Magazinë

Xhelozia e Angelina Jolie ndaj Marion Cotillard për lidhjen me Brad Pitt

Published

on

Aktorja amerikane Angelina Jolie thuhet se ishte e zemëruar për lidhjen e ish-bashkëshortit të saj, Brad Pitt, me aktoren franceze Marion Cotillard.

Sipas mediave rozë, Cotillard ishte e vetmja grua që e bëri Jolien të ndjehej xheloze, pasi ajo xhiroi filmin “Allied” me Pitt në vitin 2016.

“Problemi ishte se Angelina e dinte mirë që romanca e saj me Brad kishte nisur gjatë xhirimeve të filmit Mr. & Mrs. Smith, ndaj kishte frikë se historia do të përsëritej. Shumë besonin se Marion e kishte mahnitur Bradin,” shkruajnë burimet.

Në fund të vitit 2016, Jolie kërkoi divorc, duke e akuzuar Pitt për abuzim fizik ndaj saj dhe fëmijëve gjatë një fluturimi. Më vonë, burime të afërta pretenduan se ajo kishte zbuluar edhe tradhtinë e tij.

Ndërkohë, Jennifer Aniston – e martuar me Pitt nga viti 2000 deri më 2005 – ka krijuar një miqësi të re me Cotillard. Fansat dyshojnë se ky veprim mund të jetë mënyra e Aniston për t’i kujtuar Jolies se ende nuk ia ka harruar tradhtinë.

Së fundmi, Aniston mori pjesë në premierën e sezonit të katërt të serialit “The Morning Show”, ku kaloi kohë me Cotillard dhe pjesën tjetër të kastit. Dy aktoret kanë folur publikisht me respekt dhe lëvdata për njëra-tjetrën.

Magazinë

Britney Spears rrëzohet nga shkallët, lëndon gjurin

Published

on

Ylli botëror, Britney Spears, pësoi një aksident duke rënë nga shkallët në shtëpinë e një shoqeje, duke dëmtuar gjurin e saj.

Ajo vetë ndau lajmin përmes Instagramit, ku publikoi një video të re duke kërcyer, pavarësisht dhimbjes.

“Rashë nga shkallët në shtëpinë e shoqes sime dhe ishte tmerrësisht keq… Nuk jam e sigurt nëse e kam thyer, por për momentin nuk ndjej dhimbje. Faleminderit Zotit”, shkroi ajo.

Në video shihet gjuri i saj i djathtë i mbështjellë, por Britney nuk ndalet dhe vazhdon të kërcënojë energjikisht. /A.Z/UBT News/

Continue Reading

Magazinë

Zbulohet portofoli i pasurive të Nicole Kidman

Published

on

Nicole Kidman dhe Keith Urban ishin të martuar për gati 20 vjet, por javën e kaluar aktorja paraqiti kërkesë për divorc.

Sipas mediave amerikane, këngëtari thuhet se ka ndarë rrugët me Kidman dhe madje ka gjetur një grua të re.

Dokumentet zyrtare të divorcit tregojnë se data e ndarjes është 30 shtator 2025. Eksistojnë plane prindërimi që rregullojnë kujdestarinë e përbashkët të vajzave të tyre, Sunday Rose dhe Faith Margaret. Financat e ish-çiftit janë të ndara, ku secili ruan pasuritë që i përkasin.

Sipas dokumenteve, Kidman dhe Urban zotërojnë së bashku një portofol të madh pasurish të patundshme me vlerë rreth 50 milionë dollarë (afërsisht 40 milionë franga zvicerane).

Ky portofol përfshin:

Ish-shtëpinë e tyre në Nashville, vlera 3.4 milionë dollarë

Një shtëpi në Beverly Hills, vlera 6.77 milionë dollarë

Një dupleks në New York, vlera 13.5 milionë dollarë

Një apartament në Manhattan, vlera 3.5 milionë dollarë

Një vendpushim historik në New South Wales, Australi, vlera 6.5 milionë dollarë

Një apartament në Sydney, vlera 6 milionë dollarë. /A.Z/UBT News/

Continue Reading

Magazinë

Përplasje e heshtur, Charlize Theron Injoron Johnny Depp në Paris

Published

on

Charlize Theron duket se e ka mbajtur distancën nga Johnny Depp gjatë një eventi të Dior në Javën e Modës në Paris.

Aktorja, e cila bashkëpunoi me të në filmin The Astronaut’s Wife në vitin 1999, u duk se e injoroi atë gjatë sfilatës, duke shkaktuar komente të shumta në rrjetet sociale.

