Lajmet

Vuçiç: Qeveri e re deri më 20 mars ose zgjedhje në maj

Published

on

Presidenti i Serbisë, Aleksandar Vuçiç, ka deklaruar se nëse formohet një qeveri e re serbe, kjo duhet të ndodhë deri më 19 ose 20 mars. Në rast se kjo nuk ndodh, zgjedhjet mund të mbahen në fillim të majit. Vuçiç bëri këto komente gjatë një interviste për Radiotelevizionin e Serbisë (RTS).

Presidenti serb theksoi se dorëheqja e qeverisë dhe e kryeministrit të saj, Milosh Vuçeviç, duhet të shpallet më së voni rreth datës 17 shkurt. Ai sqaroi se afatet 30-ditore për formimin e qeverisë ose shpalljen e zgjedhjeve do të fillojnë nga kjo datë. Këto janë dy mundësi të përcaktuara nga Kushtetuta, dhe Vuçiç shprehu preferencën që të tentohen të krijohet një “qeveri e mirë” për të adresuar nevojat e vendit.

Në lidhje me protestat që janë zhvilluar në qytetet e Serbisë, pas tragjedisë në stacionin hekurudhor të Novi Sadit në muajin nëntor, ku humbën jetën 15 persona dhe tre të tjerë u plagosën rëndë, Vuçiç nënvizoi se do të vazhdojë të insistojë për një dialog të hapur me studentët që po protestojnë. Ai shtoi se nuk ka rëndësi kush do të marrë pjesë në këtë dialog, pasi çdo bisedë është e shëndetshme dhe e nevojshme për të zgjidhur krizën sociale.

Vuçiç e mbylli deklaratën duke theksuar se të dyja opsionet – formimi i një qeverie të re ose mbajtja e zgjedhjeve – janë të mundshme, por gjithçka do të varet nga zhvillimet e mëtejshme dhe përpjekjet për të stabilizuar politikën në Serbi. Ai theksoi rëndësinë e një qeverie që mund të adresojë sfidat e brendshme dhe të jashtme të vendit, ndërkohë që theksoi nevojën për stabilitet dhe përpjekje për të ruajtur marrëdhëniet e shëndetshme me të gjitha grupet shoqërore./UBTNews/

 

Aktualitet

Nga inteligjenca artificiale te bujqësia: Hajrizi tregon pse UBT-ja është zgjedhja kryesore e studentëve

Published

on

Rektori i UBT-së, Prof. Dr. Edmond Hajrizi, ka thënë se arsyeja kryesore pse studentët zgjedhin të studiojnë në këtë institucion është qasja moderne dhe programet inovative që ofrohen.

Në një intervistë në FIVE të Dukagjinit, Hajrizi ka theksuar se UBT dallon nga universitetet e tjera për shkak të orientimit drejt së ardhmes dhe temave bashkëkohore, si Inteligjenca Artificiale.

Sipas tij, një element tjetër që i tërheq studentët është mënyra ndërmarrësore e funksionimit të UBT-së, e cila, duke qenë e vetëfinancuar, ka si obligim që çdo student të arrijë sukses.

“Mendoj që qasja e re, ne kemi programe të reja dhe moderne. Dhe janë programe të së ardhmes, nuk e kemi asnjë old fashion në program. Kjo është tema kryesore që asnjëherë nuk ke pas një tematik që ne e trajtojmë për të kaluarën, por flasim Inteligjencës Artificiale. Apo flasim sot për IA, po, cili është universiteti më i mirë në regjion për IA? Dihet. Ose po flet për zhvillim të qëndrueshëm, dihet kush tregon rolin. Po flet për mjekësi, dihet kush. Po flet për energji, bujqësi.

Domethënë thjesht jemi duke garuar për t’i ofruar ato kompetenca të cilat atij i duhen. Jemi shumë aktivë me qenë shumë të kujdesshëm në suksesin e tij. Se ne vetëfinancohemi, ne jemi një qasje ndërmarrësore, e kemi obligim atë me ngrit deri te suksesi. Ai e ndjen atë mbështetje. E ndjenë atë cilësi e infrastrukturë. E ndjenë atë ndërkombëtarizmin dhe vjen”, ka thënë Hajrizi.

Continue Reading

Lajmet

Xhaka në garë me Haalandin dhe yjet e tjerë për t’u zgjedhur lojtari i muajit në Premierligë

Published

on

Ylli kosovar Granit Xhaka po shfaq formë të jashtëzakonshme në edicionin e ri dhe mbetet në garë yjet e tjerë për t’u zgjedhur lojtari i muajit në Premierligë

Xhaka u transferua gjatë verës nga Bayer Leverkuseni në Sunderland dhe menjëherë prezenca e tij ka pasur impakt në ekipin anglez.

Krahas organizimit të lojës, duke kontribuuar si në aspektin defanziv, ashtu edhe në atë ofanziv, veterani i mesfushës ka kontribuuar edhe me asistime, duke qenë lojtari më i rëndësishëm i Sunderlandit deri tash në sezonin 2025/26.

Për këtë, Premierliga e ka përfshirë përfaqësuesin zviceran në mesin e kandidatëve për t’u zgjedhur futbollisti më i mirë i muajit shtator.

Përpos Xhakës, në garë janë edhe lojtarët tjerë që bënë paraqitje pozitive në muajin që shkoi si: Erling Haaland, Danchi Kamada, Yankuba Minteh, Robin Roefs e Martin Zubimendi./S.K/EO/

 

Continue Reading

Lajmet

Europa League sonte vjen me 18 lojë

Published

on

Xhiroja e dytë e Europa League do të luhet këtë të enjte, ku në programin zyrtar do të jenë 18 ndeshje interesante që do të zhvillohen.

Vëmendja kryesore do të jetë fokusuar në lojën AS Roma – Lille, që nis nga ora 18:45 minuta.

Ndeshjet tjera që do të luhen sonte janë si në tabelën vijuese:

/S.K/EO/

Continue Reading

Lajmet

Klubet basketbollistike dhe shifrat që përfituan nga Ligji i Sponsorizimit

Published

on

Ligji i Sponsorizimit konsiderohet se ligji që i ka sjellë shumë benefite klubeve sportive të cilat përmes këtij ligji kanë rritur financat e tyre duke hapur kështu rrugë për investime edhe dhe përforcime të skuadrave.

Drejtori Ekzekutiv ne Agjencinë e Sportit brenda Ministrisë së Sportit, Fidan Shatri ka publikuar shot shifra e klubeve të Superligës së Kosovës në basketboll që kanë përfituar më së shumti gjatë vitit 2025 nga Ligji i Sponsorizimit.

Klubi i basketbollit Ylli ka kaluar milionëshin, më saktësisht skuadra nga Suhareka për përfituar 1,109,500.

Në vendin e dytë është KB Trepça që ka arkëtuar 817,000 euro, e ndjekur nga KB Sigal Prishtina me 410,000 euro dhe KB Bashkimi me 386,000 euro./S.K/KP/

Continue Reading

Të kërkuara