Lajmet

​Vonesa në numërimin e votave, KQZ kritikohet për dështim dhe shkelje ligjore

Published

on

Komisioni Qendror i Zgjedhjeve fillimisht kishte planifikuar që numërimi i votave të kandidatëve për deputetë dhe rikonfirmimi për subjektet politike të niste sot në Qendrat Komunale të Numërimit në gjithë vendin, por kjo nuk ndodhi.

Ky numërim sot po nis nga ora 16:00 vetëm në 4 komunat e Kosovës, saktësisht në Prishtinë, Lipjan, Obiliq e Partesh, ndërsa 34 komunat tjerë numërimi pritet të nis nesër.

E vonesat për fillimin e numërimit të votave të subjekteve politike dhe kandidatëve për deputet në Qendrat Komunale të Numërimit po konsiderohet dështim i Komisionit Qendror të Zgjedhjeve dhe shkelje e Ligjit për Zgjedhjet e Përgjithshme nga ky institucion.

Anëtari i Komisionit Qendror të Zgjedhjeve, Arianit Elshani u shpreh se vonesat për fillimin e numërimit të votave në QKN kanë ndodhur për çështje teknike.

Ai insiston që gjithçka nga ky proces numërimi do të publikohet në platformën online të KQZ-së.

Sot ka pasur që të filloj procesi i numërimit në Qendrat Komunale të Numërimit, mirëpo kjo është shtyrë për disa orë për shkaqe teknike dhe logjistike meqenëse jemi duke krijuar gjithë stafin e nevojshëm për të qenë prezent në Qendra Komunale të Numërimit. Kemi bërë të gjitha përgatitjet si KQZ që ky proces të filloj nga ora 16:00 në disa komuna të Kosovës bëhet fjalë për Prishtinën, Obiliqin, Lipjanin dhe Parteshin ku sot nga ora 16:00 do të filloj procesi i numërimit i votave të subjekteve politike dhe kandidatëve. Nuk do të filloj në të gjitha qendrat e përcaktuara komunale për shkak të sigurisë që po na nevojitet neve si KQZ për shkak të pengesave dhe problemeve që kemi pasur gjatë ditës së zgjedhjeve me platformën të cilën si KQZ e përdorë për tabelimin e rezultateve të tjerat do të nisin nga nesër me mëngjes sepse kemi ftuar gjithë akterët tjerë nga qendrat komunale të tjera që nuk fillon numërimi të vijnë që të shohin. Ne po insistojmë dhe jemi të sigurt që do të vazhdojmë me platformën elektronike dhe gjithçka të tablohet në formë të tillë”, u shpreh Elshani.

Anëtari i KQZ-së nga radhët e PDK-së siguron qytetarët dhe subjektet politike se votat janë të sigurta dhe nuk janë prekur.

Dua të siguroj të gjithë qytetarët e Kosovës dhe subjektet politike që votat nuk janë prekur e as nuk preken, janë ato për të cilat ka vendosur qytetari i Kosovës. Por, ajo çka po rrezikohet sot është transmetimi dhe publikimi i këtyre rezultateve për opinionin publik”, theksoi ai.

Por, sipas Institut Demokratik të Kosovës Komisioni Qendror i Zgjedhjeve ka dështuar të filloi me kohë numërimin e votave në Qendrat Komunale të Numërimit, ashtu siç e parasheh ligji.

Vullnet Bugaqku nga KDI thotë se ky dështim po e minon besimin e publikut në punën e Komisionit Qendror të Zgjedhjeve.

Fatkeqësisht KQZ dështoi të filloi me kohë që ta respektoj ligjin dhe që të jetë madje transparente në kuptimin që të tregoj para publikut se pse po ndodh kjo vonesë e fillimit të numërimit të votave të kandidatëve. Dhe ne vlerësojmë që ky lloj dështimi e cenon ose minon besimin e publikut në punën dhe aktivitetin e këtij Komisioni.. Esenciale është fakti që ka dështuar serveri për t’i futur të dhënat e kandidatëve dhe fletëvotimeve në server dhe numërimi i votave të kandidatëve është shqetësues fakti që me gjithë buxhetin e lartë që ka KQZ dhe me gjithë përgatitjet që i ka pasur diku 6 muaj apo 1 vit më herët caktimi i lartë i buxhetit që është bërë për administrimin e suksesshëm të këtyre zgjedhjeve nuk pati sukses. Arsyet janë me gjasë krejt për shkak të mungesës së funksionimit të serverëve, por megjithatë mendoj që KQZ është dashur t’i testoj me kohë këto gjëra dhe sot mos të jemi në një situatë kur dy ditë pas përfundimit pothuajse të numërimit të votave të subjekteve politike ende nuk ka filluar numërimi i votave të kandidatëve”, theksoi ai.

