Lajmet

Xhakartë: Protestuesit djegin flamurin suedez pas djegies së Kuranit nga politikani danez

Rasmus Paludan shkatërroi librin e shenjtë mysliman në Stokholm para disa ditësh jashtë ambasadës turke.

Published

on

Protestuesit u mblodhën jashtë ambasadës suedeze në Xhakarta, Indonezi, të hënën për të demonstruar kundër djegies së librit të shenjtë të myslimanëve, Kuranit, nga një politikan danez i ekstremit të djathtë.

Rasmus Paludan shkatërroi librin e shenjtë mysliman në Stokholm para disa ditësh jashtë ambasadës turke.

Djegia dhe protesta të tjera kanë çuar në një grindje të madhe diplomatike midis Suedisë dhe Turqisë.

Suedia ka nevojë për miratimin e Turqisë për t’u bashkuar me NATO-n — diçka që tani është në rrezik.

Presidenti turk Rexhep Tajip Erdogan tha se vendi i tij mund të miratojë ofertën e Finlandës, por jo edhe atë të Suedisë.

Protesta të tjera kundër Suedisë janë zhvilluar edhe në Pakistan, Irak, Iran, Afganistan dhe Liban këtë muaj.

Ambasada suedeze në Xhakartë tha se djegia nuk pasqyron opinionin e qeverisë.

“Ne i bëjmë thirrje qeverisë indoneziane që jo vetëm ta dënojë këtë, por gjithashtu të bashkohet në bojkotimin e gjithçkaje suedeze”, tha një protestues në Xhakartë, Wati Salam.

“Ajo që bënë ata [suedezët] ishte një fyerje ndaj shkrimit tonë të shenjtë”, tha një tjetër, Junaedi Abdilla.

Që nga pushtimi i Rusisë në Ukrainë në shkurt të vitit të kaluar, Suedia dhe Finlanda kanë aplikuar për t’u bashkuar me NATO-n.

Turqia paralajmëruar Suedinë që në mënyrë specifike të distancohet nga Partia e Punëtorëve të Kurdistanit (PKK). Grupi konsiderohet si një grup terrorist nga Turqia, SHBA dhe BE.

Suedia ka bërë ndryshime ligjore që i lejojnë asaj të bëjë ligje më të ashpra anti-terror të kërkuara nga Turqia.

Qeveria ka hequr gjithashtu një ndalim për shitjen e pajisjeve ushtarake në Turqi, që ishte në fuqi që nga ndërhyrja ushtarake e Ankarasë në Siri në vitin 2019.

Por Turqia u zemërua kur një figurë e presidentit turk u var nga grupet kurde në Stokholm në janar.

Turqia më pas anuloi një vizitë të planifikuar në vend nga ministri suedez i mbrojtjes, në kohën e djegies së Kuranit.

Atë kohë, shpresohej se udhëtimi mund të zgjidhte kundërshtimet e Ankarasë ndaj ofertës së Suedisë në NATO.

Qeveria turke e përshkroi djegien e Kuranit si një “akt të ndyrë” dhe tha se vendimi i qeverisë suedeze për të lejuar vazhdimin e protestës ishte “plotësisht i papranueshëm”.

Sipas agjencisë së lajmeve Reuters, leja që Paludan mori nga policia thoshte se demonstrata e tij ishte kundër Islamit dhe, siç e quajti ai, përpjekjen e presidentit turk Tajip Erdogan për të ndikuar në lirinë e shprehjes në Suedi./UBTNews/

Continue Reading

Botë

​Trump thotë se ka një shans të vërtetë për madhështi në Lindjen e Mesme

Published

on

Presidenti i SHBA-së, Donald Trump, tha se ekziston një shans i vërtetë për madhështi në Lindjen e Mesme.

“Të gjithë janë dakord për diçka të veçantë, për herë të parë ndonjëherë”, shkroi Trump në platformën e tij të mediave sociale, Truth Social.

Fjalët e tij pasuan një takim shumëpalësh të martën me udhëheqës nga disa vende me shumicë myslimane në kuadër të Asamblesë së 80-të të Përgjithshme të OKB-së në Nwe York.

Takimi me udhëheqësit nga Turqia, Katari, Arabia Saudite, Indonezia, Pakistani, Egjipti, Emiratet e Bashkuara Arabe (EBA) dhe Jordania u përqendrua kryesisht në konfliktin e Gazës dhe përpjekjet për paqe.

Trump paraqiti një plan me 21 pika që synonte t’i jepte fund luftës në Gaza, të siguronte lirimin e pengjeve dhe të rehabilitonte rajonin nën qeverisje duke përjashtuar Hamasin.

Presidenti i SHBA-së tha gjithashtu se nuk do ta lejonte Izraelin të aneksonte Bregun Perëndimor. Gjthashtu, Trump planifikoi të takohej veçmas me kryeministrin izraelit Benjamin Netanyahu të hënën për të diskutuar propozimet.

Ushtria izraelite ka vrarë mbi 66,000 palestinezë, shumica prej tyre gra dhe fëmijë, në Gaza që nga tetori i vitit 2023. Bombardimet e pamëshirshme e kanë bërë enklavën të pabanueshme dhe kanë çuar në uri dhe përhapjen e sëmundjeve./S.K/KP/

Continue Reading

Aktualitet

​Plani “Mbrojtja e Pyjeve”, policia sekuestron gashtë kamionë me dru në Ferizaj

Published

on

Në kuadër të zbatimit të planit operativ “Mbrojtja e Pyjeve 2025”, njësitë policore të stacionit policor në Ferizaj, në fshatin Dardani, kanë realizuar një aksion kontrollues, gjatë të cilit janë ndaluar 6 automjete (kamionë) me targa vendore që transportonin dru.

