Sport

Xhaka sulmon ashpër bashkëlojtarët e tij pas humbjes nga Newcastle United

Xhaka ka thënë se paraqitjet e tilla të skuadrës së tij nuk janë të mjaftueshme as për Ligën e Evropës.

Published

4 years ago

on

Mesfushori i Arsenalit, Granit Xhaka, ka sulmuar shokët e skuadrës së tij pas një paraqitjeje katastrofale në humbjen e së hënës në Premier Ligë ndaj Newcastle United.

Arsenali e kishte në dorë fatin e vet për të siguruar përfundimin në vendin e katër që dërgon në Ligën e Kampionëve, por kjo disfatë tashmë e ndryshon krejtësisht situatën në të mirë të Tottenhamit që ka dy pikë më shumë në vendin e katërt kur ka mbetur të zhvillohet vetëm edhe një ndeshje.

Arsenali tani duhet të lutet për një mrekulli në ditën e fundit të sezonit për t’u kualifikuar në Ligën e Kampionëve, por Xhaka ka thënë se paraqitjet e tilla të skuadrës së tij nuk janë të mjaftueshme as për Ligën e Evropës.

“Shumë e vështirë për të gjetur fjalët e duhura, ne erdhëm këtu për të treguar një lojë ndryshe, por nga minuta e parë deri në të 90-ën nuk e merituam të ishim në fushë”, tha Xhaka për “Sky Sports Neës”.

“Unë nuk mund t’ju shpjegoj pse performanca jonë ishte e dobët. Ne nuk bëmë atë që ishte plani i ynë, duke mos dëgjuar trajnerin dhe duke mos bërë gjërat si duhet”.

“Ajo që ndodhi ishte një paraqitje katastrofike. Kështu ju nuk e meritoni të luani në Ligën e Kampionëve, nuk e meritoni as të luani në Ligën e Evropës. Është shumë e vështirë ta përballosh këtë moment, nuk e di pse nuk jemi duke bërë atë që kërkon trajneri nga ne”, vazhdoi Xhaka.

“Nëse dikush nuk është gati për këtë lojë, le të qëndrojë në shtëpi. Sa e thjeshtë. Nuk ka rëndësi mosha, mund të jeni 30, mund të jeni 35, mund të jeni 10, mund të jeni 18, nëse nuk jeni gati për këtë, rri në pankinë ose rri në shtëpi. Mos eja këtu. Ne kemi nevojë që njerëzit të kenë topa, më vjen keq që e them këtë. Të vijnë këtu për të luajtur sepse e dinim se kjo lojë ishte një nga lojërat më të rëndësishme për ne. Kur luan kështu, është e papranueshme”, tha në fund Xhaka.

Related Topics:
Continue Reading

Lajmet

Përzgjedhësi i Izraelit, Ben Shimon: Kosova ka ekip të mirë, jemi në nivel të përafërt

Published

11 hours ago

on

November 13, 2026

By

Përzgjedhësi i Kombëtares së Izraelit, Ran Ben Shimon, ka vlerësuar lart përfaqësuesen e Kosovës në konferencën për media para përballjes së nesërme ndërmjet dy kombëtareve, duke deklaruar se të dyja ekipet kanë nivel të përafërt.

Tekniku izraelit e cilësoi Kosovën si një kundërshtar cilësor, ndërsa shtoi se bilanci i takimeve të kaluara nuk do të luajë rol përcaktues në këtë sfidë.

“Mendoj që Kosova dhe Izraeli pak a shumë e kanë nivelin e njëjtë. Mund të them që të dyja janë ekipe relativisht të vogla. Sa i përket rezultateve të së kaluarës, nuk bazohemi te historia. Kosova me të vërtetë ka një ekip të mirë, por do të shohim se çfarë do të ndodhë”, tha Ben Shimon.

