Kulturë

Yjet me famë botërore dënojnë sulmet raciste drejtuar lojtarëve të kombëtares në Angli

Published

4 years ago

on

David Beckham, Little Mix dhe Sacha Baron Cohen janë vetëm disa ndër yjet që kanë dënuar abuzimin racist drejtuar lojtarëve të Anglisë pas humbjes së tyre finale të Euro 2020.

Skuadra angleze e futbollit erdhi afër fitimit të trofeut të tyre të parë të madh që nga Kupa e Botës në 1966, vetëm për t’u mposhtur nga Italia përmes një gjuajtje penalltish, raporton Associated Press, transmeton UBTNews.

Marcus Rashford, Jadon Sancho dhe Bukayo Saka nuk arritën të shënojnë dhe u vunë në shënjestër nga tifozët e zemëruar për humbjen e Anglisë, me shprehje të panumërta raciste.

Menaxheri i ekipit kombëtar të Anglisë, Gareth Southgate, Kryeministri, Boris Johnson dhe Duka i Kembrixhit, Princi William, të gjithë dënuan abuzimin ndaj tyre.

Ish kapiteni i Anglisë, David Beckham, vlerësoi performancën e ekipit dhe tha “ata të gjithë nuk meritojnë asgjë përveç falënderimeve dhe respektit”.

“Kushdo që nuk e mbështet dhe nuk respekton secilin nga ju sot nuk është tifoz i Anglisë. Në fitore apo humbje ne jemi me ju .. Mbani kokat lart..” kishte shkruar Beckham ndër të tjerash.

Ylli i Borat, Baron Cohen, i cili ka bërë fushatë kundër përmbajtjes së urrejtjes në mediat sociale, u bëri thirrje shefit të Facebook Mark Zuckerberg dhe shefit ekzekutiv të Twitter Jack Dorsey për të vepruar.

Ai tha: “Hej Mark Zuckerberg & Jack Dorsey – Facebook / Instagram dhe Twitter po përhapin sulme raciste ndaj këtyre atletëve me ngjyrë. Koha është për të hequr racizmin nga platformat tuaja një herë e përgjithmonë!”

Baron Cohen shtoi hashtagun #StopHateForProfit që në shqip nënkupton “ndaloni urrejtjen për përfitime”.

Gjithashtu grupi i njohur pop Little Mix, shpërndau një deklaratë në Instagram.

Krahas një fotografie të lojtarëve në fjalë, si dhe Sterling, grupi shkroi: “Nëse nuk ngriheni kundër racizmit, ju jeni gjithashtu pjesë e problemit. Ajo me të cilën janë dashur të merren këta të rinj është përtej turpshme. Ne qëndrojmë me ju Mbretër”.

Reperi i njohur dhe manjati amerikan, Sean “Diddy” Combs, gjithashtu mbështeti lojtarët. “Ne qëndrojmë me ju Mbretër”, shkroi ai së bashku me një foto të Rashford, Sancho, Saka dhe Raheem Sterling.

Ndërsa supermodelja Naomi Campbell e përshkroi racizmin si “të neveritshëm”.

Duke iu drejtuar lojtarëve në shënjestër, ajo shtoi: “Unë dua t’ju bëj të ditur se sa krenar jam për ju të gjithë, siç i dhatë të gjitha dhe mos i lini zërat injorantë brenda .. qëndroni në nivelin tuaj, ëndërroni edhe më shumë, arrini më lart dhe lërni këtë të ju drejtojë .. ju jeni fitues duke përmbushur pasionin e juaj gjatë jetës “.

Campbell shtoi hashtags #StopTheHate dhe #StopRacism.

Edhe aktori i Spider-Man, Tom Holland, e përshkroi sjelljen e disa tifozëve të Anglisë si “të neveritshme” pas raporteve jo vetëm të abuzimit racist, por përplasjeve të dhunshme brenda Wembley.

“Ju nuk jeni bashkatdhetarët e mi,” shkroi ai.

“Këta lojtarë nuk meritojnë asgjë përveç respektit. Ata na kanë dhënë kaq shumë në një kohë kaq të vështirë dhe ata duhet të trajtohen si mbretërit, jo të shqelmohen kur humbin.

