Lajmet

Ymeri: Kuota gjinore duhet të ngritet në 50 për qind

Published

5 years ago

on

Drejtori ekzekutiv i Institutit për politika sociale “Musine Kokalari”, Visar Ymeri thotë se është detyrë urgjente e legjislaturës së ardhshme të Kuvendit ta ngritë kuotën gjinore, që të kenë 50 përqind gra në lista zgjedhore.

Ymeri në një intervistë për Ekonomia Online tha se kuota gjinore ka paraqitur efektet pozitive, prandaj partitë politike nuk duhet ta shohin 30 përqindëshin si maksimumi i përfshirjes së grave në listat e kandidatëve për deputetë.

“Një qartësim ky konflikti mes ligjeve që e kemi do me thënë, njërën anë Ligji për zgjedhje i cili e vendos pragun ose kuotën minimale të 30 për qind për cilëndo gjini, dhe pastaj e kemi Ligjin për barazi gjinore që e shpërfaq një lloj synimi që duhet ta kemi për 50 për qind, dmth në përbërje të cilësdo gjini. Mendoj që ky është një konflikt ligjor që është dashur dhe duhet të zgjidhet dhe mendoj që është detyrë urgjente e Kuvendit që po vjen që ta marr parasysh të gjithë dhe në kuadër të saj, pastaj ta ngritë kuotën gjinore prej 30 për qind si minimum, në 50 për qind jo vetëm si synim por edhe si obligim. Natyrisht që partitë politike në Kosovë, shpërfaqin gjendjen e përgjithshme që e kemi në shoqëri që vazhdon me qenë shoqëri patriarkale veçanërisht në përfaqësimin publik apo jetës publike, mënyrën sesi ë trajtojmë gruan. Megjithatë, partitë e kanë obligim ta shtyjnë këtë tavanin e emancipimit një hap e tutje, në këtë drejtim është për keqardhje që edhe në këto zgjedhje partitë politike nuk kanë lëvizur shumë nga 30 përqind që e kanë si obligim ligjor, në përjashtim të Vetëvendosjes, e cila e ka ngritur përfaqësimin e grave në listë në 37%, pra ka më shumë gra sesa që ka qenë minimumi. Sidoqoftë kjo nuk është e kënaqshme pasi këto zgjedhje po ndodhin në 21 vjetorin e çlirimit nga Serbia dhe 13 vjet pas shpalljes së pavarësisë pra kemi pasur një historik goxha të bujshëm të jetës institucionale dhe në kuadër të kësaj e kemi parë që kuota fillestare prej 30 përqind ka sjellë rezultat të jashtëzakonshëm, nëse i shohim zgjedhjet e kaluara dhe zgjedhjet e para në Kosovë, ne e kemi parë që në secilin proces zgjedhor numri i grave të cilat i kanë fituar votat e mjaftueshme pa qenë të varura nga kuota ka shkuar duke u rritur, dhe kjo tregon që në një farë mënyrë kuota të na hap mendjen sado pak dhe pastaj performanca e gruas në politikë ia ka rezervuar asaj dhe garantuar vendin në Kuvendin e Republikës së Kosovës, paragjykimi fillestar është thyer në mënyrën më të mirë të mundshme dhe në këtë drejtim konsiderojë që duke pasur parasysh këtë sukses të kuotës ne duhet ta ngritëm në 50 për qind”, tha tutje ai.

Më tej, Ymeri tha se është diskriminim i jashtëzakonshëm për gratë që përfaqësimi në sferën politike nuk është i barabartë për dy gjinitë. Ai thotë se Kuvendi si dhoma e përfaqësimit të qytetarëve duhet të jetë i përfaqësuar me përqindje të njëjtë të burrave dhe grave.

