

Teknologji
Windows 10 do të ketë një dyqan të ri aplikacionesh
Published
4 years agoon
By
Betim GashiNë lidhje me Sun Valley edhe pse nuk ka një informacion të saktë, burimet shprehen se do të mbërrijë në Vjeshtën e 2021.
Ndërsa i afrohemi debutimit të përditësimit madhor me emrin e koduar Sun Valley për Windows 10-ën, më shumë informacione po shfaqen rreth asaj çfarë mund të presim.
Windows Central raportoi se kompania ka plane të mëdha për një dyqan të ri aplikacionesh. Edhe pse nuk ka ende diçka konkrete, burime të afërta me çështjen konfirmuan për Windows Central synimet e Microsoft.
Raporti pretendon se Microsoft po punon në krijimin e dyqanit të aplikacioneve i cili do të jetë më i dobishëm për zhvilluesit dhe përdoruesit. Aktualisht ky dyqan kryen funksionin mjaft mirë por nuk përdoret aq shumë sa dëshiron gjiganti i softuerit.
Për të adresuar problemin Microsoft dëshiron të krijojë një dyqan aplikacionesh për të gjitha llojet e softuerit dhe përmbajtjeve media. Kompania do të jetë më pak strikte ndaj llojeve të aplikacioneve që zhvilluesit mund të ngarkojnë.
Në këtë dyqan ata mund të ngarkojnë edhe skedarë .EXE dhe .MSI. Me llojet e reja të aplikacioneve që po vinë, përdoruesit do të jenë më të inkurajuar ta shfrytëzojnë.
Në lidhje me Sun Valley edhe pse nuk ka një informacion të saktë, burimet shprehen se do të mbërrijë në Vjeshtën e 2021. /PCWorld Albanian
You may like
Teknologji
Mijëra përdorues pa qasje në Microsoft 365 për shkak të problemeve teknike
Published
2 hours agoon
October 10, 2025By
UBT News
Paketa e softuerëve për produktivitet të Microsoft-it, e njohur si Microsoft 365, ka përjetuar ndërprerje masive, duke lënë jashtë funksionit mijëra përdorues, njofton faqja Downdetector, e specializuar në monitorimin e problemeve të shërbimeve online.
Sipas raportimeve, më shumë se 17,000 përdorues kanë raportuar vështirësi në qasjen dhe përdorimin e shërbimeve të Microsoft 365, përfshirë Word, Excel, Outlook, Teams dhe aplikacione tjera të lidhura. Megjithatë, numri real i përdoruesve të prekur mund të jetë më i madh, pasi shumë persona nuk raportojnë menjëherë problemet përmes platformave të monitorimit.
Microsoft 365 ka konfirmuar se po heton raportimet e punon për të identifikuar shkakun e ndërprerjes, në mënyrë që shërbimet të rikthehen sa më shpejt të jetë e mundur. Kompania këshillon përdoruesit të kontrollojnë faqen e statusit të shërbimeve për njoftime të përditësuara dhe të shmangin operacione kritike derisa problemi të zgjidhet.
Ndërprerjet e tilla, edhe pse të përkohshme, ndikojnë në punën e mijëra bizneseve dhe individëve që varen nga aplikacionet e Microsoft 365 për komunikim, bashkëpunim dhe administrim të detyrave të përditshme.
Kjo ngjarje rikujton rëndësinë e planifikimit të zgjidhjeve alternative dhe kopjeve rezervë për organizatat që varen nga shërbimet cloud.
Në këto raste, përdoruesit përjetojnë probleme si: vështirësi në hyrje, ndërprerje të sinkronizimit të dokumenteve, pamundësi për të dërguar email-e ose për të përdorur funksione të caktuara të Teams dhe aplikacioneve tjera. /A.Z/UBT News/
Teknologji
Motorola gati të prezantojë telefonin ultra të hollë Edge 70
Published
6 hours agoon
October 10, 2025By
UBT News
Motorola po hyn fuqishëm në tregun e telefonave inteligjentë ultra të hollë, pas lançimeve si Samsung Galaxy S25 Edge, Tecno Spark Slim, Tecno Pova Slim dhe, sigurisht, Apple iPhone Air.
Modeli i ri i kompanisë do të quhet X70 Air në Kinë dhe Edge 70 në tregun ndërkombëtar. Ndërsa versioni kinez pritet të lansohet gjatë këtij muaji, data e prezantimit global ka qenë deri tani e panjohur – derisa faqja zyrtare e Motorola në Poloni ka zbuluar një detaj të rëndësishëm.
Sipas saj, Edge 70 do të prezantohet më 5 nëntor, deri atëherë kompania do të publikojë çdo të mërkurë informacione të reja rreth pajisjes.
Detajet e para të konfirmuara janë premtuese. Telefoni do të vijë me një bateri 4,800 mAh, pak më të vogël se ajo e modeleve të Tecno, por dukshëm më të madhe krahasuar me Galaxy S25 Edge dhe iPhone Air. Ai do të mbështesë gjithashtu karikim të shpejtë 68W me tel.
Edge 70 është shfaqur në disa lista shitësish me pakicë në Itali, me çmime që variojnë nga 709 euro deri 801.91 euro, për versionin me 12 GB RAM dhe 512 GB hapësirë ruajtjeje.
Të gjitha listat tregojnë të njëjtën ngjyrë, Bronze Green, e cila do të prezantohet zyrtarisht si Pantone Bronze Green, falë bashkëpunimit të njohur të Motorola me Pantone. Sipas informacioneve të rrjedhura, Edge 70 pritet të jetë më pak se 6 mm i hollë, të ketë një kamerë kryesore 50 MP me stabilizim optik, një kamerë ultra të gjerë me fushëpamje 120°, si dhe altoparlantë stereo me mbështetje Dolby Atmos.
