Sport

Xavi: U kërkova lojtarëve të futen brenda, nuk ishim në shtëpinë tonë

“Jam racional, por emocionet janë të vështira për t’u kontrolluar”, shtoi ai.

Published

3 years ago

May 15, 2023

UBT news

Trajneri i Barcelonës Xavi Hernanez ka zbuluar se ai u kishte kërkuar lojtarëve të Barcelonës që të festonin fitimin e titullit në La Liga brenda zhveshtoreve, si shenjë respekti për tifozët vendas të Espanyolit.

Ish-reprezentuesi spanjoll fitoi titullin e tij të dytë si trajner i Barcelonës pasi klubi i tij mundi rivalët lokal me rezultat 4-2 në derbin katalanas. Pasi fituan titullin e tyre të 27-të në La Liga të dielën, lojtarët e Barcelonës festuan shkurtimisht në mes të fushës, gjë që ngjalli zemërim në mesin e një pjese të tifozëve të Espanyolit që pushtuan fushën dhe detyruan ekipin mysafir të futeshin në zhveshtore.

Xavi sugjeroi pas ndeshjes se ai u kishte kërkuar lojtarëve që të festonin në ambiente të mbyllura pasi nuk ishte shtëpia e tyre dhe nuk ishte respekt ndaj tifozëve vendas.

“Unë u kam thënë të futen brenda sepse mendoj se mjafton. Festimi është normal, por ishte më e mira të futeshim brenda sepse nuk ishin në shtëpinë tonë. Jam racional, por emocionet janë të vështira për t’u kontrolluar. E festuam jo sepse ishim në kampin e Espanyolit, por për titullin”, tha fillimisht Xavi.

“Nuk kam parë nëse ka ndodhur ndonjë gjë tjetër, kam hyrë brenda. Nuk duhet t’i japim më shumë rëndësi. Nuk duhet të krijojmë polemika. Mendova se ishte koha për të hyrë brenda dhe të festojmë brenda si familje. Ne nuk kemi provokuar askënd. Po festonim një titull që është shumë e rëndësishme për ne”, tha në fund ai.

Ndryshe, Barcelona ka festuar titullin e 27-të të La Ligas në hisytorinë e saj.

Vendi

Akil Gjakova mbyll garën pa medalje në Abu Dhabi

Published

4 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

5 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

6 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/