“Kuota ka qenë obligim i cili ka intervenuar drejtpërdrejt në këtë mentalitet patriarkal, mirëpo mendoj që pas kuotës kanë filluar njerëzit ta shohin se gruaja qenka më e mirë se burrat në politikë. Në këtë drejtim e shoh që tash është detyrë e partive politike, e institucioneve ta çojnë në hap me tutje, politike në qoftë se nuk është emancipim atëherë nuk ia vlen të diskutohet. Në këtë drejtim konsideroj veçanërisht që Kuvendi si dhoma e përfaqësimit të qytetarëve, duhet të ishte 50 me 50 meqenëse ne në popullatë jemi 50 me 50, prandaj mendoj që ka diskriminim të jashtëzakonshëm, duke pas që për shkak të cenimit të drejtave dhe barazisë gjinore që e kemi në vendin tonë, siç është edhe në vendin tonë për sa i përket krijimit të një hapësire të re në skenën në jetën publike, veçanërisht në jetën publike, duhet të kemi ndërhyrje edhe më intensive në mënyrë që aq sa është e mundur ta korrigjojmë padrejtësinë dhe barazinë historike të cilën në jetojmë edhe sot”, u shpreh ai për EO.

Papërgjegjësia ka bërë që kjo çështje të lihet anash, thotë Ymeri duke shtuar se nëse vazhdohet me këtë ritëm kjo situatë do të mbetet e njëjtë.

“Unë nuk mendoj që është pa qëllim, dhe nuk po them që qëllimi është që të thuhet se gratë nuk janë për politikë, po unë po mendoj që këtu kemi një papërgjegjësi të burrave në politikë e të organeve udhëheqëse, se si këtë çështjen e barazisë gjinore dhe të përfaqësimit gjinor në përgjithësi, përherë e spostojnë si një çështje të parëndësishme, pra përherë e lënë për më vonë dhe mendoj që kjo ka ndodhë historikisht këtu në politik bërje në Kosovë, e rreziku është që po nuk intervenuam institucionalisht te ligjërisht atëherë kjo do të vazhdojë kështu përgjithmonë, prandaj në këtë drejtim konsideroj që ne duhet të kemi mekanizma të qartë institucional veçanërisht ligjor, që e garantojnë barazinë në këtë rast rritjen e kuotës që të vijmë në një shoqëri ku kuota më nuk do te jenë të nevojshme”, deklaroi ai.

Megjithatë, fakt i mirë sipas Ymerit është se shumica e grave të zgjedhura në Kuvend, kanë arritur të sigurojnë pozitën e deputetes me anë të votave dhe jo përmes kuotës gjinore.

Ndërsa, sa i përket listës zgjedhor, ai thotë se në çdo palë zgjedhje ka qenë situatë e njëjtë.

“Rritja ka qenë te numri i grave që kanë fituar mandatin e deputetes pa pas nevojë për kuotë, pra nëse për shembull ne zgjedhjet e para ku është përdorur kuota qind për qind numri i grave që kanë hyrë në Kuvend për shkak të kuotës, kjo përqindje ka shkuar duke u reduktuar deri në zgjedhjet e fundit ku ka qenë diku gati 40 për qind që kanë hyrë në Kuvend pa ndihmën e kuotës, ndërkohë që në lista zgjedhore përherë e kemi pasur këtë situatë, prapë po them me përjashtim të Vetëvendosjes që e ka rrit për pak numrin e grave në lista”, u shpreh në fund ai.

Related Topics:
Continue Reading

Vendi

Kredi 25 mijë euro pa dijeninë e qytetares, Policia arreston dy zyrtarë bankarë

Published

6 hours ago

on

May 21, 2026

By

Dy zyrtarë bankarë janë arrestuar nga Policia e Kosovës nën dyshimet për keqpërdorim të detyrës zyrtare dhe përfshirje në një skemë financiare, përmes së cilës një qytetare dyshohet se ishte ngarkuar me kredi prej 25 mijë euro pa dijeninë e saj.

Sipas njoftimit të Policisë, hetimet janë zhvilluar nga Drejtoria për Hetimin e Krimeve Ekonomike dhe Korrupsionit, me autorizim të Prokurorit të Shtetit.

