Sport

Zagklis premton mbështetje për basketbollin e Kosovës, paralajmëron edhe risi

Zagklis, Çeku dhe Fetahu u zotuan që të kenë bashkëpunim mes institucioneve që ata përfaqësojnë.

Published

4 years ago

on

Në ditën e dytë të vizitës së tij në Kosovë, sekretari i përgjithshëm i FIBA-s, Andreas Zagklis mbajti konferencën e tij për media në ambientet e Ministrisë së Kulturës, Rinisë dhe Sportit (MKRS), ku edhe premtoi mbështetje për basketbollin e Kosovës si dhe paralajmëroi risi.

Zagklis, Çeku dhe Fetahu u zotuan që të kenë bashkëpunim mes institucioneve që ata përfaqësojnë, në mënyrë që të vazhdojë përkrahja për masivizimin e basketbollit të Kosovës përgjatë viteve në vazhdim, raporton KosovaPress.

Fillimisht, ministri i MKRS-së, Hajrulla Çeku tregoi rëndësinë e basketbollit në Kosovë, ku tha se është i jashtëzakonshëm interesimi i madh i qytetarëve dhe rinisë sonë në këtë sport.

Çeku më tej shtoi se ky interesim dhe ky potencial i madh e meriton medoemos mbështetjen shtetërore dhe institucionale, ndërsa tha se prezenca e Zalgkis konfirmon bashkëpunimin e mirë të FBK-së me FIBA.

“Tashmë basketbolli është një nga sportet më të rëndësishme me suksese të jashtëzakonshme në vendin tonë, që ka interesim të madh prej qytetarëve tanë dhe rinisë tonë, dhe i gjithë ky potencial e meriton natyrisht dhe vëmendjen edhe mbështetjen shtetërore dhe institucionale…Ka qenë një rast i jashtëzakonshëm për ta rikonfirmuar bashkëpunimin e mirë të federatës me FIBA-n, por në të njëjtën kohë edhe për ta aktivizuar Qeverinë e Kosovës përmes Ministrisë së Sportit në llojin, nëse mund të themi të një trekëndëshi, të bashkëpunimit dhe të një vizioni afatgjatë të zhvillimit të basketbollit në vendin tonë”, tha Çeku.

Ndërkaq, përkrahjen e MKRS-së dhe FIBA-s e konfirmoi edhe presidenti i Federatës së Basketbollit të Kosovës (FBK), Arben Fetahu, i cili tha se duhet bërë çdo gjë për të sjellë fëmijët pranë sportit, respektivisht pranë basketbollit.

“E kemi zotimin e dy zotërinjve të cilët janë në anët e mija dhe institucioneve që ata përfaqësojnë për ta përkrah vizionin e basketbollit të Kosovës për zhvillimin strategjik të saj për vitet në vijim edhe shpresoj që se shpejti do ta materializojmë këtë trekëndësh të cilin e përmendi ministri, angazhimin e të trija palëve me një program të veçantë për basketbollin e Kosovës, i cili do ta sjellë basketbollin, besoj aty ky e meriton… Kemi një rini të mrekullueshme, kemi angazhim, kemi dashuri për basketbollin, dhe nuk kemi asnjë arsyetim për të mos bërë atë që është e domosdoshme, për të sjellë fëmijët pranë sportit, për të sjellë fëmijët pranë basketbollit, dhe për ta çuar basketbollin tutje bashkërisht”, tha Fetahu.

Konferencën e sotme e mbylli sekretari i përgjithshëm i FIBA-s, Andreas Zagklis, i cili në fjalimin e tij zbuloi se çfarë kanë diskutuar me krerët e FBK-së dhe MKRS-së, ku tha se fokusi ka qenë te mbështetja e strategjisë së masivizimit të basketbollit në Kosovë nga ministria, strategji kjo e cila do të mbështetet nga FIBA me idetë e saja, ide këto të cilat pritet të sjellin edhe disa risi.

“Nuk ka dyshim se këtu kemi një federatë që ka shfrytëzuar në mënyrën më të mirë të mundshme mbështetjen e FIBA-s. Qoftë kjo nga programi FIBA Plus, ku ata ishin disa nga pionierët nga e mbarë bota, si dhe zbatimi i strategjisë së tyre të re. Diskutimet tona sot u fokusuan se si po mbështetet kjo strategji e federatës nga ministria, dhe se si kjo strategji mund të shndërrohet tani në një strategji kombëtare për sportin e basketbollit, në të cilin proces do të kontribuojë FIBA me mendimet, idetë e veta, ndoshta edhe disa risi. Ne besojmë se ka shumë komponentë të kësaj strategjie me të cilat federata tashmë është në përputhje, disa të tjerë duhet të përmirësohen, dhe FIBA do të jetë në anën e Federatës për ta bërë këtë. Dhe sigurisht, një nga komponentët e rëndësishëm që basketbolli të shkojë në një nivel tjetër është padyshim infrastruktura, si këtu në kryeqytet ashtu edhe në mbarë Kosovën. Nuk do të mund të mos theksoj shpërndarjen shumë të mirë të basketbollit nëpër disa qytete, me klube të forta, dhe klubet e forta janë ato që e bëjnë Federatën të fortë, dhe një Federatë e fortë me një Ligë të madhe, do të thotë se do të vijnë më shumë të rinj në klube, që do të bëjë një ndikim më të madh social, dhe nëse mund të them një shoqëri më të shëndetshme”, deklaroi ai.

