Lajmet

Vrasja e Presidentit të Haitit, çfarë ndodhi 36 orë pas ekzekutimit?

CNN zbardh dinamikën e ngjarjes

Published

5 years ago

on

Edhe pasi kishin kaluar orë nga vrasja e presidentit të Haitit, në portin e Princit ende dëgjoheshin të shtëna me armë zjarri. Por këtë herë, kishte nisur ndjekja e vrasësve. Teksa plumbat kanë lënë shenjat në mure, në betejën me sulmuesit, njëri prej tyre telefonon të motrën.

“Ai më tha se ishte në shtëpi”, thotë ajo. “Por ishte mes një zjarri, duke luftuar”, vazhdon Jenny, duke shtuar se ai nuk është një vrasës, vetëm 36 orë pasi një grup prej 20 kolumbianësh dhe 2 haitiano-amerikanë u lidhën me vrasjen e presidentit. Shumica prej tyre ose ishin të dënuar ose të deklaruar të vdekur më herët.

Ja çfarë ndodhi, sipas një burimi që ka dijeni për operacionin për kapjen e tyre. Videot e orëve të natës pas vrasjes së presidentit u bënë shpejt virale në internet.

Mund të dëgjosh që të dyshuarit si vrasës bërtasin në qytet se po zhvillohet një operacion i DEA-s amerikane. Më pas, një konvoj me 5 makina shihet që largohet lehtësisht nga zona. Por në fund të rrugës, i ngrihet një kurth. Teksa konvoji largohej drejt rrugës Kenscoff, i zihet rruga. Janë forca të sigurisë të armatosur rëndë, që nuk e lënë të vazhdojë rrugën, jo pa luftuar. Duke e ditur se nuk kanë nga të shkojnë, konvoji ndalon, sic shihet në video. Burimi thotë se të dyshuarit dolën nga makina në këtë godinë përtej rrugës. Nisën të ngjisin shkallët drejt katit të dytë.

“Pikërisht në këtë godinë, mercenarët e dyshuar si vrasës nisën të mbrojnë veten. Por në të njëjtin moment që ata erdhën këtu, sipas burimit tonë, forcat e sigurisë së Haitit, po merrnin një vendim të rëndësishëm. Ata e dinin se sulmuesit nuk kishin ushqim, ujë, municione dhe nuk kishin pushtet. Ndaj, ata vendosën që t’i presin”, shprehet Matt Rivers, gazetar i Cnn Haiti.

12 orë më pas, thuajse pas pjekjes nën temperaturat ekstreme të Haitit, autoritetet hodhën para godinës gaz lotsjellës. Ishte mjaftueshëm për të nisur negociatat dhe kolumbianët brenda godinës, nxorrën jashtë 4 vetë. Mes tyre, edhe 2 haitiano-amerikanët dhe 2 pengje vendase, të dy policë të rrëmbyer në shtëpinë e presidentit, pasi vranë këtë të fundit.

“Sipas burimit tonë, në këtë pikë të negociatave, që qëndronin ende këtu, dolën jashtë godinës dhe nisën t’i drejtohen kodrës nga pas. Pak nga pak e bënë rrugën deri në një destinacion të panjohur”, shprehet Matt Rivers, gazetar i Cnn Haiti.

Vetëm 100 metra mbi kodër, nga godina, qëndronte ambasada tajvaneze. Burimi ynë mendon se kolumbianët shkuan atje sepse për policinë është e vështirë të hynë në një ndërtesë të tillë, pa imunitet diplomatik apo leje zyrtare.

“Në mënyrë që të arrinin këtu në ambasadë, ata do të duhej të ecnin përmes një zone goxha të populluar dhe sipas burimit, dikush telefonoi autoritetet se një grup i armatosur rëndë ishte aty. Kur ata mbërritën tek ambasada, gjetën një godinë bosh, që ruhej nga dy roje, të cilët i lidhën”, shton Matt Rivers, gazetar i Cnn Haiti.

