Lajmet

Vritet një paqeruajtës i OKB-së në Liban

Ndërsa tre të tjerë u plagosën.

Published

on

Një anëtar irlandez i forcës paqeruajtëse të OKB-së që monitoron Libanin jugor pranë kufirit izraelit u vra dhe tre u plagosën pasi autokolona e tyre u vu nën zjarr, thanë sot burime të OKB-së dhe irlandezëve.

Kryeministri irlandez Micheal Martin tha se ishte “thellësisht i tronditur dhe shumë i pikëlluar” nga kjo humbje e jetës,

“Një autokolonë e dy automjeteve të blinduara që transportonin tetë personel që udhëtonin për në Bejrut u vu nën zjarr me armë të lehta” , tha të mërkurën vonë ushtria irlandeze.

“Katër personel u dërguan në Spitalin Raee, afër Sidonit si rezultat i incidentit (2115 GMT)”, tha ushtria. “Një ushtar u shpall i vdekur me të mbërritur në spital dhe një tjetër i është nënshtruar një operacioni dhe është në gjendje të rëndë. Dy ushtarët e tjerë po trajtohen për lëndime të lehta”.

Forca paqeruajtëse e OKB-së UNIFIL tha se “incidenti” ndodhi pranë fshatit Al-Aqbiya, pak jashtë zonës së operacioneve të forcës në një brez përgjatë kufirit jugor të Libanit me Izraelin. Ajo tha se kishte hapur një hetim.

Një fotograf i AFP raportoi se një automjet UNIFIL ishte përplasur me një dyqan në rrugën drejt qytetit kryesor jugor të Sidonit të Libanit.

Dëshmitarët i thanë AFP se automjeti ishte bllokuar nga fshatarët pasi mori një rrugë përgjatë bregut të Mesdheut që nuk përdoret normalisht nga forcat e OKB-së.

Ata thanë se kishin dëgjuar të shtëna me armë zjarri dhe shoferi kishte humbur kontrollin e automjetit ndërsa kolona u përpoq të largohej nga zona.

Ministri i Jashtëm irlandez Simon Coveney shprehu “trishtim të thellë dhe ishte i tronditur” për vdekjen e paqeruajtësit.

Kryeministri i përkohshëm i Libanit, Najib Mikati, shprehu “keqardhjen e tij të thellë pas këtij incidenti të dhimbshëm” dhe nënvizoi “nevojën për të kryer hetimet e nevojshme për të përcaktuar rrethanat e tij dhe për të parandaluar përsëritjen e tij”./UBTNews/

Lajmet

​Gjykata spanjolle liron Dani Alves-in

Published

on

Gjykata e Lartë e Katalonjës ka rrëzuar të premten dënimin për përdhunim ndaj ish-futbollistit brazilian Dani Alves, duke arsyetuar se çështja kishte mospërputhje dhe kontradikta në dëshmitë e paraqitura.

Alves, 41 vjeç, ishte dënuar vitin e kaluar me katër vjet e gjysmë burg për përdhunimin e një gruaje në një klub nate në Barcelonë në vitin 2022. Megjithatë, gjykata e apelit vendosi se dëshmia e akuzueses nuk kishte besueshmëri të mjaftueshme, duke theksuar se mungonin prova të qarta për të mbështetur akuzën.

“Dani Alves është shumë i lumtur. Ai është i pafajshëm, kjo është demonstruar. Drejtësia ka folur,” deklaroi avokatja e tij, Ines Guardiola.

Ndërkohë, avokatja e akuzueses, Ester Garcia, paralajmëroi se do ta çojë çështjen në Gjykatën Supreme të Spanjës, proces që mund të zgjasë deri në një vit./S.K/KP/Morung Express/

 

Continue Reading

Lajmet

Caktohet data, Pogba rikthehet në fushë

Published

on

Paul Pogba është shumë pranë rikthimit në futboll pas një periudhe të gjatë mungese tha trajneri i Monacos, Adi Hütter. Ai zyrtarisht ka konfirmuar se mesfushori francez po përparon ndjeshëm.

