Sport

Westbrook shpjegon arsyen pse firmosi për vetëm një sezon me Lakers

Published

5 years ago

August 18, 2021

UBT news

Transferimi i Russell Westbrook në radhët e Los Angeles Lakers ka qenë “bomba” e tregut veror në NBA.

Pasi ndryshoi skuadrën tri herë në tri sezonet e fundit, nga Rockets tek Wizards, mendimi i tij duket se ka ndryshuar.

Ai është u fokusuar vetëm për të ardhmen e afërt, dhe kjo ndodh për të fituar unazën, diçka që ai nuk e arriti as në Oklahoma, as në Houston, e as në Uashington.

Kjo është arsyeja pse “ylli” i NBA-së nuk donte të angazhohej me Lakers për shumë sezone. Në parim ai do të ketë një marrëdhënie kontraktuale vetëm për një sezon, më pagë 47 milionë dollarë.

“Vizioni im për këtë Ligë është biznes. Thjesht bëj punën time dhe këtë do të vazhdoj të bëj. Nuk mund ta imagjinoj ku do të jem pas tre apo katër vjetësh. Është diçka që nuk mund ta kuptoj”, tha Westbrook.

Megjithatë, ai e bëri të qartë se ai është gati të ndihmojë Lakers të pushtojnë unazën.

Vendi

Akil Gjakova mbyll garën pa medalje në Abu Dhabi

Published

3 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

3 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

3 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/