

Lajmet
Vuçiq në Samitin e të Painkuadruarve: Dialogu me Kosovën nuk ka alternativë
Vuçiq tha se bashkëpunimi ndërkombëtar është e vetmja rrugë për mirëqenien dhe përparimin e njerëzimit.
Published
4 years agoon
By
Betim GashiNë Beograd të Serbisë po mbahet samiti dyditor që shënon 60-vjetorin e konferencë së parë të Lëvizjes së të Painkuadruarve me pjesëmarrjen e përfaqësuesve të më shumë se 105 vendeve dhe nëntë organizatave ndërkombëtare.
Kjo lëvizje ishte themeluar nga mesi i Luftës së Ftohtë si një kundërpeshë ndaj blloqeve kundërshtare të udhëhequra nga Bashkimi Sovjetik i atëhershëm (BRSS) dhe Shtetet e Bashkuara (SHBA).
Presidenti i Serbisë, Aleksandar Vuçiq, në fjalën e tij hyrëse tha se bashkëpunimi ndërkombëtar është e vetmja rrugë për mirëqenien dhe përparimin e njerëzimit.
“Beogradi ishte, është dhe do të jetë nikoqiri i të gjithë atyre që përçojnë mesazhin e paqes”, tha Vuçiq duke shtuar se Serbia është “një promovuese e idesë së multilateralizmit”.
Vuçiq gjatë fjalimit të tij foli edhe për çështjen e Kosovës. Ai tha se Serbia “lufton për sovranitetin dhe integritetin e saj territorial, mbron të drejtën ndërkombëtare dhe parimet e Kombeve të Bashkuara” dhe se është “e angazhuar për dialog” me Kosovën.
“Mbështetja e bashkësisë ndërkombëtare është çelësi për sukses në dialog pasi ai nuk ka alternativë”, tha Vuçiq.
Dodik: Bosnja, nën protektoratin e perëndimit
Anëtari i Presidencës trepalëshe të Bosnje dhe Hercegovinës, Millorad Dodik, akuzoi vendet perëndimore për ndërhyje në vendin e tij duke thënë se ato po impononin zgjidhje duke emëruar një “përfaqësues të lartë të paligjshëm”.
Ai tha se Bosnja është nën “protektoratin” e këtyre vendeve.
Dodik tha se po fliste në samit “në emër të Republika Sërpskës”.
Posti i përfaqësuesit të lartë ndërkombëtar, me statusin e misionit diplomatik në Bosnje dhe Hercegovinë, është formuar në pajtim me kornizën e Marrëveshjes së paqes në Bosnje dhe Hercegovinë, që njihet si Marrëveshja e Dejtonit, që është arritur më 21 nëntor, 1995, në bazën ushtarake në Dejton të Shteteve të Bashkuar. E njëjta u nënshkrua më 14 dhjetor, 1995 në Paris të Francës.
Përfaqësuesi i lartë në Bosnje dhe Hercegovinë ka autoritetin për “interpretimin final” të Marrëveshjes për zbatimin e aspekteve civile të Marrëveshjes së Dejtonit.
Ish-Përfaqësuesi i lartë ndërkombëtar në Bosnje e Hercegovinë, Valentin Inzko, duke i përdorur kompetencat e Bonit, vendosi ndryshime në Kodin Penal të këtij shteti, me të cilat ndalohet dhe dënohet mohimi i gjenocidit dhe madhërimi i kriminelëve të luftës.
Pas atij vendimi Dodik pati thënë se Republika Sërpska “duhet të fillojë procesin e shpërbërjes”.
Nga 1 gushti, postin e Përfaqësuesit të Lartë e mban gjermani, Christian Schmidt.
Dodik pati thënë se Republika Sërpska nuk e pranon emërimin e tij dhe as ndonjë nga kompetencat e tij.
Rusia merr pjesë në samit
Delegacionet u mirëpriten nga ministri i Jashtëm i Serbisë, Nikolla Selakoviq dhe homologu i tij azerbajxhanas, Jeyhun Bayramov, vendi i të cilit mban udhëheqjen e Lëvizjes deri në vitin 2021.
Në samit po merr pjesë edhe Rusia pasi në korrik të këtij viti fitoi statusin e shtetit vëzhgues.
