Sport

Xavi pas barazimit me Sevillën: Kjo është Barcelona që dua ta shoh, krenar me djemtë

Një fitore për skuadrën e Xavit do të kishte nënkuptuar ngritje në vendin e katërt në tabelën e La Ligas.

Published

on

Trajneri i Barcelonës, Xavi, ka mbetur i kënaqur me paraqitjen e ekipit në barazimin 1:1 me Sevillën të martën, pavarësisht se skuadra e tij luajti me një lojtar më shumë pothuajse tërë pjesën e dytë.

Papu Gomez e kaloi Sevillën në epërsi pas gjysmë ore lojë në Ramon Sanchez Pizjuan, por Ronald Araujo ia fitoi një pikë Barçës me një gol në fund të pjesës së parë, raporton Gazeta Express.

Barça e mbizotëroi Sevillën por nuk qe në gjendje ta shfrytëzoi epërsinë numerike në fushë kur Jules Kounde u përjashtua nga loja direkt me karton të kuq pasi e goditi me top në mënyrë josportive Jordi Alban në minutën e 64-të.

Një fitore për skuadrën e Xavit do të kishte nënkuptuar ngritje në vendin e katërt në tabelën e La Ligas me pikë të barabarta me Rayo Vallecanon, por Barça kalon në vendin e shtatë me 28 pikë, dy larg top katërshes.

“Ne duhet të jemi më të qetë kur luajmë me një lojtar më shumë. Ne luajtëm shumë mirë në pjesën e parë dhe ekipi po rritet. Ne bëmë presion kur e humbëm topin dhe e qarkullonim më mirë atë”, tha Xavi pas ndeshjes.

Xavi beson se Barçës i mungoi fati por ndihet krenar me lojtarët pavarësisht barazimit.

“Ne kishim nevojë të fitonim për t’u futur në zonën e Ligës së Kampionëve, por unë jam krenar pavarësisht barazimit. Sonte nuk ishim me fat. Jam krenar me të gjithë. Kjo Barcelonë po duket si ekipi që dëshiroj ta kem”, shtoi ai. 

Sport

Rudiger dënohet me gjashtë ndeshje moslojë

Published

on

Antonio Rudiger po e kalon një periudhë mjaft të vështirë të karrierës.

Futbollisti gjerman e mbylli sezonin shkaku i intervenimit kirurgjik, por jo vetëm kaq.

Qendërmbrojtësi i Real Madridit u dënua me gjashtë ndeshje moslojë nga Komiteti i Disiplinës në futbollin spanjoll pas veprimeve të turpshme që i bëri në finale të Copa del Rey kundër Barcelonës.

Rudiger protestoi ashpër ndaj gjyqtarit De Burgos derisa po qëndronte në bankinë, ndërsa u ndëshkua me karton të kuq.

Lojtari nuk u ndal me kaq duke u munduar që nga distanca ta qëllonte referin me një qese me akull, por për fat u ndal me vështirësi nga shokët e tij të skuadrës. Përfaqësuesi gjerman mund të dënohej deri në 12 javë, por u ndëshkua me gjysmën e saj.

Rudiger mund të rikthehet në dispozicion të “Los Blancos” në Kupën e Botës për klube, e cila do të mbahet gjatë verës.

Rudiger njihet për lojën e tij jo të pastër dhe për sjelljet e tij të vrazhda dhe provokuese ndaj kundërshtarëve në fushën e blertë dhe jashtë saj.

Continue Reading

Sport

Parisi feston në Londër, vendos goli i Dembeles

Published

on

Është mbyllur ndeshja e parë e gjysmëfinales së parë të Ligës së Kampionëve të këtij edicioni.

Arsenali ishte nikoqir i PSG-së në “Emirates Stadium”, me parisienët që rikthehen në shtëpi me fitore. Të besuarit e Luis Enriques morën fitore të madhe në Londër, me shifrat prej 1-0, me gol të hershëm nga Ousmane Dembele. Francezi shënoi në minutën e katërt, pas një asistimi nga Khvicha Kvaratskhelias.