Sekretari i Përgjithshëm i FIBA-s, Andreas Zagklis u njoftua mbrëmë me atmosferën e basketbollit kosovar, ku në palestrën “Minatori” në Mitrovicë ishte i pranishëm në finalen e Superkupës Mbarëkombëtare, në të cilën Trepça e mposhti KB Tiranën me 40 pikë diferencë, respektivisht me rezultat 92:52. 

Related Topics:
Continue Reading

Lajmet

Kush është talenti 17-vjeçar me rrënjë shqiptare që po shkëlqen në futbollin amerikan

Published

2 days ago

on

October 23, 2026

By

Adri Mehmeti, 17-vjeçari me prejardhje shqiptare, po konsiderohet një nga talentet më premtuese të futbollit në Amerikën e Veriut, pasi brenda një kohe të shkurtër ka arritur të depërtojë në ekipin e parë të New York Red Bulls dhe të debutojë me kombëtaren e Shteteve të Bashkuara të Amerikës.

Në një artikull të publikuar nga CNN Sports, Mehmeti përshkruhet si një nga emrat e rinj që mund të ndihmojnë në ngritjen e nivelit të futbollit amerikan në vitet e ardhshme.

Mesfushori mbrojtës, i cili është vetëm 17 vjeç, ka fituar vend të rëndësishëm te New York Red Bulls, ndërsa zhvillimi i tij i shpejtë ka tërhequr vëmendjen edhe jashtë Shteteve të Bashkuara.

Mehmeti debutoi me ekipin e parë të klubit në shkurt, në moshën 16-vjeçare, ndërsa në prill shënoi golin e tij të parë në Major League Soccer (MLS).

Talenti i ri, të dy prindërit e të cilit janë nga Shqipëria, e nisi rrugëtimin e tij në futboll që në fëmijëri, duke luajtur me të atin në oborrin e shtëpisë. Në vitin 2019, rreth moshës 10-vjeçare, ai iu bashkua akademisë së New York Red Bulls, ku nisi të ngjitej gradualisht drejt ekipit të parë.

“Për mua, babai im është ndikimi më i madh në fushë dhe jashtë saj gjithashtu”, ka thënë Mehmeti për CNN Sports.

Ai ka treguar se lidhja me futbollin nisi shumë herët, duke kujtuar kohën kur godiste topin me të atin që në moshën dyvjeçare.

Të dy prindërit e tij janë me origjinë nga Shqipëria, ndërsa babai i tij kishte luajtur futboll edhe në rini, duke përfaqësuar vendin në nivelin e të rinjve. Mehmeti vetë kishte përfaqësuar Shqipërinë në kategoritë e reja, përpara se të debutonte me përfaqësuesen e seniorëve të SHBA-së.

Debutimi i tij me kombëtaren amerikane erdhi në shtator, në fitoren 4:1 ndaj Perusë. Ai u inkuadrua në minutën e 88-të, duke zëvendësuar Tyler Adamsin, një tjetër futbollist që është zhvilluar në sistemin e New York Red Bulls.

Përzgjedhja e Mehmetit nga trajneri Mauricio Pochettino është një tjetër dëshmi e besimit që po i jepet brezit të ri të futbollistëve amerikanë.

Pavarësisht suksesit të hershëm, 17-vjeçari vazhdon shkollimin nga distanca, ndërsa jashtë fushës merret me videolojëra dhe golf. Megjithatë, pjesën më të madhe të kohës së lirë e kalon duke analizuar ndeshje dhe paraqitjet e tij, me synimin për t’u përmirësuar vazhdimisht.

Ndër futbollistët që admiron janë Rodri, Pedri dhe Elliot Anderson, nga të cilët përpiqet të mësojë për mënyrën e lojës në mesfushë.

CNN raporton se talenti i tij ka tërhequr interesimin e klubeve evropiane, megjithëse për momentin Mehmeti mbetet i përqendruar te zhvillimi i tij me New York Red Bulls dhe kombëtaren amerikane.

Ai pritet të rikthehet në fushë këtë fundjavë, kur New York Red Bulls do të përballet me Inter Miamin e Lionel Messit.