Lëvizja e të Painkuadruarve është grupi më i madh i shteteve pas Kombeve të Bashkuara.
Ideja për këtë lëvizje, siç nënkuptohet edhe në bazë të emrit, ishte të luajë rolin e një alternative politike për vendet që duan të shmangin zgjedhjen që t’i përkasin një blloku ushtarak-politik. Këto vende synonin të artikulojnë një qasje të pavarur të politikës së jashtme.
Themelimi i saj u bë më 1961 kur zyrtarë nga 25 vende u mblodhën në Konferencën e parë të Lëvizjes së Painkuadruarve në Beograd (atëbotë: Republika Socialiste Federative e Jugosllavisë).
Në atë samit patën folur udhëheqës të atëhershëm, përfshirë kryeministrin e Indisë, Jawaharlal Nehru, presidentin e Egjiptit, Gamal Abdel Nasser dhe presidentin jugosllav Josip Broz Tito, me iniciativën e të cilëve u mbajt konferenca e parë gjashtë dekada më parë.
Masat e sigurisë në Beograd janë shtuar dhe mbi 3.000 policë janë angazhuar për të mbajtur rendin gjatë samitit që mbahet të hënën dhe të martën.
Kush (nuk) shkoi në Beograd?
Shteti i Ganës përfaqësohet nga presidenti Nana Akufo-Addo ndërsa Algjeria nga kryeministri Aymen Benabderrahmane ndërsa delegacionet nga vendet e tjera pjesëmarrëse udhëhiqen në nivel të ministrave.
Rusia ka dërguar ministrin e Jashtëm, Sergei Lavrov. Një ditë para samitit ai u takua me presidentin e Serbisë, Aleksandar Vuçiq.
Më 6 tetor, ministri i Jashtëm serb, Nikolla Selakoviq tha se qëllimi strategjik dhe thelbësor i Serbisë është anëtarësimi në Bashkimin Evropian (BE), por shtoi se Beogradi zyrtar nuk heq dorë nga miqtë tradicionalë që sipas tij “nuk janë vetëm Rusia dhe Kina, por edhe anëtarë tjerë të të painkuadruarve”.
Selakoviq gjithashtu vuri në dukje se tubimi me rastin e 60-vjetorit të themelimit të Lëvizjes nuk ka një dimension kryesisht politik, sepse nuk do të merren vendime apo deklarata, por është “një mënyrë që të gjithë të tregojnë se ata mbajnë në mend me krenari Konferencën e Beogradit të vitit 1961”.
Anëtarët e presidencës trepalëshe të Bosnjës, Shefik Xhaferoviq dhe Zhelko Komshiq anuluan pjesëmarrjen, pasi policia serbe arrestoi Edin Vranjën, ish-kreun e Departamentit të Krimit të Organizuar të Bosnjës, më 12 shtator, nën akuzat për krime lufte.
Në kuadër të samitit do të mbahet edhe një forum i biznesit i vendeve pjesëmarrëse.
Si lindi Lëvizja e të Painkuadruarve?
Ideja e themelimit të Lëvizjes së të Painkuadruarve u shfaq gjatë rënies së sistemit kolonial dhe pasi lufta për pavarësi mori hov mes popujve të Afrikës, Azisë, Amerikës Latine dhe rajoneve të tjera të botës, në një kohë kur Lufta e Ftohtë ishte në kulmin e saj.
Termi “Të Painkuadruarit” u shpall për herë të parë nga kryeministri indian, Jawaharlal Nehru gjatë fjalimit të tij në 1954 në Shri Lankë. Pesë parimet e Lëvizjes u thanë se janë: respekti i ndërsjellë për integritetin dhe sovranitetin territorial, mosagresioni ndaj njëri-tjetrit, barazia dhe përfitimi reciprok si dhe bashkëjetesa paqësore.
Ish-udhëheqësi jugosllav, Josip Broz Tito, konsiderohet si një nga themeluesit e Lëvizjes së të Painkuadruarve.
Vendi i udhëhequr nga Tito ishte anëtar i Lëvizjes së Painkuadruarve deri në fillim të viteve 1990, kur u shpërbë për shkak të luftërave jugosllave. Më 1992 Jugosllavia u tërhoq zyrtarisht nga anëtarësia./REL

