Kronikë e zezë

Vrasja në Bellanicë të Malishevës, ngrihet aktakuzë ndaj një personi

Sipas aktakuzës, ndër tjera ceket se i pandehuri I.Z., më 20.09.2023 në fshatin Bellanicë, Komuna e Malishevës, me dashje ka privuar nga jeta të ndjerin A.B.

Published

2 years ago

February 12, 2024

Betim Gashi

Prokuroria Themelore në Gjakovë ka ngritur aktakuzë, kundër të pandehurit I.Z., për veprën penale “Vrasja’’ dhe për veprën penale “Mbajtja në pronësi, kontroll ose posedim i paautorizuar i armëve’’,.

Sipas aktakuzës, ndër tjera ceket se i pandehuri I.Z., më 20.09.2023 në fshatin Bellanicë, Komuna e Malishevës, me dashje ka privuar nga jeta të ndjerin A.B.

“Në ditën kritike i pandehuri derisa ka qenë në lokal, vëren të ndjerin se kishte arritur në parking, i pandehuri afrohet tek automjeti i të ndjerit dhe me armën e tipit revolen SIG SAUER –P320, shtënë pesë here në kokën e tani të ndjerit, viktima bie përtokë, i pandehuri vazhdon duke shtënë edhe dy herë prapë në drejtim të tij, përderisa trupi ishte i shtrirë për tokë, e ku nga plagët e marra i ndjeri ndërron jetë në vendin e ngjarjes, derisa i pandehuri largohet me veturë e tij nga vendi i ngjarjes dhe lajmërohet në polici. Po ashtu, sipas aktakuzës ndër tjera cekët se i pandehuri I.Z., gjerë me dt.20.09.2023, në fshatin Bellanicë – Komuna e Malishevës, ka mbajtur në pronësi, kontroll dhe posedim të paautorizuar të armës SIG SAUER – P320, fishek të kalibrit 9×19 mm, në dy pako, një karikator me 7 fishekë të kalibrit 9×19 mm, me cilën armë ka kryer veprën e përshkruar më lartë, me ç’rast e njëjta armë dhe municioni janë sekuestruar nga ana e zyrtarëve policor. Prokurori i çështjes me rastin e ngritjes së aktakuzës, i ka propozuar gjykatës që të pandehurin ta shpallë fajtor dhe të dënohet sipas ligjit për veprat penale të cilat i vihen në barrë”, thuhet në njoftimin e gjykatës.

Related Topics:Malishevë Prokuroria Themelore Gjakovë

Up Next

Një foshnje tremuajshe u dërgua pa shenja jete në Spitalin e Gjakovës

Don't Miss

25 vjet burgim ndaj të akuzuarit për vrasjen e bashkëshortes më 2016

Kronikë e zezë

Dy të arrestuar në Obiliq për armëmbajtje pa leje

Published

7 seconds ago

February 20, 2026

UBTNews

Sipas raportit të Policisë se Kosovës, në 24 orët e fundit janë regjistruar dy raste të armëmbajtjes pa leje në Obiliq.

Rasti i parë ka ndodhur në fshatin Mazgit, Obiliq, ku është arrestuar një burrë i dyshuar, pasi gjatë kontrollit policor i është gjetur dhe sekuestruar një revole me 16 fishekë. Me vendim të prokurorit, pas intervistimit, i dyshuari është liruar në procedurë të rregullt.

Ndërkaq, në rrugën “Guri i Plakës” në Obiliq, është arrestuar një tjetër burrë i dyshuar, pasi gjatë kontrollit i është gjetur dhe konfiskuar një revole me 26 fishekë. Edhe në këtë rast, me vendim të prokurorit, i dyshuari është liruar në procedurë të rregullt, ndërsa rasti vazhdon në procedurë të rregullt.

Kronikë e zezë

Tri raste të substancave narkotike në Podujevë, Fushë Kosovë dhe Prishtinë – një person në mbajtje

Published

6 minutes ago

February 20, 2026

UBTNews

Sipas raportit të Policia e Kosovës, në 24 orët e fundit janë regjistruar tri raste të ndara të posedimit të paautorizuar të substancave të dyshuara narkotike në Rajonin 01.