Bugaqku thekson se vonesat në nisjen e këtij procesi mund ta zvarrisë dhe certifikimin e rezultateve të zgjedhjeve të përgjithshme të 9 shkurtit.

Kjo mund të ketë pasoja në certifikimin e rezultateve të zgjedhjeve, në vonesën e certifikimit të rezultateve dhe në vonesën e krijimit të institucioneve…Ka me pas njëfarë lloj humbje të besimit sa i përket mënyrës së besimit të këtij numërimi”, theksoi ai.

Me ligjin e ri për Zgjedhjet e Përgjithshme numërimi i votave të kandidatëve për deputet do të numërohet në Qendrat Komunale të Numërimit të cilat janë në secilën komunë të Kosovës. Ky proces në proceset e kaluara zgjedhor ka ndodhur në Qendrën e Numërimit të Rezultateve.

Më 9 shkurt pas përfundimit të procesit të votimit, Komisioni Qendror i Zgjedhjeve pati telashe me platformën elektronike të saj.

Komisioni Qendror i Zgjedhjeve (KQZ) ka numëruar 99.17 qind për qind të votave nga 2,512 qendra votimi nga gjithsej 2.533, deri në orën 19:10, sipas të cilave vazhdon të prijë Lëvizja Vetëvendosje me 40.83 për qind ose 339 mijë 350 vota.

Partia Demokratike e Kosovës (PDK) renditet e dyta me 22.15 për qind ose 184 mijë e 40 vota, Lidhja Demokratike e Kosovës (LDK) e treta me 17.59 për qind ose 146 mijë 241 vota.

AAK-NISMA-Konservatorët-Intelektualët-Ideal renditet subjekti i katërt me 7.47 për qind ose 62 mijë e 66 vota.

Në zgjedhjet parlamentare të 9 shkurtit të drejtën e tyre për të votuar e shfrytëzuan vetëm 40.59% me të drejtë vote.

Lajmet

Prokuroria Speciale për Mefail Shkodrën: Po hetohet edhe për dy raste, 1 herë u lirua me dorëzani

Published

on

By

Prokuroria Speciale e Kosovës ka njoftuar se po zhvillon hetimet në dy raste të ndara ndaj të dyshuarit për vrasjen e trefishtë në Gjilan, Mefail Shkodrën, i cili njëherë u lirua me dorëzani.

Në komunikatën që ka publikuar Nacionale, bëhet e të ditur se me datë 25 prill 2025, PSRK është njoftuar nga Policia e Kosovës për paraqitjen e një kallëximi penal nga ana e B.H. ndaj të dyshuarit M.Sh.

Ndërsa, tutje nga Prokuroria theksojnë se menjëherë pas pranimit të informatave, në po të njëjtën ditë Prokuroria ka filluar të ndërmarrë veprimet hetimore dhe ka autorizuar hetuesit policorë për ndërmarrjen e masave dhe veprimeve të nevojshme ligjore.

Në këtë rast, Prokuroria nuk ka paraqitur kërkesë për caktimin e masës së paraburgimit, pasi në fazën fillestare të procedurës kanë qenë të nevojshme ndërmarrja e veprime të tjera hetimore me qëllim verifikimin e pretendimeve dhe sqarimin e plotë të rrethanave të rastit. Sipas ligjit, paraburgimi mund të kërkohet dhe të caktohet vetëm kur ekzistojnë prova të mjaftueshme dhe plotësohen kushtet ligjore të parashikuara në Kodin e Procedurës Penale”, shkruhet në njoftimin e tyre.

Derisa, Prokuroria sqaron se në rastin e parë, i dyshuari M.SH dhe E.SH kanë qenë në paraburgim për katër muaj për disa vepra penale, përfshirë fajden dhe detyrimin.

Pas propozimit të avokatëve mbrojtës për zëvendësimin e masës me dorëzani në Gjykatën Themleore në Prishtinë, e njëjta propozimin e tillë e ka përcjell për vlerësim në Prokurori. PSRK-ja pas analizimit të kërkesës, ka dhënë propozimin për ndryshimin e masës së sigurisë, dhe Gjykata ka vendosur zëvendësimin e masës, pasi është vlerësuar se nuk ekzistonin më kushtet ligjore për vazhdimin e paraburgimit”, njofton PK.