Inspektorati Sanitar i Ministrisë së Shëndetësisë e ka mbyllur përkohësisht pishinën e Gërmisë në Prishtinë. Ky vendim vjen pasi Instituti Kombëtar i Shëndetësisë Publike njoftoi më herët të enjten se mostrat e marra nga uji i pishinës publike tregojnë se uji nuk i plotëson standardet.
Instituti njoftoi se është duke e bërë monitorimin e rregullt të cilësisë së ujit në këtë pishinë publike.
“Ekspertët e Ekologjisë Humane nga IKSHPK kanë marrë mostra për analizë laboratorike nga uji i kësaj pishine, të premten më 19 korrik 2025. Rezultatet e këtyre mostrave te lëshuara me 22 korrik 2025, treguan se parametrat mikrobiologjikë nuk plotësuan standardet për ujin e pishinës”, tha IKSHPK përmes një njoftimi.
Sipas Institutit, Inspektorati Sanitar i Ministrisë së Shëndetësisë ka bërë vizitë në këtë pishinë, në të njëjtën ditë.
“Më 23 korrik 2025, janë marrë mostra të përsëritura dhe rezultatet përfundimtare pritet të jenë të gatshme ditën e premte, me 25 korrik 2025”, tha tutje Instituti.
Në njoftim u bë e ditur se në momentin që rezultatet e reja do të jenë të disponueshme, qytetarët do të njoftohen përmes kanaleve zyrtare të komunikimit të IKSHPK-së.

