

Sport
Wijnaldum: “Nëse ka racizëm do ta braktisi fushën, nuk jam i lumtur me shortin”
Published
4 years agoon
By
Betim GashiWijnaldum thotë se nuk është i lumtur me shortin, derisa foli edhe për racizëm, që është shpeshtuar kohëve të fundit. Në rundin tjetër të Euro 2020, Holanda sfidon Çekinë, skuadër e lehte në letër, por mesfushori i PSG-së thotë se në fushë po ndodh e kundërta.
Georgine Wijnaldum luan në mesfushë, por një gjë e tillë nuk e ka penguar kapitenin e Holandës të shënojë tre gola në takimet e grupeve dhe të jetë për momentin golashënuesi më i mirë i kombëtares tulipane.
Holanda e mbylli aventurën në grupin C me pikë të plota dhe të dielën do të sfidojë Çekinë në “Puskas Arena” të Budapestit për një biletë në çerekfinalet e Euro 2020.
Edhe pse në letër Çekia duket kundërshtar i lehtë për Holandën, Wijnaldumi nuk është i lumtur me shortin.
Ai foli edhe për racizëm, që është shpeshtuar kohëve të fundit. Mesfushori i PSG-së tha qartë se nëse me të ndodh diçka e tillë gjatë një ndeshje, pa u menduar dy herë do të lërë fushën.
“Nuk mund të them që jam i lumtur me shortin, por mund të na shkonte edhe më keq. E pamë të gjithë se çfarë ndodhi në ndeshjen Gjermani-Hungari. Na pret një rrugëtim i mirë përpara, por duhet t’i marrim ndeshjet një nga një nëse duam të fitojmë Euro 2020”, deklaroi ai.
“Racizmi? UEFA duhet të na mbrojë, duhet të ndalohen ndeshjet nëse ndodhin skena të tilla. Një përgjegjësi e tillë nuk duhet të bjerë mbi lojtarët, por nuk e përjashtoj braktisjen e fushës. Gjithsesi, shpresoj të mos jetë i nevojshëm gjesti im”.
Sport
Caktohet data për përsëritjen e Kuvendit të FFK-së
Published
1 hour agoon
August 6, 2025By
UBTnews
Federata e Futbollit të Kosovës do pa përsëris Kuvendin e Punës të mbajtur më 20 shkurt të këtij viti pasi Komisioni Vlerësues brenda Ministrisë së Sportit kishte gjetur parregullsi në këtë kuvend, me theks të veçantë në pjesëmarrjen e dy klubeve që nuk ishin të licencuara në këtë kuvend.
Si pasojë e këtyre shkeljeve, MKRS kishe pezulluar lëshimin e vërtetimeve nga Ligji i Sponsorizimeve për të gjitha klubet e futbollit, duke shkaktuar kështu dëm të madh financiar tek secila prej tyre.
Fillimisht ky kuvend ishte caktuar që të mbahej gjatë muajit qershor, por siç bën të ditur ekskluzivisht për KosovaPress, zyrtari për komunikim me federata në Ministrinë e Sportit, Fidan Shatri, FFK kishte kërkuar që përsëritja e kuvendit të shtyhet për shkak të angazhimit të klubeve kosovare në garat ndërkombëtare dhe tani data e caktuar është më 11 gusht, pra javën e ardhshme.
“Federata e Futbollit të Kosovës obligohet që ta përsëris ku vendin por për shkak të angazhimeve të klubeve Prishtina, Drita, Malisheva dhe Ballkani për shkak se kanë qenë në fazën përgatitore jashtë vendit dhe fokusi ka qenë në aktivitete ndërkombëtare, ka qenë kërkesë e federatës bashkë me klubet që kuvendi mos të mbahet në fundit të qershorit për shkak të kësaj. Ministria e ka shqyrtuar datën të cilën e ka propozuar Federata e Futbollit të Kosovës, është data 11 gusht, pra javën e ardhshme dhe në kuadër të kësaj edhe federata i ka bërë përgatitjet e dokumentacionit që të mos bie ndesh me Ligjin e Sportit dhe ligjet tjera në Republikën e Kosovës”, zbuloi Shatri.
Shatri ka bërë thirrje që kjo të jetë një sinjal që të gjitha organizatat sportive duhet t’i respektojnë normat ligjore sepse ato janë mbi të gjithë dhe duhen respektuar nga të gjithë.
“Shpresoj shumë që njëherë e përgjithmonë organizatat sportive duhet ta kuptojnë që ligjet janë mbi të gjithë neve dhe jemi të obliguar që ato t’i respektojmë dhe unë shpresoj që komuniteti i futbollit e ka parë cilat janë problematikat që të mos kemi probleme të natyrave të tilla dhe të shkojmë së bashku drejt zhvillimit të sportit pasi që ky është edhe misioni ynë”, shtoi në fund Shatri.
Madje Shatri bëri të ditur se tashmë Federata e Futbollit i ka shpërndarë edhe ftesat për të gjithë akterët që do të jenë pjesëmarrës në këtë kuvend.
Lajmet
Interi mes Lookman dhe Sanchos, gati oferta e re për nigerianin
Published
2 hours agoon
August 6, 2025By
UBT News
Zyrtarët e Interit janë të gatshëm të ndjekin alternativa të tjera në merkato nëse dështojnë përfundimisht negociatat për Ademola Lookman.