Njëkohësisht në kuadër të këtij hetimi, bëhet e ditur se ndaj këtyre të pandehurëve kjo Prokurori ka sekuestuar 9 prona të paluajtshme.

Continue Reading

Lajmet

Lirohen me dorëzani tre të dyshuar për vepra të rënda penale në Gjilan

Published

on

By

Gjykata Themelore në Prishtinë, Departamenti Special, ka miratuar kërkesën e Prokurorisë Speciale të Republikës së Kosovës për zëvendësimin e masës së paraburgimit me masën e dorëzanisë ndaj tre të pandehurve në një rast penal që përfshin veprat “Fajdeja”, “Detyrimi”, “Pjesëmarrja në grup kriminal të organizuar” dhe “Trafikim i armëve”.

Të dyshuarit M.Sh. dhe E.Sh. janë liruar me dorëzani prej 50 mijë dhe 20 mijë euro, ndërsa A.R. me 50 mijë euro, të gjitha të mbuluara përmes hipotekave. Gjykata ka sqaruar se procedura ndodhet ende në fazën paraprake të hetimeve dhe se aktakuza ende nuk është ngritur nga PSRK. Për më shumë detaje, publiku është udhëzuar t’i drejtohet Prokurorisë Speciale.

Continue Reading

Lajmet

Evropa Jugore përfshihet nga vala vdekjeprurëse e të nxehtit

Published

on

By

Nxehtësia vdekjeprurëse deri në 44 gradë Celsius po përvëlon Evropën Jugore , ndërsa shkencëtarët paralajmërojnë për një “koktej molotovi” të kushteve klimatike që po nxisin zjarre të mëdha në të gjithë Mesdheun.

Meteo-France vendosi më shumë se gjysmën e vendit nën paralajmërime për valë të nxehti të hënën në mëngjes, me 12 nga 96 njësi administrative në kontinent nën alarmin më të lartë të kuq, ndërsa Aemet i Spanjës paralajmëroi për “rrezik ekstrem” në Zaragoza dhe Vendin Bask, pasi lëshoi paralajmërime për pothuajse të gjithë pjesën tjetër të vendit.

Të dy agjencitë meteorologjike parashikojnë temperatura mbi 40 gradë Celsius gjatë ditëve në vijim dhe bënë thirrje për vigjilencë mes parashikimeve për një valë të nxehti “shumë intensive, madje të jashtëzakonshme” në disa pjesë të kontinentit.

Temperaturat e larta kanë alarmuar ekspertët, ndërsa zjarrfikësit përpiqen të përmbajnë zjarret shkatërruese.

Në Francë, e cila e vuri nën kontroll zjarrin e saj më të madh që nga viti 1949 të dielën, autoritetet raportuan se një person kishte vdekur në flakë, ndërsa 20 zjarrfikës dhe pesë civilë ishin plagosur.

Në Itali, ku temperaturat prej 40 gradë Celsius pritet të arrijnë në Firence të mërkurën, shtigjet turistike u mbyllën në malin Vezuv të dielën, ndërsa zjarrfikësit luftuan me një zjarr në shpatet e vullkanit.

Në Spanjë , zjarret që shpërthyen në Leon dhe Zamora të dielën detyruan më shumë se 1,000 njerëz të largoheshin nga shtëpitë e tyre, ndërsa zjarre të mëdha vazhduan të digjnin në Galicia.

Continue Reading

Lajmet

Sveçla kërkon hetimin për përfshirjeje të ndonjë polici në rastet e Mefail Shkodrës

Published

on

By

Ministri i Punëve të Brendshme, Xhelal Sveçla, ka urdhëruar Inspektoratin Policor të Kosovës të hetojë çdo përfshirje të mundshme të pjesëtarëve të Policisë së Kosovës në veprimtarinë kriminale të Mefail Shkodrës, i shpallur në kërkim për vrasjen e trefishtë në Gjilan.

Sveçla tha se do të jetë i pakompromis në garantimin e integritetit profesional dhe personal të shërbyesve publikë dhe kërkoi angazhim të plotë ndërinstitucional për të siguruar institucione të besueshme.

Ai theksoi se askush nuk është i paprekshëm dhe kërkoi nga drejtësia që të veprojë me vendosmëri për sundimin e ligjit dhe rendit në vend.

Continue Reading

Të kërkuara