Lifestyle

Zakonet e përditshme për një lëkurë që shkëlqen

Aktiviteti sportiv, yndyrnat e shëndetshme dhe antioksidantët ndikojnë pozitivisht.

Published

on

Thonë se lëkura e mirë është tregues i shëndetit të mirë ndaj vini re çdo sinjal që ajo lëshon për ju.

Disa gjeste dhe zakone të vogla të cilat mund t’i bëni pjesë të rutinës tuaj të përditshme janë ato që bëjnë diferencën  për të pasur gjithnjë lëkurë të shëndetshme.

AgroWeb.org ju tregon disa mënyra të shpejta se si të kujdeseni për fytyrën tuaj çdo ditë që fillojnë që nga ecjet e përditëshme deri tek ushqimet e duhura për ju.

Aktiviteti sportiv

Si i gjithë trupi edhe fytyra kërkon të lëvizë e të marrë energji nga aktivitetet sportive.

Në këtë mënyrë gjaku do të qarkullojë më mirë dhe do të ndjeni ndryshme të dukshme si në muskujt e fytyrës ashtu edhe në elasticitetin e saj.

Ecni, bëni vrap apo merruni me aktivitete të ndryshme sportive për shëndetin e të gjithë organizmit dhe sigurisht lëkurës tuaj.

Hani yndyrna të shëndetëshme

Në mënyrë që të eleminojë inflamacionin dhe të prodhojë qeliza të shëndetëshme lëkurës i duhen yndrynat e shëndetëshme.

Prandaj mundohuni të konsumoni shumë arra, avokado, peshk apo vaj ulliri.

Antioksidantët

Një nga elementët më të rëndësishëm përsa i përket shëndetit të fytyrës, por edhe të gjithë organizmit.

Për të luftuar radikalet e lira ju duhet të konsumoni një dietë të pasur me antioksidantë të cilat i gjeni tek frutat dhe perimet.

Vitamina C

Vitamina C është esenciale për prodhimin e kolagjenit në trup i cili ka një rol shumë të rëndësishëm në ruatjen e elasticitetit të fytyrës.

Atë e gjeni me shumicë tek kivi, portokalli, specat e kuq, luleshtrydhet, qitro apo brokoli.

Kujdes me aknet

Aknet apo puçrat që mund t’ju dalin herë pas here në fytyrë janë një proces i zakonshëm i trupit që mund t’ju ndodhë të gjithëve ndaj mundohuni të mos  ngacmoni ato me duar.

Ngacmimi i puçrave me duar do të përhapë më shumë mikrobet dhe papastërtitë në fytyrë prandaj në vend të kësaj, mundohuni që t’i lini ato të shërohen vetë.

Flini gjumë

Ka një arsye përse quhet i famshi “Gjumi i Bukurisë” në këtë mënyrë.

Gjumi është një nga aleatët më të mirë të lëkurës tuaj pasi arrin ta qetësojë dhe ta pastrojë atë.

Flini çdo natë jo më pak se 8 orë gjumë.

Zinku dhe Vitamina E

Zinku funksionon si një riparues natyral për çdo dëm që mund të keni në lëkurë.

Prandaj konsumoni shumë kungull, fara kungulli apo ushqime deti.

Vitamina E nga ana tjetër njihet si një hidratuese  e mirë e fytyrës që e ndihmon atë të qëndrojë elastike dhe të shkëlqejë.

Përtej kapsulave me vitamina E, atë mund ta gjeni edhe tek arrorët, avokado apo peshku./AgroWeb.org

Lifestyle

Si ta rrisni vetëbesimin? Këto janë disa teknika efektive

Published

on

Vetëbesimi është një nga shtyllat kryesore të marrëdhënieve të suksesshme dhe mirëqenies emocionale.

Kur ndiehemi të sigurt në vetvete, kemi më shumë guxim të ndërveprojmë me të tjerët dhe të krijojmë lidhje cilësore.

Një nga bazat për këtë është inteligjenca emocionale, e cila na ndihmon të njohim dhe menaxhojmë ndjenjat tona dhe ato të të tjerëve në situata sociale.

Njohja dhe mikpritja e ndjenjave tona janë hapa të rëndësishëm për të kapërcyer ankthin social. Ushtrime si frymëmarrja e vetëreflektimi ndihmojnë në uljen e stresit para ose gjatë situatave shoqërore.

Në të njëjtën kohë, zhvillimi i aftësive komunikuese si dëgjimi aktiv dhe përdorimi i gjuhës së trupit krijojnë një atmosferë të ngrohtë dhe të pranueshme.

Lidhjet sociale cilësore janë çelësi i një jete sociale. Krijimi i rrjeteve që bazohen në respekt e mbështetje reciproke ndihmon në ndërtimin e besimit dhe ndjenjës së përkatësisë. Në epokën dixhitale, përdorimi i rrjeteve e si LinkedIn e Instagram shërben si mjet efektiv për të zgjeruar lidhjet në mënyrë autentike.

Përballja me situata të vështira si kritika apo konflikte kërkon gatishmëri dhe menaxhim emocional.