“Fizikisht dhe mendërisht po shkon mirë. Është stërvitur për tre muaj dhe është afër kthimit në skuadër,” deklaroi Hütter.

Sipas mediave franceze, Pogba pritet të jetë i disponueshëm më 5 tetor, në ndeshjen e Ligue 1 kundër Nice në Stade Louis II.

Ndërkohë, rikthimi në sfidën e së shtunës kundër Lorient shihet më pak i mundshëm.

Ish-mesfushori i Juventusit nuk ka luajtur një ndeshje zyrtare që prej 3 shtatorit 2023, kur u aktivizua ndaj Empolit.

Pak javë më vonë, ai u pezullua për doping dhe u dënua fillimisht me katër vite jashtë fushave. Megjithatë, në tetor 2024, Gjykata e Arbitrazhit Sportiv uli ndalimin në 18 muaj, që skadoi më 11 mars 2025.

Pas ndarjes me Juventusin, Pogba refuzoi një transferim në MLS dhe verën e kaluar nënshkroi një kontratë dyvjeçare me Monacon, e vlefshme deri më 30 qershor 2027.

Klubi monegask e ka regjistruar 31-vjeçarin edhe për Ligën e Kampionëve, ku pritet të rikthehet në tetor.

Ky rikthim do të shënojë një moment të rëndësishëm për kampionin e botës 2018, i cili synon të rifitojë formën dhe të lërë pas periudhën më të vështirë të karrierës së tij./S.K/KP/CNN/

Continue Reading

Lajmet

Aksident me fatalitet në Blagaj të Pejës

Published

on

By

Aksident i rëndë me fatalitet ka ndodhur sot në fshatin Blagaj të Pejës.

Raportohet nga mediat se në aksident janë përfshirë një veturë dhe një katërçikletë.

Si pasojë e këtij aksidenti raportohet se janë lënduar dy persona ndërsa një tjetër ka ndërruar jetë.

Në vendin e ngjarjes kanë dalë njësitet policore, teksa të lënduarit janë dërguar me urgjencë për trajtim në emergjencën e Spitalit Rajonal të Pejës.

KosovaPress ka kontaktuar me Policinë e Kosovës për të marrë më shumë informacione lidhur me rastin./D.B/KP

Continue Reading

Lajmet

​Legjenda e Barcelonës njofton pensionimin nga futbolli

Published

on

Mesfushori i Inter Miami, Sergio Busquets, ka bërë të ditur se do të tërhiqet nga futbolli në fund të këtij sezoni, duke i dhënë fund një karriere gati 20-vjeçare.

37-vjeçari e bëri njoftimin përmes një videoje në Instagram, ku falënderoi Barcelonën, kombëtaren spanjolle, Inter Miamin, shokët e skuadrës, tifozët dhe familjen e tij.

“Ndjej se ka ardhur koha t’i them lamtumirë karrierës sime si futbollist profesionist. “Kanë kaluar pothuajse 20 vjet duke shijuar këtë histori të pabesueshme për të cilën gjithmonë kam ëndërruar”, tha Busquets.

Busquets ishte një figurë kyçe te Barcelona për 14 vite, me mbi 700 paraqitje dhe 32 trofe të fituar, përfshirë 9 tituj të La Ligës dhe 3 Liga të Kampionëve.

Me Spanjën, ai regjistroi 143 ndeshje dhe fitoi Kupën e Botës 2010 dhe Euro 2012.

“Nuk e di se sa gjatë do të luajë Busi, por mendoj se ai është një nga mesfushorët më të mirë në histori… Shpresojmë që ai do të na ndihmojë në fazën eliminatore sepse është një lojtar kyç”, tha trajneri i Inter Miami, Javier Mascherano.

Busquets, i njohur për inteligjencën taktike dhe pasimet e sakta, është aktualisht lojtari me më shumë minuta të luajtura për Inter Miami këtë sezon./S.K/KP/

 

Continue Reading

Të kërkuara