Të dy nuk kanë pasur më bashkëpunime që nga ajo kohë dhe duket se nuk ruajnë një marrëdhënie personale, me qëndrimin e Charlize Theron që konfirmon se kontaktet janë ndërprerë prej vitesh.

Edhe pse të dy janë fytyra të njohura të Dior — Johnny Depp për aromën meshkuj Sauvage dhe Charlize Theron për J’Adore për më shumë se dy dekada — distanca mes tyre nuk kaloi pa u vënë re.

Momenti i sikletshëm u kap në video dhe u postua në Twitter me mbishkrimin: “Charlize Theron injoron Johnny Depp (bashkëpunuesin e saj në The Astronaut’s Wife) në sfilatën e Dior”.

Fansat kujtuan një artikull të Times nga 2023, që kritikon rikthimin kinematografik të Depp pas mosmarrëveshjes ligjore me Amber Heard.

Pas fitores në padinë për shpifje kundër Amber Heard në 2022, Johnny Depp po përpiqet të rikthehet gradualisht në qendër të vëmendjes.

Ai u shfaq me filmin francez Jeanne du Barry në Festivalin e Filmit në Kanë, ku mori duartrokitje të ngrohta, dhe rikonfirmoi bashkëpunimin e tij me Dior. Përveç kinemasë, Depp vazhdon aktivitetet muzikore me grupin e tij, Hollywood Vampires.

Gjatë shfaqjes, aktori u duk i relaksuar në xhaketë gri, këmishë dhe xhinse, ndërsa u fotografua edhe me Brigitte Macron, duke treguar përpjekjet për të rifituar vendin në skenën publike pas periudhës problematike që e shënjoi karrierën e tij. /A.Z/UBT News/

Continue Reading

Magazinë

Meghan Markle ndeshet me kritika pas një videoje të publikuar nga Paris

Published

on

Dukesha e Sussex-it, ka përjetuar një valë kritikash pasi postoi një video në Instagram ku shihej në një limuzinë në Paris me këmbët të ngritura, jo shumë larg tunelit ku princësha Diana humbi jetën në mënyrë tragjike në vitin 1997.

Shumë përdorues e kanë cilësuar këtë veprim si “të padenjë” dhe “të papërgjegjshëm”, duke shkaktuar reagime të forta në rrjetet sociale.

Videoja u publikua gjatë qëndrimit të Meghan Markle për Javën e Modës në Paris dhe tregonte këndin e saj nga makina duke kaluar pranë urave të njohura të qytetit, si Pont Alexandre III dhe Pont des Invalides.

Ajo që ndezi polemikat ishte afërsia me Pont d’Alma, pranë tunelit ku Diana, partneri Dodi Fayed dhe shoferi i saj Henri Paul humbën jetën në një aksident automobilistik. Kjo ngjarje erdhi pak ditë pas pjesëmarrjes së saj të papritur në Javën e Modës, e cila ishte vizita e parë në Evropë që nga Lojërat Invictus 2023 në Dyseldorf. Video e ndau me 4.2 milionë ndjekës, duke shkaktuar reagime të menjëhershme.

Eksperti mbretëror, Richard Fitzwilliams, e përshkroi si “konfuz”, “absurd” dhe “të papërshtatshëm”. Ai theksoi se, megjithëse Meghan ka të drejtë të marrë pjesë në evente të modës, ndarja e një videoje që lidhet me tragjedinë e Dianës është “e pakuptimtë dhe e pandjeshme”.

Fitzwilliams shtoi se edhe princi Harry mund të jetë ndjerë i prekur nga situata: “Vdekja e Dianës është një plagë që e ka shoqëruar gjithë jetën e tij. Nuk mund të imagjinoj që ta ketë marrë mirë këtë gjest.”

Edhe përdoruesit e platformës X u shprehën kritikë, duke theksuar se videoja nuk ndihmon aspak Harry-n dhe është e papranueshme për shumë njerëz. Meghan mori pjesë në sfilatën e Balenciaga-s, ku u pa në shoqërinë e Anna Wintour, Anne Hathaway dhe Baz Luhrmann.

Përfaqësuesi i saj tha për People se ajo ishte aty për të mbështetur Pierpaolo Piccioli, mikun e saj të ngushtë dhe drejtorin kreativ të markës.

Dukesha kishte zgjedhur një fustan të personalizuar nga Balenciaga, të kombinuar me një çantë të zezë dhe taka elegante të së njëjtës markë, me një vlerë prej rreth 745 funte (854 euro). /A.Z/UBT News/

 

Continue Reading

Të kërkuara