Në pjesën e parë, që i takoi PSG-së, ky i fundit kishte edhe një mundësi të mirë, përmes Desire Doues, por që David Raya e priti goditjen e tij.

Arsenali u tregua i rrezikshëm vetëm një herë në pjesën e parë, me Gabriel Martinellin, mirëpo Gianluigi Donnarumma ishte në krye të detyrës.

Me të filluar pjesa e dytë, Arsenali barazoi në 1-1, mirëpo goli i Mikel Merinos u anulua për pozitë jashtëloje.

“Topçinjtë” e patën iniciativën, duke krijuar raste por pa sukses. PSG-ja shpërdoroi dy mundësi të mira shënimi, një nga Bradley Barcola e Gonçalo Ramos.

Epilogu i takimit ishte 1-0 në të mirë të Parisit. Ndeshja e kthimit do të luhet pas tetë ditësh, më 7 maj në “Parc des Princes”.

 

 

 

Share Now

Continue Reading

Sport

Zhvillime të reja mbi të ardhmen e Ancelottit

Published

on

By

Tani është më afër zyrtarizimit se kurrë më parë – Carlo Ancelotti do të largohet nga Real Madridi në fund të sezonit dhe kështu do të ndahet nga klubi ku ka shkruar kaq shumë histori.

Largimi i trajnerit ishte gjithmonë i mundshëm duke pasur parasysh formën e dobët të ekipit, dhe ishte qartësisht e qartë se atij i kishin mbaruar zgjidhjet që nga dita e parë e sezonit. Si Ancelotti ashtu edhe Real Madridi do të hapin një faqe të re në këtë mënyrë.

Trajneri italian është lidhur me një post në ekipin kombëtar brazilian për një kohë të gjatë dhe transferimi tani është drejt përfundimit, siç ka njoftuar gazetari Fabrizio Romano.

Siç raportohet nga gazetari italian, Ancelotti dhe Federata e Futbollit të Brazilit kanë arritur një marrëveshje mbi transferimin e trajnerit.

Ancelotti do të marrë përsipër detyrën si trajner i ri në javën e parë të qershorit, menjëherë pasi të largohet nga Real Madridi dhe do të jetë trajneri i tyre për Kupën e Botës FIFA 2026. Në fakt, ekziston edhe një klauzolë që mund të zgjatet deri në Kupën e Botës 2030.

Siç u njoftua më parë këtë javë, ai do të jetë një nga trajnerët ndërkombëtarë më të paguar, pasi marrëveshja përfshin një pagë prej 10 milionë eurosh në vit.

Trajneri do të mbikëqyrë deri në fund sezonin aktual të La Ligës dhe do të ndihmojë Real Madridin të luftojë për titullin kundër Barcelonës. Megjithatë, ai do të largohet para Kupës së Botës për Klube FIFA për punën e tij të re.

Continue Reading

Sport

Në mbrëmje rikthehet Champions League, Arsenal kërkon finalen

Published

on

By

Emocionet e kompeticionit më spektakolar në botë për klube rikthehen në mbrëmje me superduelin Arsenal-PSG që është dhe gjysmëfinalja e parë e sezonit.

Skuadra e Luis Enrique vjen e plotë në këtë duel me teknikun që beson se e ka përgatitur maksimalisht skuadrën për një rezultat pozitiv. Në anën tjetër ARteta do të duhet të luajë pa disa titullarë si Havertz, Partey, Gabriel, Jesus, Calafiori dhe dyshja Tomiyasu-Jorginho.

Pavarësisht situatës me mungesat, Arsenal cilësohet favoritë në letër, ndërsa formacioni nuk pritet të pësojë shumë ndryshime. Kjo është përballja e katërt mes këtyre skuadrave në Ligën e Kampionëve, madje kanë luajtur përballë njëra-tjetrës edhe këtë sezon, ku britanikët fituan 2-0. Emirates pritet të jetë i tejmbushur në mbrëmje, ndërsa gjykimi i është besuar sllovenit Slavko Vinçiç.

Continue Reading

Të kërkuara