Sport

Xavi: Ndeshja Barcelona-Napoli duhet të luhej në Ligën e Kampionëve

Ai e ka vlerësuar Napolin si një skuadër shumë të fortë.

Published

4 years ago

February 16, 2022

UBT news

Trajneri i Barcelonës, Xavi Hernandez ka pranuar se ai mund të bëjë ndryshime në skuadrën e tij kundër Napolit nesër, megjithëse, sipas tij, kjo ndeshje mund të luhej në Ligën e Kampionëve”.

“Katalanasit” po përgatiten të presin skuadrën e Luciano Spallettit në “Nou Camp” në ndeshjen e parë të raundit eliminator të Europa League nesër.

Barcelona barazoi 2-2 në derbi kundër Espanyolit fundjavën e kaluar dhe skuadra është kritikuar shumë këtë sezon, pasi ka dështuar për të konkurruar për titullin e ligës spanjolle. Për momentin, ata janë në vendin e katërt në tabelën e La Ligas, me pikë të barabarta me Atletico Madridin.

“Kritika është normale për një ekip si Barcelona, ata më ndihmuan të përmirësohem si futbollist”, tha Xavi në një konferencë për shtyp.

“Ne nuk kemi një formacion fiks. Çdo lojtar është i dobishëm, të gjithë kanë luajtur vazhdimisht, pothuajse të gjithë. Eric dhe Busquets janë dy lojtarë vendimtarë, por nesër mund të jetë një ditë e mirë për të pushuar Busquets, ose ndoshta të dielën. Është e qartë se ai nuk mund të luajë çdo ndeshje. Ne do të bëjmë ndryshime, por do të përpiqemi të jemi konkurrues”, theksoi spanjolli.

Ai e ka vlerësuar Napolin si një skuadër shumë të fortë dhe ka shtuar se nuk e sheh fare Barcelonën si skuadër favorite në këtë takim.

“Napoli është në një nivel të Ligës së Kampionëve, kjo ndeshje mund të ishte luajtur në Champions, ata janë një ekip i shkëlqyer. Ata kanë lojtarë të rëndësishëm si Matteo Politano dhe Hirving Lozano, i cili është një futbollist i madh”.

A është Barcelona favorit për të fituar Ligën e Evropës?

“Nuk do të thosha se ne jemi favoritë. Ne do të përballemi me një kundërshtar të vështirë dhe Sevilla ka shumë më tepër përvojë se ne në garë. Jemi në mesin e kandidatëve, por jo të favorizuarit”, pranoi Xavi në fund.

Sport

Lojërat Mesdhetare po hyjnë në fazën vendimtare të planifikimit

Published

12 hours ago

March 3, 2026

UBTNews

Kryetari i Prishtinës, Përparim Rama, ka bërë të ditur se Lojërat Mesdhetare po hyjnë në fazën vendimtare të planifikimit.

Sipas tij, në kuadër të Komitetit Organizativ të Lojërave Mesdhetare po zhvillohet takimi i planifikimit sportiv, ku po detajohet masterplani i objekteve. Ai theksoi se gjatë këtij procesi po analizohen lokacionet, nevojat infrastrukturore dhe po merren vendime kyçe për organizimin e ngjarjes së madhe sportive që do të mbahet në kryeqytet.

Rama u shpreh se “Prishtina 2030” nuk është vetëm një organizim sportiv, por dëshmi se kryeqyteti është gati të performojë në skenën ndërkombëtare.

Sport

MRS shpall kategorizimin e ri të federatave sportive, Xhudoja kryeson listen

Published

13 hours ago

March 3, 2026

UBTNews

Ministria e Rinisë dhe Sportit ka bërë publike listën përfundimtare të kategorizimit të sporteve në Republikën e Kosovës, ku përfshihen gjithsej 37 federata sportive.

Sipas njoftimit zyrtar, 6 federata janë renditur në kategorinë A, një në kategorinë B, katër në kategorinë C, ndërsa 26 federata janë përfshirë në kategorinë D.

Në kategorinë A kryeson Federata e Xhudos e Kosovës me 115.26 pikë, duke dëshmuar vazhdimësinë e sukseseve në arenën ndërkombëtare. Në vendin e dytë renditet Federata e Karatesë e Kosovës me 97.5 pikë, ndërsa e treta është Federata e Volejbollit të Kosovës me 88 pikë. Pasojnë Federata e Hendbollit e Kosovës me 87.8 pikë, Federata e Futbollit e Kosovës me 85.5 pikë dhe Federata e Basketbollit e Kosovës me 85.3 pikë.

Në kategorinë B është renditur vetëm Federata e Boksit e Kosovës me 83.1 pikë.

Ndërkaq, në kategorinë C bëjnë pjesë Federata e Atletikës e Kosovës, Federata e Pingpongut e Kosovës, Federata e Aeronautikës e Kosovës dhe Federata e Sportit Shkollor e Kosovës.

Sipas ministrisë, pjesa më e madhe e federatave gjithsej 26 janë të renditura në kategorinë D, në bazë të pikëzimit dhe kritereve të përcaktuara nga komisioni profesional për procesin e kategorizimit.

Sport

Finalja e tensionuar, Barcelona përballë Atletico Madrid sonte në “Camp Nou”

Published

13 hours ago

March 3, 2026

UBTNews

Sonte nga ora 21:00, FC Barcelona pret Atletico Madrid në ndeshjen e kthimit të gjysmëfinales së Copa del Rey në “Spotify Camp Nou”.

Pas një humbjeje 0-4 në ndeshjen e parë, Barcelona ndodhet në një situatë të vështirë: për të fituar kupën, katalanasit duhet të shënojnë të paktën 5 gola dhe të mos pësojnë më shumë.

Tifozët presin një performancë sulmuese dhe dramatike nga skuadra e tyre, ndërsa çdo gol do të lërë gjurmë në përpjekjen e Barcelonës për ta kthyer këtë sfidë në një triumf të madh para “Camp Nou”.

Sport

Ronaldo largohet nga Arabia Saudite

Published

15 hours ago

March 3, 2026

UBTNews

Cristiano Ronaldo ka lënë përkohësisht Arabinë Saudite dhe është nisur drejt Spanjës, pas përshkallëzimit të tensioneve ushtarake mes Iranit, Izraelit dhe SHBA-së.

Konfederata Aziatike e Futbollit (AFC) ka pezulluar ndeshjet e klubeve nga rajoni, duke përfshirë ato të ekipit Al‑Nassr, për shkak të shqetësimeve të sigurisë. Ronaldo pritet të qëndrojë në Madrid deri sa situata të qetësohet.

Ronaldo ka shënuar 22 gola në 26 ndeshje për Al-Nassr këtë sezon. Kontrata e tij me klubin saudit është e vlefshme deri në vitin 2027. /Kosova Press/