Aktualisht, zikaltërit dhe Atalanta ndodhen në një bllokadë të plotë. Sulmuesi nigerian, i cili tashmë është larguar nga Bergamo, ndërsa skuadra e trajnerit Juriç zhvillon e cila sot një miqësore ndaj Monzës, ka shprehur qartë dëshirën për t’u transferuar në Milano, ku presidenti Marotta do t’ia besonte me kënaqësi trajnerit Cristian Chivu. Megjithatë, presidenti i Atalantës, Antonio Percassi, mbetet i vendosur, ai nuk dëshiron ta shesë lojtarin në Itali për shifrat aktuale.
Oferta më e fundit e Interit, 42 milionë euro plus 3 milionë euro në formë bonusesh, është refuzuar. Sipas mediave italiane, me miratimin e Oaktree, zikaltërit po shqyrtojnë një rritje të ofertës duke u afruar te 50 milionë eurot, me një bazë fikse prej 45 milionë eurosh, plus bonuse dhe mundësinë e përfshirjes së një lojtari të ri si pjesë e marrëveshjes.
Sipas “La Gazzetta dello Sport”, Interi po eksploron edhe emra të tjerë për krahun e sulmit. Fillimisht është përmendur francezi Christopher Nkunku i Chelseat, por kandidatura që po fiton terren është ajo e Jadon Sanchos. Anglezi, i lindur në vitin 2000 dhe me kontratë deri në verën e ardhshme me Manchester United, ka një vlerë rreth 25 milionë euro, dukshëm më e ulët se ajo e Lookman dhe Nkunku.
Përveç moshës dhe cilësive teknike, çmimi më i ulët e bën më të lehtë për Interin të akomodojë pagën e tij, e cila nuk përfiton nga “Dekreti i Rritjes”. Këtë verë, Sancho është lidhur edhe me interesime nga Juventus dhe Napoli, duke shtuar konkurrencën për shërbimet e tij.
Lajmet
Wilshere gati për një rikthim sensacional te Arsenali
Published
5 hours agoon
August 6, 2025By
UBT News
Ish-mesfushori i Arsenalit, Jack Wilshere, thuhet se është në rrugën e duhur për një rikthim surprizë në “Emirates” si trajner, pasi dha dorëheqjen nga roli i tij te Norwich City.
33-vjeçari më parë ka punuar me ekipin nën-18 vjeç të Arsenalit përpara se të largohej për t’u bashkuar me stafin e trajnerëve të Johannes Hoff Thorup te Norwich .
Wilshire u emërua trajner i përkohshëm i klubit pas shkarkimit të Thorup, por më pas u largua kur Liam Manning mori drejtimin e klubit.
Sipas “BBC”, ish-mesfushori i Arsenalit dhe Anglisë mund të jetë gati të ribashkohet me ish-klubin e tij.
Wilshere po merret në konsideratë fuqishëm për punën e ekipit U21, megjithëse ende nuk është marrë asnjë vendim konkret nga Arsenali.
Ai padyshim po përpiqet të bëjë hapin tjetër në karrierën e tij si trajner, pasi u intervistua për punën te Plymouth Argyle pas largimit të Ian Foster.
Fatkeqësisht për Wilshire, ai humbi ndaj ish-mesfushorit të Man United, Tom Cleverley, i cili tashmë ka përvojë si trajner në Championship me Watford.
Lajmet
Alonso i pakënaqur me yllin e Real Madridit
Published
5 hours agoon
August 6, 2025By
UBT News
E ardhmja e Rodrygos te Real Madridi është nën vëzhgim të ri, me trajnerin e ri Xabi Alonso që thuhet se nuk është “plotësisht i kënaqur” me performancat e brazilianit.
Sipas The “Athletic”, Alonso po kërkon të shtojë më shumë lojtarë në skuadrën e tij para se të mbyllet afati kalimtar i verës dhe do të kërkojë të zëvendësojë Rodrygon, 24 vjeç, nëse ai largohet.
Rodrygo aktualisht po punon me agjentin e tij Pini Zahavi për një largim të mundshëm, pasi është gjithnjë e më i shqetësuar për rolin e tij në klub.
Kuptohet që Real Madridi do të ishte i hapur për të shitur anësorin brazilian nëse një ofertë mjaft e mirë vjen së shpejti.
Skuadrat e Premier Ligës, Arsenal dhe Tottenham, janë lidhur ngushtë me një lojtar të ri, teksa kërkojnë të përforcojnë opsionet e tyre sulmuese për sezonin 2025/26.

Sorensen: Situata politike në Kosovë ka bërë që gjërat të zgjasin në dialog

Kryetari i Prishtinës, Përparim Rama, vendos transport falas për protestën e veteranëve

Bullgaria do të presë startin e Giro d’Italia në vitin 2026

Kurti i kërkon Sorensenit të ketë mirënjohje më të madhe për Kosovën

Jennifer Lopez mori vëmendjen në performancë mahnitëse në Stamboll

Policia e Shtetit parandalon ngjarje kriminale në një familje në Krujë

Ruanda do të presë 250 emigrantë të dëbuar nga SHBA-të

Kurti: Nuk e di cila do të jetë zgjidhja, por do ta respektojmë vendimin e Gjykatës Kushtetuese

Pajisja popullore e Apple tani është “e vjetruar”
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT2 months ago
UBT organizoi Akademi Përkujtimore në nder të Prof. Dr. Naser Kamberit