Hetimet kanë zbuluar se i dyshuari i parë, në cilësinë e menaxherit bankar, dyshohet se ka tejkaluar autorizimet ligjore duke urdhëruar lirimin e mjeteve në vlerë prej 24 mijë eurosh. Ai dyshohet se ka udhëzuar në mënyrë kundërligjore analistin bankar që të transferojë shumën në llogaritë e dy bizneseve.

Sipas Policisë, analisti bankar ka ekzekutuar urdhrin verbal të menaxherit, duke transferuar nga 12 mijë euro për secilin biznes nga llogaria e të dëmtuarës, e cila paraprakisht dyshohet se ishte ngarkuar me kredi prej 25 mijë euro pa dijeninë e saj.

Autoritetet bëjnë të ditur se pas këtyre veprimeve, ndaj viktimës ishte iniciuar edhe procedurë përmbarimore, ndërsa banka kishte dorëzuar kallëzim penal në Prokurori lidhur me kredinë në emër të saj, pa ofruar prova që dëshmojnë se ajo kishte aplikuar apo përfituar kredinë.

Sipas Policisë, të dyshuarit me veprimet e tyre i kanë shkaktuar dëm financiar viktimës duke e ngarkuar me kredi fiktive dhe procedura përmbarimore pa dijeninë e saj.

Të dy të dyshuarit janë intervistuar në prani të avokatëve mbrojtës, ndërsa me vendim të Prokurorit të Shtetit u është caktuar masa e ndalimit prej 48 orësh.

Hetimet për rastin do të vazhdojnë në aspektin financiar, me qëllim të zbardhjes së plotë të mënyrës së realizimit dhe shpërndarjes së shumës prej 25 mijë eurosh.

Continue Reading

Vendi

Ditët e Artit dhe Dizajnit në UBT sjellin ekspozitën kreative të studentëve të vitit të parë

Published

8 hours ago

on

May 21, 2026

By

Në kuadër të aktiviteteve të organizuara për Ditët e Artit dhe Dizajnit 2026, Fakulteti i Artit dhe Dizajnit në UBT vazhdon të promovojë kreativitetin, inovacionin dhe talentin e studentëve përmes organizimit të ekspozitave dhe aktiviteteve artistike bashkëkohore që lidhin teorinë me praktikën krijuese.

Si pjesë e këtij programi artistik dhe kulturor, studentët e vitit të parë prezantuan një ekspozitë me punimet e realizuara në lëndët “Gjenerimi i Ideve” dhe “Modelim”, nën mentorimin e profesoreshës Arbresha Hoxha.

Ekspozita solli para publikut procesin krijues dhe zhvillimin konceptual të studentëve, duke reflektuar qasjen e tyre inovative në art dhe dizajn, eksplorimin e ideve, formës dhe strukturës, si dhe aplikimin kreativ të materialeve të ndryshme në realizimet artistike dhe dizajnuese.

Punimet e prezantuara dëshmuan përkushtimin, imagjinatën dhe zhvillimin profesional të studentëve gjatë semestrit, duke krijuar një hapësirë moderne të komunikimit vizual, eksperimentimit artistik dhe shprehjes kreative.

Përmes organizimit të aktiviteteve të tilla, Fakulteti i Artit dhe Dizajnit në UBT synon të krijojë një ambient frymëzues ku studentët kanë mundësinë të prezantojnë idetë dhe projektet e tyre para publikut, duke zhvilluar kompetenca profesionale dhe duke u përgatitur për sfidat reale të industrisë kreative dhe dizajnit bashkëkohor.

Continue Reading

Lajmet

Inaugurohet nënstacioni i ri policor në Junakë të Zveçanit

Published

8 hours ago

on

May 21, 2026

By

Në Junakë të Zveçanit është inauguruar nënstacioni i ri policor, në një ceremoni ku morën pjesë ushtruesja e detyrës së presidentes, Albulena Haxhiu, ministri i Punëve të Brendshme, Xhelal Sveçla, si dhe drejtori i Përgjithshëm i Policisë së Kosovës, Gazmend Hoxha.

Me këtë rast u theksua se nënstacioni i ri do të forcojë praninë institucionale, do të rrisë sigurinë dhe do të kontribuojë në fuqizimin e sovranitetit të Republikës së Kosovës në veri të vendit.

Sipas Haxhiut, vendosja e institucioneve të sigurisë në terren mundëson reagim më të shpejtë të policisë, ofrim më efikas të sigurisë dhe rritje të besimit të qytetarëve në institucionet shtetërore.

Po ashtu u bë e ditur se investimet në Policinë e Kosovës dhe në forcimin e institucioneve të sigurisë do të vazhdojnë edhe në të ardhmen, me synim ruajtjen e rendit, ligjit dhe sigurisë në të gjithë territorin e vendit.

“Vendosja e institucioneve të sigurisë në terren është dëshmi e shtrirjes së shtetit dhe e përkushtimit ndaj rendit, ligjit dhe sigurisë për të gjithë qytetarët, pa dallim”, shkruan ushtruesja e detyrës së presidentes, Albulena Haxhiu.

Continue Reading

Rajoni

Studentët e Clemson University zhvillojnë diskutim të hapur me studentët e UBT-së mbi Kosovën, diplomacinë dhe çështjet globale

Published

8 hours ago

on

May 21, 2026

By

Në vazhdën e bashkëpunimeve akademike ndërkombëtare dhe aktiviteteve që promovojnë dialogun ndërkulturor dhe shkëmbimin e perspektivave globale, Fakulteti i Shkencave Politike dhe Studimeve të Sigurisë në UBT organizoi një diskutim të hapur me studentë nga Clemson University në Shtetet e Bashkuara të Amerikës.

Ky aktivitet u realizua në kuadër të një tradite tashmë trevjeçare të bashkëpunimit ndërmjet UBT-së dhe studentëve amerikanë, me qëllim të njohjes më të afërt të Kosovës, zhvillimeve politike, shoqërore dhe sfidave rajonale, si dhe krijimit të urave të komunikimit akademik ndërmjet studentëve vendorë dhe ndërkombëtarë.

Diskutimi u zhvillua në një atmosferë interaktive dhe dinamike, ku studentët patën mundësinë të ndajnë pikëpamje mbi temat që lidhen me politikën ndërkombëtare, sigurinë, diplomacinë, zhvillimet demokratike dhe perspektivën e Kosovës në kontekstin global.

Pjesë e panelit ishin Dekania, Hajdi Xhixha dhe Prodekani, Arian Kadriu, të cilët diskutuan me studentët mbi rëndësinë e edukimit politik dhe sigurisë në një botë gjithnjë e më komplekse, duke theksuar rolin e institucioneve akademike në formimin e liderëve të rinj dhe profesionistëve të së ardhmes.

Gjatë diskutimit u trajtuan edhe tema që lidhen me pozitën gjeopolitike të Kosovës, proceset demokratike, sfidat e sigurisë rajonale dhe rëndësinë e bashkëpunimit ndërkombëtar në ndërtimin e paqes dhe stabilitetit.

Ky aktivitet shërbeu si një mundësi e rëndësishme për studentët e UBT-së që të angazhohen në debate akademike me karakter ndërkombëtar, të zhvillojnë aftësitë e tyre analitike dhe komunikuese, si dhe të krijojnë kontakte me studentë dhe akademikë nga universitete prestigjioze ndërkombëtare.

Fakulteti i Shkencave Politike dhe Studimeve të Sigurisë në UBT vazhdon të promovojë aktivitete të tilla akademike dhe ndërkombëtare, duke krijuar një ambient studimi modern dhe të orientuar drejt praktikës, diplomacisë, analizës politike dhe çështjeve globale.

Përmes bashkëpunimeve me universitete dhe institucione ndërkombëtare, UBT forcon dimensionin ndërkombëtar të programeve të studimit dhe u ofron studentëve përvoja reale akademike që kontribuojnë në përgatitjen e tyre profesionale për tregun global të punës dhe institucionet vendore e ndërkombëtare.

Continue Reading

Të kërkuara