Ndeshja ndërmjet Kosovës dhe Izraelit zhvillohet nesër, ku të dyja përfaqësueset synojnë rezultat pozitiv. Deri më tani, nga tri përballjet e ndërsjella, Kosova ka arritur të shënojë një fitore. /E.A/

Continue Reading

Sport

Anglia triumfon ndaj Kroacisë dhe mban hapin me Spanjën

Published

14 hours ago

on

November 13, 2026

By

Anglia ka regjistruar një fitore të rëndësishme me rezultat 2-1 kundër Kroacisë, në një ndeshje të mbushur me emocione dhe ndërhyrje të sistemit VAR.

Anglezët kaluan të parët në epërsi në minutën e 24-të me anë të Morgan Rogers.

Kroacia u kundërpërgjigj në pjesën e dytë, duke barazuar shifrat në 1-1 në minutën e 59-të përmes Petar Sucic.

Megjithatë, Anglia fitoi një penallti pas rishikimit me VAR, të cilën kapiteni Harry Kane e shndërroi në gol në minutën e 64-t për 2-1. Në fund, anglezëve iu anulua edhe një gol i James Garner për pozicion jashtë loje.

Pas kësaj fitoreje, Anglia renditet në vendin e dytë të Grupit 3 me 12 pikë, duke ndjekur nga afër lideren Spanja. /E.A/

Continue Reading

Lajmet

Spanja mposht Çekinë dhe mbetet e pamposhtur në krye të grupit

Published

15 hours ago

on

November 13, 2026

By

Spanja ka vazhduar rrugëtimin e shkëlqyer në Ligën e Kombeve, duke shënuar fitore minimale 1-0 ndaj Republikës së Çekisë në kuadër të Grupit 3 të Ligës A.

Kampionia e Evropës kaloi në epërsi në minutën e 39-të përmes Alex Baenës, i cili realizoi një gol të saktë. S

panja rrezikoi sërish me Fabian Ruiz, ndërsa një gol i Yeremy Pinos në fillim të pjesës së dytë u anulua nga VAR-i për pozicion jashtë loje. Çekët e patën edhe më të vështirë nga minuta e 72-të, kur Ladislav Krejci u ndëshkua me karton të kuq pas rishikimit të një ndërhyrjeje në sistemin VAR.

Me këtë triumf, Spanja forcon pozitat në vendin e parë të grupit me 15 pikë të tubuara, pa pësuar asnjë humbje deri më tani. /E.A/

Continue Reading

Lajmet

Italia përmbys Francën 3-1 dhe merr kreun e grupit

Published

15 hours ago

on

November 13, 2026

By

Kombëtarja e Italisë ka regjistruar fitoren e tretë radhazi, duke mposhtur Francën me rezultat 3-1 pas një përmbysjeje dhe duke u ngjitur në vendin e parë të grupit me 10 pikë, aq sa kanë edhe “Gjelat”.

Ndeshja nisi më mirë për francezët, të cilët kaluan në epërsi në minutën e 10-të me golin e Michael Olise, i cili përfitoi nga një gabim i portierit Gianluigi Donnarumma. Megjithatë, skuadra e drejtuar nga Roberto Mancini reagoi shpejt dhe barazoi shifrat në minutën e 26-të përmes Francesco Pio Espositos, pas asistimit nga Nicolo Cambiaghi.

Në pjesën e dytë, italianët shpërdoruan një rast të artë për të kaluar në epërsi, pasi Sebastiano Esposito humbi penalltinë në minutën e 60-të. Por vetëm tri minuta më vonë, Davide Frattesi realizoi për 2-1 pas një asistimi të Federico Dimarcos.

Fitoren e Italisë e vulosi sërish Francesco Pio Esposito në minutën e 75-të, duke u treguar i saktë nga pika e bardhë pas një penalltie të shkaktuar nga Dayot Upamecano, për rezultatin përfundimtar 3-1. /E.A/

Continue Reading

Të kërkuara