Sot mbushen 21 vjet kur 15 maturantë të shkollës së mesme “Abdyl Frashëri” nga Malisheva humbën jetën gjatë një ekskursioni në Shqipëri. 

Autobusi u rrokullis dhe ra në humnerë më 14 tetor 2004, në Fushë Arrëz të Pukës.

Më 15 tetor, pas identifikimit të trupave të nxënësve të vdekur, shteti shqiptar i përcolli në mënyrë dinjitoze nga ushtria shqiptare deri në kufirin me Kosovën, prej nga TMK-ja i solli ata në lokalet e gjimnazit “Abdyl Frashëri” të Malishevës.

Varrimi i tyre u bë më 16 tetor, te “Lëndina e Lotëve”, të lagjes së Gurit.

Në njëvjetorin e ngjarjes tragjike, Qeveria shqiptare ka ngritur një obelisk përkujtimor tek vendi i ngjarjes në Fushë-Arrëz, kurse në përkujtimin e dyvjetorit të kësaj ngjarjeje, filloi ndërtimi i kompleksit memorial të varrezave të maturantëve edhe nga Qeveria e Kosovës, në qytezën e Malishevës./S.K/KP/

Një zyrtar policor ka mbetur i lënduar gjatë ushtrimit të detyrës zyrtare në Klinë. Sipas raportit të Policisë së Kosovës, rasti ka ndodhur pasi njësiti policor kishte ndaluar një automjet për kontroll.

Në momentin kur i dyshuari u njoftua se do t’i nënshtrohej kontrollit policor, ai me shpejtësi ka ndezur veturën dhe është larguar nga vendi i ngjarjes, duke goditur një nga zyrtarët policorë dhe i shkaktuar lëndime trupore.

“Është raportuar se njësiti policor deri sa ishte në kryerje të detyrës zyrtare kanë ndaluar një automjet dhe pasi i eshte kumtuar se duhet ti nenshtrohet kontrollit policor, i dyshuari me vrull ka nisur veturen dhe eshte larguar nga vendi i ngjarjes, duke I shkaktuar lendime trupore zyrtarit policor, I cili ka pranuar tretman mjeksor. Pas veprimeve të menjehershme operative-hetimore I dyshuari është arrestuar dhe pas intervistimit me vendim të prokurorit është dërguar në mbajtje.” thuhet në njoftim./D.B/UBTNews

Një rast i rëndë është raportuar në Gllogoc, ku një person ka mbetur i plagosur si pasojë e të shtënave me armë zjarri. Sipas njoftimit të policisë, viktima mashkull kosovar, kishte kërkuar ndihmë mjekësore në Qendrën e Mjekësisë Familjare në Drenas.

Dyshohet se plagosja është shkaktuar nga një person ende i paidentifikuar, i cili është në kërkim nga organet e rendit.

Njësitë relevante policore kanë dalë menjëherë në vendngjarje, ndërsa me urdhër të prokurorit janë nisur hetimet për zbardhjen e plotë të rastit. Viktima është dërguar më pas në Qendrën Klinike Universitare të Kosovës (QKUK) për trajtim të mëtejmë mjekësor.

“Viktima mashkull kosovar kishte kërkuar tretman mjekësor në QKMF Drenas pasi I njejti kishte marr plage ne kembe dyshohet nga arma e zjarrit nga nje person I panjohur. Njësitë relevante policore kanë dalë në vendin e ngjarjes për të cilin rast është njoftuar prokurori, I cili ka urdheruar fillimin e hetimeve. Viktima me pas është dërguar në QKUK për vazhdim te tretmanit mjekësor.” thuhet në raport./D.B/UBTNews

Policia e Kosovës ka arrestuar një person të dyshuar për organizim të skemave piramidale dhe zhvillim të bixhozit të paligjshëm. Gjatë një kontrolli në një lokal në Podujevë, njësiti policor ka hasur të dyshuarin mashkull kosovar duke organizuar lojëra të fatit pa autorizim.

Si prova materiale janë sekuestruar 85 euro para të gatshme, 1000 dinarë serbë, si dhe pajisje të ndryshme elektronike që shërbenin për zhvillimin e kësaj veprimtarie të kundërligjshme.

“Është arrestuar i dyshuari mashkull kosovar për shkak se nga njësiti policor në një lokal është hasur duke organizuar lojëra të fatit. Si prova materiale se në atë lokal janë zhvilluar lojëra fati janë sekuestruar: 85 euro para të gatshme, 1000 dinarë dhe pajisje të ndryshme elektronike që mundësojnë zhvillim e kësaj veprimtarie të kundërligjshme. I dyshuari pas intervistimit me vendim të prokurorit është dërguar në mbajtje.” thuhet në njoftim nga Policia e Kosovës./D.B/UBTnews