Ju djem jeni tre luanë dhe të gjithë anglezët e mirë janë krenarë për ju dhe të gjithë ekipin dhe stafin dhe ne do t’ju mbështesim përsëri në Kupën e Botës”.

(Përktheu dhe përshtati UBTNews)

Related Topics:
Continue Reading

Lifestyle

Rreziqet e fshehura në shtëpinë tuaj, 5 produkte të zakonshme

Published

7 hours ago

on

October 21, 2025

By

Shumë prej produkteve që përdorim përditë në shtëpitë tona, me qëllimin për t’i mbajtur ato të pastra dhe me aromë të mirë, në fakt mund të përbëjnë rrezik serioz për shëndetin.

Nga produktet e higjienës personale, te ato për freskimin e ajrit apo për pastrimin, shumë prej tyre përmbajnë substanca toksike dhe potencialisht kancerogjene.

Shampot, shpesh përmbajnë përbërës si parabene, ngjyra sintetike dhe aromatizues artificialë, që ndikojnë në sistemin hormonal dhe të shkaktojnë irritime të lëkurës. Edhe produktet që reklamohen si “natyrale” nuk janë të sigurta, ndaj leximi i etiketave mbetet thelbësor.

Qirinjtë aromatik dhe sprejtë e ajrit janë burime të mundshme kimikatesh të dëmshme. Edhe pse krijojnë një atmosferë të këndshme, lëshojnë substanca të rrezikshme që ndikojnë në sistemin respirator, shkaktojnë alergji, edhe probleme serioze shëndetësore.

Edhe produktet që përdoren për aktivitetet artistike, si ngjitësit dhe ngjyrat, duhen përdorur me kujdes të madh, sidomos në prani të fëmijëve, pasi përmbajnë tretës kimikë që mund të dëmtojnë veshkat apo sistemin nervor.

Së fundi, pesticidet, të përdorura gjerësisht në shumë shtëpi për eliminimin e insekteve, janë ndër më të rrezikshmet, pasi përmbajnë neurotoksina të cilat lidhen me probleme neurologjike afatgjata, përfshirë sëmundjen e Parkinsonit.

Zgjidhja? Zëvendësoni sa më shumë produkte me alternativa natyrale e të certifikuara si të sigurta për shëndetin. /A.Z/UBT News/

Continue Reading

Lifestyle

Të dielën e kësaj jave, akrepat e orës kthehen 60 minuta pas

Published

8 hours ago

on

October 21, 2025

By

Të dielën e kësaj jave, pra më 26 tetor, akrepat e orës kthehen 60 minuta pas.

Prapa, lëvizin më 03:00, natën mes të shtunës dhe të dielës, 25 e 26 tetor, duke u ripozicionuar te ora 02:00.

Kështu, mund të flemë një orë më shumë gjumë, por pasditet do të kenë një orë më pak dritë natyrale. Akrepat do t’i lëvizim në orët analoge, teksa siç dihet, të gjitha pajisjet tjera digjitale të lidhura me internetin përditësohen automatikisht me orarin e ri.

Ora diellore qëndron në fuqi der 29 mars 2026, kur si gjithmonë në 03:00 të mëngjesit, në fuqi hyn ora ligjore, e njohur si ajo verore.

Përcaktimi i ndryshimit të orës nuk ka datë fikse, aplikohet natën mes të shtunës e të dielës së fundit të tetorit e muajit mars. Pavarësisht polemikave që prej disa vitesh kanë shoqëruar ndryshimin stinor të orës, ende nuk është vendosur gjë nga BE-ja.

Diskutimi ishte mbi mbajtjen në fuqi të vetëm një ore ligjore, për të kursyer energji, arsye se pse është adoptuar që për herë të parë ose të regjimit të orës diellore. Impakti në ekonomi apo edhe në mjedis, pasi sjell reduktim të CO2, ka ndikuar në mosvijimin e diskutimeve për ta hequr orën ligjore, se duhet të jetë një vendim unanim për të gjitha vendet e Bllokut.

Më 2018, me 84% të votave, Parlamenti Europian u shpreh në favor të shfuqizimit të orës ligjore. Vendimi përfundimtar u la në dorë të secilit vend anëtar të Unionit. Në Europë, ndryshimi i orës nuk ka qenë i njëtrajtshëm. Ai filloi të përgjithësohej nga 1974, pas krizës së parë të naftës e kur disa vende vendosën të çojnë para orën, që të shfrytëzonin më shumë dritën e diellit e të konsumonin pak energji elektrike.