Forcat e sigurisë rrethuan menjëherë ambasadën dhe nisën të studiojnë godinën, ku ishin mbyllur vrasësit e dyshuar. Ishte koha për të ndërhyrë. Një grup i vogël sulmuesish iu drejtuan katit nëntokë. Por menjëherë u përballën me zjarrin, që nisi grupi i kolumbianëve nga brenda godinës, siç dëgjohet në video.

Përplasja me armë zgjati thuajse 1 orë, me plumbat që thyen xhamat e shkatërruan muret e ambasadës. Në fund, qeveria tha se në përleshjen e armatosur mbetën të vrarë së paku 3 kolumbianë. Ditën tjetër, me autorizimin e Tajvanit, autoritetet hynë brenda në ambasadë. Burimi thotë se autoritetet kontrolluan pamjet e kamerave të sigurisë, ku numëruan brenda në dhomë kishin qenë mbi 20 kolumbianë, disa u dorëzuan pa luftuar. Më shumë se gjysma ende nuk janë gjetur.

Related Topics:
Continue Reading

Vendi

Bypass apo stent? Kur kirurgjia e zemrës bëhet zgjedhja më e përshtatshme për pacientin

Published

14 hours ago

on

August 19, 2026

By

Shëndeti i zemrës nuk përcaktohet vetëm nga një diagnozë, por nga kompleksiteti i dëmtimeve, gjendja e përgjithshme e pacientit dhe mënyra më e sigurt për të rikthyer qarkullimin e duhur të gjakut në muskulin e zemrës. Për këtë arsye, jo çdo problem i arterieve koronare mund të zgjidhet me vendosjen e një stenti apo vetëm përmes trajtimit medikamentoz.

Në rastet kur bllokimet janë të shumta, të përhapura ose anatomikisht komplekse, kirurgjia e bypass-it mund të jetë një alternativë e rëndësishme terapeutike, e cila vendoset pas vlerësimit të plotë të pacientit nga ekipi specialistik.

Pikërisht për këtë çështje, Dr. Sulejman Kusi, specialist i kardiologjisë/kardiokirurgjisë në United Hospital, shpjegon se vendimi ndërmjet stentit dhe bypass-it duhet të bazohet në karakteristikat konkrete të sëmundjes koronare dhe në gjendjen e përgjithshme shëndetësore të pacientit. Zgjedhja e trajtimit nuk është një vendim që merret në mënyrë të njëjtë për të gjithë, por kërkon ekzaminime, vlerësim të enëve koronare dhe gjykim të specializuar mjekësor.

Rikuperimi pas bypass-it kërkon kujdes dhe disiplinë

Pas një operacioni bypass, rikthimi në aktivitetet e përditshme është një proces gradual. Kujdesi për plagën operative, aktiviteti fizik i kontrolluar dhe ushqyerja e shëndetshme janë pjesë të rëndësishme të periudhës së rikuperimit.

Pacientët këshillohen që plagën operative ta mbajnë të pastër dhe të thatë, të ecin çdo ditë sipas udhëzimeve të mjekut dhe të kryejnë ushtrimet e frymëmarrjes pa e sforcuar organizmin. Po ashtu, një regjim ushqimor i balancuar, me më shumë fruta, perime dhe peshk dhe me kufizim të kripës së tepërt, mund të jetë pjesë e rëndësishme e kujdesit afatgjatë për shëndetin kardiovaskular.

Rikuperimi kërkon durim, terapi dhe monitorim

Periudha pas operacionit të zemrës nuk duhet parë si një kthim i menjëhershëm në ritmin e mëparshëm të jetës. Ajo kërkon disiplinë, durim dhe ndjekje të vazhdueshme mjekësore. Ecja e përditshme, ushtrimet e frymëmarrjes, marrja e rregullt e terapisë së përshkruar dhe pushimi i mjaftueshëm janë ndër elementet që mund ta mbështesin rikuperimin.