Sipas njoftimit të policisë, gjatë kontrollit është konstatuar se shoferët e këtyre automjeteve transportonin lëndë drusore pa dokumentacionin e nevojshëm.

Automjetet dhe lënda drunore janë sekuestruar, ndërsa për procedurat e mëtejme ligjore janë njoftuar zyrtarët e pylltarisë.

Më tej thuhet se Policia Rajonale e Ferizajt, në bashkëpunim me zyrtarët e pylltarisë, do të vazhdojë angazhimin në parandalimin dhe luftimin e prerjes dhe transportit të paligjshëm të drunjve.

Njëkohësisht, ata thanë se ftojnë qytetarët të bashkëpunojnë me policinë duke raportuar rastet përmes aplikacionit “Lajmëro Policinë”./S.K/KP/

Continue Reading

Aktualitet

Java nis me mot të paqëndrueshëm

Published

on

Sipas parashikimeve meteorologjike, moti këtë javë do të karakterizohet nga intervale me diell dhe vranësira të shpërndara.

Duke filluar nga dita e enjte, priten edhe riga të herëpashershme shiu.

Temperaturat minimale sot do të sillen nga 5 deri në 9°C, ndërsa ato maksimale do të arrijnë nga 15 deri në 18°C.

Era do të fryjë kryesisht nga drejtimi i jugperëndimit, me intensitet të lehtë deri mesatar.

Continue Reading

Aktualitet

UBT fton studiues dhe profesionistë për dorëzimin e abstrakteve në Konferencat e Shkencave Politike dhe Sigurisë

Published

on

UBT ka kënaqësinë të ftojë studiues, akademikë, profesionistë dhe studentë të interesuar të marrin pjesë në nënkonferencat Studime të Sigurisë dhe Shkenca Politike dhe Marrëdhënie Ndërkombëtare, pjesë e edicionit të 14-të Konferencës Ndërkombëtare të UBT-së për Biznes, Teknologji dhe Inovacion 2025.

Ky edicion i fokusuar në Qëndrueshmërinë dhe Reziliencën synon të sjellë së bashku ekspertë dhe studiues për të shkëmbyer ide, përvoja dhe rezultatet më të fundit kërkimore në fushat e sigurisë, shkencave politike dhe arsimit.

Konferenca për Studime të Sigurisë

Afatet e rëndësishme:

  • Dorëzimi i abstrakteve: 10 tetor 2025
  • Njoftimi për pranimin: 17 tetor 2025
  • Dorëzimi i punimeve të plota: 14 nëntor 2025
  • Regjistrimi i hershëm: 17 tetor 2025
  • Regjistrimi i vonshëm: 20 tetor 2025

Kjo konferencë synon të krijojë një platformë ku studiues dhe praktikues mund të japin një pasqyrë të fushës, të prezantojnë rezultatet më të fundit kërkimore dhe të shkëmbejnë ide dhe përvoja në shkencat politike dhe siguri.

Temat dhe objektivat kryesore përfshijnë:

  • Siguria njerëzore
  • Paqja dhe demokracia
  • Siguria kombëtare, rajonale dhe ndërkombëtare
  • Konfliktet pas Luftës së Ftohtë
  • Çështjet e sigurisë në Ballkanin Perëndimor
  • Konfliktet ndërshtetërore dhe etnike: shkaqet dhe zgjidhjet

Dorëzimi i punimeve:

Punimet duhet të jenë origjinale, të papublikuara më parë dhe të mos jenë në shqyrtim diku tjetër. Maksimumi i faqeve është 6. Punimet që nuk i plotësojnë kriteret e formatit nuk do të shqyrtohen.

Konferenca për Shkenca Politike dhe Marrëdhënie Ndërkombëtare

Afatet e rëndësishme:

  • Dorëzimi i abstrakteve: 10 tetor 2025
  • Njoftimi për pranimin: 17 tetor 2025
  • Dorëzimi i punimeve të plota: 14 nëntor 2025
  • Regjistrimi i hershëm: 17 tetor 2025
  • Regjistrimi i vonshëm: 20 tetor 2025

Kjo konferencë ndërkombëtare e shqyrtuar nga kolegët (peer-reviewed) ofron një mundësi për shkëmbimin e njohurive midis studiuesve inovativë, studentëve pasuniversitarë, kandidatëve doktoraturë dhe profesionistëve në arsim dhe zhvillim, si dhe në politikë dhe marrëdhënie ndërkombëtare. Edicioni i këtij viti fokusohet në ndërtimin e sistemeve arsimore të qëndrueshme për një të ardhme të qëndrueshme.

Temat kryesore përfshijnë:

  • Politikat publike dhe arsimi
  • Ekonomia politike dhe administrata publike
  • Demokracia, migracioni dhe politikat e integrimit
  • Digjitalizimi i proceseve zgjedhore dhe anti-korrupsioni në Ballkan
  • Siguria globale dhe kërcënimet ndërkombëtare
  • Terrorizmi, krimi i organizuar transnacional, lufta kibernetike
  • Arsimi në zonat e konfliktit dhe roli i tij në parandalimin e ekstremizmit të dhunshëm
  • Rikonstruksioni arsimor pas konflikteve dhe arsimi për refugjatët

Dorëzimi i punimeve:

Ashtu si për konferencën e sigurisë, punimet duhet të jenë origjinale, të papublikuara më parë dhe të mos jenë në shqyrtim diku tjetër. Maksimumi i faqeve është 6 dhe punimet që nuk i plotësojnë kriteret nuk do të konsiderohen.

Continue Reading

Të kërkuara