Ky model pritet të shënojë një tjetër hap të rëndësishëm për Motorola në garën e telefonave të hollë dhe elegantë. /A.Z/UBT News/
Teknologji
Google planifikon investim prej 5 miliardë eurosh në Belgjikë
Published
23 hours agoon
October 9, 2025By
UBT News
Google ka njoftuar planet për të investuar 5 miliardë euro gjatë viteve 2026–2027 për zgjerimin e qendrës së saj të të dhënave në Saint-Ghislain, Hainaut.
Ky projekt pritet të krijojë 300 vende pune me kohë të plotë dhe 15,000 pozicione indirekte çdo vit përmes partnerëve dhe furnizuesve.
Zgjerimi vjen si pasojë e kërkesës në rritje për shërbime cloud, e nxitur edhe nga përparimet në Inteligjencën Artificiale. Përveç kësaj, qendra e re do të përmirësojë performancën e produkteve kryesore të Google, si Search dhe Maps.
Google po kërkon specialistë IT, inxhinierë dhe staf sigurie për këtë projekt. Sipas Tom De Block, menaxherit të vendit të Google në Belux, “Pozicioni konkurrues i Belgjikës kërkon që kompanitë të përqafojnë IA-në; infrastruktura dhe aftësitë janë thelbësore”.
Kompania gjithashtu do të ofrojë trajnime për IA-në për të zhvilluar ekspertizën lokale.
Qendra e zgjeruar, e cila pritet të përfundojë brenda dy vitesh, do t’i sjellë përfitime organizatave të bazuara në të dhëna, si Odoo dhe UZ Leuven, dhe mund të tërheqë biznese të reja në Belgjikë.
Ajo do t’u mundësojë institucioneve publike ruajtjen e të dhënave brenda kufijve kombëtarë. Qendra e parë e Google në Belgjikë, në Saint-Ghislain, ka marrë mbi 11 miliardë euro investime që nga hapja dhe aktualisht punëson rreth 600 persona në Hainaut. /A.Z/UBT News/
Automobilizëm elektrikë
DB12 S i ri nga Aston Martin, performancë maksimale dhe dizajn unik
Published
2 days agoon
October 8, 2025By
UBT News
Aston Martin ka prezantuar modelin e ri DB12 S, i cili i bashkohet linjës së performancës së lartë të markës britanike, përkrah DBX S dhe Vantage S, si pjesë e strategjisë së CEO-s Adrian Hallmark për të ofruar më shumë versione sportive të modeleve ekzistuese.
Modeli DB12 S sjell përmirësime të dukshme në performancë dhe dizajn, duke e bërë edhe më emocionuese përvojën e drejtimit.
Nën kapakun elegant ndodhet motori V8 4.0 litra me dy turbo, i cili tani prodhon 691 kuaj fuqi, duke e bërë makinën të arrijë nga 0 në 100 km/orë për vetëm 3.4 sekonda (3.5 sekonda për versionin Volante). Shpejtësia maksimale arrin 320 km/orë.
Përveç fuqisë së shtuar, DB12 S përfshin frena qeramike karboni standarde, me disqe 16.1 inç përpara dhe 14.2 inç mbrapa, si dhe sistemin e ri të kontrollit të frenimit në kthesa.
Përmirësimet përfshijnë amortizatorët Bilstein DTX, diferencial elektronik të pasmë të avancuar e ngurtësim të shufrave kundër rrotullimit, për një drejtim më të saktë dhe stabilitet të lartë. Në pamje të jashtme, DB12 S dallohet me ndarësin aerodinamik të përparmë me dy elementë, grilat e reja të motorit (me ngjyrë të zezë ose fibra karboni).
Dhe, një spojler të fiksuar të pasmë e katër tuba shkarkimi inox – me mundësi për sistem titaniumi që ofron zë më të fuqishëm dhe peshë më të ulët. Brendësia e makinës kombinon luksin me sportivitetin, duke përfshirë lëkurë premium dhe Alcantara, si dhe një buton metalik rrotullues të kuq në qendër të konsolës – simbol i versionit “S”.
Modeli DB12 S do të jetë i disponueshëm në variantet kupé dhe kabriolet, me porosi që nisin që tani dhe dorëzime të planifikuara për tremujorin e parë të vitit 2026. Çmimi ende nuk është zbuluar, por pritet të jetë mbi 275 mijë dollarë, duke pasur parasysh që versioni bazë DB12 fillon nga 250 mijë dollarë. /A.Z/UBT News/

Katër satelitë Starlink bien çdo ditë drejt Tokës, shkencëtarët paralajmërojnë për ndikim në atmosferë

Priscilla Presley përballet me akuza për fshehje pasurie dhe manipulim të trashëgimisë së Elvis

Përfundon seanca fillestare për caktimin e paraburgimit ndaj Fatmir Shehollit

Pas konstituimit të Kuvendit, pritet formimi i Qeverisë së re

Mijëra përdorues pa qasje në Microsoft 365 për shkak të problemeve teknike

Begaj: Valës së ndryshimit demografik duhet t’i paraprijmë me strategji afatgjata

Skleroza multiple! Katër shenja që tregojnë se duhet të vizitosh mjekun

Gjuajtje me armë në Vranjefc, i dyshuari i ikë sërish policisë

Von der Leyen të mërkurën në Kosovë
Të kërkuara
-
Vendi2 months ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni3 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Vendi1 month ago
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Lajmet3 months ago
UBT sjell për herë të parë në Kosovë ekspozitën kushtuar vizionarit dhe inxhinierit Karl Gega