Në javët e para mund të shfaqen lodhje, shqetësime të menaxhueshme në kraharor, çrregullime të gjumit apo ulje e oreksit. Megjithatë, çdo simptomë e re, e fortë ose që përkeqësohet duhet t’i komunikohet ekipit mjekësor dhe nuk duhet të trajtohet vetëm me vetëkujdes.

Mosha e shtyrë nuk është kriteri i vetëm për kirurgjinë

Një prej pyetjeve të rëndësishme për pacientët dhe familjarët është nëse operacioni në zemër është i sigurt te personat në moshë të shtyrë. Sipas Dr. Sulejman Kusit, mosha në vetvete nuk e përcakton sigurinë e ndërhyrjes. Vlerësimi duhet të marrë parasysh gjendjen e përgjithshme shëndetësore, funksionimin e organeve, sëmundjet shoqëruese, gjendjen e zemrës dhe kompleksitetin e problemit koronar.

Për këtë arsye, vendimi për ndërhyrje kirurgjikale duhet të merret individualisht, pas një vlerësimi të plotë specialistik dhe pas peshimit të përfitimeve dhe rreziqeve për secilin pacient.

Në fund, mesazhi kryesor është i qartë: kujdesi për zemrën nuk përfundon me ndërhyrjen kirurgjikale. Bypass-i apo stenti mund të jenë pjesë e trajtimit, por kontrolli i faktorëve të rrezikut, terapia e përshkruar, aktiviteti fizik i përshtatur dhe ndjekja mjekësore mbeten thelbësore për shëndetin afatgjatë.

Për informacione dhe konsultime në United Hospital:
📞 038 60 70 70 / 046 60 70 70

Vendimi ndërmjet trajtimit medikamentoz, stentit dhe bypass-it duhet të merret vetëm nga mjeku/ekipi specialistik pas vlerësimit individual të pacientit./rajonipress/

Continue Reading

Vendi

Në Zubin Potok identifikohen mbetje kockore të së paku 23 personave

Published

14 hours ago

on

August 19, 2026

By

Prokuroria Speciale dhe Instituti i Mjekësisë Ligjore thanë se në Zubin Potok, në lokacionet ku dyshohet se ka varre masive, bazuar në vlerësimet preliminare janë identifikuar mbetje kockore që dyshohet se u përkasin të paktën 23 individëve.

“Identifikimi i plotë do të bëhet pas përfundimit të ekzaminimeve mjeko-ligjore dhe procedurave përkatëse”, u tha në njoftim.

Kryeministri në detyrë i Kosovës, Albin Kurti, më herët kishte deklaruar se mbetjet mortore të gjetura në Kalludër të Vogël, mund t’u përkasin grupit të 23 shqiptarëve që ishin zhdukur në atë pjesë të Kosovës në vitin 1999.

Ky grup, i njohur si “grupi i intelektualëve të Mitrovicës” është i zhdukur që nga 19 prilli i vitit 1999. Në mesin e tyre kishte mjekë, profesorë, avokatë dhe profile të tjera.

Gërmimet në Zubin Potok nisën më 28 korrik dhe gërmimet janë kryer në Kalludër të Vogël, Jakubë dhe në një lokacion tjetër në këtë komunë, në veri të Kosovës.

Gërmimet nisën pas një hetimi dyvjeçar lidhur me dyshimet për krime lufte.

Më 15 gusht, autoritetet kishin njoftuar se në Kalludër ishin gjetur mbetje eshtërore të të paktën tre personave.

“Aktualisht, lidhur me këtë rast janë duke u hetuar tre persona J.R., M.J dhe M.B. nën dyshimin për kryerjen e veprës penale ‘Krime lufte kundër popullsisë civile’, të cilët ndodhen në masën e paraburgimit”, tha Prokuroria Speciale e Kosovës.

Njëri nga të arrestuarit, sipas autoriteteve, dyshohet se në kohën e luftës kishte qenë pjesë aktive e Armatës Jugosllave.

