Sport

Yusuf Dikec në Paris 2024: Stili i tij i pazakontë po thyen internetin

Published

on

Performanca e jashtëzakonshme e qitësit turk Yusuf Dikec në garën mikse me pistoletë ajrore 10 metra në Lojërat Olimpike të Parisit ka bërë shumë bujë në rrjetet sociale dhe ka nxitur një valë komenteve dhe postimeve nga përdoruesit e internetit.

Duke qënë se Dikec, 51-vjeçari nga Turqia, arriti të fitojë medaljen e argjendtë së bashku me partneren e tij, Sevval Ilayda Tarhan, shumë fansa dhe observatorë janë mahnitur jo vetëm nga suksesi i tyre në garë, por edhe nga mënyra e tij pakonvencionale e qitjes. Nëse shumica e qitësve në këtë lloj garash përdorin pajisje të specializuara si kufje për të mbrojtur veshët nga zhurma dhe syze që ndihmojnë me shikimin, Dikec u shqua për qëndrimin e tij të jashtëzakonshëm.

Për dallim nga konkurrentët e tij, Dikec performoi duke mbajtur njërën dorë në xhep, një gjë e rrallë në këtë nivel garash. Kjo qasje e tij e lirë dhe e relaksuar ka shkaktuar pyetje dhe komente në rrjetet sociale, duke përfshirë edhe spekulime ironike dhe thashetheme që kërkuan të shpjegohet si është e mundur që një qitës me një stil të tillë të fitojë medalje në një event kaq prestigjioz si Olimpiada.

Në të vërtetë, Dikec ka një karrierë të lavdishme në këtë sport, duke filluar nga debutimi i tij në Olimpiadën e Pekinit në vitin 2008. Megjithatë, argjenda e fituar në Paris është medalja e tij e parë olimpike, duke i shtuar vlerë dhe emocion këtij suksesi të vonuar në karrierën e tij të gjatë.

Yusuf Dikec ka shpërfaqur një nivel të lartë profesionalizmi dhe përkushtim gjatë karrierës së tij. Ai ka fituar medalje të shumta ari në garat botërore të Federatës Ndërkombëtare të Sporteve të Qitjes (ISSF), Kupën Botërore të ISSF, si dhe në Kampionatin Evropian dhe Lojërat Evropiane. Ai është një përfaqësues i shquar i sportit të qitjes në Turqi dhe në arenën ndërkombëtare.

Studimet e tij në Shkollën e Trajnimit Fizik dhe Edukimit të Universitetit Gazi në Ankara dhe më pas një master në Universitetin Selcuk në Konya tregojnë përkushtimin e tij ndaj zhvillimit profesional dhe akademik, që ka ndihmuar në rritjen e performancës së tij në sport.

Kështu, suksesi i Dikec në Lojërat Olimpike të Parisit 2024 jo vetëm që ka mahnitur shikuesit dhe fansat e sportit të qitjes, por gjithashtu ka rritur admirimin për aftësitë e tij të jashtëzakonshme dhe qasjen e tij të unikët në garën e tij të preferuar./UBTNews/

 

 

 

Aktualitet

​Nora Gjakova nis rrugëtimin si trajnere e xhudos

Published

on

Federata e Xhudos së Kosovës ka nisur një kapitull të ri me përfshirjen e kampiones olimpike, Nora Gjakova, në rolin e trajnere asistente të ekipit të meshkujve. Ajo tashmë i është bashkuar stafit teknik dhe po punon me plot energji e përkushtim në stërvitjet që po mbahen në Bordeaux të Francës.

Në këtë grumbullim, ekipi i meshkujve po përgatitet intensivisht për garat e rëndësishme që i presin në muajt e ardhshëm. Nën drejtimin e trajnerëve dhe me mbështetjen e Norës, xhudistët Akil Gjakova, Shpati Zekaj, Dardan Cena dhe Anes Veseli po zhvillojnë seanca të forta stërvitore, duke dhënë maksimumin në çdo hap të përgatitjeve.

