Lajmet

Vuçiq: Nuk do të nënshkruajë pavarësinë e Kosovës, dialogu fillon në qershor

Published

on

Presidenti i Serbisë dhe Partisë Progresive Serbe (PPS), Aleksandar Vuçiq, tha se ai nuk do të nënshkruante njohjen e pavarësisë së Kosovës, pavarësisht presioneve, të cilat do të jenë të mëdha si para ashtu edhe pas mesit të qershorit, kur dialogu me Kosovën duhet të vazhdojë.

“Thelbi i drejtimit të vendit është pavarësia, që të mund të marrim vendime në emër të Serbisë. Ato nuk do të sillen nga asnjë i huaj, as nga ndonjë ambasador”, tha Vuçiq në hapjen e mbledhjes së PPS-së.

Ai tha, “përderisa PPS është Serbi, populli do të pyetet, jo manjakët dhe të huajt”.

Duke folur për dialogun me Kosovën, ai theksoi se kjo e fundit nuk po i përmbush detyrimet e saj nga marrëveshjet e arritura, por “Perëndimi nuk shqetësohet për këtë”.

Vuçiq vlerësoi se në dy ditët e kaluara ai mësoi se do të shpallej fajtor për probleme të shumta në rajon, se BBC në anglisht mbante tekste rreth “no-paper”-ave në faqet e para gjatë kësaj periudhe.

“As kam ngrënë e as kam nuhatur qepë, nuk kam përkrahur asnjërën, sepse në secilën letër Kosova është e pavarur. Unë jam fajtor për këtë dhe për faktin se askush nuk ka dashur një Serbi të fortë që nga Kongresi i Berlinit në 1878. Kjo është arsyeja pse ata lëvizën popullsinë, ndërhynë në gjithçka”.

“Ata e shohin Serbinë si një faktor përçarës, sepse ajo është më e madhe se vendet e tjera të vogla në rajon dhe për shkak të kësaj ajo është e penguar në kuptimin ekonomik dhe politik”, tha Vuçiq./UBTNews

(Driton Hyseni, student në Media dhe Komunikim në UBT)

Aktualitet

Nga inteligjenca artificiale te bujqësia: Hajrizi tregon pse UBT-ja është zgjedhja kryesore e studentëve

Published

on

Rektori i UBT-së, Prof. Dr. Edmond Hajrizi, ka thënë se arsyeja kryesore pse studentët zgjedhin të studiojnë në këtë institucion është qasja moderne dhe programet inovative që ofrohen.

Në një intervistë në FIVE të Dukagjinit, Hajrizi ka theksuar se UBT dallon nga universitetet e tjera për shkak të orientimit drejt së ardhmes dhe temave bashkëkohore, si Inteligjenca Artificiale.

Sipas tij, një element tjetër që i tërheq studentët është mënyra ndërmarrësore e funksionimit të UBT-së, e cila, duke qenë e vetëfinancuar, ka si obligim që çdo student të arrijë sukses.

“Mendoj që qasja e re, ne kemi programe të reja dhe moderne. Dhe janë programe të së ardhmes, nuk e kemi asnjë old fashion në program. Kjo është tema kryesore që asnjëherë nuk ke pas një tematik që ne e trajtojmë për të kaluarën, por flasim Inteligjencës Artificiale. Apo flasim sot për IA, po, cili është universiteti më i mirë në regjion për IA? Dihet. Ose po flet për zhvillim të qëndrueshëm, dihet kush tregon rolin. Po flet për mjekësi, dihet kush. Po flet për energji, bujqësi.

Domethënë thjesht jemi duke garuar për t’i ofruar ato kompetenca të cilat atij i duhen. Jemi shumë aktivë me qenë shumë të kujdesshëm në suksesin e tij. Se ne vetëfinancohemi, ne jemi një qasje ndërmarrësore, e kemi obligim atë me ngrit deri te suksesi. Ai e ndjen atë mbështetje. E ndjenë atë cilësi e infrastrukturë. E ndjenë atë ndërkombëtarizmin dhe vjen”, ka thënë Hajrizi.

Continue Reading

Lajmet

Xhaka në garë me Haalandin dhe yjet e tjerë për t’u zgjedhur lojtari i muajit në Premierligë

Published

on

Ylli kosovar Granit Xhaka po shfaq formë të jashtëzakonshme në edicionin e ri dhe mbetet në garë yjet e tjerë për t’u zgjedhur lojtari i muajit në Premierligë

Xhaka u transferua gjatë verës nga Bayer Leverkuseni në Sunderland dhe menjëherë prezenca e tij ka pasur impakt në ekipin anglez.

Krahas organizimit të lojës, duke kontribuuar si në aspektin defanziv, ashtu edhe në atë ofanziv, veterani i mesfushës ka kontribuuar edhe me asistime, duke qenë lojtari më i rëndësishëm i Sunderlandit deri tash në sezonin 2025/26.

Për këtë, Premierliga e ka përfshirë përfaqësuesin zviceran në mesin e kandidatëve për t’u zgjedhur futbollisti më i mirë i muajit shtator.

Përpos Xhakës, në garë janë edhe lojtarët tjerë që bënë paraqitje pozitive në muajin që shkoi si: Erling Haaland, Danchi Kamada, Yankuba Minteh, Robin Roefs e Martin Zubimendi./S.K/EO/

 

Continue Reading

Lajmet

Europa League sonte vjen me 18 lojë

Published

on

Xhiroja e dytë e Europa League do të luhet këtë të enjte, ku në programin zyrtar do të jenë 18 ndeshje interesante që do të zhvillohen.

Vëmendja kryesore do të jetë fokusuar në lojën AS Roma – Lille, që nis nga ora 18:45 minuta.

Ndeshjet tjera që do të luhen sonte janë si në tabelën vijuese:

/S.K/EO/

Continue Reading

Lajmet

Klubet basketbollistike dhe shifrat që përfituan nga Ligji i Sponsorizimit

Published

on

Ligji i Sponsorizimit konsiderohet se ligji që i ka sjellë shumë benefite klubeve sportive të cilat përmes këtij ligji kanë rritur financat e tyre duke hapur kështu rrugë për investime edhe dhe përforcime të skuadrave.

Drejtori Ekzekutiv ne Agjencinë e Sportit brenda Ministrisë së Sportit, Fidan Shatri ka publikuar shot shifra e klubeve të Superligës së Kosovës në basketboll që kanë përfituar më së shumti gjatë vitit 2025 nga Ligji i Sponsorizimit.

Klubi i basketbollit Ylli ka kaluar milionëshin, më saktësisht skuadra nga Suhareka për përfituar 1,109,500.

Në vendin e dytë është KB Trepça që ka arkëtuar 817,000 euro, e ndjekur nga KB Sigal Prishtina me 410,000 euro dhe KB Bashkimi me 386,000 euro./S.K/KP/

Continue Reading

Të kërkuara