(Kosovapress)

 

Continue Reading

Lajmet

Ndeshje interesante në Ligën e Konferencës në futboll

Published

2 days ago

on

October 23, 2026

By

Ndeshjet e radhës në Ligën e Konferencë në futboll sollën futboll të mirë dhe rezultate mjaft interesante.

Ekipi i Shqipërisë, Egnatia barazoi me Aarhus 1:1. Ekipi zviceran Thun u mund në fushën e vet nga Hajduku i Splitit, me rezultat  0-1. Ron Raçi ishte në bankën rezervë te kroatët.

Lugano e Zvicrës mundi Getafen e Spanjës me rezultat 5:2. Tre gola për ekipin zviceran i shënuan shqiptarë, dy Albian Ajeti e një Uran Bislimi.

Kwto ishin rezultatet e plota:

Kairat Almaty 1-5 Panathinaikos;

Iberia Tbilisi 1-1 Mjällby;

Nordsjælland 2-2 CSKA Sofia;

Crvena Zvezda 2-2 Copenhagen;

Jablonec 0-0 Brighton;

Kauno Žalgiris 1-4 Brann;

Getafe 2-5 Lugano;

Inter Escaldes 1-3 Universitatea Craiova;

Pafos 1-1 Riga;

Trabzonspor 2-0 Hearts;

Ajax 2-0 Atalanta;

Aarhus 1-1 Egnatia;

Monaco 3-0 Freiburg;

Midtjylland 0-1 Sint-Truidense;

Thun 0-1 Hajduk Split;

Borac 2-0 KuPS Kuopio;

Lincoln Red Imps 1-4 Twente;

Braga 2-0 Gent.

Continue Reading

Lajmet

Befasi të mëdha në ndeshjet e Europa Ligës

Published

2 days ago

on

October 23, 2026

By

Mbrëmjen e së enjtes janë zhvilluar ndeshjet e radhës në kuadër të Europa Ligës në futboll.

Skuadrat Italian, Milan e Juventus nuk u ndanë mirë. E para u mund bindshëm nga angleze Bournemouth 3-0, ndërsa e dyta u ndal në barazim në stadiumin e saj, me Rennes.

Sunderlandi i Granit Xhakës u ndal në barazim ndaj Lech Poznań, 1-1, ndërsa Hoffenheimi i Avdullahut e Asllanit mundi bindshëm Lyonin francez, 3:0.

 

Këto ishin rezultatet:

Ararat-Armenia 0-4 AZ Alkmaar;

Ferencváros 4-1 Torreense;

GNK Dinamo 2-4 N.E.C. Nijmegen;

Juventus 2-2 Rennes;

Lech Poznań 1-1 Sunderland;

OFI Crete 0-2 Leverkusen;

Union SG 4-0 Hapoel Beer-Sheva;

Sturm Graz 1-0 Marseille;

Bournemouth 3-0 Milan;

Beşiktaş 2-2 Crystal Palace;

Celtic 1-2 Celta;

Viktoria Plzeň 1-2 Levski Sofia;

Jagiellonia 0-3 Anderlecht;

Lillestrøm 0-6 Real Sociedad;

Celje 2-2 Salzburg;

Olympiacos 1-0 Sparta Praha;

Omonia 1-4 Benfica;

Hoffenheim 3-0 Lyon.

Continue Reading

Sport

Bayern Munich dhe Arsenal ndajnë pikët në Ligën e Kampionëve

Published

3 days ago

on

October 22, 2026

By

Bayern Munich dhe Arsenal kanë barazuar me rezultat 2:2 në përballjen e zhvilluar të mërkurën mbrëma në Mynih, në kuadër të xhiros së tretë të Ligës së Kampionëve.

Skuadra angleze kaloi e para në epërsi në minutën e 25-të, kur Eberechi Eze realizoi për 0:1. Megjithatë, vendasit reaguan shpejt dhe në minutën e 35-të Alphonso Davies barazoi rezultatin, pas asistimit të Harry Kane.

Në pjesën e dytë, Bayerni përmbysi rezultatin përmes Kane, i cili shënoi nga penalltia në minutën e 61-të, duke kaluar skuadrën gjermane në epërsi 2:1.

Arsenali nuk u dorëzua dhe arriti të shmangte humbjen në minutën e 82-të, kur Declan Rice realizoi golin e barazimit pas asistimit të Viktor Gyokeres.

Me këtë rezultat, Bayerni regjistron barazimin e dytë në këtë edicion të Ligës së Kampionëve, krahas një fitoreje, ndërsa Arsenali merr pikën e parë nga një barazim, pas dy fitoreve në ndeshjet e mëparshme.

Foto: Associated Press
D.L

Continue Reading

Të kërkuara