Real Madridi po përgatit një superofertë për të transferuar mesfushorin spanjoll Rodri nga Manchester City.
Sipas “Fichajes”, presidenti Florentino Perez është gati të ofrojë Rodrygon, Eduardo Camavingan dhe 40 milionë euro për ta bindur Cityn.
Rodri është objektivi kryesor i Realit për të zëvendësuar Toni Kroos, ndërsa trajneri i ri Xabi Alonso e sheh atë si lojtarin ideal për të diktuar lojën në mesfushë. Pep Guardiola vlerëson shumë si Rodrygon ashtu edhe Camavingan, çka mund të favorizojë marrëveshjen.
Rodrygo pritet të largohet këtë verë për shkak të mungesës së hapësirës mes yjeve si Vinicius Junior dhe Kylian Mbappe. Real Madridi synon të rikthejë dominimin në Spanjë dhe Evropë, duke besuar se nënshkrimi me Rodrin është hapi vendimtar.
Aktualitet
Kurti mori pjesë në Festivalin Ndërkombëtar të Domates në Mamushë
Published
2 hours agoon
July 24, 2025By
UBT News
Kryeministri në detyrë, Albin Kurti mori pjesë në hapjen e Festivalit Ndërkombëtar të Domates, edicioni i 16-të, i cili mbahet tradicionalisht në Komunën e Mamushës. Kurti tha se festivali është dëshmi e shpirtit të banorëve të zellshëm të Mamushës, një komunë relativisht e vogël në përmasë, por shembull bereqeti për bujqësinë e Kosovës
“Vetëm përmes skemës së granteve fermerët e Mamushës kanë përfituar 7.5 milionë euro. Kjo përkrahje e jona e ka përmirësuar imazhin për bujqësinë e Kosovës dhe ka shtuar vullnetin te fermerët. Përkrahja do të vazhdojë të rritet sepse nevojat dhe kërkesa janë që prodhimet e Kosovës të jenë të mira, të shumta dhe cilësore”, tha ai.
Ai shtoi se Mamusha është mbështetur dhe ndihmuar, por sipas tij përkrahja për Mamushën do të shtohet edhe më shumë.
“Rritja e mbështetjes, e prodhimit dhe eksportit nënkupton rritje të ekonomisë dhe mirëqenies së fermerit, familjeve të tyre dhe të tjerëve hisedarë në zinxhirin e vlerës. Vetëm gjatë katër viteve të qeverisjes sonë 2021-2024, eksporti i perimeve është rritur për mbi 70%, nga 24 milionë euro sa ishte në periudhën 2017-2020, në 41 milionë euro në këto vitet e fundit”, u shpreh më tej Kurti.
Kurti i përgëzoi fermerët për punën e palodhshme që bëjnë, dhe ua uroj të gjithëve edicionin e Festivalit Ndërkombëtar të Domates.
Aktualitet
Rama në Javën e Gruas: Politike arsimore që bazohet në nevojat reale të fëmijëve
Published
2 hours agoon
July 24, 2025By
UBT News
Komuna e Prishtinës, në bashkëpunim me NDI Kosova, organizoi një diskutim të hapur me temën “Udhëheqje që transformon: Politikat lokale arsimore”, aktivitet ky i zhvilluar në kuadër të Javës së Gruas.
Ambasadorja Nancy Soderberg, drejtore e NDI në Kosovë, theksoi rëndësinë e zhvendosjes së debatit publik nga niveli qendror në atë lokal për të dëgjuar zërin e grave në terren. Ajo tha se fuqizimi i grave mund të jetë i qëndrueshëm vetëm kur përfshin çdo nivel të shoqërisë.
“Kjo platformë përbën rrjetin më të madh ndërsektorial në Kosovë dhe ka dëshmuar vazhdimisht se kur grave u jepen mjetet e nevojshme, mbështetja e duhur dhe njohja që meritojnë, ato udhëheqin ndryshime transformuese nëpër komunitete dhe institucione. Sot, së bashku me ju, po e lansojmë Javën e Gruas me debatet politike në nivel komunal me qëllim që të zhvendosim dialogun dhe diskutimin publik nga niveli qendror në atë lokal dhe si rrjedhojë të dëgjojmë zërat nga terreni. Ne e dimë se fuqizimi i grave do të jetë i qëndrueshëm dhe gjithëpërfshirës vetëm kur arrin në të gjitha nivelet e shoqërisë. Me padurim presim debatet e radhës që do të mbahen javën që vjen në komunat”, shtoi ajo.
Kryetari i Prishtinës, Përparim Rama, gjithashtu theksoi rëndësinë e një politike arsimore që bazohet në nevojat reale të fëmijëve dhe në bashkëpunim të ngushtë me komunat në gjithë vendin.
“Le ta ndërtojmë të ardhmen e vendit tonë së bashku, me hapa të përbashkët dhe në mënyrën më të mirë të mundshme.
Kjo nuk është rruga që duam ta bëjmë vetëm se është proces që duam ta ndajmë me të gjithë ju me të gjitha komunat dhe gjithë vendin. Një politikë që nis nga nevojat reale të fëmijëve tanë që mbështet në nevoja reale që i kemi, me informata të sakta, të cilat sjellin rezultatet të matshme. T’i japim zë këtij vizioni të përbashkët që lidh çdo qytet dhe çdo pjesë të territorit të vendit tonë, të ndërtuar së bashku me komunat tona, që t’i njohim nevojat dhe së bashku t’i bëjmë hapat. E shoh si mundësi që hapat t’i bëjmë së bashku dhe ta ndërtojmë të ardhmen e vendit tonë në mënyrë më të mirë të mundshme”, tha Rama.
Ndërsa, koordinatorja e Forumit Ekonomik të Grave, Saxhide Mustafa, tha se arsimi është thelbi i zhvillimit ekonomik dhe një shoqërie të barabartë.
Ajo ngriti shqetësimin për rënien e përfshirjes në arsim prej 5 për qind në disa grupmosha, duke theksuar nevojën për politika të koordinuara mes nivelit lokal dhe qendror.
Mustafa gjithashtu nënvizoi sfidat, me të cilat po përballen qytetet si Prishtina dhe Fushë Kosova për shkak të migrimit nga zonat rurale dhe mbingarkesës në infrastrukturë.
“Për të diskutuar për rëndësinë dhe rolin që luan politikat arsimore për një shoqëri të barabartë dhe të qëndrueshme është e nevojshme çdo ditë. Arsimi është thelbi është baza e një shteti është një proces që transformohet në zhvillimin ekonomik. Është e rëndësishme që edhe politikat lokale të jenë bashkë me politikat qendrore që të ketë përfshirje. Ka rënie 5 për qind kjo kërkon thellë transformim kjo grupmoshë. Dikur jemi mburrur me një popullsi të re po e shohim që vitet e fundit ka ndikuar faktorë të ndryshëm. Qyteti i Prishtinës dhe Fushë Kosovës ka sfida që po e presion ka mbi ngarkesë një migrim prej zonave rurale në ato urbane”, tha ajo.

Autoritetet palestineze: Gaza ka nevojë për 500 mijë thasë me miell çdo javë, ndërsa uria përkeqësohet

Shtyhet filmi për Michael Jacksonin, arsyeja mbetet mister

Milan zyrtarizon goditjen e radhës

Mbyllet pishina e Gërmisë

Google zbulon linjën e plotë Pixel 10

Zbulohet superoferta e Realit për Rodrin

A është i sigurt të pihet uji që ka qëndruar gjatë natës?

Kurti mori pjesë në Festivalin Ndërkombëtar të Domates në Mamushë

Rama në Javën e Gruas: Politike arsimore që bazohet në nevojat reale të fëmijëve
Të kërkuara
-
Lajmet nga UBT1 month ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore