Sport

Yll Hoxha ndahet me Feronikelin

Publikuar

3 vjet më parë

më

Yll Hoxha nuk është më futbollist i Feronikelit, pasi që mbrojtësi i majtë kosovar i ka ndarë rrugët me klubin të cilit iu bashkua në vitin 2017, pas një periudhe të suksesshme me ekipin nga Drenasi.

Feronikeli i ka ndarë rrugët me Yll Hoxhën. Mbrojtësi i majtë kosovar është larguar përfundimisht prej klubit nga Drenasi pas tri vjetësh e gjysmë sa i kaloi aty. Futbollisti këmbëshpejtë dhe i fuqishëm largohet nga “Nikli” pas një aventure të suksesshme, pasi e fitoi edhe titullin e kampionit. Klubi i Superligës e ka falënderuar ish-futbollistin e Prishtinës për kontributin e dhënë, shkruan Gazeta Express.

Faleminderit Yll Hoxha! Yll Hoxha ka përfunduar avanturën e tij me FC Feronikelin. Mbrojtësi i majtë që erdhi në skuadër në afatin kalimtar të janarit, të vitit 2017, djerësiti plot 170 herë fanellën e Feronikelit. I transferuar nga Kategoria Superiore e Shqipërisë, konkretisht nga Vllaznia, Hoxha fitoi gjithçka që mund të fitohet në Kosovë me FC Feronikelin, duke u mbajtur mend për golin e tij në ndeshjen e fundit të sezonit 2018/19, gol që shpalli Niklin kampion të Kosovës”, ka shkruar klubi nga “Rexhep Rexhepi” në rrjetet sociale.

Edhe vetë futbollisti i ka falënderuar të gjithë për mikpritjen dhe ngrohtësinë që ia ofruan gjatë eksperiencës të tij në klubin Feronikeli.

“Ishte kënaqësi të mbaj veshur fanellën e Feronikelit për këto katër vitet e fundit, klub për të cilin do të kem respekt gjithmonë. Dua të i falënderoj të gjithë te Feronikeli, bashkëlojtarët, trajnerët, stafin, e po ashtu edhe Tigrat e Zi, të cilët kanë qëndruar gjithmonë me ne, sezon pas sezoni. Falënderim të veçantë kam për presidentin e klubit, Naser Ramaj, që më mundësoi të jem pjesë dhe të fitoj trofe me këtë klub fantastik”, ka thënë futbollisti, i cili një kohë e pati një eksperiencë edhe në Shqipëri.

Etiketa
Vazhdo të lexosh

Sport

City dhe United përballen në finalen e FA Cup

Publikuar

1 ditë më parë

më

25 Maj, 2024

nga

Për të dytin sezon radhazi, dy rivalët e Mançesterit do të takohen në finalen e FA Cup.

Ndeshja Manchester City-Manchester United do të fillojë nga ora 14:00, ndërsa Andy Madley do të referojë finalen.

Skuadra e Pep Guardiola synon të bëhet skuadra e parë që fiton FA Cup të njëpasnjëshme qe nga Arsenali në sezonet 2013/14 dhe 2014/15.

Përpara finales, United i Erik ten Hag e ngriti trofeun 12 herë në historinë 153-vjeçare të garës, pesë më shumë se City, por trofeu i fundit i Djajve të Kuq ishte në sezonin 2015/16.

Sezonin e kaluar, City mposhti United me rezultat 2:1 për të fituar Kupën FA 2023, pasi Ilkay Gundogan shënoi dy herë në finale.

Vazhdo të lexosh

Sport

Euro 2025/ Publikohet lista e Kombëtares së Kosovës

Publikuar

2 ditë më parë

më

24 Maj, 2024

nga

Përzgjedhësja e Kombëtares së Kosovës në futboll për femra, Anneli Andersen, e ka publikuar listën e Dardaneve, të cilat janë përzgjedhur për dy ndeshjet e dyta të ciklit kualifikues për Kampionatin Evropian 2025.

Dardanet ndeshjen e parë do ta zhvillojnë kundër Kroacisë, në stadiumin “Zahir Pajaziti” në Podujevë, më 31 maj. Ndeshjen e dytë Dardanet do ta zhvillojnë në stadiumin “Branko Cavlovic-Cavlek” në Karlovac, më 6 qershor, kundër Kroacisë.

Kombëtarja e Kosovës në kualifikimet për Evropianin 2025, bënë pjesë në Ligën B, në Grupin B4, së bashku me Uellsin, Kroacinë dhe Ukrainën. Në dy ndeshjet e para ka pësuar humbje ndaj Ukrainës dhe Uellsit.

Vazhdo të lexosh

Sport

Zyrtare, Milani shkarkon Piolin

Publikuar

2 ditë më parë

më

24 Maj, 2024

nga

Milani ka konfirmuar zyrtarisht largimin Stefano Piolit, duke i dhënë fund periudhës së tij pesëvjeçare në skuadër. Trajneri 58-vjeçar italian mori drejtimin e kuqezinjve në tetor 2019, pas ecurisë së shkurtër dhe zhgënjyese nën drejtimin e Marco Giampaolos, i cili humbi katër nga shtatë ndeshjet e tij të para në krye të klubit.

Pioli ndihmoi të rivendoste njëfarë stabiliteti te Milani dhe i udhëhoqi ata drejt Scudetto-s së tyre të parë në një dekadë në sezonin 2021-22, duke marrë më të mirën nga lojtarët si Rafael Leao, Theo Hernandez dhe Fikayo Tomori. Ai gjithashtu e çoi klubin në gjysmëfinalen e Champions League në sezonin 2022-23.

Siç bëhet e ditur në një deklaratë, Milani dhe Pioli janë ndarë zyrtarisht, me trajnerin që largohet nga posti pas ndeshjes së fundit të sezonit kundër Salernitanas më 25 maj.

“AC Milan dhe Stefano Pioli njoftojnë se trajneri do të largohet pas përfundimit të sezonit aktual, pasi ka qenë në krye të ekipit të parë që nga tetori 2019. AC Milan falënderon nga zemra Stefano Pioli dhe gjithë stafin e tij për drejtimin e ekipit të parë gjatë pesë viteve të fundit, duke siguruar një titull të paharrueshëm të ligës dhe duke rivendosur praninë e vazhdueshme të AC Milan në kompeticionin më të lartë evropian”, thuhet në deklaratën zyrtare të lëshaur nga Milani.

Vazhdo të lexosh

Sport

Trepça, kampione e Kosovës pas 12 vitesh

Publikuar

2 ditë më parë

më

24 Maj, 2024

nga

KB Trepça është kampionia e re e Superligës së Kosovës në basketboll.

Trepça e mposhti në palestrën “Minatori” në Mitrovicë Golden Eagle Yllin me rezultat minimal 67:66, fitore kjo e cila ia siguroi zyrtarisht titullin e kampiones.

Trepça dhe Ylli ishin duke barazuar 2:2 në serinë e finales, dhe me fitoren të mitrovicasve puna e kampionit është tanimë çështje e mbyllur.

Basketbollistët më meritorë në triumfin të Trepçës ishin Edwards Brandon me 15 pikë e tri kërcime dhe Darnell Edge me 15 pikë e pesë kërcime dhe gjashtë asistime.

Ndërkaq, basketbollisti më i dalluar te Ylli ishte Alonzo Verge me 28 pikë, katër kërcime e tetë asistime.

Titulli i Trepçës është i pari për klubin mitrovicas që nga viti 2012.

Vazhdo të lexosh

Të kërkuara