Në Podujevë, gjatë një kontrolli policor tek një i dyshuar, janë gjetur dhe sekuestruar 0.87 gramë substancë që dyshohet të jetë kokainë. Me vendim të prokurorit, i dyshuari është intervistuar dhe më pas është liruar në procedurë të rregullt. Rasti ka ndodhur në rrugën “Hakif Zejnullahu”.

Në Fushë Kosovë, policia ka sekuestruar 3.92 gramë substancë që dyshohet të jetë marihuanë, të cilat janë gjetur gjatë kontrollit tek një i dyshuar. Edhe në këtë rast, pas intervistimit, i dyshuari është liruar në procedurë të rregullt. Ngjarja është regjistruar në rrugën “Besa Besë”.

Ndërkaq, në Prishtinë, një person është arrestuar pasi gjatë kontrollit në lokalin e tij janë gjetur dhe konfiskuar 4 gramë substancë që dyshohet të jetë kokainë, një peshore digjitale, tre fishekë për revole, 1,300 euro para të gatshme dhe dy telefona mobilë. Me vendim të prokurorit, i dyshuari është dërguar në mbajtje. Rasti ka ndodhur në rrugën “Andrea Gropa”.

Lajmet

Arrestohen katër persona për mashtrim milionësh me prona në Prishtinë

Published

18 hours ago

February 19, 2026

UBTNews

Katër persona janë arrestuar nën dyshimin për përfshirje në një skemë mashtrimi dhe falsifikimi dokumentesh që dyshohet se ka rezultuar me përfitim të kundërligjshëm mbi 1.5 milion euro, ka njoftuar Policia e Kosovës.

Sipas Policisë, më 19 shkurt 2026, hetuesit nga Drejtoria për Hetimin e Krimeve Ekonomike dhe Korrupsionit (DHKEK), pas një pune të gjatë operative dhe hetimore, kanë siguruar prova që implikojnë të dyshuarit me inicialet M.M., Sh.B., D.R. dhe B.Zh. në veprat penale të mashtrimit, falsifikimit të dokumenteve dhe legalizimit të përmbajtjes së rreme.

“Përmes veprimeve të kundërligjshme, përfshirë falsifikimin e dokumenteve si pasaportë e Serbisë dhe dokumente të tjera dhe duke i përdorur ato si të vërteta, si dhe duke prezantuar një person të rrejshëm si person real, të dyshuarit kanë arritur të tjetërsojnë-shesin përmes noterit pronën e ankuesit M.T., në sipërfaqe prej 36.28 ari”, thuhet në njoftimin e Policisë.

Sipas të dhënave zyrtare, prona dyshohet se është shitur tek blerësi H.M. me pretendimin se dokumentacioni ishte i rregullt dhe ligjor. Në këmbim të kësaj shitjeje, të dyshuarit dyshohet se kanë përfituar shumën prej 1,578,180.00 euro.

Me urdhër verbal të prokurorit të rastit janë realizuar kontrolle në pesë lokacione të ndryshme, ku janë gjetur dhe sekuestruar 9,000 euro para të gatshme, të cilat do të shërbejnë si provë materiale në procedurat e mëtejme.

Të dyshuarit po hetohen për veprat penale “mashtrimi” , “falsifikimi i dokumenteve” dhe “legalizimi i përmbajtjes së rreme”.

Pas intervistimit në prani të avokatëve mbrojtës dhe konsultimit me prokurorin nga Prokuroria Themelore në Prishtinë – Departamenti i Përgjithshëm, të dyshuarve u është caktuar masa e ndalimit prej 48 orësh, raportoi Policia.

Kronikë e zezë

Aksident trafiku me fatalitet në Mitrovicë

Published

23 hours ago

February 19, 2026

UBTNEWS

Sipas raportit 24-orësh të Policisë se Kosovës, një person ka humbur jetën si pasojë e një aksidenti trafiku në fshatin Kutllovc, në Mitrovicë.

Dyshohet se viktima burrë, derisa po drejtonte automjetin, nga pakujdesia ka humbur kontrollin dhe ka dalë jashtë rruge. Si pasojë e aksidentit ai ka pësuar lëndime të rënda trupore.

Vdekja e tij është konfirmuar në vendin e ngjarjes nga ekipi mjekësor.

Me urdhër të prokurorit, trupi i pajetë është dërguar në Instituti i Mjekësisë Ligjore për obduksion, ndërsa rasti po hetohet nga organet kompetente.