Lajmet

Vriten tre punonjës të mediave gjatë një sulmi izraelit në Liban

Published

on

Një sulm ajror izraelit ndaj një kompleksi ku qëndrojnë gazetarët në juglindje të Libanit ka vrarë tre punonjës të mediave, raportoi Agjencia Kombëtare e Lajmeve, media shtetërore e Libanit.

Stacioni lokal i lajmeve, Al Jadeed, ka publikuar pamje nga vendi i ngjarjes, që tregonin ndërtesa të rrëzuara dhe vetura, ku shkruhej PRESS, të mbuluara nga rrënojat. Ushtria izraelite nuk kishte lëshuar një paralajmërim para këtij sulmi.

Televizioni pan-arab me bazë në Bejrut, Al-Mayadeen TV, tha se dy punonjës të tij – kameramani Ghassan Najar dhe tekniku i transmetimit Mohammed Rida – ishin në mesin e gazetarëve të vrarë mëngjesin e 25 tetorit. Televizoni Al-Manar i Hezbollahut – grup militant dhe parti politike që kontrollon shumicën e jugut të Libanit – tha se kameramani Wissam Qassim u vra po ashtu gjatë sulmit ajror në rajonin Hasbaja.

Ali Shoeib, korrespondent i njohur i Al-Manarit, që raporton nga jugu i Libanit, u pa në një video duke incizuar veten me telefon dhe duke thënë se kameramani me të cilin kishte punuar për muaj të tërë ishte vrarë. Shoeib tha se ushtria izraelite e dinte e zona që u godit kishte disa shtëpi ku gjendeshin gazetarë të organizatave të ndryshme mediale.

Rajoni Hasbaja nuk ka përjetuar shumë dhunë, e cila është parë përgjatë kufirit, dhe shumë gazetarë tani janë zhvendosur aty për shkak të sulmeve izraelite në qytetin e afërt Marjajun. Më herët gjatë kësaj jave, një sulm ajror goditi zyrat e Al-Mayadeenit në periferi të Bejrutit, sipas Ministrisë libaneze së Shëndetësisë./UBTnews/

Lajmet

Në përfundim të Samitit të SEECP, Begaj kritikon sanksionet ndaj Kosovës: “Janë të padrejta dhe ndëshkojnë qytetarët”

Published

on

By

Presidenti i Shqipërisë, Bajram Begaj, ka shprehur shqetësimin për sanksionet e Bashkimit Evropian ndaj Kosovës, duke i cilësuar ato si të padrejta dhe me pasoja të drejtpërdrejta për qytetarët.

Deklarata e tij u bë pas përfundimit të Samitit të Procesit të Bashkëpunimit të Evropës Juglindore (SEECP), ku Begaj konfirmoi se Serbia dhe Bosnja e Hercegovina refuzuan të nënshkruajnë deklaratën e përbashkët të Tiranës, ndërsa të gjitha vendet e tjera anëtare e miratuan atë.

“Bashkëpunimi rajonal për ne është i rëndësishëm, sepse çdo zgjidhje paqësore dhe përmes dialogut sjell zhvillim, stabilitet dhe paqe në rajon,” tha Begaj. Ai vlerësoi miratimin e “Deklaratës së Tiranës” si një hap domethënës, edhe pse Serbia dhe Bosnja e Hercegovina refuzuan ta mbështesin.

Në fjalën e tij, Presidenti shqiptar vuri theksin tek nevoja për të hequr sanksionet e BE-së ndaj Kosovës, duke thënë se ato nuk i drejtohen politikanëve, por qytetarëve, të cilët po privohen nga shërbimet publike cilësore.

“Është një çështje që duhej zgjidhur shumë kohë më parë. Nesër është shumë vonë,” tha ai.

Begaj gjithashtu komentoi mbi pretendimet e Beogradit dhe Sarajevës për çështje sigurie, duke theksuar se koncepti i sigurisë duhet të kuptohet si universal.

“Siguria nuk është vetëm brenda shtëpisë sonë. Çdo zhvillim global, si agresioni i Rusisë ndaj Ukrainës, ka pasoja për të gjithë botën,” tha presidenti.

Në përmbyllje, Begaj ritheksoi se Shqipëria mbetet e përkushtuar ndaj bashkëpunimit rajonal dhe vlerave evropiane si rruga e vetme drejt një të ardhmeje më të qëndrueshme për rajonin.

Continue Reading

Lajmet

Në 82-vjetorin e lindjes së Ukshin Hotit, kujtohet jeta dhe vepra e tij

Published

on

By

Sot shënohet 82-vjetori i lindjes së intelektualit, filozofit dhe veprimtarit të shquar Ukshin Hoti. Me këtë rast, Komisioni Qeveritar për Persona të Zhdukur ka organizuar një sërë aktivitetesh përkujtimore, kulturore dhe akademike në Krushë të Madhe, për të nderuar figurën e tij dhe për të rikujtuar angazhimin e pandalshëm për zbardhjen e fatit dhe vendndodhjes së tij.

Në orët e paradites, familjarë, përfaqësues institucionalë dhe qytetarë vizituan Shtëpinë Muze të Ukshin Hotit, duke sjellë homazhe dhe kujtime për jetën dhe veprën e tij. Më pas, në po të njëjtin vend, u mbajt një tribunë ku u diskutua mbi kontributin e tij filozofik, politik dhe kombëtar.

Në kuadër të aktivitetit përkujtimor, gjatë ditës u mbajt edhe një ceremoni për nder të ditëlindjes së tij, ku pjesëmarrësit ritheksuan domosdoshmërinë për zbardhjen e fatit të Ukshin Hotit, i cili u zhduk në mënyrë misterioze në vitin 1999, pas lirimit nga burgu i Dubravës.

Në orët e mbrëmjes, do të hapet një ekspozitë me fotografi të rralla që dokumentojnë jetën e tij dhe angazhimin për çështjen kombëtare. Aktivitetet përmbyllen me ceremoninë e ndarjes së dekoratës komunale “Ukshin Hoti”, një simbolikë nderimi për figurat që kanë lënë gjurmë në historinë dhe ndërgjegjen kolektive të vendit.

Continue Reading

Lajmet

Presidentja Osmani nis vizitën zyrtare në Hungari

Published

on

By

Presidentja e Republikës së Kosovës, Vjosa Osmani, sot nis një vizitë zyrtare në kryeqytetin hungarez, Budapest.

Në shenjë mirëseardhjeje për Presidenten Osmani, një nga urat kryesore të qytetit është zbukuruar me flamuj të Kosovës, duke i dhënë kësaj vizite një simbolikë të veçantë.

Kjo është vizita e dytë zyrtare e Osmanit në Hungari, pas asaj të realizuar në nëntor të vitit të kaluar.

Continue Reading

Lajmet

Kuvendi mblidhet për seancën e 33-të

Published

on

By

Seanca e 33-të për konstituimin e Kuvendit të Kosovës mbahet sot nga ora 10:00.

Kjo seancë vjen pas dështimit të mbledhjes së kaluar, ku mungesa e votave pengoi formimin e komisionit të fshehtë.

Në seancën e 32-të, kryesuesi Avni Dehari ndërpreu punimet menjëherë pas konstatimit se nuk ishte arritur shumica e nevojshme për të ecur përpara me procedurat.

Rendi i ditës mbetet i njëjtë, ndërsa vëmendja është përqendruar në atë nëse deputetët do të arrijnë të gjejnë konsensus për të zhbllokuar këtë proces të stërzgjatur.

Continue Reading

Të kërkuara