Përfshirja e Nora Gjakovës në stafin e trajnerëve shihet si një vlerë e madhe për ekipin, duke sjellë përvojën e saj të pasur ndërkombëtare dhe frymën e suksesit që ka shoqëruar karrierën e saj si sportiste.

Kosova shpreson se ky kombinim i përvojës dhe energjisë së re do të sjellë rezultate të reja pozitive për xhudon kosovare në arenën ndërkombëtare.

Continue Reading

Sport

Presioni mbi Ruben Amorim rritet, Manchester United përgatit plan emergjent për trajnerin

Published

on

By

Problemet e Manchester United vazhduan mbrëmjen e së mërkurës me humbjen e papritur ndaj Grimsby Town në Kupën e Ligës, e cila u vendos pas penalltive. Pas kësaj, pronarët e klubit, Grupi Ineos, kanë kërkuar nga departamenti i futbollit të përgatisë një listë të shkurtër me kandidatë për trajner në rast se do të duhet shkarkimi i Ruben Amorim.

Sipas mediave, trajneri portugez, i sjellë në “Old Trafford” nga Sporting Lisbona me një kontratë të majme, po përballet me presion të madh pas pozicionit të dobët të skuadrës në renditje, duke zënë vendin e 16-të në Premier League.

Në listën e kandidatëve për zëvendësimin e tij përfshihen Andoni Iraola, trajneri i Bournemouth, i njohur për performancën e tij të mirë në Ligën Premier dhe eksperiencën në Spanjë me Mirandes dhe Rayo Vallecano, si dhe Oliver Glasner, trajneri aktual i Crystal Palace.

Manchester United duket i gatshëm të ndërmarrë veprime drastike në rast se rezultatet nuk përmirësohen në ditët në vijim.

Continue Reading

Sport

Leart Paçarada kalon te FC Heidenheim

Published

on

By

FC Heidenheim 1846 ka konfirmuar nënshkrimin e mbrojtësit kosovar Leart Paçarada, i cili vjen nga FC Köln.

Paçarada, 30 vjeç, ka zgjedhur të ndryshojë ambientin, por do të vazhdojë të luajë në Bundesligë, pasi kalon në skuadrën gjermane të Heidenheim. Mbrojtësi i majtë ka firmosur një kontratë që do ta mbajë te klubi deri në verën e vitit 2027.

Njoftimi është bërë zyrtar nga faqja e klubit, ku theksohet se Paçarada i bashkohet skuadrës së Bundesligës nga rivalët e FC Köln.

Në skuadrën e re, ai do të luajë së bashku me dy futbollistë tjerë me prejardhje shqiptare, Arijon Ibrahimovic dhe Diant Ramaj.

Continue Reading

Sport

Drita përballë Differdange në ndeshjen kthyese të Ligës së Konferencës, synon kualifikimin historik

Published

on

By

Drita do të luajë si mysafire ndaj Differdange në ndeshjen kthyese të fazës ‘play-off’ të Ligës së Konferencës, me synimin për t’u kualifikuar për herë të parë në grupet e një gare evropiane.

Takimi zhvillohet në “Stade Municipal de la Ville de Differdange” me fillim nga ora 20:00. Ekipi i trajnerit Zekirija Ramadani do të kërkojë të ruajë avantazhin 2-1 nga ndeshja e parë në Prishtinë.

“Intelektualët” synojnë të fitojnë apo të sigurojnë të paktën një barazim, që do t’i çonte në fazën e grupeve të Ligës së Konferencës për herë të parë në histori.

Nëse arrin kualifikimin, Drita do të bëhet klubi i dytë kosovar që e arrin këtë sukses, pas Ballkanit, i cili ka luajtur dy herë në grupet e këtij kompeticioni.

Continue Reading

Të kërkuara