Sport

Xhaka: Arteta na e ka ndryshuar edhe ushqimin

Xhaka ka vlerësuar lartë punën e trajnerit spanjoll.

Published

4 years ago

March 9, 2023

UBT news

Ylli i Arsenalit, Granit Xhaka, ka treguar se si Mikel Arteta e ka kthyer skuadrën në pretendente për titull.

Fitorja e së shtunës ndaj Bournemouthit ishte po aq dramatike gjithçka u përmbys në sekondat e fundit të ndeshjes me Arsenalin që fitoi me rezultat 3-2 edhe pse ishte duke humbur 2-0.

Granit Xhaka është njëri nga elementët më të rëndësishëm të skuadrës së Artetas dhe ai e ka vlerësuar lartë punën e trajnerit spanjoll.

“Dua të them, talenti nuk mjafton. Vetëm me talent, nuk mund të arrish diçka të madhe. Nëse na shihni në fushë stërvitore, ditë pas dite, sa shumë kujdesemi, sa shumë punojmë, çdo gjë fillon diku, Mikel ndryshoi edhe ushqimin tonë”, tha Xhaka.

“Ai ndryshoi shumë ushqime, yndyra e trupit tonë ra në masë të madhe! Janë detaje të vogla por masive, por me ndikim të madh”, shtoi ai.

Arteta ka qenë nën presion të madh në sezonet e mëparshme, por vendimet e tij tani po shpërblehen pasi Topçinjtë që po ndjekin titullin e Premier Ligës.

Related Topics:Mikel Arteta Granit Xhaka

Up Next

Allegri përjashton Pogban nga skuadra për arsye disiplinore

Don't Miss

Infantino lirohet nga akuzat për mashtrim në FIFA

Sport

KV Ulpiana triumfon ndaj KV Forcës

Published

1 hour ago

October 14, 2026

UBTNews

KV Ulpiana ka shënuar fitore ndaj KV Forcës në kuadër të Superligës A në volejboll, duke e mbyllur përballjen me rezultat 3:0 në sete.

Volejbollistët e Ulpianës treguan paraqitje të mirë që nga fillimi i takimit, duke fituar setin e parë me rezultat 25:17.

Ulpiana vazhdoi me ritëm pozitiv edhe në pjesën tjetër të ndeshjes, ndërsa seti i tretë rezultoi më i luftuar, duke u mbyllur me rezultat të ngushtë 25:23.

Me këtë triumf, Ulpiana regjistron një fitore të rëndësishme në Superligën A.

D.L

Sport

KV Ulpiana e nis fuqishëm ndeshjen ndaj KV Forcës, fiton setin e parë

Published

2 hours ago

October 14, 2026

UBTNews

KV Ulpiana ka nisur me rezultat pozitiv përballjen ndaj KV Forcës, në kuadër të Superligës A në volejboll.

Volejbollistët e Ulpianës kanë treguar lojë të mirë në setin e parë, duke e mbyllur atë me rezultat 25:17.

Ndeshja është duke vazhduar, ndërsa Ulpiana synon të ruajë epërsinë dhe të sigurojë fitoren.

D.L

Sport

Baton Zabërgja në formacionin më të mirë të javës në Ukrainë

Published

6 hours ago

October 14, 2026

UBTNews

Futbollisti i Përfaqësueses së Kosovës, Baton Zabërgja, është përfshirë në formacionin më të mirë të javës së tetë në Premier Leaguen e Ukrainës.

Përzgjedhja është bërë të mërkurën nga faqja zyrtare e kampionatit ukrainas, pas paraqitjeve të futbollistëve në ndeshjet e fundit.

25-vjeçari nga Vushtrria ishte ndër lojtarët më të dalluar në fitoren 2-1 të Kharkivit ndaj Odesas në udhëtim, duke kontribuar me një gol.

Sulmuesi kosovar po kalon një formë të shkëlqyer këtë edicion, duke u shndërruar në një nga lojtarët më produktivë të skuadrës së tij.

Në nëntë paraqitje në të gjitha garat, Zabërgja ka realizuar shtatë gola dhe ka kontribuar me katër asistime, duke konfirmuar formën e tij të mirë në futbollin ukrainas.

D.L

Sport

Albian Hajdari pëson një tjetër lëndim, jashtë fushës për disa javë

Published

7 hours ago

October 14, 2026

UBTNews

Mbrojtësi i Përfaqësueses së Kosovës, Albian Hajdari, ka pësuar një tjetër lëndim, duke u detyruar të qëndrojë jashtë fushës për disa javë.

Lajmin e ka konfirmuar klubi gjerman Hoffenheim, i cili ka bërë të ditur se futbollisti kosovar është lënduar gjatë stërvitjes së fundit, në pjesën e poshtme të shputës së këmbës.

Përmes një njoftimi zyrtar, Hoffenheimi ka konfirmuar mungesën e Hajdarit në javët e ardhshme, duke i uruar shërim të shpejtë dhe rikthim të suksesshëm në fushë.

Ky është lëndimi i dytë brenda një periudhe të shkurtër për mbrojtësin kosovar, i cili kishte pasur probleme fizike edhe gjatë grumbullimit me Përfaqësuesen e Kosovës muajin e kaluar.

Ende nuk është bërë e ditur data e saktë e rikthimit të tij në fushë.

D.L