Sipas Institutit të Krimeve të Kryera Gjatë Luftës në Kosovë, 1.577 persona vazhdojnë të jenë të zhdukur nga lufta e viteve 1998-1999, ndërsa janë dokumentuar gjithsej 12.230 viktima të luftës.

Kosova ka kërkuar vazhdimisht nga Serbia bashkëpunim për zbardhjen e fatit të personave të zhdukur dhe qasje në arkivat ushtarake që sipas autoriteteve mund të ndihmojnë në identifikimin e lokacioneve të varreve të mundshme.
/REL/

Continue Reading

Vendi

PDK i kërkon përseri Avni Deharit vazhdimin e seancës konstituive më 20 gusht

Published

15 hours ago

on

August 19, 2026

By

Deputetët e Partisë Demokratike të Kosovës (PDK) i kanë dërguar kërkesë zyrtare kryesuesit të seancës konstituive, Avni Dehari, për të thirrur vazhdimin e seancës ditën e enjte, më 20 gusht.

Përmes një letre, PDK-ja ka theksuar se caktimi i seancës është një obligim kushtetues dhe procedural i kryesuesit, duke paralajmëruar se vonesat e mëtejshme thellojnë shkeljet ligjore.

“Moskonstituimi i Kuvendit brenda afatit të përcaktuar tashmë ka krijuar një situatë të rëndë të shkeljes së Kushtetutës dhe të mosrespektimit të aktgjykimeve të Gjykatës Kushtetuese. Mosrespektimi i afateve dhe procedurave të përcaktuara me Rregulloren e Kuvendit vetëm sa e thellon më tej këtë situatë”, ,thuhet në kërkesen e PDK-së.

Kjo kërkesë vjen në kuadër të aksioneve të vazhdueshme të PDK-së, deputetët e së cilës po protestojnë çdo mëngjes para Qeverisë dhe po mblidhen çdo dy ditë në sallën e Kuvendit.

Në anën tjetër, që nga vazhdimi i fundit më 8 gusht, kryesuesi Avni Dehari nuk ka thirrur seancë të re, duke mbështetur qëndrimin e kryetarit të Lëvizjes Vetëvendosje, Albin Kurti, se pa një marrëveshje politike seancat mbeten “shterpe”. Kurti ka kërkuar më shumë kohë për negociata, me arsyetimin se pa një dakordim për postin e presidentit, vendi do të shkojë pashmangshëm në zgjedhje të reja.

Përderisa PDK-ja dhe AAK-ja kanë refuzuar takimet me Kurtin, ky i fundit ka zhvilluar negociata me Lidhjen Demokratike të Kosovës (LDK), përfshirë një takim me liderin e saj, Lumir Abdixhiku, për të diskutuar rreth çështjes së presidentit. Ndërkohë, afati kushtetues 30-ditor për konstituimin e Kuvendit pas certifikimit të rezultateve tashmë ka kaluar. /E.A/

Continue Reading

Lajmet

Murici dhe Vojvoda shkëlqejnë në Kupën e Italisë: Zënë vend në formacionin e javës

Published

16 hours ago

on

August 19, 2026

By

Dyshja e kombëtares së Kosovës, Arijanet Muric dhe Mërgim Vojvoda, kanë dhënë paraqitje të shkëlqyera në Kupën e Italisë, duke u përfshirë në formacionin më të mirë të javës sipas platformës së specializuar të statistikave, SofaScore.

Portieri Arijanet Muric dhuroi një paraqitje të nivelit të lartë në fitoren 3-0 të Sassuolos ndaj Cesenas, duke u vlerësuar me notën e lartë 8.7.

Nga ana tjetër, mbrojtësi Mërgim Vojvoda po ashtu ishte vendimtar në triumfin e Udineses kundër Padovas me rezultat 1-0, ku për performancën e tij u shpërblye me notën 8.3.

Përfshirja e të dy futbollistëve kosovarë në 11-shen më të mirë konfirmon formën e tyre të mirë në fillim të këtij edicioni në futbollin italian. /E.A/

Continue Reading

Të kërkuara