Të mësuarit të reagosh në mënyrë konstruktive dhe të ruash qetësinë e brendshme janë aftësi që zhvillohen me kohë dhe praktikë.

Continue Reading

Lifestyle

Kujdes me planet këtë fundjavë, ja parashikimi i motit

Published

on

Sot Kosova pritet të ndikohet nga kushte të qëndrueshme atmosferike, duke sjellë një mot kryesisht të kthjellët dhe me vranësira të pakta kalimtare në disa zona.

Era do të fryjë nga drejtimi veriperëndimor me një shpejtësi mesatare prej 7 metra në sekondë, duke mbajtur ajrin të freskët dhe të pastër.

Temperaturat do të lëvizin nga 19°C deri në 24°C.

Edhe nesër do të jetë një mot i ngjashëm me temperatura që do të sillen mes 15°C dhe 26°C. /UBT News/

Continue Reading

Lifestyle

Rritja e flokëve pa kimikate: Katër vajrat natyralë më efektivë për forcim dhe rigjenerim

Published

on

Nëse doni të stimuloni rritjen e flokëve, të forconi rrënjët dhe të rigjallëroni skalpin e kokës, këto vajra duhet të bëhen aleatët tuaj.

Në një epokë kur po largohemi nga kimikatet agresive dhe po kërkojmë zgjidhje më të buta, vajrat natyralë po fitojnë vend të merituar në rutinat e bukurisë.

Flokët e shëndetshëm, të trashë dhe me shkëlqim nuk janë një ideal i paarritshëm. Vajrat kanë qenë pjesë e ritualeve tradicionale të bukurisë për shekuj me radhë, ato po konfirmohen edhe si një alternativë moderne ndaj përgatitjeve laboratorike.

Vaji i ricinit, një aleat i provuar për forcimin e rrënjëve

Një klasik me arsye. I pasur me acid ricinoleik, ka veti antiinflamatore, antibakteriale dhe stimulon mikroqarkullimin në skalpin e kokës, çka forcon rrënjët dhe nxit rritjen. Ngrohni pak disa pika, masazhon skalpin e lëreni të veprojë për 30 minuta, ideale është gjatë gjithë natës. Shpëlajeni mirë me shampo.

Vaji i kokosit, mbrojtje dhe hidratim i thellë

Për ata që kanë probleme me flokë të thatë vaji i kokosit është zgjedhja ideale. Ai depërton në boshtin e flokëve dhe e mbron atë nga humbja e proteinave, duke ruajtur elasticitetin dhe shkëlqimin e tij. Më i miri për flokë të thatë e skalp të dehidratuar, kombinoni me disa pika vaj rozmarine për efekt më të fortë.

Vaji i rozmarinës, një alternativë natyrale ndaj minoksidilit

Vaji esencial i rozmarinës është bërë viral me të drejtë, efektiviteti në stimulimin e rritjes së flokëve është i krahasueshëm me minoksidilin, por pa përbërës agresivë. Përzieni 3-5 pika vaj rozmarine me vaj bazë (jojoba, bajame ose kokos), masazhoni skalpin e kokës dy deri në tre herë në javë.

Vaji i rrodheve, një zgjidhje qetësuese për rënien e flokëve

Ideal për ata që vuajnë nga rënia e flokëve. Ai stimulon qarkullimin e gjakut, ushqen folikulat, ka efekt qetësues, ndihmon gjithashtu në luftimin e zbokthit.

Vaji i jojobës, hidratim i lehtë për çdo lloj flokësh

Vaji i jojobës është ndër vajrat më të butë e më të ekuilibruar. Përbërja e tij i ngjan sebumit natyral të lëkurës, nuk bllokon poret dhe nuk e rëndon flokun, ndërsa njëkohësisht e hidraton dhe e mbron nga tharja. Rekomandohet veçanërisht për skalpin me yndyrë, sepse siguron hidratim pa yndyrë të tepërt.

Si t’i përfshini vajrat në rutinën tuaj – pa dështuar?

Para shamponit: Aplikoni vajin e zgjedhur në skalpin e kokës dhe në gjatësinë e flokëve. Lëreni 30 minuta deri në disa orë, shpëlajeni mirë.

Në një masazh të skalpit: Masazhi i rregullt me vaj të ngrohtë stimulon mikroqarkullimin dhe rritjen.

Si mbrojtës për majat: Pas larjes, aplikoni një ose dy pika në maja për t’i mbrojtur nga tharja dhe këputja.

Continue Reading

Lifestyle

Parashikimi i motit për ditën e sotme

Published

on

Të enjten parashikohet të mbajë mot me diell dhe pjesërisht i vranët.

Sipas Institutit Hidrometeorologjik të Kosovës, temperaturat minimale do të lëvizin ndërmjet 11 deri 14 gradë Celsius, ndërsa maksimalet e ditës parashihen të lëvizin ndërmjet 27-30 gradë Celsius.

Ndërkaq, pritet të fryjë erë nga drejtimi i jugperendimit e lehtë deri mesatare.

Continue Reading

Të kërkuara