Si ligj europian u vendos nga 1981, është rinovuar çdo katër vjet. Në mënyrë të qëndrueshme, norma europiane përcakton datat e fillimit të periudhës së orës së verës (kur akrepat shkojnë 60 minuta para) dhe përfundimin e saj (kur shkon një orë pas). /A.Z/UBT News/

Continue Reading

Kulturë

Prezantohet botimi i letrave të diplomatit francez Anton Vas

Published

9 hours ago

on

October 21, 2025

By

Në kuadër të projektit “Prishtina në histori”, Varg dhe Trembelat do të prezantojnë botimin e letrave të diplomatit francez Anton Vas, i cili në vitin 1812, gjatë periudhës së Napolonit dhe luftës me Rusinë, u caktua të ngrinte një nënkonsullat francez në Prishtinë.

Promovimi do të mbahet më 31 tetor 2025, në ora 11:00, në ambientet e Institut Français në Pejton.

Dokumentet, të siguruara nga Arkivi i Ministrisë së Punëve të Jashtme të Francës, pasqyrojnë përvojën e Vasit në një qytet kyç tregtar dhe diplomatik.

Misioni i tij ishte mbrojtja e tregtarëve francezë dhe forcimi i pranisë tregtare të Francës në rajon, përballë rivaliteteve ndërkombëtare dhe sfidave lokale.

Korrespondenca dokumenton marrëdhëniet e Vasit me autoritetet lokale, përfshirë Maliq Pashë Gjinollin dhe nipin e tij Jashar Pashë, si dhe sfidat që përballonte një diplomat francez në Prishtinën e fillimit të shekullit XIX.

Në redaktimin e studiuesit Yll Rugova, letra sjellin jo vetëm ngjarjet historike, por edhe atmosferën dhe përvojën personale të autorit.

Botimi u realizua pas transkriptimit, përkthimit dhe redaktimit të kujdesshëm të materialeve mikrofilmike, me mbështetjen e Komunës së Prishtinës, Ambasadës së Francës në Kosovë dhe specialistëve të arkivave.

Ky libër ofron një pasqyrë të veçantë mbi lidhjet historike midis Francës dhe Kosovës, duke nxjerrë në pah rëndësinë e Prishtinës si qendër tregtare dhe diplomatike në fillim të shekullit XIX. /A.Z/UBT News/

 

Continue Reading

Kulturë

Sanremo 2025: Carlo Conti zbulon se do të ketë 28 artistë të mëdhenj në garë

Published

14 hours ago

on

October 21, 2025

By

Carlo Conti, drejtor artistik dhe prezantues i Festivalit të Sanremos, ka zbuluar detaje mbi edicionin e ardhshëm të festivalit gjatë fjalës së tij në ngjarjen ‘Luce!’ në Firence.

Conti theksoi se prioriteti i tij mbetet përzgjedhja e këngëve dhe artistëve, duke e krahasuar këtë proces me zgjedhjen e “biftekut më cilësor”.

“Çdo vit mbërrijnë rreth 500–600 këngë për Sanremo, dhe këtë vit duhet të zgjedhim 26 nga Big (artistët e mëdhenj), ndoshta deri në 28,” tha ai, duke shtuar se vitin e kaluar ishte shumë e vështirë përzgjedhja për shkak të shumësisë së këngëve të bukura.

Sa i përket pjesëmarrjes në Eurovision, Conti po ashtu sqaroi se rregullat mbeten të njëjta si vitin e kaluar: fituesi i Sanremos shkon automatikisht në festivalin evropian.

Në rast të tërheqjes, moskualifikimit ose anulimit, drejtimi artistik i Sanremos dhe RAI-t do të zgjedhin një artist zëvendësues.

Si shembull, ai përmendi rastin e këtij viti, kur Olly u tërhoq dhe vendin e tij e mori Lucio Corsi, i cili kishte përfunduar i dyti në festival. Conti përfundoi duke thënë se rregullorja funksionoi mirë dhe nuk ka nevojë të ndryshohet. /A.Z/UBT News/

 

Continue Reading

Të kërkuara