Tish Daija
  • Unë biri yt Kosovë – Feim Ibrahimi

Përmes këtyre veprave u pasqyruan tradita, kultura dhe identiteti ynë muzikor, duke përcjellë emocione të veçanta te publiku.

Në pjesën e dytë, kori solli disa nga këngët më të njohura të repertorit ndërkombëtar:

  • Creep – nga Radiohead
  • Mamma Mia – nga ABBA
  • Siyahamba
  • Shkon djali termale – Çesk Zadeja

Koncerti dëshmoi edhe një herë rëndësinë e artit dhe muzikës si ura komunikimi ndërmjet kulturave, duke bashkuar zërat, emocionet dhe shpirtin krijues në një harmoni të vetme.

Continue Reading

Aktualitet

Liqeni i Shkodrës përfshihet në UNESCO

Published

12 hours ago

on

June 8, 2026

By

Një lajm i rëndësishëm ka ardhur për trashëgiminë natyrore të Shqipërisë, me përfshirjen zyrtare të Liqenit të Shkodrës nga UNESCO në Rrjetin Botëror të Rezervave të Biosferës. Ky vendim shënon një hap të rëndësishëm për mbrojtjen dhe promovimin ndërkombëtar të kësaj pasurie të jashtëzakonshme natyrore.

Këtë arritje e ka ndarë me publikun edhe kryeministri i Shqipërisë, Edi Rama, i cili përmes një mesazhi u shpreh se ky është një sukses i angazhimit institucional dhe diplomatik të vendit.

“Me kënaqesinë e një tjetër lajmi të bukur për Shqipërinë e Gjelbër dhe trashëgiminë tonë natyrore, futjen e Liqenit të Shkodrës nga UNESCO në Rrjetin Botëror të Rezervave të Biosferës, rezultat i punës sonë diplomatike po edhe i kujdesit me përgjegjësi për këtë pasuri shqiptare që i shtohet thesareve të botës së mbrojtur nga UNESCO, ju uroj një javë të mbarë”, ka njoftuar Rama.

Continue Reading

Vendi

Përzgjidhet projekti fitues për Memorialin e Adem Jasharit në Prishtinë, “Zâni i Lirisë” merr vendin e parë

Published

12 hours ago

on

June 8, 2026

By

Kryetari i Komunës së Prishtinës, Përparim Rama, ka njoftuar se është përzgjedhur projekti fitues për “Memorialin Përkujtimor Adem Jashari”, ku vendin e parë e ka zënë koncepti “Zâni i Lirisë”.

Sipas Ramës, projekti fitues është përzgjedhur nga komisioni profesional vlerësues dhe do të realizohet në kryeqytet, duke bartur peshën historike, kombëtare dhe emocionale që përfaqëson figura e Adem Jasharit dhe familjes Jashari.

“Zâni i Lirisë” synon të jetë më shumë se një monument përkujtimor. Koncepti është menduar si simbol i sakrificës së familjes Jashari dhe të gjithë dëshmorëve që dhanë jetën për lirinë e Kosovës.

I frymëzuar nga fjalët e njohura të Adem Jasharit, memoriali do ta shndërrojë zërin e tij në një simbol të përhershëm të lirisë, duke ruajtur kujtesën historike dhe duke përcjellë mesazhin e sakrificës ndër breza.

Sipas Komunës së Prishtinës, memoriali do të jetë një hapësirë që do të nderojë figurën e Komandantit Legjendar dhe do të shërbejë si pikë referimi për kujtesën kolektive të qytetarëve.

Continue Reading

Lajmet

Miratohet Plani i Menaxhimit për Qendrën Historike të Janjevës

Published

13 hours ago

on

June 8, 2026

By

Është miratuar Plani i Menaxhimit për Qendrën Historike të Janjevës, një dokument i rëndësishëm që synon mbrojtjen, ruajtjen dhe zhvillimin e qëndrueshëm të kësaj zone me vlera të veçanta kulturore dhe historike.

Pas investimeve të realizuara në revitalizimin e qytetit të vjetër, ky plan përcakton mekanizmat dhe masat konkrete për mbrojtjen e trashëgimisë historike, arkitektonike dhe peizazhit kulturor të Janjevës, duke siguruar që këto vlera të mbeten pjesë aktive e jetës së komunitetit.

Janjeva konsiderohet një nga qendrat më të rëndësishme të trashëgimisë kulturore në Kosovë, me histori dhe identitet të pasur. Përmes këtij plani synohet mirëmbajtja, aktivizimi dhe menaxhimi afatgjatë i trashëgimisë së saj, duke krijuar një bazë të qëndrueshme për zhvillimin lokal.

Po ashtu, plani parasheh zhvillimin e turizmit kulturor në harmoni me ruajtjen e vlerave historike, duke e shndërruar trashëgiminë në një faktor të rëndësishëm për zhvillimin ekonomik dhe shoqëror të zonës.

Miratimi i këtij plani vlerësohet si një tjetër hap i rëndësishëm në procesin e rijetësimit dhe promovimit të Janjevës si një qendër me rëndësi të veçantë kulturore dhe historike.

Continue Reading

Të kërkuara